茶木‧台式休閒餐廳 (MOSTown新港城中心(4期))

營業中

休息中

間唔中都會嚟屋企附近嘅茶木食飯。今日中午未夠12:30半就嚟到，唔駛等位就入座。今次坐近門口位置，都幾闊落，附近幾枱都係一個人，又唔駛同人搭枱。見到餐牌有杯新嘅飲品-滿杯珍珠鐵觀音奶茶。我心諗會有幾滿杯，所以就叫咗一杯嚟試。平時習慣都係叫冇冰的，等到個侍應放低杯嘢，我真係呆咗真係超級無敵滿杯珍珠，滿到頂咁滯。會唔會誇張咗啲🫠小食叫咗紅油抄手，不過不失，普普通通正正常常咁冇咩特別。記第一次食呢個台式麻辣半筋半牛肉手工拌麵係幾好味嘅，不過而家啲肥牛真係麻麻地，而且個賣相冇以前咁有心機，個麻辣醬有少少偏鹹。

第一次食評排隊等嗌外賣，前面只有一個正在付款的客人，應該是店中熟人收銀的男同事（疑似店長，收據名字：李x陵）只顧和付款客人在完成付款後繼續傾偈，也不接待後面再排隊的客人一會兒後我開始點餐，收銀職員態度非常惡劣。說了兩個餐點，他自己來不及輸入系統，就喝斥顧客說太快，就不能有禮物地反映嗎？（而且根本只是正常語速，也沒有特別落單要求……）而且因為我之前買過外賣自取有送小食，沒有察覺現在餐牌上沒有了，所以禮貌性地問了一下。結果遭受非常惡劣態度的回覆，語氣中甚至略帶嘲諷。食物味道還未回到家中品嚐，只是實在太失望在回家路上忍不住把這個很差的體驗分享給大家！其實幾喜歡食茶木，現在分店已經越來越少，很希望馬鞍山分店可以堅持下去，但這樣的員工真的令人好卻步！十分失望！

各分店所有員工欠親切、欠笑容……由沙田分店轉回馬鞍山分店~這店至小肯給獨立座位給客人~……麵份量各店都一向不足，再添多80g啦，豬軟骨量、軟度~正常~珍珠奶茶: 奶茶欠小小滑，奶已足，茶唔系最差~個厚包: 燙OK剛好，雪榚: 希望可再選再好再滑~希望各區員工可改善~

店長叫阿Wing同送餐的店員服務態度差點了：炸雞排飯 - 好食，炸雞有醃過，炸得好脆蠔仔湯飯 - 唔好食，蠔仔還蠔仔味，湯飯還湯飯味，仲要係唔好味兒童餐（雞翼）- 蕃薯條炸得脆，有水果，雞翼可能入面有芝士，小朋友唔鍾意食，另外杯橙汁好細杯

今日返左幾個鐘頭工，就掛8號，食埋野先返屋企😆分別叫左3個午餐set,3個都唔同款，分別有炸雞排麵，湯底依舊係濃濃既牛肉湯仲有，佢既炸物都真係保持丁水準另外，叫左個撈麵餐，有鴨血腐皮，一碗青瓜雞絲沙律，撈麵既麻味真係好好食，而麵本身都有埋半隻糖心蛋😋另外，叫左個飯set,揀左手撕雞，有檸檬，令丁個餸既味好fresh,仲有三小碟前菜，同配左滷肉飯，其實可以揀飯/麵/米粉而且，午餐係包野飲，免費既唔岩飲，可以加錢有更多選擇

以前食茶木係為左食佢個toast, 不過依家愈黎愈多唔同既甜品取代佢，都冇咩再聽人講/ 係社交平台 到見到有人打卡。時隔一年多再次食茶木，係食佢個麻辣鴨血伴麵同埋牛肉麵。麻辣鴨血伴麵不過不失，麻香味重，麵質爽滑 ; 牛肉麵就一定唔會再 encore，牛肉肉質夠淋但麵一d 都唔似正宗台灣牛肉麵既質地。所以以台灣 cafe 既expectation 入去食會好d

馬鞍山被譽為美食沙漠？我覺得又好似唔係喎！下午茶時段去茶木食嘢又幾好食，呢間連鎖餐廳嘢食真係好穩陣，完全唔會伏囉餐廳環境不錯，坐落都幾舒服，店員服務正常，上菜時間都唔係好耐我叫咗個下午茶餐🔸肉丸紫菜湯紫菜湯加埋啲炸蒜，帶出台灣風味，暖笠笠，幾好飲🔸雞肉刈包塊雞肉都幾滑，水準正常🔸紅豆薏米水我覺得係最好嘅！飲落去甜甜地，唔會係死甜，有少少薑味，感覺上好健康，補身潤喉嗰種食完呢個下午茶都幾滿足呀

茶木堂食就食得多，今日見好似要等位等好耐，索性轉行買外賣返屋企慢慢嘆。外賣優惠＄140可以揀兩份主菜連飲品。兩份仲送一客小食。第一選擇係黑醋味醂豬軟骨配白飯豬軟骨炆得好腍，有部份軟骨仲可以食埋，味道酸咪咪，幾開胃。另一客係紅燒牛頰肉麵外賣份量都俾得足，牛肉大大舊，入晒味。湯同麵分開，值得一讚。飲品唔洗加錢已經有黑糖珍珠奶茶。仲送一份鹽酥雞。小食雖然份量少少地，但係炸粉唔太厚，都食到啖啖雞肉。＄140加幾蚊外賣費，兩份豐富台式食品，都覺得幾抵食。

天氣時好時壞，濕濕熱熱嘅時候，最好食ｄ香口食物，所以午餐就想食拌麵，涼涼地! 等左好一陣，終於有位啦！🥗松露塔塔雞絲 + 麻辣鴨血（台灣直送）拼素鴨 + 自家製椒辣麻拌麵正呀😍 Lunch set用托盤送上，一眼睇晒有咩食，賣相亦好吸引。松露塔塔雞絲，清爽；拌麵有少少麻辣，而且撈得好入味同惹味，重有一個半熟蛋🥚，係有少少流心架，再加上鴨血拼素鴨，好滿足嘅一餐😋，而且份量啱啱好 ! Lunch set包飲品，叫杯熱柚子蜜，平衡返少少麻辣嘅午餐。

突然間女女話要食下午茶，去咗茶木食佢最鍾意食嘅曲奇巧克力蜜糖磚塊🤤🤤🤤🤤🤤食咗100次都唔會覺得唔好味🤣🤣🤣🤣🤣🤣而家係茶木嘅10周年10 週年特價 $68 超優惠💰💰💰💰💰💰💰

約咗朋友仔喺馬鞍山行街，行街之前諗住食啲嘢先，朋友仔建議不如茶木啦，坐得都舒服。我哋就去排隊，等咗大約20分鐘左右就有位啦，叫咗兩個主食一個鹽酥雞，加杯美祿雪山。雞扒滷肉飯味道唔錯，墨汁意粉就差啲，可能始終係台式食物建議大家都係叫返滷肉飯炸雞扒之類，份量適中。可能鹽酥雞製作需時所以我哋食晒之後先來。同埋午餐時間客人比較多，叫咗第二次侍應先至攞幾杯水，但係值得一讚，佢都會問吓想要幾多杯？跟住之後都好快送上。

午市，叫左個餐，有半筋半牛肉拌麵，係我唔好，冇諗過個牛肉竟然係肥牛🤯仲要冇味嘅..佢真係好好賺啊！野飲黑糖冬瓜茶同黑糖薑母茶，又唔熱又冇味😰以後唔會再嚟了🫣

今日已感到夏天來臨⋯⋯每次一見到有茶木店，我入到去除咗食我至愛嘅:紅燒牛肉麵之外，你都可以選擇:手作麵或新竹米粉，既然天氣熱，就緊係揀一款(有氣)嘅飲品:鮮果冰紅茶，好正，入面係新鮮生果，飲落感覺好清新，飲完條氣當堂順晒。

我有一個情意結，每次入嚟，睇過無數次餐牌，都總會選擇台灣牛肉麵，牛𦟌肉好正👍，佢加入埋白蘿蔔、紅蘿蔔，你會覺得食落好完美嘅配搭，我連湯都飲埋，加多杯水果茶，大大杯，有火龍果、士多啤梨、橙、西瓜、一粒檸檬，成杯飲品又靚又好飲又唔甜，啱晒我口味。

今日放假，搞完一大輪雜務，休息左陣，就去食左個下午茶。母親大人話想食茶木，見佢下午茶餐既份量，我應該唔會夠食😂所以叫返main menu入面既野。母親就話茶餐已經夠食，咁各取所需啦😂佢就叫左個唔知咩台式包再加碗紫菜丸湯配珍珠奶茶🧋我就叫左麻辣鴨血+黑松露醬青瓜雞絲拌麵，呢個麵食左幾次都覺得好味，仲有粒蛋，有小小流心，配既青瓜絲好好味，雞絲係雞髀肉，好滑，仲有脆花生個餐冇野飲，但我地另外叫多左個茶餐食仙草，所以就有多杯野飲🤣個芋圓仙草好味，好足料，有紅豆、豆腐花、芋圓….