莆田 (荷里活廣場)

營業中

休息中

下午茶來一碗手工菜— 扁肉湯酸味味的湯底，配上扁肉和紫菜, 正好電視播放着 扁肉的製作過程，工序繁複，亦考驗耐性。由外皮到餡都要豬肉，一口一粒，十分有趣！而且店員服的周到，愉快的用餐體驗

莆田 (荷里活廣場) (鑽石山).▪️清蒸大閘蟹▪️.又到食大閘蟹季節！屋企人想食少少又廢事整到屋企成地殼出街食就最方便🤣四兩左右嘅乸都比我想像中多膏又夠香！.▪️豬蹄凍▪️ .之前無食過嘅小食！食落好似啫喱咁充滿骨膠原.▪️鮮貝燴絲瓜▪️.推薦大家必叫嘅菜式，鮮貝細粒有咬口絲瓜又juicy.▪️薏米水▪️.我地一直愛好橙汁，今次轉轉口味薏米水好足料，.📌 莆田 (荷里活廣場) (鑽石山)鑽石山龍蟠街3號荷里活廣場2樓214號舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

每年秋季，都是食大閘蟹的季節。而莆田最近推出了清蒸、油煎、熟醉，三款不同的烹調大閘蟹方式，那就和朋友一起來試試。😋是日選擇：1️⃣清蒸大閘蟹🍽清蒸的烹調方式，保留大閘蟹原汁原味。蟹膏滿滿，而且綿密香醇，滿足了我們味蕾。2️⃣芋泥香酥鴨🍽外層酥脆、配搭一層香甜的芋泥，以及鹹香的鴨肉，味道豐富。3️⃣鮑魚辣椒小炒肉🍽鮑魚的彈性，辣椒的脆爽，加上小肉片，辣辣地，很惹味！4️⃣冰鎮南日鮑🍽鮑魚以冰鎮方式，令人看起來，清爽宜人。

秋冬寒風起，大閘蟹開季喇！🦀 莆田新餐目，新推“蟹”逅5種做法🦀清蒸大閘蟹江蘇的大閘蟹養殖基地的大閘蟹，蟹膏飽滿，蟹肉結實，豐綿密的蟹黃，獨有既醇香濃厚，令人齒頰留香，久久回味。蟹黃炒米粉蟹黄包裹着純米製成既莆田興化米粉，更添香氣。米粉不含糯米成份，是以純大米製成，米粉炒至乾身，不油不膩，配料十分豐富，以香菇、海蝦、蜆、蝦乾、蔬菜、紫菜、花生 。口感相當豐富，讚！百秒黃花魚原條黃花魚，魚肉肉質嫩滑雪白，味道鮮甜，湯汁帶有薑片，帶出魚肉之鮮雪耳湯滋潤佳品，女生必吃，雪耳口感綿滑，秋冬轉季恩物莆田📍鑽石山龍蟠街3號荷里活廣場2樓214號舖

大閘蟹季節又到了, 坊間唔少餐廳亦推出了「大閘蟹」菜式, 就連莆田亦唔例外, 除了傳統清蒸, 還有兩款特色烹調口味同埋菜式, 當然不能錯過!! 今晚就同朋友去品嚐一番!大閘蟹有手心般大, 蟹膏亦不少! 清蒸能品嚐大閘蟹本身嘅原汁原味, 蟹膏甘香, 梳梳蟹肉鮮甜味十足!【清蒸大閘蟹】HK$138【油煎大閘蟹】HK$138大閘蟹預先被開邊, 淋去黏滑茨汁, 話雖油煎, 但完全不覺半點油膩, 反而口感多一點黏滑, 醬汁鹹甜, 令味道更提升不少, 驚喜大愛!!食完大閘蟹後, 侍應都很貼心送上熱辣辣的黑糖薑茶驅寒。【家常豬蹄凍】HK$68豬蹄凍口感彈滑, 在口中有如啫喱般慢慢溶化, 沾上微辣帶甜甜地嘅醬汁, 清新美味。【普寧豆醬焗鰻魚】HK$118煲仔熱辣辣滋滋聲上檯, 開蓋隨即香氣撲鼻, 大量蒜頭等配料墊底, 鰻魚魚質爽彈, 尤其係鰻魚皮, 配上普寧豆醬, 豆香味鮮而不死鹹, 超推介!!【蟹黃炒米粉】HK$138選用幼身米粉, 炒得有穫氣, 夾集大量豐富食材, 例如爽口蝦肉、蜆肉、蟶子仔、豬肉碎、花生, 仲有金黃色蟹黃, 味道同口感都很有層次! 鮮香味十足!! 

之前同個朋友去完西貢玩之後，回程嘅時候就去鑽石山食晚飯，坦白講荷里活廣場高質嘅餐廳就唔多，最後就選擇咗呢間食福建菜嘅餐廳。最後同個朋友就揀咗一個二人餐，每人就會有一客鮑魚，一隻大閘蟹，一條淡水魚，椒鹽豬手，同埋兩個人分享一個海鮮滷麵，去到最後仲會有甜品。坦白講，我就平時好少食福建菜，所以我就好難去比較，我覺得客鮑魚同大閘蟹就還好，但係條淡水魚就係基本上冇味，同埋超多骨，我諗骨呢個情況都應該係預期之內。本身就唔係太鍾意食豬手，不過個套餐包埋咁就冇計，我覺得味道就OK嘅，不過就真係唔太健康。個海鮮滷麵就好過預期，都幾好食。最後兩個人就大約$800埋單，我覺得係合理水平。

大閘蟹季節又來啦！秋風起梗係要食大閘蟹啦今晚呢就約咗屋企人嚟📍 鑽石山荷里活廣場莆田🥢開餐！佢地推出左一蟹多食！清蒸大閘蟹、油煎大閘蟹、熟大閘蟹🤩款款爆膏清蒸大閘蟹🦀隻隻爆膏多汁！蟹油香十足跟埋蟹醋、同拆蟹肉工具～配備齊全食完大閘蟹仲會附上薑茶暖胃又暖心！興化炒米粉🥢每次必要菜式材料豐富：五花腩肉、蝦仁、蝦米、蜆、蟶子、紫菜、花生等等～配埋辣媽醬食更開胃椒鹽豬手🐖即叫即炸豬手外脆內軟夠晒Juicy砂鍋黃花魚湯🍲湯底鮮甜呈奶白色黃花魚肉鮮嫩🐟好味！莆田 📍鑽石山龍蟠街3號荷里活廣場2樓214號舖#香港生活#香港美食打卡#香港 #香港旅游#香港探店＃香港美食 #香港必喝 #大閘蟹 #莆田 #興化炒米粉 #黃花魚 #福建菜 #中菜 #大閘蟹季節 #大閘蟹速遞

福建沿海，菜式以海鮮為主，味道其實幾啱香港人口味，不過喺香港專門食福建菜嘅餐廳唔多，當中港人最熟悉就係莆田，最近仲有大閘蟹食添，就趁機去食番餐。【油煎大閘蟹】大閘蟹來自江蘇，都幾大隻，膏多肉甜。煮法有清蒸、油煎、熟醉三種口味，我哋揀咗油煎，油香十足，幾有特色。【酒香竹筒蝦】竹筒裡面有熱湯浸住隻蝦，湯帶淡淡酒香，蝦大隻又爽彈。【閩南姜母鴨】用煲上熱辣辣，鴨皮帶脂肪，鴨肉去晒骨又嫩滑。本身唔係咁鍾意食薑，但食落幾惹味又幾特別。 薑可以驅寒，配搭大閘蟹食都唔錯！【砂鍋黃花魚湯】奶白色魚湯夠晒營養，黃花魚魚肉鮮甜，仲有豆腐、杞子等等，用料豐富。【酥炸冰心榴蓮】酥炸脆皮裡面係軟滑榴蓮雪糕同鮮果肉，榴蓮控必食。餐廳仲有大閘蟹套餐，下次可以同班friend嚟食～

莆田餐厅，福建风味的佼佼者。环境温馨，服务热情。特色菜品如莆田卤面、海蛎煎等，味道鲜美，口感丰富，香气扑鼻。让人回味无穷。每次光顾，都能感受到家的温暖,非常的推薦！

屋企人就最鍾意飲茶，所以我每個週末都會搵間中菜廳。知道莆田定期都會推出新菜式，所以屋企人都好鍾意去。最近就係莆田鰻魚節，推出咗多款以鰻魚做主題嘅菜式。蒜蓉豆豉蒸鰻魚如果覺得普通蒸鰻魚太簡單，不妨可以試吓蒜蓉和豆豉做調味，可以帶出鰻魚嘅鮮甜味道。阿元香草雞雞肉運用咗多款香草去炮製，所以雞肉特別嫩滑又充滿肉香。芋香鴨香脆嘅外皮入面係綿密嘅芋泥，入面仲有一絲一絲嘅鴨肉，香而不膩。石鍋滑豆腐熱辣辣嘅石鍋上面放咗煎香嘅豆腐粒，每一啖都係豆香。鮮貝燴絲瓜絲瓜夠腍身又多汁，仲有好多鮮貝。莆田 (荷里活廣場) (鑽石山)鑽石山龍蟠街3號荷里活廣場2樓214號舖

活鰻 每年都嚟食又抵食勁彈牙，今年都保持到水準食啲平時比較少食嘅 普寧豆醬 #焗海鰻 價錢都係118，一打開香噴噴，入邊嘅配菜好惹味，豆醬味唔會十分太濃，食到海鰻的原汁原味，仲要幾厚身勁彈牙興化炒米粉，每次嚟差唔多必食，粉絲夠幼身似新竹米粉，材料極多辣汁花蛤，第一次食都可以，辣味唔算好多當微辣，花蛤幾大隻新鮮莆田荔枝肉，感覺沒有咕嚕肉咁油身，肉口感偏瘦肉幾健康，酸酸的增加食慾最後再叫咗一個蔬菜金湯時蔬和兩杯飲品，整體水準沒有下降，怪不得我今天平日來八點都滿場

中菜嚟講莆田就係我和家人經常會幫襯嘅中菜廳。因為定期都會更換新嘅菜式，每一次嚟到都有唔同嘅體驗。最近莆田就推出咗鰻魚節，我就揀選咗蒜蓉豆豉蒸鰻魚 $118。蒜蓉同豆豉簡單調味就可以帶出鰻魚嘅鮮甜，口感都有爽勁。兩個扁肉湯石鍋滑豆腐 $98熱辣辣嘅石鍋上面，放在香煎過嘅豆腐，豆腐外脆內軟令人再三回味。芋泥香酥鴨 $98酥脆嘅外皮入面裹住芋泥同鴨肉，每一啖都係綿密嘅芋泥同埋充滿肉香嘅鴨肉。阿元香草雞 $98淡黃色嘅雞肉，有光澤之餘又嫩滑。鮮貝燴絲瓜 $98非常足料嘅一道菜式，入面有大量嘅元貝。

📢莆田福建菜每一個時段都會推出時令主題嘅菜式，今次嘅係好多人都喜歡食嘅「鱔」，有唔同嘅烹製方法，適合唔同人嘅口味🥸———————————————————————————🥢蒜蓉豆豉蒸鰻魚🐍💬一大個蒸籠有十多件嘅鰻魚，配上蒜蓉豆豉蒸製，充滿油份，魚肉彈口，滋味不已🥸.🥢芋香鴨🦆💬好記得應該唔只吃過幾多次，因為記憶中係非常出色，今次都一樣，外皮酥脆，鴨肉亦鬆化，中間嘅香芋軟糯棉滑，加埋係相當美味😋.🥢馬來風光🥬💬帶點微辣，大約係馬拉盞炒通菜嘅效果，炒菜有鑊氣，菜要夠爽口就啱心水🥸.🥢砂鍋黃花魚湯🍲💬好想飲啖湯，店員提議魚花魚豆腐湯，非常濃郁，魚鮮煎香奶白湯底，加入硬豆腐，啖啖暖身🥸.🥢薄荷枇杷凍🍊+桂花陳皮燉雪梨🍐💬餐後當然要點款甜品食，呢兩款同樣滋潤健康，夠清甜，減減膩嘅好選擇☺️

試咗一人午餐Menu，超級抵食， $88一個人，有湯有主菜，仲有三個小菜做頭盤，質素非常之高！👍👍👍試咗呢個荔枝肉，基本上係類似咕嚕肉咁樣，炸得非常脆，真正外脆內軟，加碗白飯，真係一流！💯燉湯係佢哋嘅招牌，一宗燉湯再加好多材料喺入邊，今日食咗姬松茸竹笙燉排骨！有兩隻大大隻嘅姬松茸！非常足料！🍽️三個小菜，分別嗌咗滷水豆腐，家常豬蹄凍，家鄉炆筍乾，雖然係小菜，但係都唔係好少！ 滷水豆腐醃定啱啱好，不太鹹！豬蹄凍都非常開胃！炆筍乾都炆得好入味，好有家鄉嘅味道！$88真係超級抵食，非常之高質嘅午餐，喺附近工作嘅人真係可以考慮一下！佢仲可以加$18再加嘢飲，冬瓜薏米水都好出名，非常足料！不過食完咁多嘢之後已經好飽，所以就冇加到！佢哋嘅一人午餐係有分$78同埋$88 ， $78嗰啲就係粉面比較多，經典嘅滷面，同埋炒米粉！$88嘅就有原條炸魚，或者肉，下次會試埋$78嘅嗰隻午餐！呢間係我少有會推薦一定會再試嘅餐廳！

莆田 (荷里活廣場) (鑽石山).▪️百妙黃花魚▪️.之前黃花魚湯就食得多了，今次試左呢個百妙黃花魚，叫左兩條四個人share魚肉勁滑！.▪️閩南五香卷▪️ $68.好似係新菜式！有啲似鯪魚肉嘅山竹牛肉球.▪️農家擦粉▪️.呢個其實我都唔係好知係咩嚟，好似一啲羹，入面有啲米粉，豆卜，蝦米等.▪️山泉水活鰻魚▪️.呢個上次其實已經想食，感覺好似清清地食落果然係食到鰻魚嘅原汁原味，完全唔會腥.📌 莆田 (荷里活廣場) (鑽石山)鑽石山龍蟠街3號荷里活廣場2樓214號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️