華記潮州滷水車仔麵 (民興大廈)

營業中

休息中

成日經過太子都見到呢間鋪門口都勁多人排隊，身邊嘅朋友食完都話呢間好食，就去試一試；鋪頭嘅座位都算多，上菜嘅速度都好快，所以唔算等咗好耐就入到座。如果大家食得辣嘅話，面嘅湯底可以簡重口味（清湯、滷水、咖喱汁），辣度簡咗少辣，個人都覺得幾辣。🍜牛雜麵👍👍鐘意食牛雜嘅一定要黎呢間到食牛雜面，佢嘅份量勁多，每款牛嘅內臟都俾到兩舊或以上，出面食牛雜面份量都無咁多。牛肺、牛蒡、牛腸、牛肚全部都燜到好入味，特別係牛肚，而牛腸都好邪惡，勁多肥膏。🍜豬雜麵出面好少有得食到豬雜面，呢間都份量都好足料，包括豬潤、粉腸等等，啲內臟都洗得好乾淨，都無食到有異味；如果未試過豬雜面嘅，可以一試！🍜三餸車仔麵（牛筋、豬紅、五香牛肚）👍車仔面嘅餸份量都好多，牛筋口感淡嫩不膩，燜得超入味同稔；而豬紅嘅質感都幾實淨同滑，唔會一夾就爛。🦑新鮮魷魚鬚👍👍魷魚鬚嘅份量極多，食極都有，建議可以同人share食；魷魚鬚嘅醬汁辣得黎又幾惹味，魷魚鬚嘅肉質好爽口，配料仲有好多芫茜同香脆花生。🍤太陽餅👍👍呢個其實係炸蝦餅，外層炸到脆卜卜，內裡蝦膠嘅份量好足料，每舊都食到原隻嘅蝦，配埋附送嘅酸辣醬，真係好開胃！

華記潮州滷味車仔麵，以前在對面街的細舖已經開始幫襯，因為行過聞到好香嘅滷水香味，造成車仔麵，喺香港好似第一次見到今晚特登夜少少先到，因為之前食都要喺外面排隊，今晚等一陣間就有位我朋友揀咗車仔麵：蘿蔔、魚片頭、生菜和油面，女仔嚟講份量已經好大，蘿蔔好大嚿，炆得好好味我揀咗牛雜麵，原來可以揀菜底或者蘿蔔底，我揀咗蘿蔔底，$45 份量超大，性價比冇得輸，蘿蔔真係好正，牛雜依然好入味，最鍾意就係大量蔥放喺面，唔知坊間那些得一匙羹蔥小食揀咗蝦餅，炸完即刻拎上枱，好香好脆，熱辣辣好好味；另外魷魚鬚都好正，秘製嘅汁，少少鹹少少辣，無得彈華記真係好味，性價比高，收費唔貴，味道又好，個滷水車仔麵夠特別，蔥同芫荽都海量比你，真係大滿足

今日我又去咗華記車仔麵食，真係覺得佢係香港最出色嘅車仔麵舖。首先，佢嘅份量真係非常多，一碗車仔麵加上四餸只需58蚊，比起其他出面食嘅米線來講真係抵食得多，而且食材都好新鮮🍜湯底方面真係出色，佢嘅鹵水汁、腩汁同辣椒汁加上芫茜味道層次豐富，同埋油麵夾得好好。🍲兩個人都嗌咗四餸車仔麵（💵$58，加底加$8）我嗌咗牛脷、魷魚鬚、牛小腸同豬心🐖🐂🦑我覺得牛脷同魷魚鬚🦑係必食嘅餸。牛脷🐂唔止係大塊同林口彈牙，仲唔會乾，真係好出色。魷魚鬚唔係用水魷，食落好爽口。不過要留意嘅係佢嘅內臟部分，佢刻意保留咗少少內臟嘅味道，所以如果唔能夠接受呢個味道嘅人就唔好試啦😝我朋友嘗試咗大粒魚蛋、牛肚、牛腩同牛肺🐂佢都話魚蛋好爽口而牛既內臟腍滑爽口而且入味🤤我覺得喺香港嚟講，呢個價錢加上份量真係最出色嘅車仔麵舖，強烈推介大家去試試呀！🥢

今日黎咗華記呢間小店食午餐，黎到嘅時候已經排左勁長嘅人龍係到。呢間鋪頭除左車仔麵之外，佢仲有好特色嘅牛雜宧同豬雜麵揀。掙扎左好耐，我決定今日先試一試牛雜麵。 牛雜河 ($45) 碗麵一上檯已經見到超大碗，俾牛雜都俾得好大方，件件都大大舊! 牛雜有牛肚，牛肺，牛蒡，牛小腸。 牛肚炆我好淋，咬落入口即溶。牛肺無臭味之餘，仲可以保持到爽口感覺。而牛蒡無臭味之餘，仲食到佢本身嘅質感。最後到牛小腸，每一啖都食到牛脂肪嘅香味，十分出色。另外河粉都好滑無斷，好新鮮! 咁普通一碗粉麵都可以煮到咁出色，難怪門口一直都客似雲來。 

響office附近咁耐都未試到，finally終於試到同事們推介嘅華記潮州滷水車仔麵（太子），兩餸$42 （四餸雖然$58咋但太大碗搞唔掂）。叫咗牛肺加牛肉餅油麵扣底（本身少carbs開，重口味好少食，但試一試啦）全部汁小辣走芫荽，整體唔差呀，無論係我食嘅牛肺同牛肉餅（其實即係一塊塊形狀不規則嘅牛丸），定係隔離夾俾我嘅豬紅同金錢肚都有返咁上下水準。btw見到牛膀人地得兩片，佢俾幾舊，好大方！湯底偏向滷水味，飲落帶甜得嚟都算順喉，我幾鐘意；而且佢有蔥而唔臭青味濃又係加分。路經此地，而且又唔使排隊嘅話，值得一試。

情人節我同老公雖然唔係情人，但都要慶祝的，早二日見到朋友講開呢間人氣車仔面，我同老公都係車仔愛好者，所以幕名以來，點知來到都要排隊，排左大約半個鐘，終於可以入座，環境雖然細小，但感覺乾淨，同埋呢到的配料好多，啱曬有選擇困難症的我，我地二個食的野差唔多油面配雞翼尖、腩肉、豬腸（王老吉）油面配牛肚、腩肉、豬腸（王老吉）二碗份量超多，滷水加腩汁超香濃，湯底好甜，芫茜蔥超多份量唔少值得一讚牛肚滷得幾淋幾入味，都幾容易咬開腩肉唔太肥，肥瘦比例剛剛好，滷得好入味豬腸洗得好乾淨，份量又多，一碗有好多舊，好滿足呢程拍拖之旅好滿足，不用食甜品已經可以回家，因為份量真係好大，男士們都會好好足夠

值得推薦的車仔麵，那天晚上到太子工作，剛好看見這間車仔麵店，一般車仔麵有的食材他都能夠提供，值得一讚既係佢有幾個設好既組合，岩曬有選擇困難症的我，我點佐個牛雜三寶車仔麵，老實講中意牛雜既我，佢個牛雜係不過不失，說不上特別，但考慮到4x 幾蚊還可以，伙記好好禮貌，呢個估唔到

平時多數買外賣，今日朋友話想試下，經過門口見到只有兩三個人等位中就試下坐低食先❤️食返佢地嘅招牌—— 牛雜麵入邊有牛肺 / 牛大腸 / 牛肚 / 牛小腸 牛肺 ✅— 粉粉地，無異味👍🏻牛大腸✅ — 外邊嘅腸衣脆脆地加埋入邊滿滿嘅脂肪，食多兩舊真係有啲滯。我建議點少少辣椒油食，同埋如果食得唔夠快，碗面上面好容易會有一塊塊油脂😅一定要食左里款先牛肚✅ — 滷得幾淋幾入味，都幾容易咬開牛小腸 ❌— 唔知佢係使得唔夠乾淨定係點樣？嗰日食嘅牛小腸，全部都有一陣苦味，真係每一舊都有，我最後尾都食淨左麵底 —— 油麵份量算幾多，我係食量大嘅女仔都食唔晒，男生食都一定夠飽朋友食自選四餸麵滷豆腐 —— my 飛佛❤️❤️❤️❤️ 滷得好入味，豆腐又唔會滷到爛晒，必點👍🏻👍🏻✅牛脷—— 里㺫係薄切，滷得幾淋，容易咬開，不過我覺得滷汁唔算入味牛腩 —— 太硬了❌❌❌我嘅阿婆牙真係咬唔開😣😣😣😣最後係夾硬吞咗落去豬心 —— 我無試，朋友說不錯👍🏻菜底 —— 通菜底俾得算幾多涼拌生腸 —— 份量好大，生腸無異味，好乾淨，質感爽爽脆脆，加左啲麻辣油涼拌，味道不錯👍🏻夏天食挺不錯整體來說都會推薦住附近，或者咁啱經過嘅朋友嚟食

一時諗唔到食咩快快脆叫咗個車仔麵~叫咗一碗牛雜麵、泰式無骨鳳爪。無骨鳳爪好好食,食落好爽口唔會好辣!車仔麵好有驚喜,鍾意食牛雜嘅必食!麵底鹼水味幾重,不過我幾鍾意😂

好過份，離晒大譜，唔出聲真係唔得，喺呢間車仔麵叫碗牛腩米，收人$32無加一，咁鬼大碗，唔好話小朋友，連大人都未必食得晒，舊蘿蔔鬼咁大舊，又甜又索晒味，重要無渣👍🏻。果碗豬雜麵，連湯底都飲埋，又濃又好味😋，最抵死係，竟然完全唔會口渴，即係無味精（應該係，除非現在有味精係唔令人口渴）。個辣油勁多芝麻，連我食唔到辣既，都唔抗拒食落去。呢間車仔麵衰得佢，個個員工都好客氣，又好態度，主動關心客人需要。認住佢，一定要認住呢間舖。

見到有人介紹, 專登去試下, 去到餐廳門口有二個人在排隊, 等咗大約15分鐘才入得, 舖頭比較細, 座位不多, 人多時要耐心等下 食物 : 豬雜麵 $55 ~ 專登來試, 不是很多麵店有做, 味道不錯, 好足料, 湯底是滷水加腩汁, 好香濃, 油麵好食, 平時不會叫, 但此店的油麵不油膩, 另加 $7 叫咗可樂 三餸車仔麵 $48 ~ 叫咗粗麵/豬皮/豬紅/豬潤, 味道正常普通, 另加 $10要咗大和豆漿 太陽蝦餅 $40 ~ 有五件, 炸得好香脆 環境 : 茶餐廳格局, 舖頭比較細, 但唔算太迫, 坐位乾淨 地點 : 餐廳在太子, 由MTR行過來約3分鐘, 好方便 服務 : 職員有禮貌, 係講廣東話 價錢 : HK$161/2人 (不收加一服務費)

有一排無食華記…今晚突然心思思想食下佢地個車仔麵…今次(其實次次都點咁上下野🤣🤣)點左蘿蔔…牛餅…炸豆腐…腩肉(瘦版…健康😌)。菜底。成件事感覺好良好😌😌😌食左幾啖…感覺無以前咁好味…雖然牛肉餅同豆腐依然好味。華記最當打應該仲係對面舊舖外賣店。嗰時老細操住潮州口意廣東話(估計係…個舖名有潮州你唔會係山東人卦)…外賣抽到返屋企先食都覺得好好味…自從搬舖後就開始跌watt…今日再跌多左…唉不過好欣賞呢度可以多蔥多茜試完…可以隔多排先再試

講起食牛雜麵，大家有冇考慮過食華記呢？華記是一間潮洲滷水車仔麵，最緊要就係佢係，又平又靚又正⭐⭐⭐⭐⭐今日我自己一個人吃了一碗牛雜麵做我的午餐，他們$45蚊就有交易，注意⚠️餐廳用QR Code 自己落單架，好方便又快捷，又唔洗擔心落錯單😆餐廳製作速度幾快, 5分鐘左右就做好，好有效率，今日牛雜麵有好多料，包括，牛肚，牛肉，牛筋等等，有好多舊比左😱😱好抵食🥰好開心。牛雜麵麵底好大個，麵條好爽口有嚼勁，能夠更好地與湯汁和牛雜相結合，讓整道菜更加美味可口⭐⭐⭐⭐⭐超級好味，好足料牛雜麵，樣樣都有啲牛大腸牛小腸牛肚牛肺❤️❤️❤️❤️❤️

来香港旅游的朋友真要试试这家车仔面！！港式特色地道美食，并且还很平价好吃😋佘诗曼和林盛斌Bob都来吃过🤩🤩发现店里还经常做善事帮助基层群众，真的好棒！！听老板推荐的牛杂油面和太阳虾饼，牛杂面卤味的比较经典，但我口味重喜欢吃辣的就没吃卤味的，下次再来试试！🍜牛杂面有好多款粉面选择，老板推荐的油面果然没错！劲道爽滑😋他们家的香菜给的巨多！香菜爱好者大满足🥳牛杂有肥香的牛肠，弹牙的牛肚和牛旁。份量好大太值了，胃口小的女生一起吃一份都可以👍🏻这个汤底和辣味很符合内地宝宝的口味🥢太阳饼就是虾饼，现炸的上桌后热腾腾香喷喷，外层炸的非常香脆，咬开里面包裹着虾肉，蘸上甜辣酱好好吃😋弹牙爽口，一份有5只我全吃完了🥰📍华记潮州卤水车仔面太子界限街 34號民興大廈 🚇太子 D出口

這間潮洲鹵水車仔麵十分多配料選擇讓人一吃難忘，好多配料都非常小有，值得一試潮洲車仔麵的湯汁味道既鮮美又辣。而麵條則是使用米線，口感柔軟，吃起來非常爽滑。配料方面，潮洲車仔麵選擇牛舌，牛肺，鹵水豆腐，辣選擇重口味大辣，讓整道菜的口感更加豐富，非常適合我重口味人士，加大量蔥同芫荽，簡直一流，牛舌係我每次都會必選的餸菜，推介除了湯汁和配料，潮洲車仔麵的另一個特色是在餐桌上配上辣椒油等調味料，讓客人可以根據自己的口味調整湯汁的味道，讓湯汁的味道更加個性化。華記潮洲鹵水車仔麵絕對是一個不容錯過的選擇！