華嫂冰室 (皇廷廣場) (已搬遷) 新店位置

身邊好多人都介紹過華嫂冰室，終於可以試到。lunch hour等左半個鍾左右，所以都好高期望。檸檬益力多:酸酸甜甜，好解渴，飲完透心涼招牌菠蘿包: 第一次食咸食菠蘿包，個人麻麻地，都係菠蘿油正啲招牌蛋沙律多士:好足料，食到邊邊都仲有蛋沙律蕃茄肉眼筋雞翼出前一丁:蕃茄湯底都幾濃，不過都係鍾意勝香園多啲。肉眼筋好韌，唔明點解咁多人推薦。雞翼幾入味，唔錯。麵底淋左小小。整體黎講價錢幾平，食物都ok，可惜真係太多人，應該冇下次。

之前都係去開天水圍，波蘿包真係超級正！但係觀塘嘅波蘿包真係垃圾～一啲都唔脆！好失望～其它就正常！大家要食好食波蘿包真係要去天水圍～不過呢度好就係有冷氣～冰花真係正嘅

聽華嫂招牌菠蘿包聽咗好多次，都未有機會一試。今日去開觀塘探朋友，於是乎就去咗華嫂到時買外賣。黎到華嫂，梗係叫個招牌菠蘿包加杯凍奶茶！我本身好鍾意食菠蘿包，但係我覺得加左番茄同蛋，感覺好奇怪！始終都係鍾意食最傳統就咁菠蘿油！或者下次有機會再去就咁食菠蘿油會好啲！至於杯奶茶就不過不失啦！

平常大家來香港都吃菠蘿油，但華嫂冰室將這地道美食推高一個層次，熱烘烘的菠蘿包中間，除了奶油還夾了荷包蛋(不附殼)和新鮮番茄片，活像一個大漢堡。說起來，我記得我在台灣的早餐店 (e.g. 淡大的麥德多和高三孝碳烤吐司等)，也吃過台式的菠蘿堡，但香港有這麼一片奶油怎麼看到比較厲害，而且菠蘿包真是香港才吃到正宗啦！XD不用山長水遠入元朗都吃到，我覺得蠻棒的。而吃完這個就會覺得一般的菠蘿油太沉悶了。+++++INFO華嫂冰室地址：九龍觀塘敬業街55號皇廷廣場1號舖 (觀塘站B2出口步行約8分鐘)電話：+852-2617-3238營業時間：08:00 – 17:00 (星期日休息)網址：https://www.facebook.com/mrstangcafe消費：招牌菠蘿包港幣$18、凍奶茶港幣$15

老公揸車返工既一早，經過觀塘，早上既時間無需要等位，泊左架車係附近就入去食個快早餐。今朝突然好想食豬扒，見到餐牌上邊有豬扒 米線、米粉同通粉，就揀左米粉。湯底有standard，亦都有特別味，難得出黎食早餐，梗係揀個特別架啦！冬陰公湯底，老公就揀左雞翼番茄湯底。飲品原來無包，全部另計。建議下次唔係特別口渴都唔駛叫，飲水慳返啲。好快就上菜，勁大塊豬扒，又厚肉又淋，正呀！雞翼入味，但未至於「骨肉分離」。冬陰公同番茄湯底都相當濃，係濃湯，好味！下次要試下佢既招牌三明治先得。

返工返到悶，拎半日假比自己hea下朋友話帶我去試新野，所以下午2點就企左响度啦，估唔到平日下午都咁多人……在炎熱陽光的煎熬下捱過了40分鐘，終於可以入得。拿拿臨叫2杯凍飲降下溫先。柚子七喜，其實是柚子蜜加七喜的配搭，稍甜，個人覺得配梳加水會好D（但轉做梳打水就要略添柚子蜜）。凍鴛鴦（走甜），夠滑夠香，ok~雞翼肉眼筋煎蛋冬蔭公米線，雞翼挺入味好吃，湯不太似冬蔭公，但味道還算ok招牌菠蘿包上來了，雖然已經見過無數次不同內餡的菠蘿油（响麵包鋪蛋x王見過n次），但今次係第一次試。賣相顏色繽紛夠吸睛，脆面菠蘿油入面夾咗煎蛋同蕃茄，食落比普通菠蘿油層次豐富好多，味道亦很夾。這是餐牌上沒有的隱藏菜單：煎魚餅。朋友上次試過好吃所以今次再點。 想不到是這麼大盤呢，金黃色小山由九塊煎魚餅組成，表面有點脆， 入面則有點彈牙，還吃到淡淡的魚味及爽脆的蔥粒 。如果配上辣醬或特色醬應該會更加吸引。鮮油奶多~ 本來是沒打算叫這個的，可是很久沒吃又受旁人引誘，我忍不住加點了一份（今天又點太多了） 金黃色夠吸引，牛油香奶甜香配脆包轉眼就消失了。果然想吃的食物會變得特別好味（大前提係份食物整得唔難食先有分加） 總括來

想試好耐啦，今日中午一個人經過，已見人龍，可能係我得一個人，直入唔使等！掙扎好耐叫咩食好，因為太多野想試，但一個人只能吃一樣，最後我放棄左菠蘿包、茄牛通，選擇左芫茜皮蛋湯米，餸選了豬膶、肉眼筋。（$37）碗麵一黎到係幾吸引，超多芫茜，有一隻皮蛋既分量，先飲一啖湯，都幾咸，但芫茜皮蛋味都很濃的，米粉爽得黎帶滑，夾住芫茜碎食幾滋味的！本身都幾滿意，但啲餸慘不忍睹！肉眼筋又乾又鞋又冇味，仲衰過煲完湯啲瘦肉，要點下辣椒油先入到口！豬膶又薄又冇味，仲要乾柴柴，我平時好少食剩野，但啲肉眼筋同豬膶真係食唔落口了！唔通真係得菠蘿包先好味？？！！服務？呢啲人龍茶餐廳預左冇服務可言架啦，所以都可接受啦！

今日同細佬一齊食下午茶，每人嗌左個包，再加一杯奶茶同蕃茄雞翼豬扒通粉。每次黎基本上都會嗌招牌菠蘿包，覺得個配搭味道幾夾，同埋麵包熱辣辣。細佬嗌左豬扒包，都話唔錯。奶茶其實都係典型奶茶味，冇話特別好飲，係大杯但俾甜。蕃茄通粉湯好濃，唔會酸，應該都唔少蕃茄醬。豬扒最好食，好軟身，又有肉味。雞翼都唔錯，整體不過不失。雖然閒日去，但兩點幾都仲係好多人排隊，兩個人食都等左半個鐘。好彩上菜速度快，好快就可以填飽肚。

華嫂就聽得多啦，但係食都係第一次！今日十一點幾未夠十二點入到去，仲未洗等位，我地一坐低就開始要排籌啦，真係好好彩menu對我黎講都唔陌生嫁啦，做足功課我地叫左個招牌菠蘿包、招牌蛋沙律三文治同秘製撈米線。等左五分鐘，米線就黎左啦個賣相係唔錯既，睇落好足料。面頭見到有青瓜、午餐肉、紅腸、少少豬頸肉、芫茜同炒蒜。撈勻之後，食左啖米線先。米線有驚喜喎，佢係彈牙既、有少少咬口，未至於好淋，我中意。但整體黎講，對於哩碗米線，本身冇咩期望既我都失望。$42碗米線份量唔太多，係得啲紅腸同午餐肉哩啲我平時唔會食既唔健康食物，最尾我地都冇食到紅腸同午餐肉，剩曬係到，性價比一啲都唔高。雖然佢整體味道可以接受、青瓜好脆好甜、米線有咬口，但係哩碗米線我係唔會再嗌，都會同朋友講唔洗試。下次會試蕃茄湯！好啦！失望完，食個菠蘿包中和返先。個樣好吸引！個脆皮焗到好脆一口咬落去以為佢啲皮會好似其他菠蘿包咁跌到周圍都係，但哩個唔會！一大口食落去，係好食既！以為有甜有咸，會唔夾，但係佢意外地好夾，味道好得意、我覺得好食，係過關既。如果個蛋冇咁熟、係流心既，咁就仲正啦我平時係公司三文治既狂熱飯！哩個蛋沙律三文治都唔差喎！大大份

觀塘間華嫂唔知點解永遠都咁多人😓，雖然好多人話觀塘分店同元朗總店相差好遠🤔🤔⋯⋯諗唔到食咩又想買走拎番公司，就去華嫂買外賣啦～原來觀塘華嫂係有特別版野食架，就係呢個「秘汁撈米線」啦✨✨只限觀塘喎隊長B緊係唔汁輸啦～-----------------------打開個蓋超級香～勁多芫茜乾蒜碎仲有辣椒粒🌶同青瓜條🥒超級惹味～米線有用秘汁撈好唔會淨太多汁太水但已撈得好均勻🤤米線硬度剛好，仲有好多紅腸同午餐肉條～係幾好味值得推介的說🙆🏻～---------------------好味指數😋：8/10翻啅指數🙆🏻：8/10人均消費💰：10-99服務態度👨🏼‍🍳：7/10乾淨指數🌝：7/10------------------------------

現在華嫂在觀塘有兩間店,一間在近海旁的敬業街..一間在巧明街工廈的外賣店"華嫂冰室"星期日不開,所以星期六長期都好多人排, 去到就去門口攞飛慢慢等...好彩雖然人多不過條龍郁得好快坐底就即刻落 order，上次試過招牌菠蘿包, 今次就試下招牌芝土咸牛肉蛋豬仔包, 試晒啲招牌茶先"招牌芝土咸牛肉蛋豬仔包"新鮮滾熱辣, 個包烤得香脆內裡軟熟, 雖然人多但食物都是現點現製質素有保證我對咸牛肉無乜好感,但係個包真係好食, 好食過招牌菠蘿包.. 全部材料都好夾，咸牛肉唔會死咸,味道適中,配半溶芝士同蛋非常之合拍, 令人回味

呢間大熱嘅冰室一直都好有人氣我想去好耐喇，奈何元朗總店唔太就腳後來知道觀塘有分店就捉咗老公過嚟 😂排咗唔係好長時間就入得，太好喇菠蘿包出哂名，係我心目中嘅必食之選 😂嚟到先知道原來菠蘿包嘅餡都有好幾款餐牌係有食物相嘅，樣樣都好好食咁最後我就揀咗招牌菠蘿包，招牌嘛夾住嗰塊牛油好邪惡！好香滑！分店限定嘅秘制撈米線我就覺得一般就係將啲食材撈埋，但味道又唔突出秘製雞翼米線，蕃茄湯底要加八蚊，都幾貴雞翼好食，蕃茄湯 OK

想食 即去食 - laksaholic girl再一次為喇沙寫食評~今日係第二次去食華嫂，觀塘店限定：喇沙!!!今次點了豬扒喇沙米粉。。 湯頭有層次 微辣 岩哂我口味😋豬扒大件又軟腍 配菜十足 豆卜索哂d湯 👍🏻甘大碗食到飽都係$42 呢個喇沙CP值高 貨真價實!如果可以就要避開lunchtime去，否則就要排好耐先試到😉

人又多，野又唔好食！得個名如果你覺得排隊就係好食，我建議你去！屋邨茶餐廳好過佢10倍！個波羅包不知所謂，加咁多都唔及人地一件牛油，仲要收咁貴，咖啡又唔好飲！番茄湯又杰

自從華嫂進駐觀塘之後，個人感到10分高興！喺元朗實在太遠，未能令我為咗入碗麵山長水遠走入元朗！而家華嫂成為我的最愛，雖然佢開咗咁耐，但每逢假日都會排長龍！等一個鐘都一啲都唔出奇！講到華嫂入面我最愛嘅就係雞翼番茄麵同埋撈麵，次次去到都好選擇困難症😩😩雞翼豬扒番茄麵 瑞士雞翼好正, 豬扒煎得好香！秘製撈米線午餐肉紅腸豬扒青瓜再加埋秘製醬汁，食過返尋味！不過，對於唔鍾意食芫茜見我，次次都唔記得走青😭😭😭招牌菠蘿包唔使講，呢個一定要食！