影片
更多
2022-09-10
234 瀏覽
見Openrice 有好多好評，食物賣相都唔錯，就book臺去試下啦。本身book左13：30，但因為上晝個活動早左完，所以就早d 12:30pm去餐廳睇下有無walk-in位啦。一去到就有個男既侍應粗聲粗氣甘問"有無訂位呀"，我話"有，訂左1:30pm，不過早左黎，想睇下宜家有無位", 佢話“你訂1：30pm架嘛，你甘早黎我點會俾到臺你呢！“我話“我知，我想睇下有無得walk-in姐“佢話“1：30pm準時交臺！“甘我諗住其實一個鐘都夠食，所以就照坐低啦。其實當時間餐廳仲有幾張4人臺，都坐唔滿。個侍應態度麻麻+唔耐煩。坐低左野食都黎齊，但系水都無杯，我咪舉手叫左個金毛侍應拎d水黎，跟住個侍應用超大聲呼喝道“戴 好 個 口 罩！自己出去斟！呢度系自助！我地唔會幫你斟！“好rude好大聲，仲要系命令式語氣，大聲到隔離幾臺都聽到，我心諗你唔講我點會知系自助呢？我系咪得罪左你？點解你要甘樣同我講野呢！我聽完都呆左幾秒先識俾反應。唔講以為自己去左澳牛／茶餐廳。你做得呢個價位既cafe，連基本服務都無？仲要態度甘差！大把樓上cafe平過你都有服務過你！坐低30分鐘已經遞左張單黎，叫你check下
一去到就有個男既侍應粗聲粗氣甘問"有無訂位呀"，
我話"有，訂左1:30pm，不過早左黎，想睇下宜家有無位",
佢話“你訂1：30pm架嘛，你甘早黎我點會俾到臺你呢！“
我話“我知，我想睇下有無得walk-in姐“
佢話“1：30pm準時交臺！“
甘我諗住其實一個鐘都夠食，所以就照坐低啦。其實當時間餐廳仲有幾張4人臺，都坐唔滿。個侍應態度麻麻+唔耐煩。
坐低左野食都黎齊，但系水都無杯，我咪舉手叫左個金毛侍應拎d水黎，跟住個侍應用超大聲呼喝道“戴 好 個 口 罩！自己出去斟！呢度系自助！我地唔會幫你斟！“好rude好大聲，仲要系命令式語氣，大聲到隔離幾臺都聽到，我心諗你唔講我點會知系自助呢？我系咪得罪左你？點解你要甘樣同我講野呢！我聽完都呆左幾秒先識俾反應。唔講以為自己去左澳牛／茶餐廳。你做得呢個價位既cafe，連基本服務都無？仲要態度甘差！大把樓上cafe平過你都有服務過你！
坐低30分鐘已經遞左張單黎，叫你check下。食完野又好快收走d餐具同碟，用“肢體語言“示意你快d埋單走人，但明明仲有20分鐘先到交臺時間。成個用餐體驗好唔愉快，真系可一不可再。我本身無寫開食評都忍唔住要寫，食到一肚氣！
我地總共叫左3樣野
1. 輕煎北海道刺身帶子水牛芝士汁手工墨魚麵
-帶子得2粒，正常水平，無咩特別。個墨魚麵同個汁就幾特別，食得出系手工野。賣相都唔錯。
2. 黃金流沙軟殼蟹龍蝦海皇汁意大利燴飯
-呢個味道普通，無咩特別，味道偏鹹。
3. 美國穀飼厚切豬鞍扒配鮮茄茸及烤肉汁伴精選薯蔬
-豬鞍有d柴皮乾身，無肉汁，一定要點隔離個漿汁去食先會有d味道。否則就甘食就無咩味。
3 瀏覽
1 讚好
0 留言
2 瀏覽
0 讚好
0 留言
張貼
