茶木‧台式休閒餐廳 (屯門市廣場1期)

營業中

休息中

茶木算是比較多台灣美食，酥炸雞排麵不錯，雞排厚肉多汁，麵湯底亦入味。飲品選擇多元化，芒果沙冰吸引。當然茶木主打是甜品啦，朱古力蜜糖磚塊是我的首選，麵包烘得很脆，配上雪糕一流！每次去茶木必點！

😚氣氛環境食物滿分*茶木teawood*今日心心同朋友黎到茶木嘆下午茶，其實朝早到下午都未食野，所以點左碗紅燒牛肉麵黎食。*依間既紅燒牛肉真係無得彈，肉質好林好鬆軟，一啖咬落去已經溶化，而且非常入味。*麵條幼細但軟熟，湯底依然清澈吾會太油，仲有少少菜同埋紅蘿蔔，成碗麵配合度極高，係心心心目中已經滿分。*心心點左杯熱柚子蜜，滋潤喉嚨。*一個人或者朋友家人聚餐都非常適合。*喜歡既請關注我：VictoriaChan1008#foodie #foodporn #Openrice #instalikesandfollowers4u #tbt #rocket_hastags #l4l #instadaily #commentforcomment #picoftheday #takeaway #photo #demo

茶木 Teawood又係嘆下午茶嘅時候， 茶木的分店開到成行成市，等我又試下去朝聖先。流心芝士竹炭吐司嚟到個樣都幾靚喎， 當然嚟到就梗係相機食先啦吐司上面有雪糕同埋鮮果， 以下面呢就係重頭戲流心芝士吐司， 只可惜切嘅時候已經見到芝士唔夠流心， 食落冇乜驚喜下午茶套餐 - 甜蜜糖心蛋拼芝士雞翼芝士雞翼個樣就好似幾吸引呀，不過個糖心蛋就😑😑😑😑隻雞翼嘅芝士味都幾夠， 無骨雞翼包著淡淡嘅芝士味， 好食。雖然糖心蛋個外貌真係差咁少少， 但個味道都ok嘅。 玫瑰拿鐵咖啡個拉花都幾靚， 影出嚟都幾靚呀， 味道唔係特別香濃。整體嚟講除咗個芝士雞翼之外， 其餘兩樣都係麻麻地。

今日同朋友黎食個tea但去個時都成4:30，而且又係平日，其實入面係仲有位，完全唔明點解佢都係要我地係出面等。雖然話等得唔耐，但係咁都要人等下其實都真係覺得唔太中意。Tea set好好野簡，簡左個小食，雞翼入面有芝士，味道唔錯，不過唔熱，略為失色

又係茶木食評😋不過今次係同屋企人去食茶木，不嬲對佢既評價都唔錯，至少係好食，對得住個價錢。但而家冇左dinner set（唔知係咪間間鋪都冇左），有啲可惜，結果全部都要散叫。- 杞子麻油鮮雞涮涮鍋個湯好飲！啲雞都唔算太柴，可接受，都叫有啲肉。另外有兩粒丸、一啲菜、一啲金菇、兩舊「米糕」（啡啡地色，長方形，我唔知咩名🤔有啲糯米我覺得幾好食）。個鍋最底有啲薯粉，我好鍾意食薯粉，所以呢個鍋都幾滿足😋😋😋- 地瓜燉牛坑腩因為我唔食牛，所以冇食到。但屋企人話好夠味，濃味道好好食。- 溏心蛋肉燥飯我食呢個因為好鍾意食溏心蛋！好好味！平時我小鳥胃都好快食曬呢個肉燥飯！側邊果啲雪菜都好好味- 紅燒半根半腩牛肚麵因為我唔食牛，所以冇食到。但屋企人清曬成碗麵，連湯都話好飲！啲牛應該好入味，兩款有牛既佢地都話咁好食，鍾意食牛既可以考慮下😉之後我地叫左4杯飲品同埋1個吐司，好夠食好飽！4杯野飲都唔錯，熱飲我覺得太甜，因為我偏向淡啲既飲品。花茶我就麻麻，因為我本身好憎花果陣味🤢甜品一如既往都係必食！本身想試下竹炭吐司，但佢冇曬，唯有叫朱古力😣好可惜冇左dinner set因為之前係包餸包飯包甜品，而家食飯都要$

茶木台式休閒餐廳， 好耐沒有食過喇。今日我們order了兩個豬軟骨拉麵,拉麵超彈牙 , 好有咬口, 我個人好鍾意呢個感覺， 所以我都推薦朋友一齊食， 我最欣賞豬軟骨是半肥瘦部份，連軟骨部分好爽脆，濃嘅豬骨湯底，,台式花茶， 香草蘋果茶， 香草有微酸效果， 但有清新嘅蘋果味, 酸酸地嘅感覺令人好醒胃. 蘋果無花果御茗檸茶，這個茶是冇蘋果味亦都冇無花果味， 可能啲水滾水唔夠熱， 所以根本焗不出 無花果及蘋果味道，這道茶有些失望。

今天又來茶木吃晚餐，一行5人，點了滿枱美食，很滿足😋蘋果無花果御茗寧茶$40很足料，勁多無花果，可以無限次加熱水，我們加了大約三次，最後還吃了果肉，味道仍很鮮甜呢😋招牌紅燒牛肉麵$77麵質非常彈牙入味，牛肉鬆軟👍慢煮梅子豬腳$128這個每次來也是必點的，但水準有點參差，有時可能餣的時間不夠，不太入味，但基本上豬腳也很腍身櫻花蝦培根芥末奶油手作麵$78有很多櫻花蝦，非常之香口味美豉蔭野菌炒A菜$62台灣A菜就像油麥菜，這個也足料好味古早三杯杏鮑菇秋葵$66感覺有微辣鳳梨鮮果甜酸肉$79這個完全與menu上的相片不符😞味道也是不錯的，鮮果有火龍果，藍莓等花枝麻醬麵$76酥炸豬排肉燥飯$72黑糖珍珠奶茶$30芒果奶油酥皮拿破崙$53一般，味道不太甜紫地瓜慕斯塔$38紫薯很香濃😋

今日聖誕同朋友黎食lunch，朋友想食甜品，於是我地嗌左個芒果磚，基本上都幾好食。另外我地仲嗌左一碗香辣牛肉麵，兩杯熱珍珠奶茶，幾樣野都幾好食，價錢都還好，值得一誕。

之前係尖沙咀同東涌都食過茶木，餐廳一向都幾有人氣、幾次都座無虛席，不過寫食評就係第一次，哈哈cuz長假期心情靚靚😍香辣牛肉麵不愧為我的最愛，食咁多次仲係食極唔厭，湯底香濃微辣，味道豐富令人胃口大開，麵的口感十足絕對不糊，而且牛肉用料新鮮也不欺場。😋為食的我還點了芒果香草蜜糖磚塊 ，磚塊賣相十分養眼，麵包磚塊炸得鬆脆，配上啖啖芒果口味的雪糕球，好味得黎十分有趣，每食一啖都feel到豐富嘅層次，實在係大滿足～haha簡單一頓也可以食出聖誕好心情🎄😍

今日去咗行屯門市中心 ，行到攰攰哋又想坐低搵個地方食個下午茶我休息一下， 見到茶木都幾受歡迎。鋪面裝修感覺好簡約得又有設計，給食客好輕鬆自在悠悠閒的感覺。特別推介呢個流心起司竹炭吐司賣相已經好吸引，頂層有雪糕，中間有士多啤梨香蕉片等鮮果，最底層就係流心吐司。就算伴碟都有節日祝賀語嘅造型㗎。一切開咗個流心吐司，入面嘅芝士已經湧出來而且份量十足， 雪糕用咗曲奇雪糕味道唔錯， 士多啤梨酸酸地夠開胃，香蕉片夠甜紅燒牛肉麵湯底夠濃，牛肉口感鬆軟彈牙 又入味，應該炆咗好耐，肉同筋嘅比例恰到好處，唔會一邊好瘦另一段好肥咁， 紅＆白蘿蔔雖然大大嚿，但煮嘅時間唔夠，口感偏硬。總結：牛肉麵熱食不過不失,牛肉同湯底十分之出色，可惜配菜蘿蔔扣咗少少分，椰甜品價錢比較貴，但係食物嘅造型，味道同擺賣相就好高分，值得一試。

感恩平安夜的下午能夠有半天假期，可以和好友共晉午茶。至於餐廳地點當然不容多想，自動設定在「茶木」。因爲是平日的緣故，無需等侯即可入座。下午茶有4大類，輕食主食任君選擇。一小籃的鹽酥雞看似份量很少，但細吃之下也有約10粒的。它也是非常地道的加了九層塔，九層塔的清香更是有助減低鹽酥炸雞的油膩感。麵質有點像平日所吃的刀削麵，口感煙韌之餘也頗能掛汁。湯頭味濃但不至過咸。麵量不多，但因為是下午茶時段的套餐，算是有值得原諒的原因。捲餅好像也是台灣的人氣食品。捲餅內除了有餐名上的食材出現，也有青瓜片和加了沙律醬。起司、雞蛋和肉崧這3種食材本就是黃金組合，很難會令人有難食的感覺，配上甜甜香香的沙律醬後更是加分。隨餐可以配32元的飲品一杯。如餐名一樣，杯口滿是肧芽，拌勻後會沉在最底。奶茶較重奶味，甜度偏高。

今天所發生不愉快的餐廳用餐事情我必須寫清楚！距離上一次光顧這間屯門店大概2個月前，事件很簡單，一大一BB，被安排進門招待處旁邊的小圓桌，BB坐BB車，本人基於出於好意不想麻煩店員再拿BB凳，在我沒有阻礙任何人的情況下男店長要我調整BB車位置，BB都快坐到招待處櫃子下面了，我說 本來安排的地方就很擠了，坐櫃子下面你們拿餐牌給客人怕不小心會碰到BB的頭部，男店長你說只有你一個人會在那個位置。好，後來接二連三起碼3個店員不停來來回回經過在BB頭頂取餐牌，店長，你講大話了！第二次今日12月7日，又是我帶BB，男店長安排我坐在很角落的圓桌，座位又是面對面，我擺BB又是在BB車上，方便喂BB吃飯。我的左手邊放了你們餐廳的雜物，我完全是坐在角落裡了。只因為我旁邊桌來了個客人，距離最少2米，店長又叫我擺直BB車，拜託，往哪裡擺先！我已經坐在雜物堆裡了，BB貼我超級近的旁邊，我先來的，我沒有阻礙別人，我的孩子沒有撞到踢到別人！你叫我怎麼擺？！真的火都來了！我叫店長你來擺！你是在欺負人嗎？不想小朋友光顧？請直說啊？！在我這裡發生的兩次非常差的體驗是完全平日無人排隊、餐廳用餐人數不到三分一情況發生的！我不知

休閒嘆甜品😜#茶木台式餐廳 #茶木 #甜品 #desert #relax #food一間位於屯門市廣場頂層, 嘉禾戲院對面的台式餐廳，主打水果茶，甜品，牛肉麵同埋肉燥飯。見到茶木又有新野就更係想試下，今次係小丸子主題， 叫特色飲品附送小丸子系列杯，加錢仲可以換購小丸子周邊商品。 不過望下價錢，係平時主餐的雙倍價錢。 作為精明的消費者，今次就吾試住，等更多好評再試食。黑糖草莓芋圓仙草豆花 ($48)今次就選擇左黑糖草莓芋圓仙草豆花，哈哈😆一聽個名甘長就知道好足料。 依款甜品的匙羹係迷你版的鏟子，好似由盆栽甜品開始就有。 品嚐頂端的草莓，好驚訝的地方係好甜~一般草莓蛋糕或者糖水舖食到的草莓都係酸!/_\”再來一口薏仁，薏仁粒粒分明。 再一口芋圓，彈牙又軟Q~加上甜甜的紅豆同埋珍珠，新鮮的蘆薈，嫩滑的豆花，依款簡直係女人聖品!!提提大家，裡面有好多碎冰，凍到透心涼😂所以慢慢食，慢慢嘆~👍👍👍👍👍👍👍👍👍👍

食過咁多次茶木每次都係必叫紅燒牛肉麵同鹽酥雞扒麵今次同屋企人就試試新野叫台式晚餐小菜Set Dinner加$30就有買蛋糕同飲品性價比算好高我哋今次叫咗鳳梨鮮果甜酸肉同埋古早味三杯雞兩個小菜相對上都比較重口味連埋白飯食都係覺得鹹咗少少另外仲叫咗一個雞排麵呢個真心好味！雞排好有水準，即叫即炸，入口唔覺油膩！n跟餐叫咗2個cake其中一個係Opera cake，賣相幾靚不過味道無咩驚喜另一個就係芒果芝士tart，同樣麻麻地，茶木都係以甜品吐司最出名！今次去到發現轉咗餐牌，有龍蝦邊爐，下次都係唔叫餐，直接叫個呢個同吐司就應該啱曬我口味啦！同場加映：小丸子餐牌

今日同朋友嚟到屯門嘅茶木食晚餐，我地點左個紅燒牛肉麵同炸雞扒面，紅燒牛肉麵嘅湯底係真辣嘅，食唔到辣嘅朋友就唔好叫喇，而炸雞扒嘅肉得好少。整體來講，都係不過不失啦。