茶聊

營業中

休息中

今日係朗豪坊附近做完嘢，打算買外賣番屋企食，打開電話search附近有咩餐廳，見到熱門推介呢間 #茶聊，就決定試一試。上到去餐廳環境寛敝，空間感十足，坐係到好舒服。輕煎北海道刺身帶子水牛芝士汁手工墨魚麵帶子鮮甜厚肉，輕輕一煎做到外脆內軟，水牛芝士汁香濃creamy，麵條緊緊掂滿醬汁，手工墨魚麵好好味，煙韌有口感。鹹蛋黃烤鳳尾蝦漢堡配凱撒沙律薯條薯條新鮮炸起，香脆熱辣辣，凱撒沙律爽口，鳳尾蝦加左鹹蛋黃更加惹味，蝦肉爽口彈牙，漢堡7成熟，牛肉味濃郁。黑糖珍珠鮮奶珍珠口感煙韌，鮮奶入口香濃，加上黑糖甜而不膩。芝芝芒芒芒果味濃郁，一點都唔假，芝士奶蓋厚，creamy。

放假又去搵啲靚靚餐廳食下野☺️放鬆吓 今次去左位於旺角嘅茶聊 地點好方便喺朗豪坊附近依間餐廳以茶做主題 🍵有各自茶飲 同以西餐為主 餐廳無論佈置定食物都好靚 好岩打卡😍環境舒服 食物仲好高質🥰鹹蛋黃烤鳳尾蝦🦐漢堡配凱撒沙律薯條🍟餐廳用咗個大鳥籠裝住漢堡 好igable 🥰除左賣相好吸引 味道仲好有質素麵包鬆軟 安格斯🐮牛肉味濃仲好juice 加埋鹹蛋黃鳳尾蝦 鹹蛋黃味香濃蝦🦐又爽口 加埋塊半溶芝士生菜 蕃茄 同醬汁 口感豐富 好味🥰旁邊仲配左炸薯條同凱撒沙律🥗份量都幾多黃金炸軟殼蟹🦀火箭菜烤手抓薄餅手抓餅好酥脆 夾住一大隻炸到脆卜卜嘅軟殼蟹🦀加埋火箭菜 蕃茄同芝麻醬 味道好夾 😋盛夏香芒🥭熱情果疏乎厘班戟🥞疏乎厘班戟厚身鬆軟 蛋香味濃郁 口感軟綿 充滿空氣感 芒果熱情果醬 酸酸甜甜 唔會覺得好漏 真係好滿足🥰髒髒黑糖珍珠鮮奶🍫鮮奶濃厚香滑 珍珠好煙靭帶淡淡黑糖味 味道唔會好甜面層同杯邊都鋪滿可可粉 形成髒髒嘅效果 外型好吸晴 打卡一流😍滿杯桃桃飲落啖啖都桃肉 桃味幾濃 唔會蓋過個茶味好清新🍑

今日同朋友約定放假按摩同嘆茶就試下呢間「茶聊」餐廳點餐係用QR code 好方便啱晒我鐘意睇圖的人😬我同朋友二人 每人點了不同的漢堡包餐分別係 咸蛋烤鳳尾蝦漢堡餐 $158同 安格斯沙爹牛肉片漢堡餐 $168 還另加一個小食 拉絲水牛芝士條 一上枱 只係賣相都完全吸引了 🤤完全係打卡位上了🤭兩個餐分別都用雀籠來裝著 幾有新鮮感簡直完全有驚喜 到味道方面 牛肉漢堡好juicy 唔錯 就連個包皮都幾好食 唔會太乾淨淨的 拉絲水牛芝士條都幾得意 淡淡地 可以影相玩下最後總結 本人認為可以再嚟過🤭

今日係鬧市之中搵到一個可以靜下來坐低慢慢同朋友傾下計嘅好地方！環境有格調，仲有打卡位！🔥輕煎北海道刺身帶子水牛芝士汁手工墨魚麵濃濃嘅芝士汁岩哂我呢個芝士控食！手工墨魚麵好彈牙，刺身級帶子略略煎到兩邊黃金岩岩好，外面微脆，裡面嫰滑🔥安格斯沙嗲牛肉片漢堡呢個係打卡必點嘅鳥籠漢堡，漢堡做得幾出色，牛肉patty 係煎得岩岩好，口感唔會好鞋，仲有少少肉汁，配埋沙嗲牛肉，雙牛滿足你！🔥芝芝桃桃而家通常d台式飲品店都係takeaway, 但係茶聊就可以坐低慢慢飲！呢杯芝芝桃桃嘅芝士奶蓋好夠咸香！桃肉係爆滿左成杯，溝埋奶蓋一齊飲好正！🔥楊枝甘露茶呢杯楊枝甘露茶好足料！成杯都係生果，好滿足，重點係佢杯野唔使嗌少甜已經唔係好甜！

兩個白色湯 吃到一種白蘑菇嘅味道喂這餐豐富嘅西餐 開始一個美麗嘅序幕大蝦意粉 三隻大蝦啖啖肉配上扁意粉可以見到一餐西餐嘅精髓 而且醬汁非常好 白汁配合扁意粉非常掛汁 外觀同埋內涵都非常之美麗這個沙律並非一般的西餐沙律這麼簡單沙律菜感覺非常新鮮亦都非常之趣卜卜開上沙律汁同埋煙肉粒粒 食到一種看得見的清新巨型漢堡包牛肉肉質仍然保存得非常之好加上牛肉啖啖肉 啱晒喜歡食肉嘅人士 配合條條新鮮炸起嘅薯條配合一流最後兩杯飲品淨係見外觀都非常美麗啱晒夏天一家幾口共度一個非常開心嘅晏晝下次來旺角一定要試吓 無論糖食或者外賣一樣有一種意想不到嘅美味之旅查看餐牌還有不少美食 10次都食唔晒一樣咁好食

📍 茶聊 (旺角)旺角砵蘭街189號1樓今次去左旺角人氣樓上Cafe🌟地點位於朗豪坊附近， 地理位置非常方便。今次都唔知第幾次你實在太鍾意呢度嘅嘢飲！📍其實小編都嚟過依家餐廳好多次，每次行過諗唔到食乜都會去呢度打躉 今日weekday 唔使點等😄📍今次嗌咗兩個lunch set一個蛋黃汁蝦意粉，個牛肉漢堡(有餐湯餸)+2杯特飲，都係平時的水準😋😋味道👅：8/10服務💁🏻‍♀️：8/10環境🌾：8/10消費💰：$200-300地址旺角砵蘭街189號1樓

同朋友黎呢間ig上好受歡迎嘅打卡餐廳，慶祝中秋節連假！呢到嘅signature應該係個鳥籠漢堡包？ 成個ig都是佢嘅相，哈哈！我們叫咗個沙爹牛肉安格斯漢堡，包皮係比較軟個種，所以漢堡包睇落比較扁平，我同朋友都覺得佢應該用厚身脆啲嘅包皮會好啲，因為佢係比較juicy同漢堡包肉都係係比較淋嘅，我又食唔到沙嗲味但佢個醬係好好食嘅， 配埋啲菜同蕃茄，整體我覺得個漢堡包係幾好食嘅。佢呢度仲有手抓餅，好似係呢一種西餐廳cafe比較少食到嘅，但係朋友唔想嗌，所以我哋嗌咗一個正常嘅pasta, 黑椒蒜油炒蜆肉闊條麵。食落去會覺得有一啲辣嘅，但佢嘅蜆肉唔錯，唔係一食就覺得係冰鮮嘅個d.另外佢d野飲係有嗰啲台式飲品，我哋嗌咗最經典、喺IG上面最多人嗌嘅髒髒黑糖珍珠鮮奶同髒髒紫薯沙冰，後者都幾有驚喜喎，雖然叫沙冰但食落去又唔覺得好冰，反而都幾濃郁， 而且底下係真係有一堆紫薯肉，唔錯！不過呢兩個都冇得改甜度，所以應該好高kcal.

呢間真係好有驚喜😍/ 蒲燒鰻魚玉子包 🌟$118🌟唔好睇個包細細個 其實都好飽鰻魚厚身 蛋都滑 加埋一齊成個包都好juicy🤤另外薯條份量都好多👍🏻呢間真係要去試下 環境都好好 坐得好舒服☺️☺️☺️

見Openrice 有好多好評，食物賣相都唔錯，就book臺去試下啦。本身book左13：30，但因為上晝個活動早左完，所以就早d 12:30pm去餐廳睇下有無walk-in位啦。一去到就有個男既侍應粗聲粗氣甘問"有無訂位呀"，我話"有，訂左1:30pm，不過早左黎，想睇下宜家有無位", 佢話“你訂1：30pm架嘛，你甘早黎我點會俾到臺你呢！“我話“我知，我想睇下有無得walk-in姐“佢話“1：30pm準時交臺！“甘我諗住其實一個鐘都夠食，所以就照坐低啦。其實當時間餐廳仲有幾張4人臺，都坐唔滿。個侍應態度麻麻+唔耐煩。坐低左野食都黎齊，但系水都無杯，我咪舉手叫左個金毛侍應拎d水黎，跟住個侍應用超大聲呼喝道“戴 好 個 口 罩！自己出去斟！呢度系自助！我地唔會幫你斟！“好rude好大聲，仲要系命令式語氣，大聲到隔離幾臺都聽到，我心諗你唔講我點會知系自助呢？我系咪得罪左你？點解你要甘樣同我講野呢！我聽完都呆左幾秒先識俾反應。唔講以為自己去左澳牛／茶餐廳。你做得呢個價位既cafe，連基本服務都無？仲要態度甘差！大把樓上cafe平過你都有服務過你！坐低30分鐘已經遞左張單黎，叫你check下

前兩日去咗人氣餐廳「茶聊」晚飯，無輪食物質素🍲及環境裝修都非常好✨，難怪成為人氣餐廳。👏🏻太平洋煎海蝦🦐配藍青口白酒忌廉汁手工墨魚🦑麵$148手工墨魚麵好香墨魚味而且有咬口✨多隻藍青口都肥大肉厚🐚，煎海蝦新鮮香甜🦐，整體相當好味😋。安格斯沙爹牛肉片漢堡🍔配凱撒沙律及薯條🍟$168安格斯牛又厚又juicy👏🏻加埋沙爹牛肉片啖啖肉好好味，而且漢堡包夠鬆軟🍔，絕對推介。跟餐仲有凱撒沙律🥗同脆薯條，沙律菜清新爽脆，而薯條香脆好味。髒髒紫薯鮮奶🥤$44餐廳另一出色既地方係飲品，充滿紫薯香味加埋鮮奶香濃無比✨而且紫薯肉夠多，十分推介。👍🏻楊枝甘露茶🧋$48尼杯楊枝甘露甜品材料十分豐富，仲多過出面甜品舖既份量。👏🏻啖啖果肉，非常好味😋。

今天終於嚐一嚐大名鼎鼎的茶聊，炎炎夏日，難得沒有人排隊，立即入座。門口擺放了很好看的仙人掌，和挺適合打卡的位置，不過冷氣略嫌不足所以我們沒有逗留這裏最有名的當然是茶飲，我點了大吉嶺芝士奶蓋和四季春奶蓋。很少地方可以點大吉嶺，當然要試一試！ 茶味香濃而不澀！還有很多很多款可以選，保證有你喜歡的！推薦指數： ⭐️⭐️⭐️⭐️⭐️龍蝦包每一啖都是肉，龍蝦嫩滑，多士又香又鬆軟，值得一試。不過薯條略為失色，略為幼身以及不夠熱。但是衝着龍蝦包還是可以一試！ 推介指數：⭐️⭐️⭐️接下來要介紹的是很好吃的黃金炸軟殼蟹火箭菜烤手抓餅，賣相一流，裡頭的軟殼蟹快要滿溢出來，手抓餅酥香😍超喜歡！ 軟殼蟹是小我最愛的煎炸食品之一，自然不會失望！推介指數：⭐️⭐️⭐️⭐️⭐️今天來說很不錯的一間小店，不用排隊，位置方便，而且食物味道不錯，午餐晚餐輕食的好地方。

聽過好多朋友講呢茶聊既台式飲品同漢煲包性價比高，今日一於一試， 外賣有8折， 緊係外賣返屋企慢慢嘆鹹蛋黃烤鳳尾蝦漢堡+凱撒沙律+薯條係menu見到鹹蛋黃即刻😍,諗都唔駛諗就揀呢個，返到屋企開盒果然有驚喜，兩隻鳳尾蝦都幾大隻同新鮮，肉質爽口，唔係用鹹蛋黃調味來遮蓋蝦味，鹹蛋黃又唔會太濃，塊漢堡扒肉夠厚身，幾大塊，充足肉汁，肉質軟腍細嫩，醬汁仲好惹味，個包係塗左牛油兩面煎過，所以就算坐完車返到屋企都唔會淋哂餐廳用蛋糕盒來裝漢堡包，令漢堡包唔會在外帶途中壓偏哂，真係幾細心，讚👍🏻 輕煎北海道刺身帶子水牛芝士汁手工墨魚麵用得刺身級帶子真係簡單煎下兩邊已經好夠，肉質好嫩，好大隻，帶子本身唔係濃味野， 配水牛芝士汁就岩哂，手工墨魚麵係扁既麵，口感彈牙有𡁻口，鍾意食意粉既朋友真係值得一試🍹滿杯桃桃店員介紹最近期間限定既滿杯桃桃（茶）， 一如其名，真係成杯都係桃肉，基本上每一啖茶都一定有細細粒既桃肉，我叫左走甜，本身桃既甜味已經令杯茶都有清甜，不肆甜既朋友可作參考

💕茶聊餐廳在朗豪坊附近，地點方便，太掛住佢地嘅髒髒奶茶，今晚就外賣返屋企慢慢嘆🥰.🌈鹹蛋黃烤鳳尾蝦漢堡$158漢堡包🍔好有份量，未食已經見到熱溶芝士蓋住成塊漢堡扒，賣相超吸引🤤漢堡扒牛味濃，有芝士同鳳尾蝦襯托，味道幾豐富🦐凱撒沙律配以煙肉碎、麵包粒，沙律汁重黑椒味，食落微辣幾開胃，我鍾意🙌🏽.🌈輕煎北海道刺身帶子水牛芝士汁手工墨魚麵 $138厚肉嘅帶子煎得金黃，口感爽彈又鮮甜🧡水牛芝士汁煮得creamy，手工墨魚麵質感煙韌，而且好掛汁，食落淡淡芝士香唔會過膩🧀.🌈髒髒黑糖珍珠鮮奶🧋$44餐廳其中一個signature係呢杯髒髒黑糖珍珠鮮奶，珍珠煙韌彈牙，黑糖味濃郁，面頭灑上可可粉，賣相極具霸氣🌈黑糖珍珠鮮奶 $44太鍾意佢地嘅黑糖珍珠🤣另外叫多杯黑糖珍珠鮮奶俾屋企人試😍餐廳用嘅明治牛奶味道濃郁，口感好rich，飲落啖啖黑糖味，真材實料

喺旺角做完Facial，就梗係周圍搵嘢食啦，砵蘭街嘅嘢食就特別多，今次就食咗一間西餐為主但係又有少少台式風味嘅餐廳。🤩輕煎北海道刺身帶子水牛芝士汁手工墨魚麵🍝🍝手工意粉唔一定要幾百蚊一碟嘅，百幾蚊一碟都可以好好食😋配以好新鮮嘅帶子，yummy!!🥰🥰🥰🤩安格斯沙爹牛肉片 漢堡(安格斯牛肉、沙嗲牛肉片）配凱撒沙律及薯條用料十足，除了有安格斯牛，特別係有港式沙嗲牛肉片，😍😍😍簡直係雙重嘅享受。配以少少沙律菜，食落就冇咁肥膩。😀😀🤩黃金炸軟殼蟹火箭菜烤手抓薄餅出奇地原來手抓餅再加埋軟殼蟹都幾夾㗎。炸軟殼蟹大大隻，口感又脆，好香口。😙😙😙🤩盛夏香芒熱情果梳乎厘梳乎厘做得好，要食落口感棉密，仲有熱情果同芒果🥭，捉緊夏天嘅尾巴。🤩芝芝抹茶抹茶味唔會太苦但係又夠晒濃郁❣️❣️🤩髒髒黑糖珍珠鮮奶打卡一流🫶🫶🫶不惜工本咁落好多朱古力粉，影得又飲得😎😎

幾igable 嘅特色餐廳✨1. . 安格斯沙爹牛肉片漢堡配凱薩沙律薯條 $168幾特別 真係食得出有沙嗲牛個種花生惹味嘅香 個包皮都幾鬆軟 咬落有空氣感 芝士都幾厚 落重料 再加埋個鳥籠做gimmick 打卡幾靚2. 泡椒香蒜鮑汁炒黑豚肉意大利粉 $88呢個都幾特別 食落都幾辣幾過癮 係有少少嗆口嘅辣 又有蒜粒洋蔥粒等等爆香左 個豚肉似係豬頸肉嘅口感 咬落幾彈牙 而且都大大塊 麵係偏幼 軟硬適中 第一次試呢種fusion 玩味重嘅意粉 唔錯3. 髒髒紫薯鮮奶（沙冰）+$16個外表好吸引 好靚嘅深紫色 似落紫薯味超出超重 而且都有沙冰個個碎冰沙沙地嘅口感 加埋奶都幾飽肚 大滿足4. 滿杯桃桃 $48都幾大杯 個色粉粉地橙橙地都幾靚 飲落幾fresh 幾清新 有啲果肉粒粒可以咬