莆田 (荃灣廣場)

營業中

休息中

🦀️每年秋天都係食大閘蟹嘅季節🍂金黃色蟹膏加埋肥美鮮甜嘅蟹肉💕真係唔錯呢🥳今晚我哋近近地揀咗去莆田食大閘蟹😋價錢算係抵食呀👍大閘蟹(公)仲🈶️5両重添🥳yummy yummy 😋🦀️大閘蟹(公)🌈呢個時間係食大閘蟹嘅好季節🦀️等我趁下熱鬧叫番隻大閘蟹食下先❤️蟹公嘅白油白膏比較多😋口感亦都係比較滑溜😍膏質甘香🔥肉味鮮美爽甜💯蟹肉好肥美喔🥳大閘蟹好涼㗎☺️所以食完大閘蟹店員會比杯好夠薑嘅熱薑茶你飲☕️好窩心呢🥳🐤福州風味紅糟雞 $98🌈上枱嗰陣紅卜卜好搶眼😍鷄件夠曬滑🐤味道仲唔錯添💯先腌後焗嘅烹調方法🔥令糟香更加入味😋🐽黃金荷葉包 🌈荷葉包炸到金黃色🔥上面仲鋪滿好香洗嘅芝麻✅外皮脆卜卜😋加埋蔥香醬濃嘅肉絲🐽🈚️🉐️彈呀🥳🥬風味燜苦瓜 🌈今晚突然好想食苦瓜😍呢度個風味燜苦瓜好入味🥳甘甘甜甜✅超正呀🥳🍝興化炒米粉 🌈成碟米粉好飽滿✅材料豐富到不得了呀😍有爽口嘅蝦、蜆、豬肉等等💯加埋幼滑又爽口嘅米粉👅好味道🥳🍮建蓮雪耳湯 🌈入秋要滋潤一下🍂食飽飯食番個糖水就最perfect喇🥳

秋風起成日都見到身邊朋友食緊大閘蟹，今次我又心思思搵咗間可以食大閘蟹嘅地方 。莆田主打福建菜，呢度更會因應唔同嘅季節會換上當地時令嘅菜式，大閘蟹嘅季節又到喇，當然嚟食大閘蟹啦。2人大閘蟹套餐 $598(配母蟹) 2人大閘蟹套餐 $698(配公蟹)。✨蝦苗拌頭水紫菜選用中國海域嘅特等蝦苗，每粒蝦苗都有香滑爽口嘅味道，頭水紫菜營養價值比較高，口感鮮嫩爽口，加咗啲醋去除了腥味，作為頭盤酸酸地特別開胃醒神。✨莆田荔枝肉有啲似咕嚕肉嘅做法，這個使用荔枝醬汁，食起來會先酸後甜，荔枝肉食落肥瘦適中，有肉汁，酸酸甜甜好開胃。✨莆田扁肉湯扁肉湯係一道有數百年歷史嘅福建手工菜，用一層薄薄又通透嘅燕皮包住新鮮手打嘅豬腿肉餡，口感鮮味彈牙，再放上湯加少少蔥花就食得。✨大閘蟹每位一隻，我地選擇食母蟹，每隻都爆晒蟹膏，蟹膏味道鮮甜又甘香，實在太邪惡了，食落絕對充滿幸福感😋😋✨興化炒米炒當地特色小吃之一，配料非常豐富，有蝦肉、香菇、紫菜、豆卜、蜆肉、瑤柱、蝦米、菜等，用上全手工製嘅幼身米粉，食落口感較乾身彈性，用咗上等嘅濃湯燜炒，食起來更惹味。✨薄荷枇杷凍枇杷係莆田當地嘅名產，鮮嫩又多汁，將其製成果凍，味道酸酸甜甜

唔食得咁多但過下口癮，個friend 話呢度大閘蟹餐好抵食。二人餐有每人一隻3-4兩重嘅大閘蟹乸，而家食蟹乸最鮮最香，d蟹膏夠成熟。餐仲有其他小食同前菜，好豐富。個餐未上，見到呢度有老樹文旦賣，而家當造。試左兩片，文旦獨有清香真係濃d，都幾好食～講返個餐，逐樣又講下：蝦苗頭水紫菜 - 有股酸醋味嘅水紫菜，有少少蝦米鮮味，開胃好味。莆田茘枝肉 - 係咕嚕肉中有茘枝味，口感層次比一般咕嚕肉多。莆田扁肉湯 - 清清地有肉汁味清湯。大閘蟹 - 唔算大隻，但以蟹膏同鮮味度取勝，性價比高。食完店員遞上杯薑茶，個體驗好好。主食有三款，我地揀左炒米粉 - 好鬆夠乾身，超幼嘅米粉好夠味。兩款甜品，揀左蓮子雪耳糖水 - 甜度適中，雪耳滑，竟然連蓮子都有香味好驚喜。真係幾抵食～

口痕想食大閘蟹，去咗莆田試吓佢哋嘅大閘蟹二人套餐🥰二人套餐包咗兩隻清蒸大閘蟹可以選擇公或者乸～我哋就比較鍾意食啲蟹膏實啲嘅乸🫡店員仲好貼心食後會送上薑茶。另外仲有主菜興化炒米粉，入面有許多海鮮，加入佢哋嘅秘製辣椒醬超香！莆田荔枝肉就係咕嚕肉，但係加咗荔枝、青瓜、青椒等等嘅配菜更加新鮮～莆田扁肉湯有好多粒小餃子食落超似魚皮餃! 落咗少少紫菜同埋醋更加開胃。甜品有兩款，可以選擇建蓮雪耳湯/薄荷枇杷凍，兩款都10分養生，比較喜歡熱的雪耳湯。

荃灣廣場嘅莆田最新裝修左，感覺更光猛舒服～融合了馬來和福建風味，口味豐富～* 普寧豆醬焗鰻魚 $188：* 濃郁的烤魚菜品！ 餐牌標榜出口級的活鰻魚，又真係厚切大件，鰻魚肉質鮮嫩，豆醬調味香濃。* 馬來風光 $88：* 通菜口感鮮嫩，香辣可口* 福建海鮮滷面 $118：* 福建海鮮滷面係其中一個Top 3 福建美食之選！滷汁濃郁，配料包括多種海鮮，口感鮮美。* 份量都好足夠** 海蠣煎 $128：類似台灣嘅蚵仔煎，好多海蠣！食落煙煙韌韌，我估係因為蛋漿落咗番薯粉～* 石鍋滑豆腐 $98* 上菜已香味四溢，石鍋上嘅滑豆腐特別惹味～豆腐口感滑嫩，搭配其他配料豐富口味，送飯一流！ @hkputien📍莆田荃灣大壩街4-30號荃灣廣場L4樓416號舖

莆田呢期做緊活鳗魚推廣，每條肥美嘅鰻魚都係由魚場直送餐廳。 今次就去試吓到底好唔好食。普寧豆醬焗鰻鱼都有幾款新鰻魚菜式，呢款普寧豆醬焗鰻鱼似乎幾惹味。普寧豆醬嘅少少咸香，配上油脂豐富嘅鰻魚，油香豐富咗有彈性嘅鰻魚味道。百秒黃花魚去莆田每次必食，每次都食到湯都冇得淨。福建紅菇海鮮鹵麵福建海鮮鹵麵，有蜆、蝦、冬菇、蝦米、江瑤柱等，加埋福建特產，紅菇，海鮮味好濃，紅菇色素好強，染到成碗湯都紅晒。鮑魚紅燒肉紅燒肉做得唔錯，炆到好淋，加入鮑魚爽爽彈彈嘅口感。將紅燒肉提昇到另一層次。

[ 莆田 ]今晚再度到訪呢間源自新加坡🇸🇬嘅中餐廳，主打福建莆田菜。最近推廣緊鰻魚節「一鰻五吃」五款鰻魚新菜式🆕，款式具創意。期間限定鰻魚節🎏常見鰻魚食法有日式鰻魚、韓式烤鰻魚等，今次莆田「鰻魚節」有五款新煮法：1. 山泉水煮活鰻魚2. 普寧豆醬焗鰻魚3. 蒜蓉豆豉蒸鰻魚4. 福建特色紅糟鰻5. 辣子燒鰻魚✿ 辣子燒鰻魚(例) $188餐廳標榜使用「出口級的活鰻魚」，鰻魚肥嫩，油脂豐富，肉質厚實有咀嚼。🤤鰻魚以先煎後燜方式，連鰻魚豐富膠質都迫出。再加入辣椒、藤椒、蒜頭、薑等配料烹煮，口感微麻微辣🌶，配埋白飯成為鰻魚飯新食法。特色小菜✿ 鹹香黃花魚(例) $88黄花魚🐠外皮超香脆之餘，連裡面魚骨都脆到食得。魚肉鹹香脆嫩，鹹度適中。✿ 阿元香草雞(例) $118呢碟冷盤賣相似醉雞，蘸著鮮香滷汁食，雞皮雞肉🐔都好緊實，滷香夠入味。海鮮🦀🦐✿ 辣汁花蛤(例) $98 花蛤肉夠甜鮮，份量合理，以東南亞風味烹煮，甜辣入味。時令蔬菜🥬✿ 馬來風光(例) $88具有星馬特色嘅菜式，以鮮香三巴醬醬炒通菜，通菜微辣夠惹味🔥。總結🫦 餐廳融合福建菜及新加坡菜風味，加埋最近推廣嘅鰻魚節，菜式種類繁多，味道貼切

🚩莆田福建炒飯就食得多，但其實大家知唔知福建係冇福建炒飯嫁！今次黎到莆田- 專食福建菜嘅餐廳，真係超多未見過嘅菜名，簡直大開眼界😎〰️〰️〰️〰️〰️〰️〰️〰️〰️〰️〰️〰️〰️〰️〰️🌈辣子燒鰻魚 $188一上台超香麻香味，鰻魚係辣椒海入面收埋曬鰻魚夠厚身，魚肉非常爽彈入口麻而不辣，好過癮🌶️🌈午市頭等二人餐 $398由於菜名太新穎，完全無idea食咩好，叫個二人餐就最實際~✨蝦苗頭水紫菜頭水紫菜係福建嘅特產之一紫菜非常幼身，咬落有少少爽脆嘅感覺應該用左醋去做調味，少少酸酸地，做前菜真係好開胃✨酒香竹筒蝦一開始都驚好重酒味，但原來完全無酒味，反而係超香嘅藥膳味🦐✨黃金荷葉包同荷葉完全無關係要先將麵包開二，再包入京醬肉絲麵包香甜，外圍炸得好脆身，不過油感偏重左少少✨芥蘭豆皮好經典嘅菜式，健康又好食！！✨福建海鮮撈滷麵福建係冇福建炒飯嫁！滷麵湯底比較濃稠掛麵，入口比較清甜裏面有超級多新鮮嘅海鮮，每一啖都有配料想重口味小小嘅可以落佢哋秘製酸辣汁落完味道即刻Sharp醒好多🤭✨建連雪耳湯超級清潤嘅甜品，雪耳唔會話超級大件反而同糖水底好好咁融合咗，每一啖都有好多雪耳碎✨薄荷琵琶凍食食吓覺得味道超級熟悉🤭冇錯就係川貝念慈菴

感覺莆田就像一個美食嘉年華，經常舉辦唔同嘅美食節，亦會舉辦廚師爭霸戰去發掘新菜式！裝修過的莆田，光鮮亮眼，地方舒服整潔！趁住莆田鰻魚節，帶埋父母來荃灣廣場，品嚐最新鮮的鰻魚！先來2 杯飲品消暑，蕃荔枝汁口感清新酸甜，大家都愛！🐷 莆田荔枝肉 $98外型有幾分似荔枝的炸酥肉外脆內軟！包滿甜酸汁，愈食愈開胃！🥬 大白菜燉軟豆腐 $128自從飲過一次之後，真係每次必點！用上大骨熬製8小時的上湯，再加入大白菜，軟豆腐，豬肉，蟶子等食材，湯頭鮮甜滋補，好啱繁忙都市人飲！🐠蒜蓉豆豉蒸鰻魚 $188餐牌標榜出口級的活鰻魚，令人份外期待！上枱鰻魚不負眾望，厚切大件，趁熱食，魚肉肥美鮮嫩，魚皮油脂香滑，連腐皮亦吸滿蒜頭豆豉香，很滿意！🍮薄荷枇杷凍 $48清熱止咳的一款甜品，入口涼浸浸，薄荷香味獨特，爸媽亦喜歡！🍐桂花陳皮燉雪梨 $48原隻雪梨燉桂花陳皮，潤肺止咳，很滋潤，不會太甜！🌙月光太太

最近經常都去食中菜，上癮了🤣想試吓唔同地方嘅菜式，唔睇唔知原來呢間係食福建閩南菜💠杞子菊花🌼飲落冇茶味，應該係杞子菊花水，清熱💠前菜🥜鹹酸菜、花生💠福建特色紅糟鰻$188睇餐牌全紅色，完全估唔到佢係炸嘅😯個炸衣有少少似炸雞扒嘅口感，入面嘅鰻魚肉連皮炸，魚肉軟嫩，淋左紅色嘅紅糟醬，帶少少酒味，食落甜甜地唔會太漏👍🏻💠福建特色海蠣煎🦪$128 亦都接近平時食嘅蠔仔煎蛋～完全冇用粉開，接近九成都係海蠣肉，啖啖肉，勁足料，唔腥，加埋佢地嘅酸辣汁食仲正！💠芥蘭豆皮🥬$88/例豆皮份量幾多，芥蘭新鮮💠芋泥香酥鴨🦆$98個皮薄而脆，一層炸皮下就係軟綿芋泥，混合鹹香鴨肉絲，香口惹味💠鹹香黃花魚🐟$88外層金黃香脆，未食已經聞到陣陣煎魚香，魚肉緊緻嫩滑同屋企人黎食佢哋都話幾啱口味，嚟緊中秋都諗緊再嚟食做節飯😳overall 價錢同食物都正路

莆田風味食評，品味紅槽鰻魚、芋香鴨和包菜飯紅槽鰻魚：莆田的紅槽鰻魚以其獨特的燒烤風味而聞名。每一塊鰻魚都經過精心處理和慢燒，肉質鮮嫩、入口即化。這道菜以其深邃的鰻魚香氣和柔軟的質感令人驚艷。鰻魚的外皮烤至金黃酥脆，內裡則是肉質的嫩滑。搭配醬汁，每一口都散發出濃郁的香味，回味無窮。芋香鴨：這道莆田特色菜以其獨特的芋頭風味和鴨肉的鮮美而令人難以忘懷。鴨肉經過特殊處理，口感柔軟多汁，搭配上酥脆的外皮。芋頭則帶來了一種濃郁的香氣和綿密的口感，與鴨肉完美融合。每一口都充滿了鴨肉的鮮美和芋頭的香甜，讓人愛不釋手。包菜飯：這道簡單而美味的菜餚展現了莆田烹飪的藝術。包菜飯以新鮮的菜和米飯為主要材料，搭配上適量的調味料和烹飪技巧，營造出一道鬆軟、濕潤的飯菜。包菜的清爽與米飯的香甜相融合，每一口都充滿了滿足感。這道菜以其簡約而美味的風味，令人回味無窮。莆田的紅槽鰻魚、芋香鴨和包菜飯展現了獨特的烹飪風味。從紅槽鰻魚的鮮嫩和燒烤香氣，到芋香鴨的豐富口感，再到包菜飯的簡單美味，每一道菜都帶給味蕾一種驚喜和滿足。這些菜餚展現了莆田烹飪的精髓和對食材的尊重，讓人意猶未盡。

假日來荃灣，見出了鰻魚節，於是再次encore💓❥ 金湯佛跳牆 $228/位被菜單的「年度大菜」所吸引✨ 上枱時用火熱著保持溫度，老母雞熬製的金湯，濃厚鮮甜。內有鮑魚、花膠、海參、松茸、竹笙、瑤柱，還有鵪鶉蛋，十分足料矜貴✨❥ 辣汁花蛤 $98花蛤飽滿無沙，辣汁香辣惹味，忍不住一口接一口，份量亦比預期中多。❥ 福州風味紅糟雞 $98之前食過一次，今次再encore! 紅糟獨有的味道，濃郁不油膩，兼具酒香及肉香。❥ 辣子燒鰻魚 $188辣子雞丁就食得多，辣子鰻魚就第一次見😳 適逢鰻魚節新菜式，點來嚐嚐。 鰻魚先煎後再燜煮，不會似乾鍋般令肉質乾柴，反而保持鮮嫩，就連外皮也是Q彈，更多一分麻鮮微辣，又不錯喎！想再食的海蠣煎售完了😣 有點可惜，唯有下次再來吧..

✨普寧豆醬焗鰻魚又到鰻魚當造季節 梗係要試下鰻魚菜式鰻魚肥美 結實帶爽 用上普寧豆醬作調味加埋蒜頭洋蔥等配料 濃郁惹味✨鹹香黃花魚黃花魚炸得乾脆 連骨都可以食埋味道鹹香 做送酒小食會一流✨酥炒芋芯有一層薄薄嘅糖 包住芋頭外層薄脆帶甜 芋頭軟腍✨阿元香草雞雞皮爽脆 肉質結實 滷汁惹味✨莆田荔枝肉份量唔少 有啲似咕嚕肉荔枝肉外層微脆 肉質鬆軟 醬汁味道酸酸甜甜 夠開胃 配料有荔枝 三色椒同洋蔥總結：食物都唔錯 環境舒適好坐 服務貼心價錢可以 可以一試

餐廳之前推出過各種食材既活動，今次終於到我最愛既鰻魚啦～山泉水煮活鰻魚（$188）這道菜以新鮮的鰻魚為主角，湯汁清淡但富有層次感。鰻魚肉質爽口，而湯汁則散發出深厚的魚香味。家鄉竹筍乾（$58）竹筍乾的烹調方式其保持左原始的脆爽口感，並增添了淡淡的香氣，係一道簡單美味既開胃菜福建特色海蠣煎（$128）展現左福建料理既獨特風味。海蠣煎得香脆，表面金黃酥脆，內部鮮嫩多汁。搭配餐廳特製既醬汁，絕對是牡蠣愛好者既首選。跳跳魚撞豆腐（$138）魚肉鮮美，肉質細嫩，豆腐吸收了美味的湯汁，口感豐富，令人回味。九轉小腸（$118）小腸一層包一層，經過巧妙的烹調，口感爽彈，搭配多種調味料，每一口都充滿層次感。絕對值得品味。

莆田都有抵食午市套餐，$88/起一位餐，亦有豐富午市頭等2人餐。揀咗一個2人餐$398及散叫咗時令鰻魚季嘅普寧豆醬焗鰻魚。鰻魚用煲上，配上普寧豆醬、洋蔥、蒜頭等，味道濃郁。鰻魚肉質鮮嫩，啖啖肉。午市頭等2人餐包括蝦苗頭水紫菜、酒香竹筒蝦、黃金荷葉包、芥蘭豆皮、福建海鮮滷麵同埋雪耳湯。每一款菜式都有心思。蝦苗頭水紫菜酸酸地，好開胃。酒香竹筒蝦係一道特色菜式，用竹筒烹調，保持咗蝦肉嘅鮮甜度同鮮味，湯有酒香又帶點藥材味。黃金荷葉包炸得香脆，好似炸饅頭，可以夾住啲肉絲食。芥蘭豆皮係一道經典嘅炒菜，芥蘭青翠爽口，豆皮口感豐富。福建海鮮滷麵係一碗豐富嘅滷麵，湯底清清地。海鮮有海蜆、蟶子等。最後，雪耳湯清爽滋潤，唔錯嘅甜品。莆田餐廳環境舒適，服務專業周到。午市套餐價錢合理，份量十足。