莆田 (荃灣廣場)

營業中

休息中

莆田住進軍香港已有一段時間，有米芝蓮一星加持，分店越開越多，身為褔建人早已想試試，剛好今天在荃灣廣場見到，終於可以一試。餐廳最近推出哆頭蟶節活動，$199就可嘗到2款蟶子菜式，另外餐牌上亦看見很多香港少有的正宗的閩菜，光是餐牌已經夠我打上合格分數。冰爽酒糟蟶子哆頭蟶是香港俗稱的扁蟶，本身是褔建一帶的特產，扁蟶比香港餐桌上常見的竹蟶及蟶子皇細小，但本身比較鮮甜，故此用一些簡單的做法，就更突出蟶子本身的味道。酒糟蟶子以簡單的酒香烘托蟶子本身的清甜，蟶子肉質肥美飽滿，作為一道開胃冷盤一流。鐵板鹽焗蟶子鹽焗蟶子是褔建傳統的做法，同樣以簡單的鹽作調味，蟶子肉質比前一道菜較乾身，故令味道集中，更能顯出蟶子的鹹鮮清甜。百秒黃花魚黃花魚口感細緻鮮嫩，但要注意魚骨稍多，以魚湯純粹的天然真味作點綴，將魚肉和魚湯一同入口，味道相得益彰。興化炒米粉一上桌就知道十分對辦，因為米粉是用上褔建的幼身米粉，炒得乾身，絲毫不油膩﹐細嚼下更能品出米香，與清蔬的滋味相配，令人有意外驚喜。

BB差唔多半歲，開始可以同我地出街啦~不過為左唔打擾日常作息，暫時只係中午出街~靜靜地食個午飯，媽媽已經好心足~ XD今日一家黎到荃灣廣場睇Lego展~首先去莆田食個午餐~環境舒服又寬闊~ 而且落地玻璃夠光猛~BB 好奇睇街景，大人可以安樂食飯~ 哈哈冰爽酒糟蟶子非常適合夏日的前菜~蟶子隻隻飽滿肥美~入口有酒香，但依然食到鮮味~另一送蟶子菜式：鐵板鹽焗蟶子蟶子質素係好，但唔太入味~只係食到鮮味~發現台上自制辣醬~ 入口酸辣惹味~沾上辣醬後，蟶子更有層次~叫左一條黃花魚細細條2人分享岩哂~魚肉嫩滑~ 最後興化米粉~落足料去炒~ 鐘意佢唔油膩~ 食落有淡淡米香！

過往從朋友口中聽過"莆田"餐廳這個名稱，說菜式特別，味道不錯，若有機會要試吓。剛巧今日我和老公來到荃灣廣場逛街，望見餐廳水牌上顯示四樓有"莆田"，也不考慮其他餐廳了，直接前往"莆田''進餐。在餐廳門口已看到內裡人頭湧湧，幸好當時等侯入內既客人不算長龍，等了大概五分鐘，便可入內 ; 而在等候期間，餐廳安排了免費飲品(可添飲)供等候客人飲用，味道甜甜的(唔記得飲品名稱)，如此細心安排，抵讚。餐廳裝潢新穎，燈飾富有時代感 ; 每位侍應都有禮待客，並勤快換碟、斟茶。看過餐牌後，記得於餐廳門口有個"哆頭蟶節，品味八變''既蟶子推介，價錢$198有兩份味道不同既蟶子，好耐無食過蟶子，就要呢個。冰爽酒糟蟶子~ 酒香四溢，聞到陣陣花雕酒香，蟶子肉厚肥美鮮甜，加上冰涼又多汁，非常醒胃。鐵板鹽焗蟶子~ 用熱辣辣嘅鐵板承載著粗鹽焗熟蟶子， 肉質雖然比起酒糟蟶子較為乾身，但多了一份鹹香及食到蟶子既原有鮮味， 絕對係另一番滋味，唔怪之得係2017年哆頭蟶節食材節銷售冠軍既菜式。之後再來一個百秒黄花魚($69)肉質熟而不散，味道淡而不寡，將黄花魚既鮮味保留下來，嚐過後，令我留下深刻嘅印象。最後係興化炒米粉($82

莆田絕對係香港幾出名嘅福建菜！我唔係福建人，但都覺佢嘅菜式花盡心思，每樣都盡善盡美。除咗賣相靚外，每樣食物都唔馬虎，食過好幾次，家人都會回頭想食！算係一間唔錯嘅連鎖餐店啊😋.🔹冰爽酒精蟶子 $119
莆田入面我最鍾意食就係蟶子，平時我主要都係揀鹽焗多，但今次同埋爸爸食佢想試下配酒係點，估唔到出奇哋夾，令到蟶子個鮮味更出！.🔹鐵板鹽焗蟶子 $99其實每次我一定叫係呢個鹽焗，因為我本身對鹽焗嘅食物好鍾意，而且幾個月後再食都係一樣咁好味，keep到水準！.🔹百味黃花魚 $69／位黃花魚都可以叫做長青魚，大多數人都食，加上又唔多骨！我好怕多骨魚。.🔹興化炒米粉$78呢個係我第一次係莆田食嘅菜式，但亦係我覺得全晚最好味嘅！有別於一般炒米粉，感覺更幼，同埋佢配上一個酸酸辣辣嘅醬令我好開胃，好想知究竟點整，真係好好味！.8/10

中菜館食海鮮🐠🐟🦐全部都好好味，首先係酒糟聖子，味道有啲似醉雞，但雞變左聖子，而且聖子未開殼，更加保住鮮味👍🏻。之後係鹽焗聖子😋，熱辣辣食最好味👍🏻，味道能滲入聖子入面，唔會太咸亦唔淡，比起酒糟聖子，鹽焗更加鎖住鮮味。之後係黃花魚🐟，魚超鮮甜，魚比較細，肉會更加滑，而且只係落左豉油調味，已經好好食😋，但細魚比較多骨。最後米粉出奇地好食👍🏻😋❤️，加入多種配料，口感豐富，加入香菇，花生，紫菜，食起泥更加香口。全部都好好食，但服務差小小，bk左4點，去到荃灣先打電話泥，話廚師落左場，咁點解你落場時間都比我地bk？

最近經過荃灣廣場，發現咗原來莆田出咗好多蟶子嘅菜式，一直心思思好想去食，終於決定咗前幾日去食呢個係冰爽酒糟蟶子，每隻蟶子都好肥美爆滿，而且味道帶點酒味，好香，係冷盤嚟嘅，攞嚟做小食一流呢個係鐵板鹽焗聖子，真係有成塊鐵板咁搬出嚟，而且啲鹽好實淨，熱辣辣，而味道都係帶點鹹味，可以增加佢嘅鮮味。呢個係百秒黃花魚，成鍋熱辣辣咁，真係成條黃花魚，味道好清甜，而且入邊仲有薑可以劈到魚嘅腥味，最鍾意係個汁，好似魚湯咁，不過就有好多細骨食起嚟就要小心啲。

真實食客評價，2018年8月份到荃灣莆田用餐。每人消費約250元。很失望，相隔一段時間沒有到莆田沒有想到從食物水準到服務水平 都大幅下降。扁肉湯 是微溫有無搞錯鐵板鹽焗聖子焗過籠乾到！以為自己吃擦字膠同部長/經理反映，話係咁㗎喎。當顧客不懂煮野食嗎？🐷手完全不入味救命只有麵線勉強維持以前的水準侍應態度不佳，粗手粗腳😂我以為自己去左茶記一吃完就趕時間收野，但台上的食物殘渣又唔清理乾淨重點係冇人等緊枱見到咁本來想叫甜品，但都係無謂啦，費事太失望，不會再光顧，不推薦此餐廳

見到莆田有哆頭蟶節，我同老公都好中意食蟶子就入左去食，出面熱辣辣，一坐低梗係叫左冷盤食啦，見到細細碟以為好少，但原來都有10隻，蟶子用酒浸住，淡淡酒香，味道似醉雞翼，但口感當然完全唔同，蟶子鮮甜味美，最緊要咬落口唔會成口沙。鐵板鹽焗蟶子 $99而家餐廳做緊推廣，蟶子兩食$198，頭先試左酒糟，之後緊係試埋鹽焗，見到個牌寫住銷量冠軍，整塊鐵板舖滿粗鹽，食落唔會好咸之餘仲帶出蟶子既鮮甜。百秒黃花魚 $69「只用一百秒，蒸熟一條魚」，成個砂鍋上枱，短時間已經將條黃花魚蒸熟，唔會過老，調味只用了簡單嘅薑和蔥，魚湯充滿黃花魚既鮮味。興化米粉 $82米粉口感獨特，加上蝦，蜆肉同其他配菜，不油不膩，加上枱面上有個辣媽辣椒醬，加埋一齊好惹味又開胃

今天要到荃灣度身訂造西裝，惦記在新加坡過江龍（莆田）品嘗過的蟶子八味，所以特意攜母親大人再訪享用午膳。百秒黃花魚，顧名思義用一百秒時間進行烹煮，此方法能保持淡水魚的肉質爽嫩，亦帶清甜味。魚皮爽彈，充滿骨膠原，魚肉精華都在湯中，惟魚湯味偏腥，卻沒太有衝動想多喝一口。鐵板鹽焗蟶子$198/二食，其一用鐵板鹽焗蟶子，鎖住鮮甜肉汁， 充滿鹹鮮海水味 ，豐富蟶子肉味的層次。冰爽酒糟蟶子，帶有花雕酒香味。興化炒米粉$82，米粉幼細，無劣米米漿黏痴質感，絲絲分明不易折斷，加上蜆肉、花生，炒得惹味甘香。以莆田的質素來說，下午茶的價錢，cp值十分高，款式種類都不缺，值得推介。

莆田雖然貴為米芝連一星餐廳，但價錢唔算貴，環境舒適，坐耐左都唔會趕客，主題顏色仲要係好靚既湖水藍。近排做緊哆頭蟶節，呢排蟶子當造，應該會特別肥美好食。餐牌上有好多款唔同煮法既蟶子，每款都會略略講下做法味道，今次就揀左餐牌推介既頭兩款，叫晒2款都唔洗200蚊。冰爽酒糟蟶子蟶子比平時我地食開既較為肥短，但肉質飽滿，散發陣陣酒香同鮮甜味，酒味香而不嗆，夠冰又夠爽，個人本身都好鐘意食呢d酒製食品，所以呢款好迎合到個人口味，非常不錯。鐵板鹽焗蟶子食左款凍既，之後就食個熱辣辣既，呢款係用鹽焗既方式，入口鮮味爆發，鮮甜好味帶點咸香，同酒糟蟶子係兩種截然不同的感覺，一樣好好食。百秒黃花魚聲稱係用百秒蒸成既，真係蒸得超滑時間剛剛好，雖然細細條但都多肉嫩滑，骨係有既，但唔腥，飲埋個湯超正。興化米粉見多人叫所以叫埋一份，材料豐富，每一啖都好足料，有蝦蜆，豬肉絲，紫菜同花生，米粉係超幼身米粉，口感細滑，入口鬆化，炒得乾身唔油膩，恰到好處。

有日行過見到呢間好特別，係食「新加坡福建菜」，有點好奇，而且好似坐得幾舒服，鋪面好大，就同朋友去試下坐低見到主打食蟶子，又上黎openrice爬下文先發覺幾多人話正喎！咁就試下啦，平時都係就咁蒸黎食～冰爽酒槽蟶子呢個勁正！好似醉雞嘅light版，酒味剛好不會苦，帶出蟶子鮮甜、爽口感覺。原來蟶子配酒好夾鐵板鹽焗蟶子第一次食咁樣鹽焗法一點都唔咸，反而好似好似有啲海水味令蟶子好鮮味！不過個殼好熱，食果時要小心手百秒黃花魚呢個係用100秒蒸起一條黃花，又係見好多人叫。魚肉好鮮好嫩個魚湯都好好味好香！我就一啖魚肉淋啲湯上面一口食晒，咁樣會更香更滑興化米粉 $82呢個超超超好食係睇唔出嘅。佢好香口，加左爆香左嘅魷魚（我估）等香料、仲有蝦、中式紫菜（脆）、菇、菜絲等。好夠獲氣，好似我喺大陸食過嘅地道炒米粉同埋兩個人先食到，好飽

成日經過都未食過，本身以為係西式/日式，估唔到係中式。第一次食福建菜！門面兩張台好靚第一次有紫菜送茶，好有趣！紫菜個味唔會太咸，淡淡的大海味... 個茶都幾好飲，佢個味都唔係非常濃，係清香果隻，好好聞見佢地做緊promotion就叫左兩款蟶子，兩種風味冰爽酒糟蟶子同鐵板鹽焗蟶子冰爽哩個涼浸浸，酒味唔會太重，容易入口，作為頭盤一流加上佢肉質都肥美，好味道！鹽焗哩個係佢地嘅no.1，果然名不虛傳！個殻焗到金金地，好香！好奇咁點左個百秒黃花魚，menu上寫話100秒就可以蒸熟一條魚，想知係咪真係咁神奇。雖然最後唔知係咪真係只用左100秒，但佢個味就係好純，就係蒸魚！魚味出又唔會腥，同非常嫩滑！最後覺得要食澱粉質先夠飽，叫左興化炒米粉。米粉十分柔軟，米香真係十足！同埋有好多料，一啲都唔寡配埋個茶，

上個月黎食過一次，覺得幾好食而且又唔食好貴，但上次就因為電話冇晒電所以影唔到相寫食評，今次經開荃灣見冇咩人排隊就決定再黎食過順便就再影過相寫第一味嘅頭盤就係冰爽酒糟蟶子呢一個冷盤岩晒而家天時暑熱食，微甜嘅酒味令到人食完一隻又一隻，食完個冷盤之後即刻就開胃晒蟶子肉相當飽滿，大隻到就黎要破殼而出咁百秒黃花魚肉質鮮甜嫩滑，配合埋上湯味道就好似活捉即煮，鐘意食魚嘅朋友呢道菜係必點嘅鐵板鹽焗蟶子係用鹽黎帶出蟶子本身嘅鮮甜味美，食落味道與之前嘅酒糟蟶子截然不同興化米粉炒到好乾身唔會好油，如果鐘意嘅朋友就可是加埋辣椒油撈黎食，咁就會變得仲更香更好味

今日和朋友在荃灣約咗睇戲,睇戲前醫咗個肚先,這個商場好多嘢食,我和友人行咗一陣,揀了這間閩菜餐廳。試下新菜式,餐廳用藍綠色為主,感覺舒服,一入門口,已經見到個推廣,哆頭蟶節,品味八變。正值當做,而且有好多個做法。有而家做推廣,叫兩款唔同味道都係198。每張枱都有相對的距離,坐得舒服,店員嘅服務都很親切。餐牌用彩色印制,每個餸都好吸引我們叫了冰爽酒糟蟶子和鐵板鹽焗蟶子。另外,還叫了百秒黃花魚和興化炒米粉 。首先講下蟶子,冰爽酒糟蟶子,這個是冷盤 用酒糟浸滿了蟶子,每隻蟶子的大小均一,所以吸收酒的多少都均等。食下去就好似醉雞一樣,好香醇的酒味,肉質爽口,好新鮮。鹽焗蟶子,用鐵板送上時還有個蓋冚住的,一打開,見到用了很多鹽冚著蟶子,仲熱辣辣，等了一會才食,用手取來吃,點知都是很熱,因為用鹽冚住,所以保温得很耐。這個焗的蟶子較為香口和乾身,有鮮味。所以我較喜歡這個味道。正。另外,叫了得獎名菜,百秒黃花魚。則是用100秒來烹調。好期待。這道菜用魚湯浸住黃花魚,只見到用羗和葱來烹調,魚雖然不是太大,但魚肉好滑,魚湯好鮮味,唔腥。一人一條都不為過。食咗兩樣海鮮,叫番個主糧。興化炒米粉,這個米粉比較幼

莆田PUTIEN。清新純樸嘅農家菜| TSxLife |莆田PUTIEN位於荃灣廣場，今次去主要吃有新派感覺的農家菜。一看餐牌，食物種類多得很，菜式包括黃金荷葉包，興化米粉～新加坡美食多元化，而且它們比香港更早推出Michelin Guide。莆田也是在該範疇連續兩年獲得一星肯定，而且它每個小菜之價錢合理，顛覆傳統星級餐廳價格高不可攀的印象，在當地已更吸引不少台灣、星馬藝人及名人到訪，在台灣成立了3家分店。每一個季節，這店都有不同的食物以配合天氣，可以說是不時不吃呢。春季四月天，莆田以時令春筍入菜，搭配豬五花慢火燒製「春筍燜五花」。可惜，這個時間就不可以吃這一道菜。天氣炎熱且令人不想吃得太飽，故叫的小新菜考驗主廚功夫和心思，「百秒黃花魚」以自製的鮮甜上湯再以黃花魚做主菜，搭配「家鄉感情興化米粉」同樣以當地出名食材作主食，很吸引呢。不能不提為下午茶的小格仔，每一個格的食物都很好吃，一次過吃光也不用八十元，非常抵吃呢～原來，莆田這個名字是其實源自中國福建省之沿海城市，主打當地清新純樸嘅農家菜，因此這店環境也令人覺得清新，以確保地道風味。