華記潮州滷水車仔麵 (民興大廈)

營業中

休息中

呢間滷水專門店有幾出名，我諗大家都知，門口經常排滿咗好長嘅人龍，難得今日早收工，就一早過嚟霸定位餐廳係小店格局，店入面坐滿咗人，個個都耷低頭享受美食😆食物選擇方面，你可以自己好似叫車仔麵咁叫餸，另外佢仲有佢招牌嘅豬仔麵牛雜麵俾你揀，仲有幾款特色小食😋我就揀咗個豬雜麵：入面嘅豬雜種類真係好多，連平時少見嘅生腸、豬粉腸都有，佢嘅滷水汁超入味，再沾埋佢嘅潮式辣椒油，真係好😍朋友叫咗個車仔麵，揀咗蘿蔔底，叫咗豬腸、咖喱魚蛋同豬紅，仲揀咗多蔥多芫荽添，蘿蔔真係超級清甜，一啲渣都冇，另外咖喱魚蛋勁大粒🥰最後仲叫咗兩個小食，分別係太陽餅同新鮮魷魚鬚：太陽餅佢炸到外皮好脆；魷魚鬚份量多之餘又爽口彈牙，真係好高質❤️

今日係太子食左間車仔麵，我揀左個三餸河粉，分別點左牛腩、牛肉餅&胡椒豬肚丸🤤朋友就叫左碗豬雜麵～另外再叫左兩款小食：魷魚鬚同埋蝦餅😋😋我碗麵嘅牛腩每一件都啖啖肉，而且湯底充滿腩汁～牛肉餅就有少少似牛丸咁、好彈牙！而且好重牛肉嘅鮮味～最令我欣賞嘅係胡椒豬肚丸！一咬落去係會爆汁～而且辣辣地好惹味😋🤤朋友碗豬雜麵上枱時，第一眼就被佢嘅份量嚇親！而且佢每款內臟都洗得好乾淨，完全食唔到臭腥既味道😍小食方面，蝦餅有5塊（$40），每塊都脆卜卜～仲有碟泰式辣醬🤤真係好好食！魷魚鬚亦都好大碟（$45），同埋辣辣地😋咬落亦都好彈牙～撈埋麵一齊食都好夾～總括嚟講，車仔麵同小食都幾高質，而且價錢唔貴，叫左咁多野食都係每人$100左右😆

趕住上堂要快閃晚餐，車仔麵絕對係不二之選，嚟太子有間抵食車仔麵份量滿瀉同時愛心亦滿瀉，有得買麵券去留畀有需要街坊醫肚係人都唔知，大胃不嬲都怕煩，所以一定揀精選系列，見有豬雜麵咁得意，坊間少見，就整碗嚟試吓裡面有齊豬頭肉、豬脷、豬橫脷、生腸、豬粉腸、大腸、豬膶、豬心等等，大卡士到呢，逐件加都唔只$55，而且爽口好食雖然係豬雜，但處理得好乾淨如果係芫荽控，加$1可以多芫荽，加到成座小山丘咁多，興奮興奮胃民比較有主見嘅，就揀返自選三餸麵，蘿蔔勁大嚿，煲得勁腍勁入味，牛筋大大嚿但又煲得彈牙，保持到佢應有嘅質感牛肉餅其實係餅型嘅牛丸，爽彈具牛香，好食到瀨尿就連米粉唔使加底都有好多，滷水湯底唔會好鹹，味道溫醇跟餐可以加錢要支裝飲品，飲茶就鮮膩飲豆漿可以中和濃郁嘅味感太陽餅即係炸蝦餅，同坊間個樣有啲唔同，咬落外皮激脆，裡面啲蝦肉起晒膠，口感同香味都係一流涼拌魷魚鬚有少少辣，份量越食越覺得佢多，冇諗過份量咁多，辣辣地嘅醬汁幾惹味開胃，肉質鮮滑

車仔麵都係港人至愛，呢間店每一次行過都見到有人龍今次就試一試佢試咗佢嘅招牌牛雜麵同埋三餸車仔麵。牛雜麵（$45）湯頭好清甜而又不油膩，我同朋友都覺得味道驚為天人！一上枱已經好大碗好多餸，終於明白點解咁多人排隊食啦，性價比極高！另外車仔麵（$49）我哋見到因為份量太驚人，所以轉咗做菜底，湯底有一般嘅咖喱同腩汁，咁我哋就揀咗全部汁，即係所有汁混和一體。餸揀左豬紅生腸同埋魚肉春卷，三個餸都好好味。另外再叫咗兩款小食太陽餅 呢個太陽餅好似蝦餅，但係佢係用咗一個好薄嘅腐皮包住，所以外面係好薄脆新鮮魷魚鬚呢個魷魚鬚好有驚喜佢哋舖頭嘅辣椒油混埋一齊食，非常鮮味

經過太子見到大人學生都排嘅車仔面檔，我地又 join入到去雖然地方唔大，叫完野食終於知道點解咁多人食😂😂😂會不會太足料😂😂😂👉🏻三餸車仔麵粗麵 I 爽麵 I 蘿蔔 |牛肉餅 |冬菇滷水汁加腩汁 I 多蔥 大和豆漿佢offer 好多options俾大家，customize 自己鐘意嘅面嘅硬度，配料嘅多少等。本身諗住食light 啲叫多啲蔬菜少啲肉，但端上枱面的大碗面真係太豪華，一啲都唔light😂個蘿蔔😂大到一個點，轉一轉俾大家睇😂😂😂仲好多菇，面汁唔會好咸，蔥都係毫不吝嗇👍🏻👍🏻👍🏻👉🏻牛雜麵烏冬 I 爽麵 I 腩汁 津路烏龍茶牛雜都大大件件超肥美，牛肚牛肺牛腸等等都係夾極都有，腩汁alone 都出色👍🏻👉🏻太陽餅(蝦餅)依個蝦餅剛炸出黎熱辣辣，皮薄香脆仲好juicyyy👍🏻👉🏻新鮮魷魚鬚依個小食有dd 辣，魷魚鬚彈牙滑嘟嘟，伴花生蔥花，口感好好👍🏻👍🏻👍🏻

為了感謝工作上常提點我的好同事兼老友，一於請他共晉午膳，以表心意。知道老友喜歡吃滷水食物及車仔麵，所以在Open Rice找資料，見到太子站附近有間名叫:華記潮州滷水車仔麵，完全附合以上兩個要求兼評價高企，行動隨即展開。到了門店外，真的嚇了一跳，店門左右兩旁已排了各一長隊，左邊是輪候堂食區，右邊就是外賣隊，可想本店的受歡迎程度。等了約10分鐘後進場，大家選了豬什麵、牛什麵、兩款小食：炸蝦餅&新鮮魷魚鬆 及兩枝飲品。兩碗麵份量驚人，尤以豬什麵為甚，不論豬什或牛什也滷水味道濃，豬潤豬耳爽口甘香，老友對盛滿一碟的新鮮魷魚更讚不絕口，我認為炸蝦餅更絕無欺場，啖啖蝦肉，回味無窮啊!

之前朋友介紹太子人氣車仔麵🍜一於去試試，差唔多中午12點去到，門口已經排哂隊，確實車仔麵餸嘅款式多，尤其是內臟嘅部位，而且湯底同醬汁好出色，果然名不虛傳😁🥢牛雜麵🐂 $45牛雜麵嘅餸有牛膀、牛肺、牛小腸、牛大腸、牛肚，款式同份量都多，而且每樣都好入味👍🥢豬雜麵🐖 $55牛雜麵遇得多但豬雜麵確實係少見，豬雜麵嘅餸有豬腸、豬肚、生腸、豬橫脷，豬粉腸、豬潤，啱晒鍾意食內臟嘅朋友🥢太陽餅🌞 $40除咗車仔麵出色外，小食都好正，太陽餅裡面其實係蝦膠🦐，外層炸到卜卜脆，裡面蝦膠又彈牙，非常美味😋🥢 新鮮魷魚鬚🦑 $45滿滿嘅一碟，魷魚鬚份量好多，而且好爽脆，仲有好多花生粒🥜，配上秘製辣醬汁，真係回味無窮🥰🥤可樂 $7🥤豆漿$10

人氣車仔麵中午12:00開始營業，門外已有不少食客排隊等候入座👯‍♀️👯 餐廳的食物多以潮州滷水汁入饌，比起一般車仔麵更為重口味🔥▫️❥$𝟰𝟵 三餸車仔麵🍜❥$𝟱𝟴 四餸車仔麵🍜跟朋友分別試了豬潤／豬肚／五香牛肚／鮮魷魚鬚／五香牛腩／豬紅／牛小腸每一款食材都很入味，而且份量超足🫶🏻每一款食材都很美味，水準出色🫶🏻▫️湯底：選了餐廳的重口味推薦包含了滷水汁、腩汁、咖哩汁深色的湯底看著都感覺到它的濃郁😎▫️醬汁：另外還加了餐廳的秘製潮州辣椒油選了小辣有輕微的辣度🌶️▫️❥$𝟰𝟬 太陽餅☀️炸得香脆，中間有著整隻的大蝦🍤

前幾日同朋友行開太子去咗間都好出名嘅車仔麵鋪頭食晚飯朋友話之前食過呢間覺得唔錯所以帶咗我去試🥳由於係晚餐時間所以出面都幾多人排隊，我哋等咗大約10分鐘先入到去餐廳用QR code落單十分方便，可以根據自己需求選擇湯底同走蔥等等👍🏻我同朋友分別叫咗牛雜麵同豬雜麵朋友話喺度食麵一定要叫重口味湯底先好食，不過我啱啱病好所以就冇叫，下次再試返🤤叫咗個清啲嘅湯底反而食得出個湯底係好濃郁嘅，同時間都唔會過份油膩😝我個牛雜麵十分足料，每件唔同部位都有幾件👍🏻十分有嚼勁而且唔會話食落好腥，份量多到我差啲食唔曬🤣小食方面我哋叫咗個新鮮魷魚鬚同太陽餅😌太陽餅係蝦餅嚟嘅，啱啱炸起咬落去好脆，熱辣辣好好食🤩新鮮魷魚鬚係有小小微辣嘅，連埋麵一齊食非常夾🥰大家如果都鐘意食車仔麵一定要去試呀😋地址：太子界限街34號民興大廈地舖

華記潮州滷水車仔麵 📍太子界限街34號民興大廈地舖長期大排長龍😋足料車仔麵🍜價錢實惠真係值得推介大家嚟一試牛雜愛好者必食🌟牛雜麵 $45 款款都勁足料🤩份量好多一次過食到牛肺、牛蒡、肥美牛粉腸、爽彈牛肚🐮麵底我轉做生菜底配腩汁～超鮮甜💯好味😋好滿足🌟三併車仔麵 $49 車仔餸超多款式可以簡✅簡左油麵～併牛筋、咖喱魚蛋、豬皮叫左重口味推薦💯全部汁都落哂多重味道👅衝擊味蕾😁食落帶點微辣最正係麵底好貼心可以簡軟麵、定爽麵來到推介大家一定要叫佢地兩款小食🩷🌟太陽餅 $40/5塊真係有蝦肉既黃金蝦餅😋外層香脆、蝦肉彈牙🌟新鮮魷魚鬚 美味一流又惹味～用上大量新鮮魷魚酥鬚份量超足～令人難以置信只需$45 配埋芫茜同香脆花生🥜更添口感🩷同埋佢地有麵劵派比於各有需要階層人士🩷大家都可以支持一下🩷善心小店#hongkongfoodlover #foodlife #foodstagram #食好西 #香港美食#打卡美食#相機食先#香港食評 #香港美食指南 #foodstagram #香港好去處 #香港美食 #香港美食指南 #美食推薦 #香港探店 #香港必食 #hkkol #hkinstagram #hkfo

同阿女學完野，今日就去試吓平時好多人食果間滷水車仔麵。入到去已經唔同舊式，電子落單，仲可以揀多蔥/少蔥/加底/扣底，店主仲好就力親為，客人如果拎得多野又會比籃裝住🫶🏼好貼心新鮮魷魚鬚超新鮮彈牙軟滑，店主仲加左佢地既秘製醬汁，有小辣，惹味！加上啲炒花生芫荽蔥...真係食唔停口！涼拌生腸份量好多！3-4人食都無問題！店主仲用佢地既方法令到生腸非常爽脆！必吃之一牛雜麵佢仲可以比你揀爽麵/淋麵，務求另客人根據自己獨特口味食得開心！牛雜份量好足料！粉腸，豬大腸，磅，肺，牛肚，腩汁都超好味🤤腩汁鹵水汁都係店家用心之作！不加味精食完一啲都唔口渴！三餸車仔麵 （牛腩，鹵水豆腐，超大魚蛋）童叟無欺，足料大粒大份！女兒更食晒啲牛腩！牛腩憫得好淋好入味！好正！魚蛋成個拳頭咁大而且好鮮！豆腐也是出色之作！喜歡食豆腐既老友不妨一試..！

成日經過太子都見到呢間鋪門口都勁多人排隊，身邊嘅朋友食完都話呢間好食，就去試一試；鋪頭嘅座位都算多，上菜嘅速度都好快，所以唔算等咗好耐就入到座。如果大家食得辣嘅話，面嘅湯底可以簡重口味（清湯、滷水、咖喱汁），辣度簡咗少辣，個人都覺得幾辣。🍜牛雜麵👍👍鐘意食牛雜嘅一定要黎呢間到食牛雜面，佢嘅份量勁多，每款牛嘅內臟都俾到兩舊或以上，出面食牛雜面份量都無咁多。牛肺、牛蒡、牛腸、牛肚全部都燜到好入味，特別係牛肚，而牛腸都好邪惡，勁多肥膏。🍜豬雜麵出面好少有得食到豬雜面，呢間都份量都好足料，包括豬潤、粉腸等等，啲內臟都洗得好乾淨，都無食到有異味；如果未試過豬雜面嘅，可以一試！🍜三餸車仔麵（牛筋、豬紅、五香牛肚）👍車仔面嘅餸份量都好多，牛筋口感淡嫩不膩，燜得超入味同稔；而豬紅嘅質感都幾實淨同滑，唔會一夾就爛。🦑新鮮魷魚鬚👍👍魷魚鬚嘅份量極多，食極都有，建議可以同人share食；魷魚鬚嘅醬汁辣得黎又幾惹味，魷魚鬚嘅肉質好爽口，配料仲有好多芫茜同香脆花生。🍤太陽餅👍👍呢個其實係炸蝦餅，外層炸到脆卜卜，內裡蝦膠嘅份量好足料，每舊都食到原隻嘅蝦，配埋附送嘅酸辣醬，真係好開胃！

華記潮州滷味車仔麵，以前在對面街的細舖已經開始幫襯，因為行過聞到好香嘅滷水香味，造成車仔麵，喺香港好似第一次見到今晚特登夜少少先到，因為之前食都要喺外面排隊，今晚等一陣間就有位我朋友揀咗車仔麵：蘿蔔、魚片頭、生菜和油面，女仔嚟講份量已經好大，蘿蔔好大嚿，炆得好好味我揀咗牛雜麵，原來可以揀菜底或者蘿蔔底，我揀咗蘿蔔底，$45 份量超大，性價比冇得輸，蘿蔔真係好正，牛雜依然好入味，最鍾意就係大量蔥放喺面，唔知坊間那些得一匙羹蔥小食揀咗蝦餅，炸完即刻拎上枱，好香好脆，熱辣辣好好味；另外魷魚鬚都好正，秘製嘅汁，少少鹹少少辣，無得彈華記真係好味，性價比高，收費唔貴，味道又好，個滷水車仔麵夠特別，蔥同芫荽都海量比你，真係大滿足

今日我又去咗華記車仔麵食，真係覺得佢係香港最出色嘅車仔麵舖。首先，佢嘅份量真係非常多，一碗車仔麵加上四餸只需58蚊，比起其他出面食嘅米線來講真係抵食得多，而且食材都好新鮮🍜湯底方面真係出色，佢嘅鹵水汁、腩汁同辣椒汁加上芫茜味道層次豐富，同埋油麵夾得好好。🍲兩個人都嗌咗四餸車仔麵（💵$58，加底加$8）我嗌咗牛脷、魷魚鬚、牛小腸同豬心🐖🐂🦑我覺得牛脷同魷魚鬚🦑係必食嘅餸。牛脷🐂唔止係大塊同林口彈牙，仲唔會乾，真係好出色。魷魚鬚唔係用水魷，食落好爽口。不過要留意嘅係佢嘅內臟部分，佢刻意保留咗少少內臟嘅味道，所以如果唔能夠接受呢個味道嘅人就唔好試啦😝我朋友嘗試咗大粒魚蛋、牛肚、牛腩同牛肺🐂佢都話魚蛋好爽口而牛既內臟腍滑爽口而且入味🤤我覺得喺香港嚟講，呢個價錢加上份量真係最出色嘅車仔麵舖，強烈推介大家去試試呀！🥢

今日黎咗華記呢間小店食午餐，黎到嘅時候已經排左勁長嘅人龍係到。呢間鋪頭除左車仔麵之外，佢仲有好特色嘅牛雜宧同豬雜麵揀。掙扎左好耐，我決定今日先試一試牛雜麵。 牛雜河 ($45) 碗麵一上檯已經見到超大碗，俾牛雜都俾得好大方，件件都大大舊! 牛雜有牛肚，牛肺，牛蒡，牛小腸。 牛肚炆我好淋，咬落入口即溶。牛肺無臭味之餘，仲可以保持到爽口感覺。而牛蒡無臭味之餘，仲食到佢本身嘅質感。最後到牛小腸，每一啖都食到牛脂肪嘅香味，十分出色。另外河粉都好滑無斷，好新鮮! 咁普通一碗粉麵都可以煮到咁出色，難怪門口一直都客似雲來。