茶屋町 (長沙灣道) (已結業)

平時好少會去深水埗，不過今日屋企人要去鴨寮街買嘢，就順便喺附近搵嘢食見呢間餐廳除咗主菜，仲有雪糕同蛋糕可以揀，睇落幾吸引就入咗去試下唔食飯仲有甜品set可以揀選擇雖然唔係特別多，但係淨係個丼飯咁大份，價錢又唔貴，已經好吸引仲有日本雪糕同蛋糕可以揀，鍾意食甜品嘅我已經諗定食咩雪糕見佢仲有個龍蝦茶漬飯，睇落份量都唔錯明太子雞翼雞翼釀得算飽滿，咬落啖啖肉，唔使吐骨嘅雞翼係最好味海膽松葉蟹肉意粉見個名有咁多唔同嘅食物係入面，就揀咗呢個意粉試下意粉有少少海膽鹹味，加埋啲明太子，口感唔錯何b仲好細心咁有海帶、 甜蛋做配菜，仲有個大福餅同埋小紫薯做甜品蟹肉釀咗落個蟹蓋度，味道唔錯燒豚肉丼呢個飯嘅份量好多，見佢寫住係用日本米做嘅啲肉係輕輕燒過，連住啲肥肉，煙韌有口感旁邊同樣有海帶、甜蛋同小紫薯做配菜茶屋混合呢個雪糕係綠茶加雲呢拿，上面有個銅鑼燒同餅乾，中間夾住一啲梳打餅、紅豆同啫喱等等，成杯雪糕嘅口感同分量都好豐富

今日在深水埗買完電腦野之後又要醫肚啦，一於就去都是睇地鐵附近嘅茶屋町開餐。入到去見到陳設都幾特別，好似日本嘅火車裡面咁，食物主要以日式輕食同埋甜品為主，一於樣樣都叫啲先！龍蝦茶漬飯估唔到可以喺地道小店食到原隻嘅波士頓龍蝦。唔好以為咁平食到龍蝦就好求其呀，佢地一樣製作得好認真。龍蝦非常大隻爽口彈牙，仲有非常多龍蝦膏，淡淡肉，仲好多人叫添，非常不錯。特色推介之選！抹茶味白玉雪糕日本嘅味道返來啦，同喺日本食到嘅非常之相似，相信佢非常之足料還有很多的抹茶味的啊，醒神之選！抹茶牛乳抹茶味非常之香，比咖啡店叫到嘅仲好，配以香滑嘅牛乳，令人哋感覺好輕鬆好舒服，不錯！提子梳打最後還叫了一罐日本直送嘅提子梳打，消暑解渴。

深水埗最近都開咗唔少日式嘅餐廳 除咗拉麵之外都一定要試吓吉列豬扒嘅料理 今次依一間餐廳裝修好有特色嘅風情 模仿緊日本嘅火車 鰻魚飯-（必食）🌟$88呢個價錢食到咁嘅質素嘅鰻魚 我俾滿分 鰻魚燒得肥美 鰻魚啲油脂香燒到出曬尼 份量巨大 又厚又長 長到要摺埋 好滿足.-咖哩芝士吉列豬排飯-吉列豬豬夾住啲芝士 味道不過不失 但勝在炸得夠脆 咖哩麻麻地 同重香料味.-白玉紅豆雪糕-白玉好食 軟熟程度岩岩好 唔會難咬開 配上紅豆醬同雪糕 仲好食 雪糕口感似乳酪雪糕 牛奶味唔夠重

今日男朋友帶左我去深水埗一間cafe食個lunch。佢知道我好鐘意cafe，特登接我收工去食飯，好抵錫啊！茶屋町，深水埗悠閒小角落，假日黎到人客非常多啊！我地一人叫左一個飯，再加一個甜品。我叫左牛肉丼，男朋友叫左炸雞丼。大大碗飯，飯粒暖暖好煙韌充滿米香，炸雞大件夠香脆，即叫即炸好香口，中間雞肉嫩滑唔會乾身，入口不會太油膩。牛肉丼，牛肉唔會鞋口。兩碗飯都加左醬汁夠哂滋味！我地叫左明太子雞翼，香嫩雞肉包上明太子，咸香夠惹味！無骨啖啖肉！我地叫左抹茶千層蛋糕，忌廉幼滑充滿茶香，班戟皮有口感！

😆又介紹深水埗美食啦! 今次其實為左佢的抹茶甜品而再黎😂 本身晚市黎到時話賣晒有點失落😞, 點知隔左一陣店員決定再整 , 仲要好似有2個拳頭的份量👊🏻👊🏻, 比上次多一倍甘濟, 抹茶控的我們竟然都食唔晒 (有對比圖😂😂) 係好香濃的抹茶, 初入口有茶澀味, 最後帶點甘香苦味, 同京林屋有得比☺️配料有脆米, 白玉丸子, 紅豆同抹茶餅, 連主食叫+$22就有, 性價比超高! 👍🏻👍🏻黎到主食, 我地今次叫左明太子意粉, 加上蛋黃沙律醬加少少明太子, 意粉上的三文魚籽幾新鮮,便當有幾樣配菜: 松葉蟹棒、紫薯仔、玉子燒、牛蒡、海帶同好creamy的抹茶大福!☺️😍吉烈芝士黑豚飯, 芝士有拉絲嫁, 一口d芝士爆晒出黎XD 但黑豚肉就有d薄🤔🔸抹茶脆米白玉雪糕/ 白玉紅豆雪糕 ($22)🔹吉烈芝士黑豚 ($76)🔸茄汁明太子意粉 ($78)

夏天一定想起雪糕同生果。見facebook有人介紹。被半隻日本蜜瓜吸引就跟老公去試下：拍照是主要目的之一，試食後評語就是一試冇防！但係唔會再食多次！ 大胃皇的我就1人食了此甜品，看見其他枱是一家人叫1個餐!老公話你食到先好叫，當然我話一定掂，因為早餐都未食！因蜜瓜數量有限，所以每日限量的：一上到枱當然相機食先，一輪拍照自拍後，雪糕已溶左1/3, 終於蜜瓜食左1半，下次記得帶個盒或袋，袋走食唔曬架日本蜜瓜！

係openrice見到有$78買$100 voucher, 去到先知原來lunch set唔用得, 不過既然都去到就試一試啦。lunch set都唔算貴, 有湯有飲有雪糕都係$52起。叫左一個芝士黑豚咖哩飯, 同埋一個鰻魚便當。麵豉湯比較咸, 入面有紅羅白&豆卜, 好唔日式好奇怪芝士黑豚入面係有芝士拉絲, 豬排炸得唔錯既。另外鰻魚便當都有3大件鰻魚, 係買番黎既貨色, 不過口感唔錯, 幾多鰻魚汁, 便當左面既野都無乜味的,overall 呢個價錢都算係咁~送既雪糕可以揀味道, 綠茶同牛奶味都唔錯, 不過好快溶

補寫上星期六晚， 兩大一小去到諗住試甜品， 入到舖頭， 女侍應講左句”冇晒枱得bar枱“ 就唔埋我地， 但我地小朋友細坐唔到bar枱，佢咁講我已經覺得奇怪， 因為門口第一張枱， 即係佢隔黎個兩個客已經執好野起身走， 咁點解要同我地講冇枱好似趕我地走咁?坐低等左10分鐘都冇拎餐牌比我地， 最奇既係我地坐低既時候，佢係第二張枱收左個餐牌， 拎左番收銀個位抹， 之後一路冇埋我， 直至我問佢先拎黎， 一句說話都冇講到我地諗好落單， 話佢知要咩甜品， 佢講左句“今日冇甜品”， 我以為自己聽錯， 再問佢係咪咩甜品都冇， 佢答我冇， 就行開左。 我地已經好嬲， 我地係度話佢有冇攪錯， 門口冇貼， 入門口冇講 ， 坐低唔講， 比餐牌唔講， 諗好落單先講， 呢間舖唔係得一兩樣甜品， 係餐牌一面主食， 一面甜品，數量差唔多， 全間舖冇左一半食物都唔出聲😡， 我地話佢佢係當聽唔到， 連一句唔好意思從頭到尾都冇講過， 真係好過份! 咁我地咪即刻走囉， 走個時我見到門口雪櫃其實係有一兩樣甜品既!一間餐廳再好食都冇用， 態度咁差趕客， 如果呢個女侍應繼續咁做， 應該啲客比佢趕走晒!

是日冇手調飲品及甜品，餐牌上既定食有2樣都冇，貼在牆上既期間限定又冇，重要答話冇左好耐，咁重唔撕走佢!芝士唐揚雞丼冇芝士味，雞炸過龍，偏硬同乾，前菜海帶無甚味道，味噌湯有白蘿白海帶豆腐卜，味道正常，紫薯同甜蛋都正常咪道。餐牌只餘炸物定食。

男仔係一定一定食唔飽！好耐之前食過一次幾好味，係正常餐廳但上幾日，第二次光顧，真心好失望。一樣都係叫明太子意粉但係份量明顯少過以前好多，即刻上openrice搵返啲舊相黎睇！原來！以前有三舊紫薯、三條牛蒡，而家無左，亦無任何野替代，三文魚係勁多筋嘅平價「煙三文魚」有圖有真相。係一個好可憐嘅便當。意粉真係粉量好少好少。大慨得20條。我以為就黎關門，所以份量較少，所以當日我並無投訴。今日，我俾多次機會佢。居然令我更更更失望⋯連左上角嘅平價版煙三文魚都無埋🤯變左蟹柳沙律！而亦無任何通知！友人個秋刀魚飯仲離譜，啲飯就黎薄過塊魚⋯而秋刀魚都夠膽係得半條👍🏻好野！好想知而家啲米係咪好貴？多幾粒飯都咁難？無下次喇，如果大家想食得飽，記得叫$40以上嘅甜品呀⋯

食咁耐只願意花時間寫兩篇食後感言！第一次光顧，亦是最後一次。坐下叫左一個$62嘅芝士黑豚肉飯。等飯嚟嘅時候飲茶啦，點知茶中有飯粒，已然心知不妙。點知飯嚟左後看見份量少得可以，飯碗比一隻手掌細三分之一，而且黑豚肉薄得可以，咬下去完全感覺唔到有肉，全都是芝士，那不如叫芝士飯啦。流哂出嚟嘅芝士又「鞋」得可以。完全唔可以再比機會。反倒抺茶雪糕不錯，有茶味，又不太甜。雖然$62並不是很貴，但我情願比多少少錢，食質素好啲嘅囉

老闆是生意太好吧！進門侍應都直接說沒位。。等一會。。沒人理會。。沒号碼。沒人看到。重點是店內還有位，全是不可坐的嗎？。店內空間還要是不大 站門也沒人理會。這奧洲牛奶公司嗎？

完美還原便當，隔夜嗰種🤦🏼‍♀️成個吉列雞扒便當，全部餸都係凍⋯⋯似係係雪櫃拎出黎再翻熱嗰種連白飯咁簡單嘅嘢都整得唔好，又凍又未熟⋯⋯員工hea就吾洗講啦，呢樣野個個都知🙄🙄🙄🙄

垃圾上網睇到好多人講呢間野好好食入到去叫野食乜都無又要冷氣都唔開野食出到黎又唔係好熱咁好服務？？野食唔算太熱所以唔開冷氣廢事吹到凍哂？？又貨不對辦又講日本米但係mix左其他米

茶屋町餐廳裝修有日式的感覺，以木做主要材料。門面裝修是模仿日本JR列車，售賣平民版鐵道便當。下午茶時間冇咩人黎，但只安排左我地高長bar枱位，而且入面冷氣有D凍﹗叫左吉列大蝦便當$65，加12蚊轉柚子蜂蜜特飲。先來一碗麵豉湯同柚子蜂蜜特飲麵豉湯入面有一粒粒豆腐乾，味道清清的，可以暖下胃。柚子蜂蜜特飲就味道正常。便當真係有日本鐵道便當feel，賣相唔錯。吉列大蝦炸得唔錯，咖哩汁好味，質素唔錯﹗總括而言，呢度食物質素幾好，仲可以安靜悠閒地享受食物。