茶房別天神

營業中

休息中

好喜歡食拉麫嘅我隔一段時間就會同男朋友仔去食個日式拉麫, 懷緬一下去日本時的浪漫~日式拉麫就是款式不多, 只是專注地做好:豚骨拉麫同蝦味噌豚骨拉麫, 亦可選擇跟餐, 如跟餐, 可選餃子或小龍蝦蟹子沙律兩個人去食就最最啱, 一個叫豚骨拉麫餐跟餃子, 一個叫蝦味噌豚骨拉麫跟小龍蝦蟹子沙律, 哈哈, 豐富!豚骨拉麫上枱時, 濃濃白色的豚骨湯非常香呀!仲有一隻滑滑嘅流心蛋,已經非常吸睛, 义燒肥瘦均勻, 正到不得了呢!另一碗蝦味噌豚骨拉麫, 比豚骨拉麫口感更豐富, 因為加了櫻花蝦, 令一碗普通嘅豚骨麫, 加添海鮮嘅鮮味!這種鮮甜嘅豚肉麪, 都現在仍念念不忘呢。至於跟餐的餃子, 味道都好好,但就不及小龍蝦蟹子沙律, 有龍蝦肉又有薯仔又有蟹子, 好食到不得了, 這個一定一定要叫, 不然, 必定後悔啊~店舖好貼心啊...結帳時還送人客兩個口罩呢, 大感動!!!

日本拉麵真係好正，今日試下我未曾光顧過既～茶房別天神（太古）我自己就叫左個蝦味噌拉麵套餐（$115），而朋友就叫左個豚骨拉麵套餐（$105）以為少少地無咁飽，點知2個人食到抱住個肚走😂眼濶肚窄😂😂我個拉麵套餐好豐富，小食類就2選1，我選左餃子，一碟有4隻，皮薄餡多又juicy ; 而朋友個餐就選左小龍蝦蟹子沙律，佢既紫菜仲要係脆，證明夠新解唔會放得太耐👍🏻呢度個環境同設施真係與日本拉麵店無異，好有feel，以為自己係日本食緊拉麵一樣😂。而員工真係好有禮貌，又拎消毒濕紙巾比客人、又拎儲物籃.....總之係與日本人對客人服務一樣👍🏻又證明呢間公司好高質，令到客人有賓至如歸既感覺。佢地呢間分店仲有甜品食架，可惜我地個肚已經飽飽，無位再塞落去，唯有留返下次再黎試啦值得一提，臨走店只仲送左2個口罩比我地，好窩心😍😍

自從疫情開始大家都可能會HOME OFFICE，而我也不例外。為了慳多一個口罩你會點做呢？而我就會買齊一星期的糧食作儲備，逢星期三太古城某大連鎖超市人山人海，每次購物連排隊都會等很耐。對於我來說，倒不如吃個早午飯才血併就最好不過。未能到訪日本倒不如吃碗拉麵都係一個唔錯的選擇，茶房別天神一直都有留意到佢既出現。拉麵呢樣真係唔需要多，夠精就可以。店內只有2款拉麵及2款小食簡簡單單不需要花巧。2款拉麵分別出是豚骨湯底或蝦味噌湯底，而小食有餃子及小龍蝦蟹子沙律。蝦味噌套餐 $115相對豚肉湯底我更愛蝦味噌湯，因為無論顏色及材料都較豐富，有蝦乾、粟米、兩塊叉燒等，湯底蝦味噌濃郁但不會太搶喉，而且伴有蝦乾及粟米富有口感，麵底份量多帶點煙韌。小龍蝦蟹子沙律有餃子及沙律之分，一直以來都會選擇餃子為先不過近日減肥決意吃沙律。估不到有所驚喜，小龍蝦蟹子沙律份量其多啖啖小龍蝦肉，富有口感。

今日又返到我娘家太古，Aeon好多間餐廳都食過,今次就試吓黃店別天神啦。呢間一向都好多人，咁我相信食物質素應該好唔錯。咁岩呢輪疫情，所以不用等位。座位好闊落，舒服，兩個人可以坐四人枱。我地點左兩個套餐：1. 蝦味噌套餐：包括：蝦味增豬骨湯麵，小龍蝦蟹子沙律。2. 別天神套餐：包括：豬骨湯麵、餃子。蝦味增豬骨湯麵兩片叉燒、一個溫泉蛋，好足料。仲有好多蝦咪仔，粟米。豬骨湯底好濃郁，而麵貿不軟不硬，絕對係一個鋪水準嘅拉麵。豬骨湯麵亦都好足料，湯底亦都好濃郁，麵質亦都一樣高質。餃子：剪得好香好軟，配埋個醬汁，一流！小龍蝦蟹子沙律呢個好特別，亦都相當出色。真係好多小龍蝦肉，配埋趣卜卜嘅紫菜，凍凍地，非常醒胃。

來到太古康怡廣場行街，咁岩見到有家拉麵店叫茶房別天神，我就知一定係別天神拉麵店的分店。二話不說就坐下了休息，再次點了這里的招牌拉麵，別天神拉麵同蝦味噌豚骨湯麵係我最愛。別天神拉麵是豚肉做湯底，豚肉有豚肉味，肉質厚嫩彈牙，仲有一個分開兩半的日本半熟蛋，呢個蛋係好有心思做的，之前已經知道秘方，整蛋的過程十分不容易的。而另一碗係蝦味噌豚骨湯麵，係好多櫻花蝦係面頭的，一樣係豚骨湯底，呢個更有蝦米香味，口感特別有質感。還點了兩個小食，一款係小龍蝦蟹子沙拉，係配紫菜吃的，蝦肉夠厚身又加埋蟹子，脆脆的口感，包住紫菜別一番風味。而另一個就係餃子，餃子也是皮薄餡靚，食過翻尋味。來到太古都可以食到喜歡的拉麵店，真係開心極了。

如果大家有經開太古會發現AEON 2/F有間(別天神拉麵)相信大家對呢間野一D都唔陌生, 我地都餓到七彩賓粉樂情況下就入去點餐啦, 睇左之後我地都決定叫 ↓ ↓ ↓♕✧✧✧✧✧✧✧✧✧♕【蝦味噌豚骨湯面】好多蝦仔, 紅卜卜好靚, 個溏心蛋真係好正, 整得岩岩好, 又唔會太熟, 又唔會太生。雪白既豬骨湯, 無帶一D味精, 就算喪飲d湯都唔會覺得咸, 證明真材實料, 唔知係咪錯覺呢, 感覺叉燒十分好食, 大家可以黎食下。✧✧✧✧✧✧✧✧✧✧【別天神豚骨拉麵】雪白的豬骨湯, 唔帶味精, 喪飲d湯都唔會覺得咸, 證明真材實料, 唔知係咪錯覺, 感覺叉燒好似比蝦味噌那款更多, 燒香過的叉燒, 十分好食。🤤✧✧✧✧✧✧✧✧✧✧【小龍蝦蟹子沙律】我本身好鐘意食蟹子沙律, 所以點左呢款小食, 味道果然無令我失望, 沙律醬唔會太多, 食到啖啖小龍蝦肉, 用紫菜包黎食就更加夾, 真係好好味, 小龍蝦沙律像個雪糕球同時伴有數片紫菜，爽口鮮美的小龍蝦肉數量不少, ，混合脆卜卜的蟹子很好吃, 以紫菜包著吃, 添了香味更豐富了口感。✧✧✧✧✧✧✧✧✧✧【餃子】餃子煎得金黃脆口, 唔單止煎得脆脆, 仲好香, 食落同

之前係銅鑼灣食過別天神今次就黎到太古食茶房別天神平時既別天神要禁機買飛既不過呢間就唔洗既同普通餐廳一樣叫店員落order 食物總類比銅鑼灣果間多有拉麵有飯有甜品豚骨湯麵加蛋 $75+$10=$85首先湯底好味溏心蛋都好食麵質都ok 只係肉好一般有少少難咬不過整體黎講都唔錯下次會想試試個pancake總括而言食物方面 湯底唔錯但豚肉有改善空間環境方面 地方好大 坐得舒服服務方面 職員有禮p.s. 仲有水同杯供應自由斟

食小鬼最近去了食茶房別天神。日式叉燒香口，拉麵麵條屬九州拉麵類別，麵條較幼。湯底以豬骨湯味為主，蝦味不算突出，豬骨湯亦不算濃，適合喜歡吃得較清淡的人士。餃子不過不失。 *有RFID咭套送

果日同媽媽去太古搵好野食，依啲時候緊係要搵yellow shop，十卜十卜下啦！去咗依間茶房別天神。係Aeon商場入面嘅。我地總共叫咗兩個套餐，首先係別天神套餐，$105。包一碗豚骨湯拉麵🍜同埋小食，跟咗一碟餃子🥟，有4隻。好好味，😚份量好足，叉燒薄薄地但有好多塊，就算無叫多蔥都有好多！而且有紫菜同埋勁多嘅粟米🌽，喜歡吃粟米的朋友仔有福了！最正係個湯底，好有豬骨味，清清地又唔會好似味精咁。下次一定會再食！另一個蝦味噌套餐，$115，包一碗蝦味豚骨湯拉麵同埋小食，跟小龍蝦蟹子沙律。依個蝦拉麵非常特別，係其他拉麵店比較難食到。佢係有好多細細粒的蝦仔，好似櫻花蝦咁嘅，而且個湯底麵係蝦味，第一次食！好得意🥰個沙律我都好中意，份量剛剛好，唔太多，可以留返個肚食拉麵之餘又唔會浪費食物！佢地服務態度好好，細心又有禮貌，而且每人送一張濕紙巾，可以係counter自己拎。👍🏼

好耐冇食過日本拉麵，行行吓街見到就入黎試吓啦，叫咗兩個套餐，一個係別天神豚骨湯麵配小龍蝦蟹子沙律，另一個係蝦味噌豚骨拉麵配餃子。枱面上面有個好多醬料既調味架，仲有張貼左一啲小提示，教你係食之前可以加啲調味令湯底更濃更惹味，店員亦都會送上辣芽菜別天神豚骨拉麵湯底呈奶白色，食麵之前先試咗一啖湯，湯底濃郁，拉麵軟硬度適中，連埋湯一齊食更加入味，黑木耳貼蔥花份量多而爽脆，配合埋拉麵一齊食又有多種口感😋蝦味噌豚骨拉麵湯底既蝦味都好出，用蝦黎淆既湯底好鮮甜，而拉麵入而既叉燒脂肪比例適中，邊有微微燒焦咗更加香，而溏心蛋有蛋香而且生熟程度岩岩好小龍蝦蟹子沙律可以夾埋紫菜一齊食，食落有啖啖既蝦肉仲有微微既wasabi味，有啲驚喜而跟餐既煎餃子有四隻，外皮少少脆而唔脆既位置比較煙韌，食落都唔會太乾，點埋喼汁唔會有油膩感，調味相當唔錯

今天我們來到太古的商場逛街，望到這間拉麵店排長龍，便好奇入內一看，原來是別天神拉麵。在幾個月前我在北角也試過一次，今次便是是在太古的這間別天神拉麵！別天神豚骨湯麵🍜套餐$105我們叫套餐的原因是因為我們10分喜歡這個紫菜沙律，因為早前在其他分店吃過，這個作為前菜是超爆分好味，沙律內有龍蝦肉再配上紫菜真的超級好味。95分！這個拉麵的 湯底比起蝦味的湯底較為清甜，而且配上一隻遠過的半熟蛋，木耳絲和兩大片的叉燒，水準真的不錯！85分。蝦🦐味增湯麵套餐$115 這個超級濃郁的蝦味增湯底真的要讚一讚，是我在香港吃過所有拉麵店之中數一數二的好味，是最接近日本吃過的拉麵店的質素。再配上大量的櫻花蝦真的一絕！令人停不了口，整碗湯也被我喝乾了。95分！這個套餐我們選擇了餃子，餃子的皮非常脆身，而且裏面的肉非常多汁嫩口，80分。

雖然我唔係拉麵迷or經常食拉麵o既人~但今日就咁岩經過聞到佢o既香味~就走左入去食一食就覺得不得了,湯底有濃香o既豬味,唔會太鹹,湯唔會太多,骨膠原同油脂會漿住個口~麵我個人覺得好好食,硬度適中,食落彈牙~

餐廳主打食日式拉面，我地兩人各自叫了一款湯底share嚟食，加錢可以升級做套餐加配煎餃子同埋小龍蝦蟹子沙律。📌蝦味噌豚骨湯麵湯底帶蝦鮮味，味道唔會過咸，面頭有大量櫻花蝦乾、蔥花和粟米等，令湯底入口更香甜。 麵條就是比較幼同淋身的那種，份量都好足。溏心蛋賣相都唔錯，口感滑溜的，如果再流心啲會更好味。叉燒煮到好淋好容易咬開，肉質比較瘦唔會話連住好多肥膏，感覺比較健康。📌小龍蝦蟹子沙律呢個沙律有驚喜，估唔到入面有原隻小龍蝦肉，彈牙入味，好適合做前菜，旁邊的幾片紫菜可以用嚟包住沙律一齊食。📌豚骨湯麵豬骨湯相比蝦味噌湯淡一啲同少左鮮味，不過勝在唔會太咸同太油膩。📌餃子餃子一份有四隻，餃子外皮煎到脆脆地好香口，入面嘅豬肉餡味道都唔錯，不過不失。

茶房別天神-濃郁豚骨湯拉麵適逢Aeon推廣月，當然要去捧場捧場，一連逛了幾層的百貨公司，又買了一袋二袋，最後決定到和Aeon相當近的茶房別天神休息一下，吃一碗拉麵。豚骨拉麵奶白色濃郁的豚骨湯底，熱騰騰的湯底，拉麵彈牙有咬勁，配上日本叉燒，經火炙後更惹味，最後當然少不了溏心蛋和大量的蔥花。蝦味噌豚骨拉麵拉麵中央佈滿大量的櫻花蝦乾，加入蝦味噌的豚骨湯底，濃郁的豬骨湯中帶出陣陣蝦乾蝦味噌的鮮味，口感豐富了味道更有層次。小龍蝦蟹子沙律由粒粒的小龍蝦肉和蟹子握成一個球體的沙律，鮮味多汁，配片裝紫菜一起吃。日式餃子拉麵店的經典小吃日式餃子。

局長倆分別選擇一碗䐁骨湯拉麵及蝦味噌套餐。豚骨湯拉麵的湯底濃郁，配料充足，有三塊叉燒及一隻糖心蛋。蝦味噌拉麵再配搭新鮮的櫻花蝦，蝦味鮮甜，與豬骨湯各有千秋。枱上有不同調味料及配菜供食客搭配自己喜歡的辣度，本局長最愛辣芽菜，夠辣又爽口。套餐除了一碗拉麵外，尚有小龍蝦蟹子沙律及日式餃子。小龍蝦蟹子沙律的龍蝦蟹子不太咸，用附上的紫菜包著龍蝦沙律，口感爽脆。日式餃子煎得剛好，點上旁邊的醋，別有一番風味。總括而言，值得一試。