茶木‧台式休閒餐廳 (屯門市廣場1期)

營業中

休息中

睇完戲之後肚餓，想搵個落腳地抖下食下野。茶木價格親民，周圍梗有一間。可惜，排隊等位需時太耐，拎左隊等左35mins先入到去。夜d都會去食晚餐，所以同友人每人叫左款甜品share.我叫左磚塊蜜糖配抹茶雪糕，topping係好豐富，有至愛既紅豆、士多啤梨同一球大雪糕。多士好脆，點上半熔既抹茶雪糕食，真係唔錯。但未食到一半我已經覺得好濟。忍唔至叫多杯飲品.....好在友人叫既冇我呢款咁殿粉質心太軟都整得出色真係唔易，唔可以太甜，但要夠熱。呢款搭配曲奇雪糕，一熱一凍，令味雷好有衝擊，意外地夾。

昨晚食茶木試下個芋圓，唔得！仲覺得有點怪，用薑汁，黑糖汁加冰塊，好明顯個味食落都係分開晒既！ 個蠔餅大到真係4個人先好叫，不過最大問題係唔夠台！ 食落好油，蠔亦唔係多，可以不試也吧....炸雞扒要熱食先脆，不過一凍左就....實同油！最後就係個鍋，叫做季節限定！ 還好..... 芝士蕃茄海鮮鍋！整體評價： 如果食輕食是可以的！ 例如：多士，小食，因為賣相都比較精緻，飲品都算台，我指係個樣，飲落就唔台囉！ 好似就係去食裝修咁，地方係可以，服務亦唔差！ 希望佢地可以做得台一些！

茶木不嬲都係有保證嘅台灣餐廳，坐得舒服，服務唔差，野食價廉物美。醬燒豬軟骨麵，湯底入味，豬軟骨夠軟又有骨有肉，夠哂惹味。黃金酥炸排骨，好好好大塊，炸得好脆，有少少照燒醬令佢冇咁油膩，而且炸粉唔算多，夠哂有良心。馬鈴薯絲炸蝦卷，好巧功夫嘅一道小食，用薯仔絲包住舊蝦，兩者比例均勻，又唔會蓋住蝦嘅鮮味。蚵嗲肉碎泡飯，夏天冇咩胃口，食碗泡飯就最好不過，蚵嗲肉碎鹹鹹地就更加開胃。地瓜炆牛腩，仲有個火慢煮緊，牛腩肥肉適中，夠大舊，同蕃薯一齊令有一番風味。炸魚豆腐，幾香口。香煎餃子，唔咩特別。最後再叫咗草莓香草蜜糖磚塊仲有黑糖芋丸水果仙草，茶木嘅甜品一定要試，靚之餘又有特色，冇偷雞！

一心黎食個下午茶，點左三樣野。等半個鍾蜜糖磚磈同咖啡都未黎，催左一次，再等，最後個蜜糖磈都係唔到。致無心經營，無心返工既企業同員工，我寫呢篇文出黎係俾市場知道你地既服務質素。好公道咁講，食物味道，衛生都無問題，但廚房既工作態度實在令人討厭

太耐無食過茶木，雖然啱啱至去過寶島，都想食吓港式台灣料理。漁夫海鮮飯賣相好吸睛，飯以茄汁煮過，口感淋淋又入味，好香，蝦有兩大隻，肉質鮮美，唯獨魚塊炸得乾旱一點略微失準。寶島三小碟，燻蛋的流心蛋黃最為喜愛，豬耳辣得剌激，麻辣味配得不錯，炸魚腐蒜香又夠哂香口，好味美。

事間唔夠兩個星期又黎茶木食午餐，但今次就唔同區，選擇原因係同事選擇。今次就叫左個魚餐配肉燥飯。前菜之前都有講過好耐無食，依加換左三樣小食，無得揀，都應該唔會轉，因為同我尖沙咀食既一樣!至於魚肉方面，佢係配忌cream粟米汁，感覺上就唔太夾，而且魚肉屬普通質感，勝在有兩件大大塊!肉燥飯就無咩失準，正正常常，如果可以更多肉燥就好喇!不過整體黎講可能兩星期內食兩次，無咩驚喜。都係個句，如果咁岩經過又唔多人都會考慮下既!

每次經過茶木，店外都有或長或短的人龍在等候。今天買完洗衣機，跟寶貝和友人一起在這裡用餐，出奇的不用排隊直接入內。店員提醒用餐時間限一小時半。叫了以下食物：溏心蛋、地瓜花枝餅、松露雜菌手打麵、蕃茄雜菜、朱古力火山和薰衣草奶茶，連加一三百三十元。店員態度很一般。可能時間尚早，食物在合理時間上桌。所見即所得。朱古力火山和薰衣草奶茶：杯本身漂亮，飲品極一般。朋友表示薰衣草奶茶十分難喝，不斷追問價錢。溏心蛋：溏心度可以，但蛋滷的不入味。松露雜菌手打麵：這並不是素食可用食物，裡面有洋蔥，也有煙肉，味道是不錯的，熱度也足夠。地瓜花枝餅：味道尚可，但混在花枝餅內的地瓜，感覺多此一舉，且因切的太細碎並吃不出來。蕃茄雜菜：算是味道正常的，但是送上湯勻卻又沒有分派碗及匙更給食客，要向侍應要求才有之外，侍應還要祭出一副心不甘情不願的態度，這是那門子的學問﹖總結：食物和服務質素都極度一般，完全不覺得是一間值得花時間排隊等候的食肆，應不會再訪了。

中午去了屯門市中心, 周圍都人山人海, 行兩步都覺唔對路, 快快手搵間餐廳食午餐仲舒服茶木雖然都多人等位, 不過好好彩, 我2個人比較容易搵位, 等了10分鐘就入到去凱撒沙律幾新鮮爽口, 但是沙律醬真的太少....我再問職員要沙律醬><豬排肉燥飯, 豬排大大塊, 味道唔錯, 加埋肉燥飯, 好滿足另外加了三小碟, 反而這個份量我覺得比較少, 好似唔係好值, 下次都係點個正式午餐好了當然, 流心蛋係好好食蜜香紅茶奶蓋好像是新出的, 我個人覺得味道比較淡, 唔算吸引, 下次都係點其他飲品~

茶木的分店越來越多, 我間中都會去食下, 鐘意佢款式都多, 已經每樣的水準都中上屯門的茶木都已經開了幾年, 位置在UA對面, 人流唔算多, 但是已經都要等位, 因為屯門真係太多人= ="鹽酥雞球我間中都會點來食, 好香口, 夠脆~ 例牌都會點下我的抹茶奶蓋最迎幾次都有叫, 佢同出面的奶蓋的分別是上面加了一些抹茶鹽, 飲落又甜又喊, 幾好飲!朋友叫的凍頂鳥龍奶蓋我無試, 不過聽講都OK菜苗我一向都喜歡食, 然後上面加了肉燥, 好match, 洽到好處~黑松露意粉也經常會點來食, 香濃的黑松露味~ 茶木的款式勝在夠多元化, 不過我覺得都有D貴, 加埋要300, 只能算是夠飽剛剛好咁

上星期六同老公奶奶行完街，本來想去食火車壽司，點知勁多人，就去左附近嘅茶木，返工有時候都會去銅鑼灣果間食lunch，今次就試晚餐。我叫左墨魚汁什菌花枝手工意大利麵，汁濃鮮味，麵嘅口感都好好，推介！奶奶叫嘅肉躁蠔仔泡飯都好好食，足料夠味夠大碗，奶奶都食得好開心😋😋老公叫左簡單嘅肉躁沙朗牛排飯，肉躁唔太油，牛排就一般。飲品叫左焦糖芋圓奶茶，芋圓好彈牙好好食。老公叫洛神花茶，小小甜，味道唔會太酸，可接受。甜品叫左招牌草莓吐司，吐司鬆化，草莓新鮮，keep到好好食😋😋餐牌豐富左，多左好多選擇，不過好似加左價，主食多數都要$70以上，飲品$30幾，算中上價錢。

雖然今天又打八號風球，但是我們無懼風球，依然相約吃下午茶，最後我們一致決定吃茶木。雖然懸掛八號風球，茶木的人潮沒有因而減退。我跟朋友一樣吃紅燒牛肉麵，喝鮮果茶，然後她說我跟她一模一樣的吃，這才不是呢，因為在茶木我只覺得這兩種食物才有質素的保證。紅燒牛肉麵湯頭濃郁，配上紅蘿蔔，白蘿蔔，酸菜及煮得軟爛的牛肉，加上我最愛的麵條，吃起來超級滿足。雖然牛肉麵份量不太多，不過食量正常的女生應該覺得剛好。牛肉湯頭不油膩，麵條富彈性，蠻好吃的。至於鮮果茶滿是新鮮的水果，如西瓜，蕃石榴 橙等，比一般台灣餐廳的鮮果茶用料更多樣化，新鮮酸甜，味道清爽，確實不錯。

太熱了，嘆個 Tea 就最好不過，是日光顧了屯門嘅茶木，環境坐得舒適，冷氣夠，因為元朗嗰間我覺得冷氣唔夠，環境都唔夠呢間好，叫咗個朱古力雪糕吐司，味道口感都好好，雞翼鹽鬚雞不過不失，另外叫咗個粉圓，都好好味，個冬瓜黑糖就太太太甜😩，埋單 $ 180 , 唔貴，如果可以改善吓甜度就好啦

茶木的環境好能突顯台式那種休閒感覺，可惜用餐時間只有90分鐘。沙朗肉燥飯，沙朗是牛肉，以黑椒煎香，入味且易咬，肉燥跟飯味道亦恰好。以前欠缺蔬菜類嘅茶木近來多了選擇，田園紅沛茄野菜，用整個蕃茄來煮，估計加了茄膏才這濃味，另有多類配搭如西蘭花、椰菜花、菇菌和粟米芯，煎炸之中帶來一個綠州中和。鹽酥雞係哥哥至愛，每次必點，調至入味雞肉炸至甘香酥脆，入口啖啖肉。台式香腸～老爸至愛，沒丁點肥肉，微甜的香腸配生蔥蒜可提升味道。雞肉蝴蝶麵，麵質唔淋唔硬口感啱啱好，浸透了香草醬汁味道滿意。黑糖紅豆綠茶冰淇淋層層疊，上枱已散發黑糖獨特香味，長磚形蜜糖吐司夾雜紅豆、綠茶雪糕，本人覺得不過分的甜了點，四人分享少吃多滋味。

茶木上菜慢都唔係第一日既事，所以一直唔太鍾意黎，今次朋友堅持想食，就黎左。今次黎到食下午茶，2:30準時入坐，催左4次單，最後，到3:25先到。每一次催單，d人都懶懶行話整緊。有一個同事什至話你催左架啦小姐。到最後，經理話唔好意思冇落單，咁即係佢其他同事根本冇check..同埋呢個甜品又縮左水，以78蚊既價錢食一個細麵包並唔值得。原來茶木長期多人排隊，唔係因為有幾好食，而係入面既人亂哂大龍，浪費時間既餐廳

個人認為lunch抵食點遲左去已經見到條小人龍佢個午餐A 有3樣野揀 小食+主食+飯/面咁午餐B 就係得一樣送 但會大碗d 個人黎講午餐A份量小d 我唔夠食呢個係套餐B 個炸雞扒超好味 皮夠脆 肉夠嫩 又夠熱 加埋碗牛肉湯面 同台灣個d真係有得揮 完全食到台灣正宗風味！除左台灣野食之外 仲有西式野揀 味道都不錯 意粉軟硬度適中 個汁都調得幾好 仲有菇吖火腿作配料 可媲美1d cafe鋪架la!!仲叫左甜品 但冇影到相掛住食一定會叫 士多啤梨蜜糖磚 呃like一流又好食 次次都會叫！