茶木‧台式休閒餐廳 (MOSTown新港城中心(4期))

營業中

休息中

今日三五知己，一齊去馬鞍山！店鋪位置係有兩個區域，好耐冇食過！所以今次同班朋友一齊去試吓啲新款式！！！😁😁😁之前食既味道我覺得偏咸，但今次既味道唔錯！有特色既，啱口味嘅！麵食方面配有糖心蛋，仲配埋有豐富台式風味嘅醬油👍🏼👍🏼👍🏼但係甘桔醬魚柳火龍果既味道就麻麻地，因為偏酸，係一致覺得唔多好食！有少少奇怪！但係個樣係吸引既！如果用其他醬，可能就會有驚喜！係拌麵方面，算係出色，味道好食！特別係雞絲伴麵！！👍🏼👍🏼👍🏼

天氣咁熱緊係食番d涷野消暑 身為草莓控既我 叫左個草莓吐司。外觀：雪糕好大球 啱哂我呢啲中意食甜野既人 而且用左d棉花糖圍住個雪糕 好靚 吐司都放得好有心機 食d入面 會見到有切好哂既多士 好好食😋味道：味道一流 吐司現雪糕真係唔錯既組合 吐司唔硬 易入口 值得再食價錢：唔貴 70蚊唔洗服務：良好推薦大家食茶木😋😋😋

星期日中午，沒有套餐，選擇了兩款小菜，火龍果魚柳及醋香豬軟骨，味道好好，特別喜歡醋豬，非常香及好送飯。再來個甜品：芋圓凉粉，非常滿足！坐又舒服，服務又好！等位5分鍾都值得的。

夏天熱辣辣真係冇晒胃口，經過茶木，見到蜜糖磚塊poster，就入去食下啦，冇胃口食正餐，食甜品都好喎！但一坐低，我就見到佢貼喺檯面張貼紙，一隻雞都係$58，好似好抵食咁！再睇吓menu 仲有兒童餐呀！一段時間冇嚟食，點解個menu 好似吸引左咁多架！🌟 山楂話梅春雞，山楂酸甜開胃，話梅生津止渴，同嫩滑春雞一齊好夾呀！而且雞肉好嫰。🌟兒童餐份量都好足夠，而且仲有畫紙同顏色筆送，未上餐之前，小朋友可以油顏色打發時間，唔錯呀！🌟 草莓香草蜜糖磚塊，平時都啱啱好食得晒，今次真係份量有點多，食唔晒😅

同友人睇完戲之後，想簡單食個tea，於是決定去茶木！只係睇menu已經流哂口水！先來台式蚵仔煎，好多蠔仔，每咬一口都好肥美，正！友人介紹台式肉鬆起司香蔥蛋餅，味道出奇地夾，裡面好多料，而且一層一層嘅醬汁，有層次，味道好surprise！來到重頭戲：甜品！！！先來做心太軟，切落去唔算好流心，朱古力就偏甜，再配oreo雪糕同士多啤梨（偏酸）然後就係草莓香草蜜糖磚塊！賣相嬴盡掌聲，亦都係相機食先！每塊蜜糖磚塊再配雪糕真係無得輸！叫左玫瑰紅茶，大杯足料，好好飲！茶木絕對係hightea首選之一！

小朋友因為份兒童餐附設的玩具而去食，但是到食完結帳我問侍應，才知兒童餐送晒。到結帳時我向收銀員反映意見，如果🈚️兒童玩具送應該在傳單註明售沽或者落單前提示客人。但是收銀員才問要唔要稍等補返比客人，但是要等一段時間，因為冇甘耐有貨。為免其他小朋友失望，希望有關公司管理層留意更新餐牌。

第一次食茶木，價錢上唔係平，味道亦唔算好吸引，好似兒童餐都$68，再加一，感覺唔抵食。嘢食味道一般啦，不過唔知點解咁多人等食，或者喺坐得舒服啲。我的午餐Set $80連加一，相信新港城有好多選擇好食過依度，又平啲。

5:00黎到有卡位，唔駛排隊，仲有好抵下午茶喎！幾好，幾好！$68 有呢個紅莓雪糕吐司，配指定特飲，叫左杯黑糖珍珠奶茶！都有好多其他選擇。另外，叫左鹽酥炸雞扒刈包拼蠔仔麵缐（可以配紫菜湯），跟指定特飲👍🏻飲熱花茶🍵下午茶份量輕食就啱啱好，同埋相對lunch 同dinner，食物都算快到。對上幾次黎，都等得比較耐。埋單總共$133☺️

帶著bb , 比較難搵到一些寛闊的餐廳。 幸好茶木有兩邊， 有一邊係商場位置。 比較寛😍久違的tea , 終於可以放鬆一下， 來一個下午茶麻花煉奶吐司： 素食者選擇之一， 吐司配上少少煉奶， 杏仁片， 曲奇雪糕。 本心覺得有少少甜， 如果唔加煉奶， 應該會幾好食😋友人加配一杯清清的紅茶， 就會好啲。 天氣太熱， order 左一個水果仙草， 不過以勝價比， 好似有啲貴， 份量唔算好大。 唔推介下次再試味道奇怪的珍珠奶茶， 我一向都喜歡飲奶茶， 但我覺得尼杯個味道好奇怪， 店員話係黑糖味😒。 所以我到最後都係飲左一半就無飲😩。

中午食唔飽，隨機找地方食下午茶。下午茶當然要食蜜糖磚，點知原來做緊優惠，半價！！！ 58元only! 份量又大，兩個人叫一個已經好夠。 各自再叫一位飲品，兩個人食飽飽。

久違了🫖茶木🪵一段日子，朋友仔話想食台式🐂牛肉麵🍜，而且疫情😷期間唔使排隊所以就嚟咗喇～疫情😷期間就算係🤤食飯時間🕗都好少人，但見佢都有幾多🥡外賣🛍等緊人拎。我哋叫咗個🤤小食「麻辣豬耳」，又麻又辣🌶幾香口，🐷豬耳又爽脆，入邊啲花生🥜就更加香脆😋可口！🐂牛肉麵🍜湯底有牛味，牛肉都 ok 腍，麵質幾香滑有嚼口。呢個係🧂鹽酥🐓雞扒面🍜，鹽酥🐓雞扒勁酥脆，而且🧂鹽酥味適中👌唔會太咸，仲大大塊分量十足👍！

台式香辣牛肉麵， 配自家手打麵本來手打麵好正， 怎知煮麵師傅好像忘記打散個麵去煮，將成舊麵放下碗去便算， 麵條成團， 漿住成個麵， 為何不打散個麵呢？ 特色？ 要個客自己打散個麵才好玩？ 真奇怪。浪費成個手工麵。原本想問經理為何個麵成團咁， 漿實晒， 不過見自己可以慢慢分開麵條便算了， 費事投訴完。。。牛肉超林, 湯超濃郁，。不過可以減輕d味精， 太重口味了。 食完好口乾。另加2個小食酥炸雞粒， 只是酥炸， 沒有味道。 不過夠脆，感覺沒有台式風味。紅油抄手， 抄手面加麻辣， 夠正， 青瓜如浸泡入味更好。 抄手值得推介

接完小朋友放學，唔想煮飯，又咁耐冇出街食，不如壽新港城睇下有咩食啦～一出電梯就見到...咦？茶木喎！🥰就食佢啦！12點左右，餐廳入面已經full 晒，好彩仲有出面位置可以坐～坐落都迫迫地，不過隔晒膠板，感覺都良好啲🙈1個lunch set 有3小碟前菜+櫻花蝦肉餅+魯肉飯+飲品，都係六十幾蚊，幾抵食～前菜個醃茄子好入味～本身魯肉都好好送飯，加埋熱辣辣櫻花蝦肉餅，好快已經食晒一碗飯，勁想再添飯🙈🙈不過點左個茶木經典甜品就唔敢叫多碗飯，驚食唔晒🤣草莓香草蜜糖磚塊，特價$58咋🤓🤓🤓有3大塊厚切多士，咩都飽啦🤣🤣🤣仔仲勁開心話下次要再嚟🤣茶木真係食極都唔厭🥰🥰

平日下午茶時間, 到茶木點選招牌食品, 「紅燒牛肉麵」和「鹽酥雞麵」 不用等位可以即入座, 我們立即點餐, 雖然客人不多但等食物時間比較長。「紅燒牛肉麵」 ~  紅燒牛肉麵保持水準, 牛腱很腍, 又入味, 雖然久等亦值得, 湯底濃郁, 配以超新鮮炆得腍甜入味的紅白蘿蔔, 使整碗麵來得均衡可口。P.S. 一提的是正價的牛腱有4件, 而下午茶特價的牛腱只有2件,  正價的食材份量比較吃得大快朶頤。 「鹽酥雞麵」 ~  食物端上時食物, 鹽酥雞剛炸好,  食物夠熱, 份量頗多, 不油膩,  炸衣香脆, 雞肉嫰滑, 非常好味。

今日放假，經過茶木，見到lunch set $68, 有飲品，有3小店，又有主菜，都好抵食。店內環境唔錯，卡位又坐得舒服。另外點了一客士多啤梨蜜糖磚塊，雪糕同多士，配搭仍然好好味，食極都唔厭。