茶屋町 (長沙灣道) (已結業)

（自己拍的相片被編輯說是盗用！不停拒絕刊登！）今日一訪深水埗鴨記，之後漫無目的地在地頭走走看看，因為不想到茶餐廳，然後走了一會兒我看到這間「茶町屋」。它沒有沒有拉麵或冷麵，主打肉食丼飯、定食、小食、飲品和甜品，價錢合理又看似座得舒適，可以試試。餐桌上已有水壺和杯，不用客人一定要點飲品，夠大方。《炸南瓜薯餅 $24》南瓜薯餅有4塊，沒有油膩感，南瓜薯蓉餡料厚身又清甜，而炸皮薄身，香脆又不會膩，蘸上些少沙律醬更惹味。《燒豚肉丼 $79》燒豚肉多但偏肥但爽口，可能是腩肉？丼飯有醬汁足夠拌飯。《抹茶栗子餅 $28》外層的抹茶蓉軟綿，中間是忌廉，底部是海綿蛋糕，喜歡吃忌廉的朋有可以一試。

暑假快完，今日再去深水涉買電腦配件。買完同朋友在附近吃飯，上網有介紹荼町屋，於是試下。簡簡單單木系装修和掛飾的食堂巳好有和風感覺。在門口我已被汁燒鰻魚丼吸引，所以非點不可。果然冇令我失望，鳗魚非常大而且燒得微焦金黄香氣撲鼻，肉質彈牙加上醬汁帶甜。牛肉丼當不錯，牛肉肉質淋好入味，配細細粒珍珠米好有咬口。天氣熱甜品點了抹茶雪糕，即時透心涼。至愛抹茶雪糕

海膽松葉蟹肉意粉 (HK$72)餐廳是以日式火車車廂內的設計為主題，所以我點的意粉也是以火車便當盒裝著。火車便當幾豐富，包羅萬有，有海膽奶油醬意粉、炸松葉蟹肉球、番薯仔、海帶、筍、蛋角和抹茶麻薯。仲包了一碗有豆卜的味噌湯！整體味道唔錯，幾抵食😋

本來對香港既日本菜冇咩期待但今次真係有驚喜呀個芝士豬扒係新鮮即炸既熱辣辣脆卜卜最開心係啲員工全部都好細心見我推住bb車即刻主動幫我執好個位等我有得放部車唔怪得知咁多人帶埋小朋友黎食啦下次會再黎食！

Went here randomly as I was captivated by the musubis in the cabinet.The menu had donburis, bentos, Drinks and desserts.You will find train windows and models of trains.There is a train drivers hat near the cashier.For food, I had the black pasta.It didn't really say what it was but the whole thing was quite sweet.The black spaghetti had some crushed chalky stuff which I couldn't work out what it was but it wasn't sesame.I was told it was peanut butter when I asked.In the other boxes was a scall

本身想食拉麵但男朋友被menu上既牛肉飯吸引左星期四下午1:00店內小貓兩三隻我哋兩個都叫咗下午餐下午餐包括主菜加麵豉湯加前菜 綠茶任飲我就叫咗鰻魚飯 麵豉湯冇咩麵豉味道但飲得出冇加味精內有紫菜蘿蔔同豆腐根 前菜係一個大約一匙羹炒蛋女生一定夠食 但男仔就未必夠啦值得一讚嘅係每一樣餸都有加日式嘅飯素或者紫菜算係一個有心思嘅小襯托溫泉蛋要另外加$8 可惜嘅係個汁冇咩味 隻蛋唔算太有蛋味最後到主菜啦下午餐嘅鰻魚來講算夠 性價比都OK嘅鰻魚飯嘅飯係用日式飯 口感相當唔錯Overall一對情侶來講 價錢同空間都好好兩人埋單$144

深水埗【必食】日式定食｜巨型鰻魚丼｜波士頓龍蝦菜漬飯｜抹茶雪糕食品質素: 算係咁, 有心機之作, 食材新鮮餐廳環境: 唔太多日本STYLE, 佢係做緊電車感覺但我FEEL唔到坐位舒適: 香港STYLE 迫迫地價錢低食: 又低食88蚊有個成條鰻魚飯仲要好食個人感覺:日本定食黎講真係食得唔多, 但佢呢到俾我感覺都幾日式詳細食評請到YOUTUBE 到睇啦^^如果您鐘意記得訂閱同俾個LIKE 我地不過唔係話好識點評有幾好食, 我地只係用返平常口味黎講解

今天前往九龍中心做指甲，約定了開指甲店的朋友一同午餐，介紹我一同前往一間和食餐廳，地點位於長沙灣道，很容易便找到。蒲燒鰻魚烏冬冷烏冬只是不熱並非凍，麵質非常彈牙，炎炎夏日配上鰻魚非常消暑甜食套餐一人前（全選了護眼色的抹茶好漂亮）抹茶千層蛋糕：每一層都有抹茶蛋糕鬆軟，不會一切即散，淡淡的茶香不會太甜抹茶雪糕：非常清新的抹茶味道，雪糕非常香滑並帶着淡淡的牛奶味抹茶牛乳：抹茶牛乳比例非常好，不會只有茶味或奶味，與蛋糕及雪糕帶出連鎖反應，非常滿足柚子蜂蜜梳打：新鮮的飲法，甜度降低適合炎炎夏日感覺清新炸紫薯餅外皮香脆結實，內在紫薯蓉香甜軟糯日本是我最喜歡的國家，和式輕食我當然喜歡至極，甜品套餐有一人/二人前，餐牌上還有期間限定食品，不定時更換。

是日黎到深水埗，行完街好肚餓，同朋友打算試下茶屋町，一間網上好紅既日本餐廳，食完覺得名不虛傳！由於太肚餓，每人叫左一個飯，發現佢地份量好足，味道又好！另外每份飯餐都會有前菜，兩個男人食完都好飽😋😋原條鰻魚飯鰻魚好大條，仲大過碟飯，好足料！加上成碟飯都有鰻魚汁，口感非常豐原！吉烈漢堡排日式咖哩飯吉烈漢堡排賣相一流，金黃色既外表加上充滿肉汁既漢堡排已經好正！仲有埋香甜既日式咖哩，真心好食！值得再黎食多次！

很久沒有來深水埗了，真的不知現在深水埗有什麼美食。今次朋友就介紹了這間價廉物美的餐廳一試。餐廳位於地鐵站旁，地點非常方便，而且餐廳裝潢也簡潔舒適，就是座位比較窄一點。叫了我愛吃的鰻魚飯一試，驚奇的是，為何一條鰻魚這麼大，但會沒有飯的呢？原來飯在碗底，而且也足夠我這個大男人食用。哈哈，很有趣的碗子。鰻魚很大條，坦白講，足夠兩個男子吃用。它燒得很鮮甜，而且配上鰻魚汁，更是把鮮味提昇到極致，是日本吃到的味道，這鰻魚飯絕對是讚的！也叫了一個茶蕨餅，茶蕨餅就一般，沒太大驚喜。但如此美味的鰻魚飯和便宜的價錢，絕對會再回頭。

主要係為左抹茶甜品而去。雖然係星期五晚，但都只係等左5分鐘左右就有得入座。舖頭唔算好大，但都叫坐滿客人，座位唔闊，所以食完好快就要離開了。同朋友都只係簡單咁叫了豚肉同牛肉丼，70,80蚊嘅價位黎講已經相當不錯至於主角黎喇，雖然令我比較驚訝係，8點半都未到就話其實已經截左無得叫甜品😧但店員見我都係叫雪糕，所以就話做埋比我。我只叫了個白玉抹茶雪糕，35蚊黎講算超水準，有淡淡的抹茶味，唔太重牛奶，但都唔係只食左一堆好凍嘅嘢咁。不過就真係溶得太快，黎到其實已經溶溶地。至於跟主食都叫左杯牛奶抹茶！真的好唔錯！抹茶味唔假，又唔係只有牛奶味！很好！

同朋友係附近做完義工，黎到呢間茶屋町覓食😋12點幾唔係好餓，叫左三款野食開心share😆蟹籽沙津🥗沙津比我想像中細，而且我地以為係沙津菜果啲🤭朋友就覺得麻麻地，不過蟹籽蟹柳分量幾多，撈均後每啖都食到😌豚肉燒🐷有八九塊豚肉，肥瘦平均幾靚幾開心😆而且幾香口，味道唔錯😌😌略嫌啲飯唔係好夠熱，同埋一舊舊🧐宇治金時芭菲🍦食完沙津同豚肉飯，職員就示意同事可以整芭菲，有細心位喎🤩👍🏻唔洗幾分鐘就有得食😙芭菲好有層次，抹茶微微帶澀味道幾濃幾好食，紅豆好甜，不過少左啲，反而太多脆脆呀燕麥啦😅😅變相好似係食脆口小食多過甜品囉🧐

本來想去的餐廳沒有位，我又想吃茶漬飯，發現附近有這間日本餐廳不用等位，便立刻坐下點餐。龍蝦茶漬飯 $98餐牌明明只有幾行字但一直看不見我想吃的茶漬飯，原來是因為這是限定菜式～上桌時我確實是被嚇到了，真是原隻龍蝦！不過中間部分已經拆肉，倒上還是微熱的茶便可以吃。龍蝦肉很有嚼勁和鮮味，加上茶混合了醬油，令海鮮的鹹香發揮到最大功力，吃到一半還發現裡面有很大粒的帶子，和珍珠米一起吃口感豐富。茶屋町究極蟹籽沙律 $28看似小小一盤的沙律其實份量一點都不少，蟹柳不會雪到糜爛，最加分是海帶，新鮮爽口但不腥的海帶，這個價錢吃到的是海帶而不是純粹青瓜絲，是不是驚喜？最後令我覺得很驚訝是這裡沒有收加一，這麼大份的食物和不俗的質素值得再來吃！

工作關係有機會到訪長沙灣一直聽聞附近有一間特色日本小店，終於有機會一試當日堂食叫咗個吉列流心芝士黑豚定食本身以為有得選擇跟餐要前茶 / 麵豉湯 / 甜品最後原來係跟店鋪當日規定我叫既午餐包括 黑豚飯 一碟麵豉豆卜 一碗咖哩汁 以及一碗麵豉湯湯方面飲得出唔係平時12蚊店買到既麵豉粉溝水值得加分麵豉豆卜反而食落味道無咁夾而主角 黑豚飯 食落有驚喜本身吉列黑豚已經切開三小份 一夾起身 見到芝士真係滿滿咁流出黎 貨真價實另外飯到有啲椰菜絲 令到整體食落去唔漏加上芝士流落啲飯到 配埋個咖哩汁食就係一絕！另外茶屋町隔離有間黑岩拎住張單下次去食係有9折優惠所以下次有機會都想試一試黑岩

放工同朋友喺深水埗買完差電線，沿著西九龍方向一直行，比呢間門面好日式feel的餐廳吸引到停低睇下有咩食先，有丼丼飯、便當，仲有甜品，幾吸引，一於決定入去解決我地的晚餐！店舖不大，有一排吧枱位，有四人枱 ，也有二人枱，而右邊牆身更特意營造列車🚄的窗口(無影到相添😬)時間尚早關係，暫時得兩枱客，可以隨便擇位我地決定叫一個飯一個意粉share食 ，用蠟筆🖍️落單 非常環保，填好交俾員工就OK ! 🍚薄燒牛肉丼$86整個碗鋪滿牛肉，遮蓋曬底層的飯粒就知份量幾足。牛味未算好濃，每片都略帶炭燒香味另附送小食，有玉子、小甜薯、昆布🍱海膽松葉蟹肉意粉$72除左同樣附送小食，還有蟹蓋和抹茶大福。原以為有海膽刺身和蟹肉，原來估錯曬！意粉用海膽汁撈勻，而蟹肉混合了其他配料鑲在蟹蓋內，食起來有點似平時章魚丸的內餡。至於抹茶大福就最吸引，抹茶香味加軟綿綿又煙韌的麻糬皮，夾住香滑忌廉，不甜不膩，再望望餐牌，原來普通單點都要$20/3粒架！