茶茶Go

營業中

休息中

依加冇得好似以前自由自在地係街頭小食，就連飲杯手搖都好麻煩，結果同大佬再買多小小野食上朋友studio度食。😂 ⦁金煌楊枝甘露 $36⦁櫻羽水果甘露 $36⦁紫菜肉鬆小方 $38⦁黑糖伯爵盒子 $36🥭本身以為楊枝甘露好普通，點知朋友話尼杯係尼間手搖店最多人買的其中一款。我試左啖終於明點解，因為會飲到沙冰綿綿的感覺，岩晒夏天飲。🥝櫻羽水果甘露有別於其他手搖店的水果茶，不但飲到果香茶香，而且唔會苦澀，仲好解膩解暑。 肉鬆小方同盒子蛋糕都係尼間手搖店最出名，小方果款就係戚風蛋糕俾蛋黃醬、紫菜、肉鬆包住。口感鬆軟，蛋黃醬令到蛋糕冇咁乾身，而且紫菜肉鬆的鹹香味，咸甜咸甜令到蛋糕有多重層次。盒子果款，碗左一小杯黑糖珍珠，食前淋在蛋糕上面，伯爵茶味香濃，忌廉細滑，配埋珍珠，口感超級豐富！👍🏻👍🏻

同朋友食完飯行街經過登打士街見到呢間飲品店，口痕嘅我地決定叫番2杯嘢食一路行一路飲，好多選擇唔知揀咩好就睇下排行榜最多人揀咩，原本揀左top1但真係太人氣已經賣哂，唯有下次再試下。真.岩燒黑糖鮮奶黑糖糖度剛剛好，珍珠煙韌彈牙，粒粒分明，鮮奶香濃美味。紫暮葡萄雪見沙一飲落口成杯都係用提子打成，好香，沙冰打得幼細，因為用新鮮提子打成，就算無叫少甜，都唔會太甜，味道清新。芋泥肉鬆盒子除左飲品外仲有小食，我地叫左個番屋企食，好多芋泥係入面，芋泥甜，肉鬆咸咸地，味道很夾。

這間茶飲店除了售賣手調飲品🥤外，還有售賣盒子和蛋糕，而且很多款式都是有芋頭，最適合我這個芋頭控不過了😍店內玻璃櫃放了各種的肉鬆小方和盒子，非常吸引！我除了是個芋頭控外，也是個肉鬆控，所以這間店非常合我胃口🥰♡楊枝芋露白珍🥤$40 🥢必點🥢十分豐富的飲料，有楊枝的鮮甜味道，有芋頭的香濃味道，加上有白珍的口感。白珍的口感好像是香滑版的麻糬，煙煙韌韌的。而且份量很多，喝到底部還有，感覺喝不完似的😂♡紫菜肉鬆小方(四件)$38 🥢必點🥢滿滿的紫菜肉鬆佈滿整個小方，質感鬆軟，有蛋香味，內裡有沙律醬😋配起來吃超級好吃！♡芋泥肉鬆盒子$42有四層不同的味道，面層鋪上肉鬆，第二層是香滑的忌廉。第三層是滿滿的芋泥，芋泥夾雜芋頭粒，最下一層是蛋糕，口感非常有層次。

茶茶gogo個名幾特別Wo ，加上夏日炎炎，嘆番杯冰凍飲品降下溫先😍😍我就揀咗呢杯”金煌楊枝甘露”配料超多，分別有金煌芒果汁、芒果粒、椰奶、西柚果肉、紅茶果凍，口感豐富，味道一流，重點係唔太甜添，感覺良好😂仲叫咗夏夜白桃烏龍，一打開色裝紙，茶味好香，一啖飲落去淡淡白桃味，好清新，同樣係唔太甜，不錯不錯👍🏻之後仲叫咗個”芋泥肉鬆盒子”，超多肉鬆碎，再加啲紫菜碎，夾著海綿蛋糕，而最底層係芋泥，甜甜地，口豐幾特別❣️茶茶GO旺角登打士街43P - 43S號鴻輝大廈地下9B號舖

紫菜肉鬆小貝係店中 signature，紫菜肉鬆的戚風蛋糕，每盒有4大件，足料紫菜肉鬆佈滿蛋糕外圍，每一足都滿滿肉鬆，蛋糕軟熟，中間位置塗上蛋黃醬！不過紫菜肉鬆味道更出！肉鬆虎皮卷這蛋卷要預前兩日訂購，起初我以為是瑞士卷類型的蛋卷，虎皮卷更似pancake 質地，中間搽上一層甜甜的醬，配上大量肉鬆！咸甜的感覺挺特別。豆乳盒子幸運地，當日最後一盒豆乳盒子被我帶回家咯！基本上傍晚時分，大多盒子都沽清所以想試就要早點去！整盒子都滿滿奶蓋味，喜歡飲奶蓋或好奶的朋友應該會喜歡！淡淡豆乳配上creamy 奶蓋的蛋糕這小小的份量恰到好處！

#📍 茶茶Go 旺角 旺角登打士街43P - 43S號鴻輝大廈地下9B號舖🔸金煌楊枝甘露 $36🔸夏夜白桃烏龍 $29🔸黑糖伯爵盒子 $36🔸紫菜肉鬆小方 $38🍒點評時間廣華街多野食就個個都知 手搖飲品店有埋盒子蛋糕賣真係少見啦😮老實講我係比佢嘅盒子吸引左🤣雪櫃入面有唔同嘅盒子同埋肉鬆小方 小朋友先做選擇 我兩樣都買‼️🌸黑糖伯爵盒子伯爵茶味好濃 混合埋海綿蛋糕底一齊食已經好正最正係店員比左杯黑糖珍珠 話連埋伯爵盒子食好似飲緊黑糖珍珠伯爵茶咁🥰🌸紫菜肉鬆小方滿滿嘅肉鬆令我無法抗拒 蛋糕好軟綿綿🍰又咸又甜朋友擔心唔好食 點知佢食唔停口😂🌸金煌楊枝甘露眼花撩亂就揀左小店TOP 1推介🌟好足料🤩有芒果粒、西柚肉、愛玉啖啖都飲到配料😜叫左小甜就比平時楊枝甘露淡啲 大家可以叫返正常甜度🤣🌸夏夜白桃烏龍叫杯茶飲自我感覺良好啲啦😌夏天熱辣辣飲落好清新如果想邪惡啲就可以自己加奶蓋珍珠🫢好味指數😋：⭐️⭐️⭐️⭐⭐抵食指數😛：⭐️⭐️⭐️⭐⭐服務指數⚜️：⭐️⭐️⭐️⭐環境指數🧽：⭐️⭐️⭐️⭐️

係旺角行咗陣街，鍾意飲手搖嘅我，就見到有間係咁熱辣辣嘅天氣底下，人潮竟然不斷。排緊隊見前面啲人又叫甜品又嘢飲咁，咁就跟人買嚟試試。攞到啲嘢食嘢飲，見到啲份量，就覺得飲杯嘢就已經飽咗，落足料呀😆😆∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 金煌楊枝甘露 $42口感同味道都好豐富，有滑嘟嘟嘅愛玉凍、爆汁西柚肉、新鮮又甜嘅芒果粒、同埋椰奶芒果汁打成嘅沙冰底。叫咗半甜之後，都係好甜🥰係嚟自芒果嘅鮮甜呀～而且好香椰奶味。整體清新好透心涼，啱晒係咁熱辣辣嘅天氣飲番杯🥂❥ Oreo 黑糖珍珠奶茶 $36啖啖都食到 Orea餅碎同黑糖珍珠，珍珠好重黑糖味，有咬口，愈咬黑糖味愈出🧋奶茶茶底濃而唔苦澀，奶茶口感好順滑😋❥ 紫菜肉鬆小方 $38表面鋪有滿滿嘅肉鬆同紫菜，咬落去蛋糕遇到口水即溶化，鹹甜鹹甜，感覺好奇妙🤤∴∵୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴

依家天氣咁熱，去旺角行街真係要買d嘢飲消暑，見到有茶茶Go就特登去試下，因為依間係台灣過江龍，珍珠奶茶比較正宗。😍今次order左凍岩燒黑糖珍珠奶茶、紫暮落雪芝士葡萄，仲叫左份紫菜肉鬆小方食。🥰凍岩燒黑糖珍珠奶茶嘅珍珠好多，而且每一粒都好qq煙煙靱靱，黑糖、奶及茶比例平均，奶茶好滑，黑糖甜度適中。😋紫暮落雪芝士葡萄表層有香濃芝士奶蓋，好creamy味道夠，入面嘅葡萄味道清新夠晒fresh，另外我加左jelly，飲每一啖都有食到，好滿足。😋紫菜肉鬆小方食有極多肉鬆，紫菜味亦濃，而且價錢貼地，好值得一試。😋

手搖就飲得多, 手搖店出既蛋糕就真係第一次試. 前兩次去都摸門釘賣晒, 今次星期五晚大約七點去終於買到☺️芋泥肉鬆盒子作為其中一樣招牌食品, 芋泥同肉鬆既配搭本來就冇得輸, 咸咸甜甜咁非常好食. 中間個層芋泥仲會食到一舊舊既芋頭令口感更豐富, 不過建議可以切細啲, 有兩舊係大到成隻手指公咁大件😅豆乳盒子就比較失色, 成個盒子蛋糕只係得最頂個層豆乳醬有味,中間個層cream太多之餘味道欠捧, 食哂所有cream會覺得非常膩肉鬆小貝最有驚喜, 本身以為同港式肉鬆包差唔多, 但原來蛋糕中間仲有加上類似咸蛋黃醬做夾層, 再加上非常澎湃既肉鬆份量, 呢個最好食😋

約左朋友去旺角上樓上道場掟鏢。朋友指定要係登打士街等埋一齊行。原來係想去呢間「茶茶Go」買左杯野飲先。奇怪旺角咁多外賣茶店，點解一定要嚟呢間。一場嚟到，冇理由吾買番杯試下㗎。《泰式奶凍冰沙》（$34/大杯），坦白講咁嘅價錢大杯裝吾算貴，睇到個賣相正常OK 。試咗啖，又真係超好飲啵。杯面有溫馨提示最佳嚐味限期30分鐘，老老實實其實冇可能過到三十分鐘，因為本人覺得真係太好飲，一放低又會忍不住又拎起再飲。奶茶甜度適中、茶味香不太甜，奶凍香軟、冰沙幼滑冰凉超爽。《櫻羽水果甘凍》（$36/大杯），一直以為水果茶都係一樣，今日見到原來有係有不同的。呢杯茶吾會有苦澀的味道，茶香而豐富水果甜，而且夠新鮮。除了呢兩款飲品，其他很多款不同特色飲品都有興趣試下。另外還有蛋糕、盒子等小食。有機會下次再去。

來到旺角，必會留在這一刻，純粹為了飲番杯茶茶Go！茶茶Go都有不少款式茶飲：鮮果、牛乳、沙冰等…來到必會叫我最愛嘅茶茶Go「三寶」！逮丸芋頭一號他們用回芋泥本身味道，不另加糖，但芋泥與鮮奶混合後，還保持順滑綿密，而且當中更有煙韌嘅黃金珍珠，入口軟糯，感覺甜美。紫菜肉鬆小方飲茶店都有美味小食…咪就係出哂名嘅「紫菜肉鬆小方」，一盒四件，每件蛋糕都有軟綿綿的海綿蛋糕，包著香口咸香紫菜肉鬆，入口微微香甜，鮮味無比，一食難忘，越食越滋味。芋泥肉鬆盒子仲有最愛嘅綿密芋泥做埋盒子，同樣添上鹹香嘅肉鬆，亦有軟綿綿嘅海綿蛋糕，入口口感鬆軟嘅芋泥，細滑綿密，層次豐富，難怪買嘅時候只淨下一至兩盒，真係手快有，手慢就…明天啦！

天口咁㷫喺條街度行真係好需要一杯凍飲幫助降溫…🤦🏻‍♀️同男朋友黎左呢度買飲品果陣竟然見到個display櫃有賣一樣超似我地咸豐年前返大陸東門食過叫做‘小貝’嘅物體😱即刻忍唔住買黎回憶下🤓❤️紫菜肉鬆小方 💰3️⃣8️⃣係一小件戚風蛋糕被蛋黃醬包裹住，然後蛋黃醬又被紫菜肉鬆包裹住既小食😁蛋糕口感鬆軟，蛋黃醬令佢提升左層次而且唔會咁乾身👍而紫菜肉鬆又會多左重鹹香味，可以中和返蛋黃醬既輕微甜膩感，成件事好夾好好食！😋❤️黑糖伯爵盒子 💰3️⃣6️⃣另外俾咗半杯珍珠可以倒落去一齊食，超足料🤭伯爵味幾清香，忌廉幼滑，配埋珍珠食口感不錯👍⭐️金煌楊枝甘露加小芋圓(微冰半甜) 💰4️⃣2️⃣雖然叫左微冰但係飲落都唔會好濃郁，芋圓煙韌度爭啲，還好😂

茶茶GO紫暮葡萄雪見沙 $35Whipped Grape Soy好靚嘅名🍇 而且都係其一受歡迎飲品, 店員話係類似smoothie. 不過最底嘅葡萄較為偏甜逮丸芋頭2號 $45Taro Soy123號分別就係珍珠/小芋圓/黑糖珍珠🧋芋圓普通, 口感有點粉, 唔夠煙韌. 芋泥綿密, 有飽肚感. 呢杯相對無咁甜紫菜肉鬆小方 $38原以為小方係包, 原來係蛋糕. 面頭係肉鬆紫菜, 下面係甜甜地嘅蛋糕, 咸甜味道其實都match, 不過佢夾左層mayonnaise 令攞上手同食落去都有點油膩🙈 見佢仲有蛋糕好似都幾特別, 不過當日去無哂. 買唔買到要睇彩數

同朋友去完買switch game見到呢間飲品店原來係台灣開過黎架😳見佢唔止有飲品賣 仲有小盒子蛋糕類既甜品.🧋Oreo黑糖珍珠奶茶 $36小編揀左小甜 因為有珍珠都夠甜估唔到加埋Oreo反而有幾層口感因為佢係整碎哂Oreo 有成大半杯都係每一啖飲都會有珍珠+餅碎奶茶底都好香濃茶味整體又唔會好漏wo~.🍠芋泥肉鬆盒子 $42芋泥係會流動 唔會太結 都唔會好甜有好多芋頭粒 🫶🏻 加重層次感Cream同肉鬆好夾 最底有一層係海綿蛋糕 好軟熟 吸哂d芋泥精華.🫔紫菜肉鬆小方(四件) $38紫菜肉鬆既配搭重來都係冇得輸呢個小佈滿紫菜肉鬆中間係實身d既海綿蛋糕+蛋黃醬酸酸甜甜咁 成件事好豐富 好滿足.📍茶茶Go📌旺角登打士街43P - 43S號鴻輝大廈地下9B號舖

天氣真係好熱，行經旺角真係好想飲一杯嘢。今次嚟到登打士街呢一間舖頭Oreo 黑糖珍珠奶茶加奶蓋邪惡之選，奶茶醇厚，珍珠滲有黑糖既香甜，珍珠口感煙韌，Oreo碎碎都幾多，不過茶味可以更濃。肉鬆小貝肉鬆滿滿灑喺面，裏面係濕濕地帶鬆軟既麵包口感。配以紫菜碎，食落加份鹹香。蘇芳紅果芒芒完完全全使用新鮮的水果去鮮榨，小編特意叫咗走糖，明顯飲得出火龍果的清甜，配上芒果帶以微酸，入口好和諧。而且更帶有粒粒果肉，芝士奶蓋的奶味較濃，質地濃稠，略嫌芝士味不算突出。