茶木‧台式休閒餐廳 (樂富廣場A區)

營業中

休息中

今日去開樂富廣場 和小朋友玩攤位遊戲 ，玩完準備找地方午餐 ，見到茶木仲未有人排隊 馬上去食。茶木🍵是一間連鎖餐廳，主打台式美食。佢每間分店嘅出品，我覺得都保持到相當水準！呢間茶木 喺樂富廣場平台，係港鐵站上蓋交通非常方便 ，係我其中一間好鍾意的地方 ，夠大有好多卡位 ，可以慢慢聊天！今次點咗台式香腸滷肉飯 、鹽酥雞扒和招牌珍珠奶茶 ！呢三樣嘢都係經典必食推介，味道和台北食嘅係一樣😋進食期間， 座位已經坐滿 ！值得一讚服務員 ，保持一貫殷勤態度👍🏻

去樂富附近做完嘢，已經係晚飯時間，就揀咗入茶木度食，一入到去見到鋪頭都好大間，侍應安排左一個好安靜嘅位置比我餐牌上有好多選擇，我就要咗個台風美食入邊嘅沙茶大蔥牛小排套餐，配以白飯、沙律及一杯台式飲品沙律因為食到一半先記得要影相所以影得唔係太好睇，而台式酸梅冰味道偏淡，對我來講味道唔夠濃郁而個沙茶大蔥牛小排非常惹味，攞嚟送白飯好好食，不過份量略嫌少，因為佢用好多配料炒，有好多大蔥，但牛小排份量就唔太夠

去過好多間茶木分店，食物水準良莠不齊的。今天和Honey來到樂富茶木分店，這間分店質素幾好。Honey叫了麻辣牛肉湯手拉麵：確實是幾辣，但麻辣既香且濃；牛肉大大塊，炆得很稔；還有白蘿蔔和紅蘿蔔，都很稔；湯頭甜；手拉麵很有口感。Honey讚不絕口。我就叫了台式麻醬撈麵：配麻辣腐竹千層和鴨血，鴨血和腐竹都好好味，鴨血軟嫩，腐竹有嚼勁；不過，拉麵的麵身，就有點硬。我們叫了兩杯果茶：好大杯，好好飲！材料豐富，有石榴、橙、奇異果、火龍果、話梅……貨真價實，真材實料！甜品方面，當然是厚多士配雪糕：這個是茶木的招牌菜，不用我多介紹了。這個店的環境不錯，座位疏落。食物質素，比其他分店好……唯一美中不足的是，店員的面色，和今天的天色，一樣！(今天是黃雨)

茶木的台灣菜，一人份量的lunch set包括主菜 三選一，主食可選肉燥飯或者台灣麵，也有三款拼盤小食跟。肉燥飯的肉燥比較少，白飯一大碗。上面的主菜是秋葵炒炸子雞，份量適合女生一個人吃。一人餐也附有飲品熱冬瓜茶

近年台式餐廳深得人心，成行成市。要數擴張得最快而且普遍獲得好評的莫過於是區區開花的茶木。由小菜料理，台式小吃以至特式甜點和特飲均能滿足不同食客。點了一碗當家傳統的台式牛肉麵，素聞茶木的面底是手作產品，一試果然不俗。面身厚闊度適中，面質彈牙，掛湯能力超卓，入口絕對是啖啖滿足。湯底濃厚而不膩令人不自覺已碗底朝天。根腩比例亦十分適中，可惜是切得比較大舊，較難以入口，而且有點牛燥味。而雜菌炒A菜醬香味濃，可惜十分多油，需要把整碟夾起轉移到另一隻碟隔一隔油才比較好放入口。

今晚約左朋友喺樂富食飯，見食完咁早，梗係去食甜品啦！見茶木都有位就一於去食傳說中嘅雪糕啦！餐牌都有幾款，不過都係試返最穩陣嘅朱古力蜜糖磚塊，一嚟到果然係必打卡嘅甜品呀！好靚好震撼呀！朱古力雪糕加雲喱拿cream冇得輸，連埋個蜜糖磚一齊食真係好正，可能我比較嗜甜，所以我覺得啱啱好呀！份量2個人就啱啱好！下次再試第2隻味先！😋

今日唔小心訓左個晏教～一起身已經晚上9點幾～即刻沖落街睇下有咩食啦～點知好多店都開始last order 😫😫...眼見尼間平時成日都排隊既已加無人排wo~咁就入左去啦！ 一個人既晚餐當然就係一個麵加杯野飲就算啦～今日叫左個香菇水餃麵加杯西瓜柳丁蘆薈香菇好大舊好厚肉仲入哂湯味～好正😋😋水餃就一般貨識～湯底比較濃味～不過我平時麵食得比較咸所以我鍾意😂😂😂尼杯野飲好清甜～食完咁濃味既麵飲一啖咁清甜既西瓜🍉柳丁真係人生一大享受🎉

我同男朋友一得閒就會黎茶木食雪糕多士！佢既雪糕多士真係其他地方都搵唔到！首先佢既多士內軟外脆，跟住係佢既雪糕好fresh!真係好有士多啤利味！啲雪糕食食下仲會咬到d士多啤梨粒！正呀！跟住講下佢既台灣熱食！我好鍾意食佢既魯肉飯！仲有佢嘅台灣牛肉麵都係係好有台灣既味道！我同男友食量唔算大，嗌左兩個主菜，一個甜品，食到勁飽都食唔哂加上環境舒適乾淨，啲侍應態度又好好，上菜又快，10個like！我一定會再encore!

必叫既台灣腸肉燥飯，杏仁奶蓋好似用積分換，試完覺得不錯，無杏霜果d咁難頂寶島三小碟，溏心蛋好正儲分換既仲開心第一次食竹炭多士，係咁點中間既黑松露醬，其次係右邊蜜糖，左邊朱古力乳酪麻麻地士多啤梨芋圓涼粉，芋圓幾好味，仲有麻糬，珍珠，薏仁，好足料奶蓋烏龍茶芒果芋圓涼粉，同士多啤梨既一樣料，只係生果唔同下午茶會叫紅燒牛肉麵，士多啤梨雪糕多士都有食過，意粉都有點過一兩次，普遍多係叫台灣腸肉燥飯多d，食極都唔厭

每次到茶木食東西都是在午餐或者晚餐時段，今天逛完街之後就打算吃點東西醫醫肚子。先看餐牌其實跟午餐的價格差不多，多了點輕食；我們點了一份滷牛肉刈包和一份麻醬雞絲冷手作麵。只要是涼拌的食物，只要加上日式麻醬都會立即提升其味道，所以沒有甚麼好評論的地方，只是覺得有點不合正價比，因為份量很少雞絲也很少，價錢是$58，以下午茶來說這不太合正價比。刈包比我想像中好，刈包好軟熟，雖油刈包是沒有味道的，但加上滷牛肉的醬汁一起食就剛剛好👍🏽還有炸甜薯條，甜薯條上撒上梅粉，酸酸甜甜的還不錯吃的。

今日同左男朋友去左食茶木，雖然係台灣返嚟，但都想食台灣嘢，我叫左一個鮮果茶和雞排魯肉飯，男朋友揀左蕃茄紅燒牛肉麵，茶木的鮮果茶無得走甜，佢係配橙汁，味道比較似橙汁底的雜果賓治。雞排都好香脆，魯肉都ok夠伴飯，不會太少，雖然飯餐有點味濃，不過都有跟配青瓜可清口。而蕃茄湯底配紅燒牛肉麵都ok，但我個人比較鍾意食魯肉飯。

幫襯茶木已經好幾年嘅時間 每次入到去都有固定嘅餐單突如其來想寫食評係因為近排嘅會員app真係抵到爛 一個草莓磚塊 就係用會員app換返嚟嘅 佢個會員一蚊1分 1000分就換到一個草莓磚塊啦茶木係少有我覺得質素一直冇下降嘅餐廳 尤其係佢個草莓磚塊 同我五六年前食嘅味道一模一樣所有配料都配合得天衣無縫 淡淡食落都係滿滿嘅幸福感雞扒面就係我經常回購嘅餐單 老實講我對佢嘅面有一種情義結唔知點解總係覺得佢嘅面質對我而言係好好依個雞扒我覺得唔算好多粉不過就次次食嘅味道都唔同另外 我仲好想推介佢嘅芝心雞翼呢款係一款去咗骨嘅雞翼 入面包住芝士蘑菇雞肉 係種好有口感仲食得勁方便嘅雞翼

由樂富地鐵站行過去都唔算好遠喺鄭樂富中心商場裏面所以都算幾近咁我就嚟到茶木因為本身都鍾意食台式嘢食重點係佢推出左新嘅鹹蛋黃雞翼所以我先上嚟試吓味道都唔錯揸得幾咁黃雞翼都算大隻

九龍塘的茶木沒有飯，所以選擇樂富用餐。時間係6點左右，暫時無人排隊，而且都比較多卡座。簡單呢個飯餸應該比較入口，但事實上80元呢道菜+30元白飯，甜品，包括飲品有啲貴，食不飽。最後甜品沒有竹炭，阿妹打算食竹炭呢。

好一段時間無嚟茶木，突然好想食佢哋嘅牛肉麵！樂富呢間茶木，多數都唔洗等位，去到就可以直接入座！每次嚟，除咗一定叫牛肉麵之外，就一定叫埋吐司！今次就點咗新出嘅流心起司竹炭吐司，黑乎乎嘅竹炭吐司幾新穎，上面加上鮮果，賣相幾靚，一切開吐司，啲芝士流哂出嚟，好正！吐司焗得幾脆口，味道咸咸地，配埋曲奇味雪糕，又幾夾喎，仲唔漏添！