茶木‧台式休閒餐廳 (MOSTown新港城中心(4期))

營業中

休息中

之前經過幾次茶木，也見到有很多人等位。 今天經過冇人排隊，即入去試試吧。可以選擇種類也算多，不過以下午茶來説也不算便宜。員工好快手，一落完柯打，就有顧客點菜紙放在枱上，方便可以即時double check 。 在四方木上也刻了＂結帳請到收銀枱＂，方便提示顧客。珍珠奶茶茶夠香，奶夠滑，珍珠也有彈力，幾好飲。紅燒牛肉麵牛肉稔又入味，可惜只得2塊，又唔大塊又唔厚。 有2塊紅蘿蔔及1塊白蘿蔔，麵條也夠多，湯底味道也可以。

《甜點鹹點都可以出色的茶木》係馬鞍山行街見到茶木呢間餐廳已經好想入去，但次次都好多人排隊，所以冇入去。所以今日特登一早去羅飛，之後去行街，時間就岩岩好！一分鐘都冇等！🍽紅燒牛肉麵 ($77)👍🏻推薦指數：(8/10)有4大塊秘製牛腩!!! 牛腩都好香滑！好林！配料有啲同蔥花係到，又有幾舊紅白羅白，食落去好開胃！碗湯牛味好重，應該用牛煲左好耐，而且份量都幾多。最後我食曬碗麵、飲埋湯都幾飽飽㗎 😋😋😋🍽松露帶子起司紅糟麵$81 👍🏻推薦指數：(7/10)松露帶子紅面就相對有d遜色，份量少，只有2粒帶子，黑松露味又唔夠，勝有個白汁味道夠，補救返。but真係no again.🍽黑糖芒果芋圓仙草👍🏻推薦指數：(7/10)最後仲食咗個甜品: 黑糖芒果芋圓仙草每樣野都有10粒左右，只係芒果有4個，個分量都好多。而且仙草令成個甜品唔會太甜，好啱一啲唔係太鍾意甜品嘅人👍🏻餐牌⤵️

開始秋涼，心思思想食蠔😬! 由於是二人晚餐，order的食物唔多，只係叫咗一份set dinner同蠔仔泡飯。好多湯*酥炸蚵嗲 $67（另加$30可配白飯+沙律/蛋糕+飲品） 蠔餅有一隻碟咁大塊，但係就有d薄。味道還可。👆🏻如果一開始見到實物就唔會叫！蛋糕賣相唔吸引首先倒汗水頗多⋯懷疑雪櫃壞咗/無控制好溫度😥 Opera cake 面層朱古力好「張」口，有點塑膠溶掉的質感。一層層的蛋層十分乾，乾的程度係枝叉一拮落去就散開，無應蛋糕有嘅鬆軟感覺。一路食一路有d無奈。總結是，茶木食物水準穩定，味道中規中矩。價錢偏貴，份量偏少。蛋糕類食物可以直接忽略。以前食過非蛋糕類的甜食是ok的。要排咁耐先有位，可以有更多選擇。

同朋友師奶仔上身, 走左去馬鞍山千色度行下~每逢呢D大型百貨公司做減價, 迫到個人都超攰...所以好想即刻搵個地方食下野坐下, 補充返能量...見到有茶木, 就同朋友埋去食~見到有小丸子menu~但唔算太吸引, 所以冇特別叫黎食.醬燒豬軟骨麵豬軟骨好淋好入味! 而且D肉都好大舊, 都算OK!麵條係類似闊條麵咁, 幾煙靭, 而且唔會煮得太淋黑糖芒果芋圓仙草望落都算足料, 有D芒果都幾refresh~

平時黎食多數都係食甜品多 今次放工過黎就試下正餐啦好彩係平日啦 等一陣就有位呢~頭菜要食沙律先啦 三四個人食既話份量岩岩好呢兩個人食就好似多左少少...但係出街食野 都係叫少少菜 平衡返好d 而跟住食既蚵嗲肉碎泡飯好足料呀!!記得要襯熱食 因為凍左有少少腥 LOL雖然已經係夜晚 不過仲想飲凍野呢呢杯仲有個雪糕係上面 可以過一過口癮唔錯唔錯！仲叫左小食 熱辣辣仲好香呢~我地再叫多個主菜 最後緊係要叫麵包磚原本諗住試之前新出既口味可惜我地食得太慢 落單個陣已經無曬啦....所以叫返朱古力味算啦今次輪到我大顯身手 將佢一層一層拆開夾起最頂個層之後  就可以開始食一路傾計一路食好開心呢~

唔明大家點解咁鐘意茶木。今日唔知食咩好走左入去真是好後悔竹炭多士曲奇雪糕有凍櫃味+一d都唔好食入面d芝士醬好奇怪，配埋一d都唔覺得好味😣😣😣😣😣😣😣😣😣😣仲要勁甜兩杯飲料都係極品-甜到個胃都抽筋咖啡無咖啡味，一味死甜加糖漿；餅乾淋patpat勁無誠意水果茶飲完個頭暈暈地 真心甜到接受唔到唔係好明點解咁多人食，又限時急急腳又唔好味，價錢又貴，冷氣凍到就黎變雪人🙄🙄🙄係咪想趕客快d走呢

今日一個人去左馬鞍山行街,買下d日用品,行下行下就覺得肚餓,就梗係搵間餐廳醫肚啦,於是就去左"茶木",環境相當有格調,咁我就叫左個雞扒肉燥飯,雞扒炸得好鬆脆,肉燥味道一流,very good。

好耐冇黎茶木食喇, 今次想食飯所以冇叫到佢既名物"蜜糖磚塊", 反而叫左款肉燥飯試下. 我揀左炸雞排肉燥飯,  單點要$68再加一, 價錢唔算平, 但黎到發現都叫做值回票價啦, 因為賣相好好之外份量都好多.塊雞排比想像中巨型得多, 大大塊仲要幾厚下, 而且係即炸仲熱辣辣架! 塊雞排炸到外脆內軟, 肉質都幾嫩滑, 咬落去口感正. 而肉燥味道都正正常常唔差, 撈飯食唔錯. 伴碟仲有涼拌青瓜同埋半隻滷蛋, 整體味道都唔錯, 下次都可以再黎食過.

茶木真係開到周圍都係，點解我都仲要寫食評呢，就因為真係好食，值得寫下讚下呢間茶木我食的時候，正正係黎開呢頭同我朋友同佢另一半一齊食飯，大家兩PAIR情侶傾下唔同的話題，都幾開心佢地仲分享左好多工作的辛酸，同埋大家相處的趣事傾D咁SWEET的野，起間咁SWEET的餐廳都幾岩FEEL傾左陣先記得要點菜，我就擇左炸雞排肉燥飯 $68無呃秤架，都幾多雞排，而且夠厚，肉質嫩滑，外脆內軟幾好食正式開餐，同朋友都有分享下黎食下食完就又一齊食下甜品啦，見幾靚，味道都OK，不過其實無咁大杯，底度有好多係冰黎架總括黎講，都係好食的間野，值得食

女仔梗係鍾意食甜品㗎啦 *^O^*🍨🍦🍧🍰🍮今日，我同朋友一齊嚟到馬鞍山行街，行到攰攰哋，見到呢間茶木，決定入去試下傳聞中好好味嘅蜜糖磚塊甜品。我哋三個女仔👭👧點咗兩個蜜糖磚塊甜品，一個係草莓香草味🍓，另一個係綠茶紅豆口味。兩個甜品一來到，我哋當然係手機📱先食，個外型真係好靚，好似藝術品。雪糕凍冰冰，配埋暖暖嘅吐司，真係一絕！ 吐司嘅外層十分脆，但內裏鬆軟，好有口感。仲有好濃嘅蜜糖味，配埋啲cream一齊食，真係好好味。我自己就覺得草莓味好食啲，但朋友係綠茶控，緊係鍾意食綠茶味多d。不過要注意一點，就係分量都幾多，我哋三個女仔都食唔曬，有啲浪費。

星期二午飯時間，同事建議試未食過既茶木。到了門外，見有幾個人在等，以為要等好耐，幸好等幾分鐘就有位。我選了Set A, 有三款前菜，但因為太肚餓，所以我食左豆芽才記得唔記得影相，連塊豆腐都係食左一半😅，不過豆芽冇特別驚喜，而豆腐幾鮮味，比想像吸引；滷蛋一樣冇特別。小食黃金排骨，比想像中大份，新鮮鬆脆；相反，牛肉麵卻太細，如果胃口大的，一定唔夠飽。飲品-紅豆薏米水，唔記得影相，比相像中細杯，得少少紅豆及薏米，不過加左薑味，感覺幾醒神。

由開店到現在已有一段時間, 客人仍絡繹不絶, 可見是頗受客人歡迎。雖然是下午, 仍有客人等位, 我們大約等了5分鐘, 經理表示主餐廳已坐滿客人, 請我們到另一邊的外面的座位。下午時段, 不想食太多, 點了一個之前食過覺得好味, 又穏陣 (大多數食店牛腱麵的水準既穩定又好味) 的「紅燒牛肉麵」和 「黃金酥炸排骨」。 「紅燒牛肉麵」      ~      證明我的選擇路線是正確的, 端上枱時看賣相已覺正, 牛腱超厚, 又腍又好味, 份量頗多, 配以清甜的紅蘿蔔、白蘿蔔, 很讚!   而麵條是寛麵, 彈牙煙靭, 湯底濃郁, 大大碗, 好滿意噢!    「黃金酥炸排骨」~    豬排炸得脆脆的, 肉質很腍, 但味道方面似乎有好多味精, 食完會好口喝呢!看見廚窗見到精緻的蛋糕, 鍾情的Blueberry Cheese Cake 已售馨, 而且已經好飽, 下次再品嚐吧! 是次消費 : $140

味探今日中午時段，與友人經過馬鞍山時，四處尋找可以吃，享受下午茶又可以談話的地方。抬頭一看，茶木吸引了我們的眼光。來到茶木，我選擇冰淇淋草莓心太軟，味探身為一個男人，見到這一盤食物，胃口大開，只可惜覺得這盤美食太小，根本填不飽肚子。但是，我小看了。首先雪糕外圍繞著cream, 我使用小挖鏟挖起雪糕，並不太硬，口感順滑。然後是朱古力味的心太軟蛋糕，十分鬆化，一挖向蛋糕，裡面的滿滿的朱古力濃濃地流了出來，十分甜。而圍繞草莓是一粒粒的朱古力曲奇碎及藍莓。由於是甜品關係，曲奇帶苦能夠與甜品帶來一股中和。整體上，這冰淇淋草莓心太軟十分特別。還外配一杯飲品，有幾種選擇，包括紅茶，柚子茶，黑糖珍珠奶茶，而我選擇黑糖珍珠奶茶，味道好濃，適合愛飲濃茶的朋友，是一個不錯的選擇。

係我心目中茶木呢一間餐廳只係食甜品同食一啲粉麵套餐嘅地方，今日晚上朋友帶咗我去試吓佢哋啲小菜，結果令我喜出望外。等左一陣就有位喇，叫咗台式滷味拼盤，酥炸蚵嗲 (即係炸蠔餅) 同沙茶牛柳炒手作麵。台式滷味拼盤份量都幾多，而且滷得幾入味，兩個人食就啱啱好，每人每款都可以食到一至兩件。炸蠔餅份量又係幾大碟，炸得幾鬆化，而且重有兩個漿比大家點，不過漿汁偏咸，建議大家試左先好落。沙茶牛柳炒手作麵賣相同味道都一般。

放早同朋友仔去tea time,諗住睇下茶木有咩tea set la，嗯.....感覺選擇多既，小食、主食、甜品set都有，但係份量有點就真係少左d囉🙄🙄兩隻雞亦一個糖心蛋咁就一個set,會唔會有點兒那個😑😑紅油抄手哩個set我覺得叫抵少少，起碼食左都叫有野落下肚，一碟8隻原本我有諗住寫哩個食評嫁，因為我食左一粒發現佢幾好食，餃子肉汁飽滿，辣醬香辣，值得試👍🏻培根手工麵，佢原本果名太長啦，我記唔到，一如往常，汁同麵既比例岩岩好，麵質軟硬適中黑糖薑母茶水果茶