茶墨 (已結業)

慕名過黎The ONE 試呢間靚靚既茶飲，佢d 飲品好似水墨畫咁靚，仲有好多款口味添麻糬芋泥茉莉鮮奶綠（$39)身為芋頭+煙韌控既我，梗係揀呢個麻糬+芋泥既配搭啦😍😍佢用芋泥係個杯邊到畫成一幅畫，加埋鮮奶綠襯成一幅畫咁樣，芋泥甜甜地幾好味，加上煙韌既細細粒麻糬完全係絕配🥤🥤但可能芋泥比較淺色，冇佢芝麻果款咁似用墨畫既畫，但紫紫地色又有佢既特色🤤焦糖芝士濃香鐵觀音茶 ($35)朋友叫左佢特色既焦糖芝士奶蓋茶，佢一打開個杯飲d 奶蓋，我離遠都即刻聞到有好香既焦糖味，朋友話佢好濃既焦糖味，幾好飲😆😆個底既鐵觀音茶望落好深色，果然夠哂濃郁👍🏻👍🏻岩哂鐘意飲濃茶既朋友豆腐雪芭 ($28)豆腐味既雪芭好清新，好濃郁既豆腐香味，佢既雪芭唔會係好冰果隻，似雪糕多d好鐘意佢呢個口感🤤🤤🤤📍 茶墨 (尖沙咀)尖沙咀彌敦道100號The ONE 4樓L411號舖#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkig #food #foodie #foodstagram #foodblogger #berryfood

見到好多人都係呢到打卡！Bookmark左一段時間都未飲到，今日終於有幸同男朋友黎試。我叫左最最最signature既水墨風芝麻烏龍鮮奶茶🤍。靚到嘩一聲！成杯藝術品咁。店員提醒我地飲之前要攪勻D芝麻粉，我地影完一輪先捨得飲😅。揀左走甜走冰走cream，最原始既味道🖤，芝麻味都幾出，最正係入面有麻糬！唔係出面成日有既珍珠😗，麻糬夠煙韌，欣賞！男朋友叫既特濃朱古力🍫雪糕奶昔，朱古力味唔算濃，口感似沙冰多D。呢到有位坐住嘆冷氣抖一抖，伯爵茶Gelato，茶味算濃，值得一試🤎。

時間多左搵個位坐下，到左the one入面嘅茶墨，叫左兩杯熱茶，一杯係人蔘烏龍茶，另一杯係玫瑰茉莉花茶。等左一陣就有得拎，唔知點解個杯要用膠紙封住，方便外賣？可能係。佢封得咁實就廢事搣開佢黎影相啦，個蓋見到粉紅色個杯就係玫瑰茉莉花，兩種花都係好香個種自然飲落就勁香啦，無糖淨係花香飲起黎零負擔。另外個杯人蔘烏龍都好香㗎，不過唔係花香係蔘味，飲落回甘，仲好濃烏龍茶味，同樣無糖感覺好養生。廿幾蚊杯茶又有位坐，幾好呀。

💖嘆完tea落尖沙咀海旁，順便去間出名水墨飲品嘅茶墨度買杯嘢飲，再買件cake返屋企。1⃣️麻糬 芋泥茉莉鮮奶綠（少冰走糖）🥛 $39💖麻糬之前都食過，覺得好好食，口感煙韌彈牙。真係食到一粒粒嘅芋泥，真材實料。我杯飲品🥛係走甜嘅，但芋泥可以帶出一啲自然嘅甜味，感覺健康啲。第一次飲茉莉鮮奶綠，有綠茶味🍵，味道自然清新，飲完冇負擔💕2⃣️岩燒伯爵茶蛋糕🍰 $48（原價$60）💖蛋糕好鬆軟，入口軟糯。聞落有淡淡嘅伯爵茶香🍵，又有d香甜嘅蜂蜜味🍯。表層芝士🧀濃郁，搭配茶香唔膩口。💖黎呢度嘆tea好舒服😌下次再試埋佢地其他嘅水墨飲品🥤

今日同朋友係附近行街 行到攰攰哋想飲杯嘢補充體力傾下偈 係openrice睇到呢間非常多好評嘅舖頭就決定嚟試一試我哋揀咗以下兩杯飲品試下:麻糬芝麻烏龍鮮奶茶＆紫薯鐵觀音沙冰兩杯飲品賣相都非常之靚 真係好符合佢哋嘅餐廳嘅好有藝術感 芝麻個杯估唔到芝麻味真係非常濃郁 以為得個顏色 點知飲落口非常香滑 配埋麻糬煙煙韌韌 口感同味道都好好另外杯紫薯沙冰上面仲有奶蓋好邪惡 紫薯味好出 仲會有少少紫薯粒 之前都飲過其他飲品店嘅紫薯飲品都覺得爭少少 反而呢間嘅真係令人非常滿意 又有茶底比起全紫薯牛奶飲品無咁甜 整體比例好好 讚朋友俾佢個雪糕櫃吸引左 見其他人杯飲品咁靚就話相信雪糕都唔會差 店員好nice咁話可以飲完先拎雪糕 揀左個開心果味出面比較少有 堅果味道好特別 質地綿滑又香 一球都唔細 超值

週末約了朋友去尖沙咀食飯逛街，還未正式到夏天就已經熱到要穿短衫短褲了，我們當然是找一些有冷氣的商場去逛一下。聊到有點口渴腳又有點累，想起THE ONE有幾間甜品或飲品店，於是就去找一間試下。這間茶墨，原來店名同產品是有關聯的，就是他們的水墨風飲品。除了飲品之外，他們也有日式蛋糕和雪葩。我們點好飲品之後就找個位置坐低。我選擇了麻糬芝麻烏龍鮮奶茶，因為不想飲太甜的飲品所以要了微甜少冰，出到黎的飲品簡直就是一杯飲得到的水墨畫，黑色的芝麻就像是墨水一樣點綴了白色的鮮奶茶。喝一口，是香濃的芝麻味，鮮奶和烏龍的味道很夾，甜度是我喜歡的程度。每一口都飲到了麻糬，比起普通的珍珠，麻糬更加煙韌美味，也更加襯托得起這杯水墨風飲品。朋友點的士多啤梨雪糕奶昔亦一樣的出色，粉紅色的外表也激起了我們的少女心，拿起不停拍照，士多啤梨配上香滑的雪糕，每一口都是細膩的，少甜之後味道也是剛好我們喜愛的味道。我們也點了一件日式奶茶蛋糕，兩人一齊分享。吃一口蛋糕，是濃烈的茶香味，茶香的海棉蛋糕配上幼滑的忌廉，十分好味。

#teabrush 嘅茶飲以水墨風做主題，全部都好似藝術品咁吸引！用嚟打卡影相一流！📷📸-麻糬芋泥茉莉鮮奶綠 $39叫左有我最愛嘅combo: 芋泥&麻糬，麻糬就好似平時嘅”小丸子”，方便大家用飲管吸黎食，口感係偏軟糯。芋泥方面，可能因為我嗌左少甜，芋頭味唔係好突出，我比較鍾意多啲重手啲，而家就奶茶味濃啲，配合翻佢”杯中茶”嘅主題🧋佢地理位置方便，係the one入面，行過尖沙咀想坐低飲杯嘢都幾適合🥰

難得一見將飲品同水墨畫結合，特登黎呢到打下卡！呢到有坐位，大家唔洗擔心要係到企。不過人流好旺，隨時留意有位好坐啦！本身對於味道冇期望，點知原來係又睇得又飲得。兩款signature 甜道合理，有好濃芝麻同花生味，底層仲有好多麻糬，完全係一杯湯丸既飲品版！飲完都唔會覺得好漏。一個人一杯其實都幾飽下架，所以如果大家想當甜品呢一杯係絕對可以滿足到你！另外試左一款蛋糕，唔係死甜，蛋糕有蛋香味，價錢合理，值得一試！

嚟親The ONE我多數都係放工去做Facial，所以次次都好衝忙。今次終於約咗喺閒日做，所以唔使咁急趕，做完仲可以去「茶墨」慢慢坐低嘆杯茶✌🏻。其實我想幫襯好耐，皆因好想試佢嘅水墨風飲品😍。小店面積細細，半開放式嘅店舖設計，座位唔多，我同朋友等咗陣先等到企位。如果係堂食嘅客人，當買完飲品後就會獲發咇咇機。呢度嘅飲品款式幾有自家特式，例如水墨風茶飲、雪糕奶昔、焦糖芝士奶蓋、冰搖茶等，價錢偏貴，最平嗰杯都要$29，不過勝在大大杯，有成500ml至600ml🥤。除咗飲品外，佢仲有賣蛋糕同低脂意式雪糕🍨。店員好好人，不斷叫我哋可以試咗味先買。紫薯鐵觀音沙冰($39)，飲品真係做到水墨風格☯️，正如小店所述，達至<杯中茶·心中墨>嘅境界。沙冰味道幾特別，雖然飲品無心目中咁紫色💜，但紫薯味相當濃郁，濃得嚟又唔會太假。沙冰口感唔止有好多冰碎，仲有一種「沙」嘅感覺。整體亦唔會太甜，幾值得試。焦糖芝士玫瑰茉莉花茶($35)，店員介紹先用飲品蓋個洞飲，之後再用飲管攪勻飲。呢度嘅芝士奶蓋富有焦糖味，但仍然比預期中鹹🧀，而味道亦比較重，攪匀後會蓋過茶味🍵。清香柚子芝士蛋糕(單價$34/飲品追加

茶墨 飲得既水墨畫 真係飲得又打得～想試左好耐！麻糬芝麻烏龍鮮奶茶😋😋😋😋😋好香濃嘅黑芝麻，食到一粒粒芝麻碎，茶味唔係好濃，有啲比芝麻味蓋過嘅感覺，但加埋麻糬,好似飲+食緊芝麻湯圓咁～幾得意呀！用麻糬丸子取代珍珠，又幾夾喎👍🏻感覺好似酒釀丸子嘅丸子咁真係好有藝術感順帶一提，一定要攪勻飲通常呢啲手搖飲品店，都唔會有位俾你飲，但呢間側邊有少少坐位同企位，放工約個friend飲杯嘢又OK喎餐牌好多選擇，下次再試其他

行過尖沙咀The one 見呢間茶飲點有好多人排隊，好奇之下我又排埋一份試下佢啲飲品。✨麻糬芝麻烏龍鮮奶茶 $39飲品到手時賣相好靚，杯邊喺用左芝麻醬整成的水墨畫花紋圖案。第一啖飲落口就飲到好濃既芝麻味，好似飲緊一杯芝麻糊咁，個味喺幾香幾突出。不過第二啖開始就無咩芝麻味，變左做淡既烏龍茶味，間中飲到奶香，口感都幼滑的。🐄🐮底層有大量口感QQ既麻糬🧋，但就食唔到有味純粹喺粉團，如果帶少少甜味會好食啲。.雖然唔喺唔好飲，但飲到有啲懷疑人生，究竟我喺飲緊芝麻糊定喺烏龍茶🍵，兩種味道好似唔太夾咁，加埋一齊太過複雜，芝麻味搶左烏龍茶的茶香。加上飲品價錢都唔平，個人覺得飲一次試下就算，無想像中咁好飲。

杯中茶 心中墨今日食飽之後就去咗the one行街見口渴就去咗茶墨度坐一坐休息下先。平時行過都見到好多人飲, 睇門面就知道佢好特別, 所以點都要支持下嘅💛士多啤梨雪糕奶昔友人十分之喜歡飲奶昔, 呢一杯奶昔飲落去既texture十分之creamy 同厚身, 朋友表示十分滿足。好濃士多啤梨味！好足料開心果gelato 好有驚喜！比起我平時食開嘅雪糕,呢個口味剛剛好, 唔會過甜，口感又滑，十分適合女仔唔想肥又想過口癮。麻糬 芋泥茉莉鮮奶綠水墨風果然就好似一幅畫咁，最適合打卡！我就叫咗無糖, 但飲落去依然飲到芋泥嘅淡甜味，同一啖啖嘅麻糬加埋大量芋泥，食落口感十分煙韌。絕對推薦大家嚟開尖沙咀，一定要嚟試下！💛

食飽晚飯，諗住下場食甜品🍮，去左尖沙咀THE ONE 4樓搵食，同層有有名西瓜草莓蛋糕，日本過江龍梳乎厘等，但價錢貴不再考慮。卻意外無意中發現一間開放式茶店。環境以白色為主調，裝潢好簡約，用膳區只有數張枱和一排單人企位。芝麻麻糬烏龍鮮奶茶🥤（HKD 39):芝麻非常香，濃得好似芝麻糊咁，麻薯咬落煙韌增加口感，食落似芝麻湯圓，感覺上好似飲咗一杯芝麻糊湯圓咁，好養生，保持頭髮黑色亮麗。麻糬芋泥茉莉鮮奶綠（HKD 39):芋泥不是打得好滑融入嗰款，反而係食到有芋頭粒，麻糬Q彈，奶味香濃，入口順滑，仲有點茉莉茶中和番，吾會太甜，恰到好處。另追加（HKD 48)岩燒伯爵茶蜂蜜蛋糕: 因為堂食店員好細心幫得地預熱番，但點知令到表面好乾，入面蛋糕質感都算鬆軟，表面食落有陣蜂蜜味，蛋糕入味有啖啖伯爵茶香， 不俗。總結：忽發其想如果麻糬可以變芋圓 應該仲好飲整體飲品質素不俗 唯蛋糕質感有待改善

是日同朋友行尖沙咀，行到累想飲下野解渴，甘岩比我地見到茶墨有賣手沖飲品，即刻試試。餐牌選擇都幾多，有少見既紫薯，芝麻，麻糬等等，唔洗成日幫襯連鎖飲品店甘悶。我同朋友各自點左麻糬芝麻烏龍鮮奶茶同麻糬抹茶鮮奶，因為我地二個都係麻糬控。麻糬好有嚼頭，煙煙因因，而且數量都幾多，有排食。黑芝麻味重而且好香，配落烏龍茶又覺得幾夾。朋友杯抹茶好濃郁，而且茶底夠厚，岩晒中意抹茶既朋友。最後加左件日向夏橙芝士蛋糕，清新而且唔會膩，食完會想再食！

飲珍奶係唔少香港人嘅Daily Routine之一 茶墨 係THE ONE四樓，日式簡約風但Logo就用咗中國書法設計～座位唔多，得2/3張二人枱同一排單人企位，除左野飲之後更提供充滿日本風味既雪糕有豆腐同抹茶味等仲有蛋糕輕食。今次order 黑糖珍珠麻糬鮮奶 ，外觀就好似喺個杯上面畫咗一幅水墨畫咁，打卡一流。味道方面，呢杯茶唔太甜仲有黑糖香，麻糬煙煙韌韌。買正價飲品就可以用優惠價配甜品 我就揀左柚子乳酪Gelato，非常清新仲帶有粒粒柚子皮係同夏天非常搭的清爽口感