茶木‧台式休閒餐廳 (MOSTown新港城中心(4期))

營業中

休息中

心太軟$38，賣相精緻；我無份食，一陣狂風掃晒，小朋友話想食多份，應該超like😍😍多士條邊香脆可口$38杏仁片都焗得脆香，雪糕更加係消暑必品炸雞髀$38⋯⋯超大份，睇到個樣以為麻麻地，點知切開嚟分係唔夠爭🙈太好味😋蝦餅+海鮮卷$38⋯⋯好好味😋蝦餅香口食完想再食🙊芒果沙冰$38，下午茶餐只需要加$5便可以。超值！黑糖珍珠奶茶$0紅豆薏米仁水$0其中一份茶餐有優惠享半價，故此十分超值！

看到台式甜品 有興趣試一試選了芒果肉的 因為季節當造 一碗有五粒芒果肉 甜中帶一點點酸 可以接受的～😋😋😋還有黑珍珠、涼粉、仙草、薏米、紅豆、紫薯芋圓和豆花 口感很豐富，有黑糖的甜黑糖聽說是健康的 吃完也很有飽肚感。

本來想食壽司，不過太多人輪候，轉食上海菜，又發現原來它正在裝修沒營業，沒其他特別選擇下，臨時轉食台灣菜。今日好想食忌廉意粉，所以大膽地在台式餐廳點了客帆立貝培根奶油手工麵，而男友就點了個三杯雞 （加＄30轉套餐），另外還加點了一個士多啤梨蜜糖磚多士。帆立貝培根奶油手工麵賣相吸引，份量比想像多，但略嫌醬汁奶味偏重和較甜，培根鹹香味未能充分突出。三杯雞有濃濃的麻油香味，但整體雞件調味偏淡，不夠鹹，雞肉有點嚡，而且份量很少，麻麻。士多啤梨蜜糖磚多士多士整體烤得外脆內軟，麵包表面塗有蜜糖，香甜味突出，配以草莓雪糕，酸甜且富莓香的草莓醬和甜忌廉，整體味道香甜可口又不失清新，如果忌廉份量可以再多點就更完美了！多士是今晚最滿意的食物。服務方面整體不錯，上菜速度合理，侍應上甜品前也會先收拾好鹹點餐具和換上新餐具，整潔度不錯！下次再來會主力食甜品。

話說晚上時份有D口痕，想食小小野，咁不如去食個甜品拉，結果叫左個甜品之後，跟住隔離條友話我知已經啟動左飢餓模式，可以叫多小小野，結果我的小小野又係飽到嘔……… 我仲以為流心起司既意思好似係心太軟咁tim,點知原來只係個雪糕溶左落去牛小排超級淋，超級入味，不過件數就唔算多，牛小排底下有大量既芋頭墊底，食完都幾飽一人火鍋黎講，依個份量真係算小，比較適合女士們，肥牛脂肪較多而且有D韌 提提大家， 可能係疫情既關係，原本9：45先last order,宜家已經係9：15，唔好太夜去，唔係就要好似我地咁鯨吞

雖然茶木是連鎖店，很多人都說連鎖店的出品沒有小店的好，但是我覺得茶木的質素永遠都保持水準。我最喜愛吃他的鹽酥雞，一定是熱的和脆脆的。另外也喜歡吃他的肉燥飯，香香的豬油味，味道十分適合我的口味。個人覺得牛肉麵還可以，不是說一定要吃的。這一次還點了一個新的限時撈麵，有一點麻辣的味道，卻不會十分辣，只是帶點麻麻的香口。還附送一個花膠雞湯，花膠雞湯是奶白色的， 十分入味，值得推介。我知道夜晚還有花膠雞窩，很適合冬天進用。另外這次亦點了熱的抹香珍珠奶茶，已經叫了少甜，但是還是有點過甜，珍珠亦沒有什麼咬口。個人認為茶木的飲品就不及出面的小店，但炸物、意粉、肉燥飯等等是真的好味。

原來出咗新嘢，最新系列麻辣三重奏， 啱哂我呀辣妹系列, 以前黎親都淨係食紅燒牛肉麵， 今次就有新選擇我揀咗水煮肥牛， 配白飯， 再加多杯我最愛嘅黑糖珍珠奶茶 簡直人間美味呀， 期間限定㗎各位想試就快啲嚟啦

呢日心血來潮想食台灣牛肉麵～咁啱附近有間茶木，就滿足下食台灣牛肉麵既心願啦上到枱碗麵香到不得了！飲一啖湯，濃味得黎又唔會太咸。加上佢用左自家製既手作麵，條條麵都可以掛到湯汁！本身中意食芫茜既小弟覺得佢加個d芫茜簡直係錦上添花蘿蔔煮完之後都好甜，！雖然牛肉有d un，但整體黎講碗麵真係唔錯份量都唔少，食完係飽既

茶木一向畀我嘅感覺都係乾淨企理 ，而對食物方面， 算係有食物標準嘅品牌， 所以水準會keep到standard。特別鍾意佢呢個特飲， 薏米紅豆水，絕對係去水腫排毒嘅恩物，如果佢有熱飲， 而唔係凍飲效用會更加明顯。見佢都幾經常轉餐牌，為客人帶上新鮮感 ，食物方面都有好多唔同嘅元素，我鍾意佢會加一啲生果落去，感覺會清新一啲。

Came here for lunch, the girl at the kiosk and another server were extremely rude to us, they were almost angry when talking to us, only because we missed a number and asked them why do we have to wait for another table before getting seated. We were standing at the door the entire time, none of them made any effort to ask. I would give zero star for the service and file a complaint. And this is not the first time being treated this way at this location. There are so many other choices in the ma

今日難得一家人落街食飯，11:30就去到茶木，嗰時茶木啱啱開門唔需要等位。諗起一開始茶木登陸馬鞍山嗰時，11:30已經有一大堆人很門口排隊攞飛等入去，不過呢間野已經唔再新鮮，所以開門入去唔使等位都正常。佢個餐牌其實每一次主食都係得嗰啲，佢間唔中會有啲新嘅菜式。今次我叫咗個沙朗肉躁飯。每一次叫飯其實都係為咗隻糖心蛋，我覺得依家啲肉操比較油，下次可以叫佢另上，然後去一去油。沙朗肉其實都唔錯，不過你會食得出佢係雪藏牛肉，同埋用咗梳打粉。感覺上個份量細一小小，得三舊。

今日晏晝，突然想食茶木就入咗去叫咗個士多啤梨蜜糖磚塊，個賣相真係好吸睛，一定要影番幾幅相，另外上面鋪滿士多啤梨同埋棉花糖，五顏六色，大小朋友見到都一定會鍾意。上面舊雪糕溝埋啲士多啤梨醬食真係好正，如果撈埋棉花糖粒加埋士多啤梨，簡直係絕配，下層嘅厚多士點啲雪糕嚟食都係一流，冇得彈，而且有兩大塊厚多士，一個人真係未必食得曬，大家一定要兩個嚟食吖！其實佢哋入面嘅台式小食小菜都好好味，因為我本人都鍾意食台灣嘢，記得個沙茶牛肉好惹味，而佢個鹵水拼盤都一定要叫，不過今次因為下午茶關係唔係食午飯，又唔係食晚飯，所以下次嚟先叫。

仲記得以前好鐘意食茶木，但後來台灣茶嘅餐廳開到周圍都係，已經比較少會去茶木🙈今日嚟到馬鞍山，經過見到茶木，心血來潮想入去試一試🙈一場嚟到梗係要試而家最新推出嘅產品🤓我就嗌咗一個微辣手工拌麵套餐，包括咗有椒麻拌麵、麻辣鴨血同麻辣半根半牛肉😋呢個套餐大推俾大家試下！拌麵非常煙韌有咬口，椒麻味香濃🤩牛根煮得好腍，唔洗驚好難進食😚雖然餐牌上面寫係麻辣，但係唔係好食得辣嘅我都完全接受到🤤至於嘢飲我就嗌咗草莓櫻姬，即係士多啤梨沙冰🍓真係好好飲！因為佢真係用士多啤梨去打成蓉，完全無香精味！口感幼滑😍最特別最特別嘅地方係佢嘅飲管可以食😱係由士多啤梨嘅糖製成🥰佢有超香濃嘅士多啤梨味，只有少少甜味，唔洗擔心佢係糖嘅話會唔會好甜🥳以後食台灣嘢，我會再考慮翻茶木🤪

今天吃的两家餐廳都有推出新菜式⋯⋯阿嫲元貝絲葱油拌麵🙅🏻‍♀️，沒有葱油味，又用的是寬麵，加上元貝絲是炸到干身的那種，令麵很難拌，自然味道也不均勻。絲瓜蛤蜊鱸魚湯蛤蜊殻大但沒什麼肉，鱸魚很“鞋”。湯的味道不錯，喜愛魚湯的人會很愛吃，但怕腥的人就會🙅🏻‍♀️。接下來的幾個菜都不錯。甜品不會過甜，各式配料豐富，吃起來层次感强。牛肚絲雖然有些少辣，但非常開胃😋两個小孩也讚不絕口。手工拌麵口味不辣，但有點麻，用了幼麵加油去拌，入味得來調味又均勻，配菜牛筋也燜得很腍👍🏻。

很久沒來馬鞍山了，也很久沒吃茶木了。當日下午4人來到至今仍然是要排隊的茶木，要了蚵嗲肉碎泡飯($82。整體味道偏咸，已經吃不到蠔仔的鮮味)、阿嫲手作蔥油麵($69。真的咸到不行)、櫻花蝦培根芥末奶油手作麵($73。即使有奶油，都混不淡那個咸味，但其實這個麵都是全部裡面算是最美味的了)、焗飯和小食的香酥大雞扒($62。不過不失，不值這個價錢)。整體而言，覺得水準下降了不少，以前真的很喜歡茶木的手作麵，現在已找不到來吃的原因了。

經常來吃茶木的下午茶餐。價格比晚餐划算很多。幾乎每次都點紅燒牛肉面。牛肉夠軟，白蘿蔔紅蘿蔔都夠熟。手工面很有嚼勁。推薦！紅燒牛肉面+珍珠奶茶，套餐61元。加一后67.