茶茶Go

營業中

休息中

見到好多人推薦呢間嘅肉鬆小方，已經bookmark左好耐🔖但好可惜嗰日賣晒😢不過好彩都仲有我好想試嘅兩款盒子甜品😚🙌🏻✨芋泥肉鬆盒子 $42芋泥同肉鬆雖然係一鹹一甜但呢個配搭真係好正好match😛呢個盒子入面有好多層，最面頭有一層肉鬆，下面有cream，同埋兩層海綿蛋糕中間夾住啲芋泥💜 肉鬆嘅鹹味令到成個甜品冇咁膩，芋泥好綿密而且好滑，奶香突出👅甜度亦適中～係出色嘅芋泥呀😍！✨黑糖伯爵盒子 $36鍾意伯爵茶嘅味道，又鍾意食cream嘅人一定會愛上呢款甜品🤣 平時我都成日喺出面試伯爵茶嘅甜品，通常都係淡淡嘅伯爵茶香，唔係好滿足到我。但呢一款伯爵茶味好濃郁好正🤩‼️不過老實講一次過食晒兩款盒子都真係幾膩，建議大家可以揀啲清新啲冇咁濟嘅嘢飲做搭配會好啲👌🏻✨Oreo黑糖珍珠奶茶 $36估唔到珍珠奶茶同Oreo都幾夾，入邊有好多Oreo碎，飲嘅時候每啖都有oreo😆 黑糖珍珠整得出色，口感煙靭彈牙，黑糖味濃郁👍🏻

今日去咗staycation 係房悶悶地，想買啲台式飲品同甜品做下午茶見到哩間茶茶Go有啲特色甜品就去試下去到都算多人，好彩都唔洗等好耐飲品種類好多下，又有沙冰又有茶仲有楊枝甘露，唔淨係焗限得奶茶類我地分別叫左杯燕麥琥珀奶茶（$35）+黃金珍珠同埋Oreo 黑糖珍珠奶茶（$36），兩邊都少冰半糖另外叫左個Cake Box: 豆乳盒子（$38）啲野飲勁足料😂 料佔左成半杯野飲，淨係食料都好飽肚😂 半糖後既甜度就適中喇！而個甜品就好有驚喜，首先個盒好靚😂😂 打卡一流！然後個味道真係好好食！啲cream好香好滑，但又唔會太甜太膩喎，好神奇店員都好好有提我地要即日食左佢，未食前要放雪櫃👍🏻細細份兩個人分，做tea真係prefect

陪女朋友去完花墟再行去油麻地睇Figure，熱到快溶既時候見到呢間救星！Order左杯櫻羽水果甘露同逮丸芋圓2號，幾分鐘就飲得！櫻羽水果甘露即場飲非常之夠凍，有橙、鳳梨、奇異果，幾乎每啖飲落去都有果肉，十分之清新！推介！逮丸芋圓2號無得選擇甜度，飲落唔太甜，有淡淡既芋圓咪，芋圓算煙韌，但較細粒。諗住叫個盒子黎試下點知今日無。唯有買份紫菜肉鬆小方蛋糕，肉鬆之多灑滿哂頂層，蛋糕幾軟熟，咸中帶甜，下午茶既不二之選！

炎炎夏日☀️最好就係飲番杯涼透心嘅飲品! 呢間🇹🇼台灣過江龍茶飲店嘅飲品款式有好多, 有鮮果、奶茶、果物/原葉芝士舞霜、厚奶雪見沙系列, 除咗手搖茶, 仲有盒子蛋糕買🍰❤️蘇芳紅果芭樂紅肉火龍果沙冰＋芭樂醬, 呢個組合呈現兩隻色❤️🤍, 層次分明, 顏色好sharp呢! ～ 芭樂味比火龍果味突出, 火龍果味相對較清香, 冰凍又解渴!💜芋泥肉鬆盒子#芋泥控 必試, 勁多芋泥啊😍❗️上層舖滿肉鬆, 中間以cream、芋泥、海綿蛋糕做夾心, 層次分明, 一啖食落去有多重口感😋! 中間嗰層芋泥真係超級厚、超級多🤤! 芋泥口感綿密又香甜, 散發住芋泥香氣~ 蛋糕鬆軟濕潤, 整體唔會太甜膩, 芋泥與鹹香嘅肉鬆配合, 呢個配搭唔錯!

近排天氣咁熱🌞，當然要飲番杯凍嘢獎勵吓自己啦。我妹妹👧🏻呢就係珍珠奶茶🧋狂，每次經過登打士街都會話要飲，今次就試吓呢一間叫茶茶go。⚜️京都抹茶玉露🍵，見到成杯淺綠色就有好fresh既感覺。開頭仲以為玉露入邊係有嘢嘅添，原來係冇嘅，諗住會有啲嘢咬下。綠茶味幾重，勝在呢就唔係好甜👍🏻，⚜️岩燒黑糖珍珠奶茶🧋，黑糖珍珠奶茶最怕就係好甜，但佢呢杯真係啱啱好💓，減緊肥罪惡感即刻冇咁多，哈哈。岩燒黑糖味都好香，珍珠都好彈牙👄。

肉鬆小方 36蚊鬆軟嘅口感，一眼望落去見到好多肉鬆同埋有啲紫菜，芝麻喺上面。用叉吉落去都幾實淨喎！👀一啖咬落去，食到好鬆軟！見到佢海綿蛋糕之間都有啲醬，甜甜地，原來係蜂蜜黎！好似食緊台灣嗰個蜂蜜蛋糕咁！甜甜地嘅蛋糕同肉鬆既鹹，又鹹又甜估唔到又幾夾！😍 同埋肉鬆，芝麻，海苔咬落去充滿口感，同海綿蛋糕嘅軟熟形成一個好強烈嘅對比，好食！不過一口氣食完2舊會覺得有啲甜，要飲下佢杯嘢飲😆京都抹茶玉露（ 熱）24蚊飲落去好濃既抹茶味，飲得出有抹茶粉同埋叫咗小甜，甜度合適， 抹茶嘅味道同奶好夾，可以中和番肉鬆少方嘅甜度👍 飲完兩啖又可以再食😉

以前係灣仔食過茶茶go 覺得好正！可惜之後執左無得食🥲今日行過旺角竟然見到😱即刻🐶衝😂紫菜肉鬆小方 - 好足料😍個質地似蛋糕又似麵包，大量嘅肉鬆再加醬，好味！芋頭3號 - 黑糖珍珠好香好煙靭👍🏻芋頭同奶嘅配搭都啱啱好👍🏻正烏龍烤奶 - 飲落唔係平時既奶，呢杯既奶味超濃～～～飲得出不同泰式奶凍話冰沙 - 好濃泰茶味 比起其他泰奶唔算甜，奶凍有好濃奶味，配搭一齊好夾Oreo黑珍珠奶茶 - 黑糖珍珠好香好煙靭，每啖都飲到Oreo，好足料本身仲想試盒子，可惜太暢銷，我嚟到只係得反肉鬆小方😂下次一齊要睇下有冇盒子😮‍💨

台式甜品！經過呢間茶飲店見到有一盒盒蛋糕賣，都好似幾吸引，於是買幾隻味道同朋友一齊試吓，大家最鍾意食嘅係紫菜肉鬆小方，高度推介！芋泥肉鬆$42- 芋泥口感幼滑，份量好多，非常飽肚，食晒覺得有啲濟。豆乳盒子$38- 豆乳味道輕盈啲，淡淡豆腐嘅味道加上creamy忌廉芝士，唔錯。芒果芝士$38- 甜嘅芒果粒粒配上鹹鹹地嘅芝士，唔係太夾。黑糖伯爵$36- 因為有朋友第日都買左呢個盒子蛋糕，突然發覺之前佢比漏咗黑糖珍珠俾我，有啲傷心。唔怪之得就咁食個伯爵忌廉蛋糕冇乜黑糖味啦。紫菜肉鬆小方$38- 起初覺得蛋糕加上鹹嘅紫菜肉鬆同沙律醬味道會好古怪，但係結果出奇地夾，而且唔止一個朋友覺得好食，連續幾個朋友都不約而同比呢個小方吸引，再幫襯。肉鬆嘅份量毫不吝嗇，即使放咗喺雪櫃幾個鐘先食，蛋糕仍然保持濕潤。相比起蛋糕盒子，呢個小方更加值得一試，高度推介！

茶茶Go👻約埋朋友打牌之前經過見到啲野飲咁吸引當然嗌返幾杯分享一路打牌一路飲都幾爽呀😎.🔅OREO 黑糖珍珠奶茶 HKD 36OREO味mix落珍珠奶茶又幾新奇佢個黑糖有得揀少甜唔太甜咁啱啱好珍珠同OREO既份量都幾多配搭得幾好🥰🔅真。岩燒黑糖奶凍 HKD 34奶凍幾滑好似布甸岩燒黑糖有啲焦香奶凍都係第一次飲無配奶茶咁濃🔅白玉珍珠奶茶 HKD 30奶茶個茶底都夠濃夠滑上埋佢個白玉珍珠白玉既珍珠雖然無咁煙韌但係味道又唔錯喎🔅夏夜白桃烏龍 HKD 29想飲清清地既茶就揀咗佢依個白桃烏龍淡淡既白桃味個配搭幾fresh😛.整體黎講:特色配搭 夠多元化😚.🎈 茶茶Go (旺角)旺角登打士街43P - 43S號鴻輝大廈地下9B號舖

香港人向來愛吃台灣菜，其實我也不例如，覺得台灣菜好好吃呢☺️。不顧是滷肉飯、牛肉麵、炸雞扒、芋圓，還是台式飲料，我應該沒有一款是不愛吃的～ 當天去旺角吃晚餐，去餐廳前發現有不少人推介過的 •茶茶𝕘𝕠💕• 我就選了3款食物試試囉～ 小店由多名資深烘焙師主理，大部分都曾經在台灣受訓過，口味保證正宗呢～ 「 紫菜肉鬆小方🥳$38」 我超愛吃這個小方的🤣，一塊便有齊我愛的紫菜和肉鬆，鹹中帶香，口感好軟熟呀。 「 豆乳盒子🍼$38 」 「 ʜᴜʟᴛ綠盒子💚$36」 我頗喜歡買盒子蛋糕，不但整齊，也方便攜帶，不怕會壓扁和倒瀉🤣。蛋糕鬆軟，豆乳微甜，不錯。綠茶味偏甜，色澤濃一點就更吸引。 

而家天口咁熱，行兩步都已經出晒汗，所以成日都想飲嘢。於是就喺呢度嗌咗Oreo珍珠奶茶，拎到上手嘅時候，都幾surprise，因為佢好大杯！飲入口之後，更加surprised, 因為佢落咗超多Oreo,真係好似食緊好多塊曲奇餅咁, 然後又有勁多珍珠, 而啲珍珠好有咬口；雖然佢唔係鮮奶，但係啲茶味同埋奶味都配合得非常好，我嗌咗健康甜，即係少甜味道啱啱好。另外一杯係 Mango Soy Smoothie 感覺上好似以前連鎖店嘅嘢飲,但係最好係有啲芒果粒, 而且佢係用Soy Milk, 所以冇咁漏，非常推薦

💕Chachago🌈逮丸芋頭2號 $45逮丸芋頭系列有三款，2號呢款係芋泥牛奶🥛配小芋圓，另外兩款分別係配黑/白珍珠.芋泥份量佔咗半杯，每一啖都飲到口感綿密嘅芋泥😍配上牛奶同小芋圓，其實都幾飽肚，加兩件肉鬆小方就可以係一個豐富嘅下午茶喇. 🌈黑糖珍珠奶茶珍珠黑糖味幾香濃，煙煙韌韌，奶茶質感濃厚有茶香，甜度亦剛剛好🧋.🌈紫菜肉鬆小方＄38/4件一盒四件，柔軟嘅海綿蛋糕中間夾住蛋黃醬，外層係惹味嘅肉鬆，肉鬆多到圍滿成件蛋糕，非常足料🧡.海綿蛋糕口感濕潤，蛋黃醬嘅酸甜令呢個鹹甜嘅組合味道更為豐富

嚟自台灣嘅呢間手搖飲店標榜用料天然而且用料同製作方法都好講究務求可以還原台灣當地嘅味道非常高質喔💕-🍠逮丸芋頭2號 ($45)呢個芋頭系列係招牌作呀👍🏻選用大甲芋頭製成一共有3款分別在配搭唔同嘅配料！而2號呢款就係配上小芋圓🟣小芋圓口感煙韌，份量超多呢🥰加埋綿密嘅芋泥同香濃牛奶🥛非常飽肚喔 🍍鳳梨水果茶（$36）私心大推呢款水果茶呀💕選用咗高雄大樹金鑽鳳梨以及台灣頂級18號紅玉紅茶製作！味道酸甜開胃啖啖都食到鳳梨粒，超足料喔👍🏻除咗選用台灣產食材製作之外...為咗令茶湯質素更穩定店鋪更特別安裝一部還原水機系統務求可以製出接近台灣水質嘅手搖飲呢！🥄抹茶豆乳盒子（$36）抹茶味濃郁，唔會太甜膩😋中間係豆乳cream，口感滑溜而底層係鬆軟嘅海綿蛋糕層次非常豐富喔！

出開旺角梗係要買返杯快樂肥仔水飲下先得啦😎登打士街咁多間手搖店入面最吸引我嘅就係呢間台灣過江龍 - 茶茶Go佢唔單只係賣手搖～佢仲有幾款台式蛋糕&盒子賣逮丸芋頭2號✨一半係牛奶&珍珠🥛另一半係打得好綿密嘅芋頭泥🥰香濃嘅牛奶味同芋泥真係好夾呀！啲珍珠偏腍又帶啲咬口，加埋成杯一齊飲好滿足😚甜度方面我無特別揀～但飲落唔算太過甜！我幾中意💕大吉紺野香橙✨朋友叫左呢杯好濃嘅大吉紺野香橙🍊係呢個又悶熱又落雨絲濕嘅天氣飲🤗零舍透心涼🍹紫菜肉鬆小方(四件）✨呢四件蛋糕上面鋪滿哂鹹鹹香香嘅紫菜肉鬆😋入邊個蛋糕給鬆軟好濕潤～每咬一啖蛋糕都會食到肉鬆😆中間仲落咗啲蛋黃醬～呢個組合真心好食😛茶茶Go (旺角)旺角登打士街43P - 43S號鴻輝大廈地下9B號舖

台灣過江龍茶飲店，啱晒宜熱到爆嘅天氣。除咗手搖茶個雪櫃仲有好多一盒盒好靚嘅盒子蛋糕。肉鬆芋泥好正，但係太熱，叫咗豆乳盒子。果然味道清爽輕盈。一層醬一層蛋糕一層cream一層蛋糕，方便外賣又易拎。奶蓋白桃烏龍🍑奶蓋香滑，烏龍夠味，消暑一流。抹茶奶凍沙冰🍵抹茶沙冰加咗奶凍，一次過飲晒兩個口感，大熱天時整返一杯即刻透心涼。今日農曆七月初七夕，佢哋今日會有買一送一優惠呀。今晚食完晚飯同另一半一齊過嚟過返一個甜蜜七夕