茶墨 (已結業)

🧋麻糬芝麻烏龍鮮奶茶超香芝麻味 基本上係蓋過咗陣茶味麻糬份量都幾多 煙煙韌韌咁好好食芝麻同麻糬真係好夾😋加上佢杯嘢真係水墨畫咁 打卡一流人手整杯杯都獨一無二㗎😍

同老婆食完飯，特登行過嚟飲杯茶chill 下。老婆身體不適，要飲熱飲，估唔到呢度都幾多選擇😌 佢揀咗乾檸柚子茶蜜（$34），有得揀茶底：可以揀綠茶或者紅茶底。佢揀咗紅茶底。而且仲可以揀熱、凍或者溫暖！我覺得好貼心😳。我老婆就揀咗hot ! 呢一杯真係超級消滯，食完飯飲用一流😉而且有好香嘅柚子茶味🍵。我老婆飲完好鍾意！佢話甜度適中，下次想試吓瑰蜜杞子茶！ 佢對呢間嘅飲品充滿信心！除咗包裝好靚之外，飲品質素亦都好好，因為佢叫熱，店員仲好細心幫佢用膠紙封好！而我竟然有少少少女心，就揀咗奶蓋鐵觀音！ 雙層奶蓋非常豐厚，下層鐵觀音非常香濃。整體非常之夾。 呢度仲有好多款蛋糕可以俾大家選擇，賣飲品加少少錢就有埋蛋糕🍰。今次我哋揀咗日式奶茶蛋糕，好味好特別😋呢度仲有雪糕🍦，下次要再嚟試吓。

其實我很很很久沒有喝手搖了🙊以前我是每天一杯，料都加好加滿的，珍珠蒟蒻紅豆粉粿，流行奶蓋的時候當然便是來一杯巧克力oreo奶茶加奶蓋，真的超甜超幸福？！可是現在開始健康飲食就不再這樣了(´･_･`)那天路過尖沙咀難得看到了清茶的海報！是我喜歡的人蔘烏龍茶！而且是無糖的，可以來一杯消消暑（最近真的變熱了）雖然沒有華麗的漸層，但淡淡的蔘香和回甘的烏龍，清爽無負擔，又能和朋友一起「手搖」，不用只是「視喝」了🤣

🥛~麻糬芝麻烏龍鮮奶茶~水墨畫風既飲品就算唔打得都睇得啦何況呢杯係好飲呢🤤💓芝麻味非常之香濃. 😚飲落重會咬到一粒粒既芝麻碎奶茶味就俾芝麻味稍為遮住咗. 只有淡淡既味道麻糬非常之啱我胃口😝🥰成粒都煙煙韌韌咁超級有咬口完全唔係得外面淋入面硬硬地煮唔熟透果隻感覺搞到我一粒接一粒咁食唔停口. 好快就食哂啲麻糬啦🥲溝埋啲野飲有啲似食緊芝麻湯丸😂成杯野飲係高質既👍🏻我會再encore再試佢啲甜品😝

上次黎無晒紫薯，只好試其他野飲，今次經過the One，決定一定要上樓試下紫薯鐵觀音沙冰（無糖，牛奶，$39）。今次呢杯就無上次畫得咁水墨風格，或者有可能芝麻醬比紫薯易畫？不過加左牛奶之後嘅粉紫色睇落都幾少女，自己唔鍾意甜就叫無糖，因為紫薯蓉本身都有少少甜，鍾意甜嘅話可能要叫半糖以上啦。入口會飲到比較重鐵觀音茶味，然後攪勻飲就會試到紫薯同埋少少奶香味，呢杯沙冰算係綿滑。比起有麻糬果杯真係會食到飽，呢杯相對飲落都算清爽。

位於尖沙咀The One嘅茶墨，上到L4就望到，地方寬敞，簡潔光亮，又有座位供人品嚐茶飲、雪糕或蛋糕等等。牆上展示該店各類產品，一目了然，好吸睛。點咗一杯黑糖珍珠芒果鮮奶(少甜)，第一啖入口即時有芒果蓉衝入，香甜軟滑，再一啖就有軟糯嘅黑糖珍珠，但鮮奶嘅味道就感覺單薄咗，可以稍為加強鮮奶質感，就唔會被芒果嘅甜味搶晒，本身落order時已揀少甜，否則甜味更重。跟飲品優惠叫咗件日式奶茶蛋糕，件餅雖然係bite size ，但一入口即有奶茶香味，忌廉幼滑細緻，蛋糕質地鬆軟，互相配合，一象奶茶控必定欣賞。仲有其他蛋糕或雪糕可以選擇

忍咗口好耐冇飲手搖飲品，但係今日都不敵係尖沙咀 The One四樓 “茶墨“嘅引誘。 我就叫咗一杯 “麻薯芋泥茉莉鮮奶綠“ 小甜小冰，同埋一件奶茶蛋糕 。 先講咗杯奶茶先 ，外觀靚之餘，茶底上乘，飲完口腔仲充滿淡淡茉莉香味 ，大大杯有超級多嘅芋泥 ，麻薯入口口煙煙靭靭非常好咬。整體嚟講39蚊咁大杯有咁嘅份量性價比都唔錯。 件奶茶蛋糕就相對唔係太甜，感覺輕型，好啱夏天食用。 另外朋友就點咗一杯芝士草莓沙冰 ，酸酸美美嘅草莓味十分醒胃， 再加上芝士奶蓋。 奶蓋唔係算太鹹個隻，反而有一種淡淡嘅焦糖同咖啡味。 兩者配搭看似風馬牛不相及，但係夾埋起有美味嘅化學作用， 有點兒想不到。另外重設有堂食， 可以坐低慢慢嘆冷氣同嘆嘢飲，一舉兩得。

喺尖沙咀食完晚飯去The One行吓，見到呢間甜品舖，裝修好簡潔，決定試吓點左杯麻薯芝麻烏龍奶茶，賣相幾好，賣點係水墨畫風，飲落芝麻味幾重，麻薯煙un，但茶味就可以再濃d另外叫咗兩件蛋糕試吓，一件係柚子芝士蛋糕，另一件係橙味芝士蛋糕，兩件都好清新，適合夏天食，芝士味唔錯除咗飲品同蛋糕，仲有雪糕gelato，都有幾款口味，下次有機會先試見到仲有啲小食賣，例如蝴蝶酥店舖唔算多人，坐得清靜，可以同朋友慢慢傾計

🍴麻糬芋泥茉莉鮮奶綠 $39想試佢水墨風系列既飲品 但又覺得呢幾款既配搭好似唔夾驚唔好飲 最後證明我揀呢杯野飲揀得無錯 賣相特別之餘又幾好飲👅叫左少甜少冰 甜度岩岩好✌🏻麻糬軟糯好煙靭 仲幾有米香(?)芋泥係底有幾粒可以咬下 但甜左小小 杯野飲奶味唔重 岩晒我呢d唔太中意飲鮮奶既人加埋淡淡茉莉茶都幾夾 完全無諗過呢幾樣材料夾埋都可以沖得咁好飲🍴乾檸柚子茶蜜 $34朋友讚茉莉花茶底茶味清香 雖然無得較甜度但又唔會太甜 柚子味有層次唔單調 整體配搭match 野飲幾解渴又fresh 岩晒食飽無耐想消下滯🍴日式奶茶蛋糕 +$28買野飲可以加$28買件cake🍰蛋糕似係伯爵茶味 有d乾但加埋cream岩岩好 Cream又唔係好甜 加上細細件 唔會食到膩

🥤麻糬芋泥茉莉鮮奶綠（$39）：點了少冰少甜，所以甜度適中。茉莉清香似乎蓋過香芋味，不過有粒粒芋頭和QQ麻糬，令飲品口感豐富。🍨開心果gelato (跟飲品加28一球）：開心果味十足，質地似雪糕多於gelato。PS 製作飲品部有漏單情況，當時人流少，希望貴公司能提醒職員。

一直都想試下呢間💛💛店茶墨嘅水墨風茶飲，今次終於有機會試到喇～呢度除咗外賣之外仲有少量位置可以坐係度或者立食，除咗唔同款式打卡able嘅茶飲之外仲有gelato同埋新出嘅黑芝麻cheesecake，睇落都幾吸引😻😻麻糬 芝麻烏龍鮮奶茶店員好用心咁係杯入面搽上芝麻醬，黑白嘅水墨畫風真係好靚😍，今次叫咗少甜少冰，未撈勻嘅時候入口超濃郁嘅芝麻味，好似飲緊芝麻糊咁🤣撈勻後就飲到幾香嘅烏龍茶味，我鍾意佢茶味比例較奶味重。入面有好多細細粒嘅麻糬粒，口感QQ唔會太硬，煙靭度剛好，台式嘅茶飲店比較少見配麻糬，整體都幾特別😗。人均消費：$40推介指數（10分為滿分）：8分

今日約咗朋友食飯，食之前見仲有少少時間，於是就喺呢間the one入面以茶為主嘅手調飲品店度等夠鐘。呢度飲品嘅選擇都好多，我揀咗焦糖奶蓋鐵觀音，我覺得個奶蓋嘅味道都幾好，但個茶味可以再濃啲。

茶墨呢個名我細細個就聽過㗎啦😀想試飲好耐，今次終於見到冇咩人排隊，終於係機會啦！佢哋嘅水墨畫風飲品藝術性真係好高，好睇得來又好飲。麻糬芝麻烏龍鮮奶茶$39，入面好多麻薯，口感極豐富，又好煙un，芝麻味好香，整體來講呢杯野唔會太甜，又唔會太苦，味道好啱鍾意飲唔甜嘅奶茶嘅朋友。另一杯係特濃朱古力奶昔$48，其實外表睇落同其他朱古力奶昔真係冇分別，不過未到真係特濃嘅，好厚好重朱古力味。茶墨除咗茶仲有啲蛋糕食，全部蛋糕都好靚，聽講係日本直送㗎。

一直都留意到有間台式奶茶店叫茶墨，知道佢嘅出品同一般嘅珍珠奶茶唔同，今日終於久仰大名，到The One分店試試佢嘅獨特口味。店舖呈開放式設計，光猛而開揚。原來呢度除咗有唔同款式嘅飲品之外，仲有售賣Gelato。現場所見有七款唔同口味，而且標明係屬於低脂，啱晒注重健康人士。另外仲有曲奇小食，唔需要買太多嘅份量，適合又為食又怕肥嘅食客淺嘗一下。仲有蛋糕款式，單件或原個嘅蛋糕都有，購買飲品仲可以優惠價品嘗。飲品方面有好多選擇，但當然最出名嘅就係水墨風。水墨風系列包括黑芝麻、芋泥、紫薯同芒果4款口味，每款都唔同配搭，各具特色。最後我選擇了麻糬黑芝麻烏龍鮮奶茶，+$28配富士蘋果芝士蛋糕。飲品果然尤如一幅美麗的水墨畫，啖啖充滿芝麻香味。麻糰粒粒Q彈有口感。配合埋富士蘋果的清甜，真係一個非常出色嘅組合。

🚩麻糬芝麻烏龍鮮奶茶💰價錢：$39平日比較少飲手搖飲品覺得一杯卡路里太高唔捨得消耗quotes係飲野上面但有時覺得口淡淡都會想飲兩杯😂所以盡量揀返養生類型、健康啲既飲呢杯算係比較健康我嗌咗無糖、去冰用無糖豆奶取代鮮奶我計過一杯卡路里應該只有300-400kcal😆雖然嗌無糖 但唔係一啲甜味都冇因為黑芝麻醬都係甜既成杯攪勻之後會飲到淡淡既甜味黑芝麻醬令成杯飲落帶有芝麻顆粒沙沙既口感加埋口感軟糯既麻糬成個感覺有啲令我諗起芝麻湯圓😂P.S. 飲品可以加錢嗌多件蛋糕但蛋糕櫃望落啲蛋糕size好細件唔太抵食🤔