茶屋町 (長沙灣道) (已結業)

位於鬧市中既一間小店舖，意外地高質同好味，而且份量十分夠。首先佢個鰻魚飯，塊鰻魚大塊到蓋住左個飯，睇落去已經冇得輸，食落去更加係啖啖肉，完全唔會驚唔夠肉餸飯，而且鰻魚都好高質，完全唔係超市勁平果種，配上特製鰻魚汁，一整個超讚。另外，小食絕對有驚艷到我，除左我最喜愛既明太子雞翼之外，我大推呢個炸飯糰，一開始驚會伏所以唔敢叫，但懷著冒險既精神最尾都係試左，唔試由自可，一試就不得了！佢將整個飯糰攞左去炸，表皮脆到不得了，而裡面既飯糰係包滿三文魚碎，真心好味到癲。最尾食左個芭菲，超級圓滿！

這間位於長沙灣道的日本料理甜品店，無論名字和門面都帶有濃厚的日式味道，這一天就吸引了我在店內吃了一頓午餐。因為這天不是平日而是周末，店內沒有平日午市的優惠套餐供應，所以我只是散點了一客「薄燒牛肉丼」（$86），再加一杯「凍抹茶牛乳」（$22）做午餐。等了十分鐘左右，我的丼飯與凍飲先後送到。「凍抹茶牛乳」是對辦的，抹茶味與牛乳味平衡得不錯，不會過苦，亦不會太甜，冰凍涼快，對剛在街上行到身水身汗的我來說，最好不過。「薄燒牛肉丼」的牛肉雖然有點兒韌，但份量甚多；味道不太濃，不過仍然可以，飯粒顆顆分明，配以小粒紫薯、甜蛋與少許漬物，尚算可取。這小店其實有不少日式甜品供應，而且有些都幾吸引，不過這天我不大肚餓，就不吃甜品了。有機會的話，就下次再吃吧！

茶屋町位於深水埗嘅日式餐廳 果然係價廉物美 而且非常之近地鐵站！仲可以一次過食埋甜品添！餐廳細細間 晚飯時候都幾多人嚟食 所以可以早少少到 咁就可以避免排隊啦餐廳有期間限定嘅食物 而今次係龍蝦茶漬飯 原隻波士頓龍蝦非常霸氣 但最吸引嘅係咁樣都只係售$88 不過我同朋友都對茶漬飯一般 所以就選擇咗餐廳嘅其他食物我叫咗個蒲燒鰻魚丼 旁邊有一盆小配菜 有昆布、日式蕃薯仔同埋玉子 鰻魚份糧一啲都唔吝嗇 而且冇腥味之餘仲要好厚 個飯都撈左鰻魚燒汁 10分推薦朋友叫咗個豚肉燒 薄切豚肉一啲都唔油膩 而且有好多塊 好香口嘅感覺我哋再叫多咗個明太子雞翼做小食 雞翼啱啱炸好 仲係熱辣辣 而且去咗骨 食得好方便 唔駛怕出街食雞翼失儀態最後再食埋呢度嘅甜品 我哋叫咗個茶屋混合芭菲 $52 絕對夠兩個人食！因為都幾大杯但價錢好合理！底層係穀物脆片 之後係粉紅色啫喱、牛奶雪糕、紅豆、綠茶牛奶雪糕、丸子同埋曲奇 十分豐富

話說 岩岩黎深水埗返工時, 曾經認真上網search過邊D餐廳多好評 再放入to-go-list, 而呢一間 就係其中一間榜上有名既餐廳 估唔到 結果係weekend先特登黎返深水埗食 lol 唔知係因為weekend關係, 定平時都係咁, 全間餐廳只坐了一枱客 我同男朋友 就係第二枱了~ 門面望落覺得餐廳應該幾日式, 加上放左唔少日式雪葩等甜品係玻璃櫃, 幾吸引人 不過入到去就無門面咁靚.. 有少少殘舊感, 不過食野, 最重要既一定係睇返食物味道 食物款式都算多, 而且都係吸引既款黎 最特別係佢有一款 “期間限定 $??” 款式同價錢都要問員工先知 本身想叫呢個, 但員工一句話 “每日得10碗, 賣晒” 所以… 試唔到 款式大概分為丼類, 咖喱同意粉, 另外仲有D炸物小食同沙律 甜品同雪糕款都有成12款左右, 佢既巴菲杯賣相堅係吸引 ! 明太子意粉 $68 原來呢個意粉都包左好多野:: 三文魚剌身, 前菜, 同抹茶大福 見到咁豐富 確係有D surprise既~!! 三文魚剌身質素都幾好 前菜就一般紫薯粒同玉子, 不過不失~ 至於主角:: 明太子意粉, 其實明太子味唔係好出….

數星期前行經這日式餐廳已被它門面的濃厚和風裝飾及餐牌吸引著，今天専程跟老公來吃晚餐。我點了一個新推出的茶屋烏意粉$78前菜有醒胃惹味的漬物海帶😋，另附有非常鮮甜的蟹肉及帶子，玉子燒，一口蕃薯🍠。故名思義，烏意粉是用墨魚汁煮的，大家吃完記得要抹乾浄咀啊😆最後還有一個抹茶大福，大福皮非常軟糯，包著香濃的綠茶粉，味道又不會太甜😋老公則點了燒豚肉丼$79豚肉肥瘦均勻，味道不錯。餐廳佈置成火車車廂，亦有很多鐵路物品擺設。另外很想表揚的是餐廳會提供一支類似蠟筆，讓客人直接在有膠面的餐牌上點餐，這樣可以容易擦去重用，非常環保♻️又方便，更可節省成本

係深水埗街完街，肚餓就搵野食，剛好睇到有日本餐廳不多人，就入去試試。裝修不算裝潢，用了鐵路做主題，都很有日本風。我點了推薦的原條鰻魚飯以及豚肉燒。原條鰻魚飯很不錯，鰻魚肉身厚，而且肉質嫩。濃濃的鰻魚汁滲入飯內，睇得出係特別煮過👍整個鰻魚飯都很好味👍值得推薦。豚肉燒的豚肉很多，共有9大塊，而且每塊都很有肉味，喜歡食豚肉的一定要試一試。飯都是用上日本米，煮得剛剛好。店員都很用心推薦店內食品，態度很好，值得一讚。

黎開深水埗，同fd夜晚想搵個地方hea下傾計，見到茶屋町呢間日本菜小店，就入黎食下野。前菜叫左個煙三文魚海藻沙律，28蚊。都幾開胃，煙三文魚幾惹味。想叫d飽d既食物就點左蒲燒鰻魚丼，88蚊。大大條鰻魚都幾足料，鰻魚汁撈飯一流。唔夠喉加左個明太子意粉，68蚊。成晚最期待係呢個甜品，宇治抹茶金時芭菲，50蚊。咁既價錢大大杯幾抵食，抹茶味夠濃又唔澀，整體唔太甜。呢個地方都適合同朋友黎，成晚放鬆下都唔錯。

一向好少去深水埗搵野食，今次同朋友係附近買野，搵下地方醫肚。行過茶屋町都唔錯，menu睇落幾吸引。煙三文魚海藻沙律，$28味道ok，海藻沙律幾fresh，如果三文魚鮮味重d就更好。明太子意粉，$68。意粉醬汁有d失望，但明太子都好味。蒲燒鰻魚丼，$88。鰻魚肉質唔錯，飯粒中都帶鰻魚燒汁既香味，份量都好足夠。宇治抹茶金時芭菲，$50。日式甜品點少得抹茶，呢個賣相好吸睛，味道都唔錯。抹茶香味濃郁，重有粒粒紅豆加強口感。

今日係深水埗買野下午茶時間就見到呢間日式小店價錢親民餐廳環境好舒服，大量木製家私靠近bar檯既位置有日本居酒屋既感覺汁燒鰻魚丼 $88原條鰻魚都唔洗100蚊呢個價錢應該得深水埗先搵到👍🏼鰻魚非常大，完整蓋住隻碟而且仲好厚身上面鋪了雞蛋絲，令賣相加分不少隨餐附送既小食有海帶、玉子燒、蕃薯仔沒有過多調味、清淡爽口汁燒鯖魚丼 $76同樣地都係份量十足汁都係同鰻魚一樣，比較甜但配飯食一流性價比十分高大食既朋友記得係可以加飯架😆抹茶味雪糕 $35食飽飯當然要食埋甜品先滿足啦呢個抹茶味不算太突出但勝在不會太甜，味道天然而且紅豆很大粒，煮得剛剛好

在深水埗人車都十分繁忙的大街中街原來住了一間小丼丼屋，不是朋友介紹也不知道雖然店面不大，但一排排的小桌子、簡簡單單的設計經已令人很舒服放工後來吃晚餐，跟朋友都不太餓，決定點了一份丼飯再加大，變成我們的二人晚餐燒豚肉丼。大盛 (吉列大蝦+鰻魚+溫泉蛋)前菜（甜薯、甜蛋、海帶）我和友人一人負責一種食物，再一起吃海帶燒豚肉丼大盛丼份量真的不少，豚肉輕輕燒過很香；我最欣賞的是他們沒有落過多醬汁一口豚肉和一口飯一起吃的時候也吃得出豚肉的肉汁吉列大蝦、鰻魚兩款食物上碟時都是熱滕滕的：大蝦炸得夠香脆；鰻魚肉質也夠新鮮溫泉蛋

比門口的抹茶吸引左入黎, 身為抹茶控既我地又點可以錯過! 今次其實係為左佢的抹茶甜品而再黎XD 所以要推介最後食的抹茶甜品先，一黎就係好濃烈的抹茶味，有茶的甘香，同正宗的抹茶有得比! 連白玉丸子都好煙韌，重點係超平!! 連主食叫+ $ 22就有，但質素卻與其他日式抹茶甜品店不相伯眾~今次點左個鰻魚飯，有3件厚身鰻魚，掃上燒汁，肉身好細緻，帶點膠質，處理得幾好，只有好少既微細骨，吞左都唔覺, 呢個價錢來講算係唔錯~另外點左的吉烈雞扒丼就不推介了，有點乾同散，炸粉太多，留返試其他啦~呢度的米飯就乾左少少，唔夠黏口，用左日本米而言就有點失色~下次要專登再黎試佢其他抹茶甜品！❗️如果大家中意睇我地分享美食, 可以比個like同follow我地@foodmarker.hk, 大家的支持好重要😚

舊區一間心思小店以日本鐵路裝飾整間餐廳，亦都係被吸引走入去試試的原因，它以日式丼如：日式咖哩、汁燒及甜品為主，沒有刺身、沒有壽司的，不要誤會唷！黎到小店，我地豪食了：薄燒牛肉丼 -特別在燒汁裡有一陣陣既薑汁味道，不是辣薑的那種，只是淡淡的，感覺清新可口。蒲燒鰻魚丼 - 我覺得去每一間日式餐廳都要試的，水平就在這裡分出來了，好味唷！醬汁是很濃郁，亦不會搶了鰻魚的風頭，廚師燒到洽到好處，亦沒有碎骨。明太子雞翼 -肥美的，明太子配合雞翼真係絕配呀！二人前甜食 -這個有一大盤甜食，入面有雪糕、日本甜薯、千層蛋糕、抺茶糯米糍、柚子蒟蒻等等...再加兩杯飲品，抺茶牛乳是不錯唷，很滑，整個份量真係好多，食完飯再食真係食唔哂，如果下午茶黎食呢個二人前應該就最完美啦。

夏日炎炎，假日下午到深水埗逛街後，便躲到茶屋町。店內的人喝着冰涼的飲品，吃着精緻的甜品，聊聊鎖事，在這裏悠悠地度過炎熱的下午。先點一杯飲品解熱，抹茶牛乳(冷)($22)。來到以抹茶為主打的店，怎能不點一些與抹茶有關的飲品?看見鄰座兩位一人一杯抹茶牛乳，我也跟着她們點了一杯。墨綠的抹茶和奶白的牛奶混和，如雲霧般夢幻。在炎熱的夏天，冰凍的牛奶令人心情舒爽。牛乳增添這杯飲品的軟滑，抹茶味濃郁，卻沒有蓋過軟滑牛乳的味道。汁燒鰻魚丼($88)，比碟更長的鰻魚蓋着飽滿飯粒，碟中心向下凹，盛着更多米飯，又能令整條鰻魚平放在碟上。醬汁在米飯中滲透開來，燒鰻魚香溢滿口，厚肉鰻魚帶嚼勁。旁邊有一小碟伴菜，小甜薯軟稔，厚玉子味甜，還有少量幼海帶，先吃這個伴菜會更開胃。整碟不論飯和鰻魚都非常大份，男士也必定夠吃。北海道牛奶奶凍($22)，簡單的甜品，要做得好實在不容易。用上北海道牛奶，所以奶味比一般的濃郁，更重要的是這個奶凍夠滑，有入口即溶之感，這個甜品做得出色。布丁燒($30)，看到牆上有趣的介紹，便點了這個。與一般布丁不同，除了有香甜脆薄的焦糖在頂層，中間有軟滑的雞蛋布丁，底層還加了鬆軟的芝士蛋糕，三層口

深水埗要找一間日式餐廳，必選茶屋町，內在環境似是日本小店。我點了汁燒鰻魚飯，鰻魚大大的一整條，份量十足，真的只吃鰻魚也飽，燒汁很香。水信玄餅，有點像大菜糕的質地，柚子味道清香，不會太甜。甜點套餐，包括有綠茶千層蛋糕，綠茶雪糕，綠茶鮮奶。蛋糕很多綠茶忌廉，很creamy。伴碟有小甜薯，很精緻。綠茶雪糕超級濃味，微甜，回甘，上面有紅豆，點綴一下。綠茶鮮奶，熱烘烘出爐，淡淡綠茶味。食物飲品質素來說，這店的確不錯，價錢廉宜，會再光顧。

深水埗一直給我的感覺是十分老舊，平時若不是要購買電子產品，都不願意多留半刻。這次到這家深水埗的餐廳純粹是方便一下朋友，他那天剛好到深水埗辦事。令我意想不到的是原來深水埗也有值得一讚的餐廳，甚至令我想再次光臨。餐廳燈火通明，給人潔淨的感覺。最重要的是明亮的燈光令食物看起來更吸引。叫了一道小食：明太子雞翼。味道不算濃，中間沒有很鹹很辣的感覺，雞翼本身有點乾，若果能彈身一點會更佳。最近喜歡上鰻魚飯，這裡有一款88元的鰻魚飯，相對其他餐廳而言，真的相當便宜。個人覺得上面的蛋絲為賣相加了分，鰻魚顔色就有點偏暗。分量令我有點驚喜，因爲在我點單前，已先查看openrice上其他食評的圖片，原本以爲分量偏少，沒想到分量充足，上面蓋著的鰻魚，亦比我原本想的厚長。旁邊的醬汁有很濃的鰹魚味，個人覺得一定要拌飯，不然的話，單就醬汁而言，就有點偏濃。但主角鰻魚還是叫我食指大動，雖然它不算做到油香四溢的感覺，但魚肉算結實，不會像平時放題店食到的那般鬆散，燒鰻魚拌上鰹魚汁的飯，若不是我想留肚試試甜品，真的可以再戰一份。最後甜品是芭非杯，點了茶屋混合巴菲，聼名字應該是招牌吧。雪糕抹茶味濃，個人超級喜歡上面的小丸子，又