茶墨 (已結業)

有好一段日子冇黎The One喇, 去完Donki就順手走去The One睇下有咩新開既店舖, 行左陣見街邊的人拎住杯設計特別既飲品, 留意多少少見寫住茶墨就開始係OpenRice揾喇, 正正原來就係The One 4樓就緊係上去望望啦😁, 我同老婆都睇中佢地既水墨風系列, 真係比佢個設計吸引到😍所謂水墨係用麻糬芝麻或者麻糬芋泥在杯內揮筆, 令杯外所見有水墨既感覺, 所以每一杯都有獨特既畫法🎨🎨1/ 麻糬芝麻烏龍鮮奶茶 $39芝麻味香, 茶味比較淡適合怕訓唔著又想過茶癮既朋友, 如果可以再多的芝麻就好喇😍2/ 麻糬芋泥茉莉鮮奶綠 $39芋泥去到杯底仲有一大舊😲😲而丸子有好多, 而且QQ彈彈好有咬口😋3/ 清香柚子芝士蛋糕 $28芝士本身比較膩既食物但配上柚子令整件事消滯左, 而且唔會好大件適合女士想過口癮😋P.S. 事後睇到好多人都中意佢地既Gelato低脂雪糕, 下次一定要試埋佢同奶昔先得😆

網上見到呢間嘅水墨風手搖好似好靚好神奇，今次就同朋友嚟咗試下。尖沙咀呢間分店有得揀堂食或外賣，因為時間唔夠，就叫咗外賣。同朋友每人叫咗一杯飲品，再一齊分一份蛋糕。麻薯芋泥茉莉鮮奶綠🤎（$39）首先一收到杯飲品已經好開心，佢嘅賣相好靚，真係有水墨畫嘅感覺。芋泥大部分都係底，所以要喺飲之前攪勻！芋泥份量好足，差唔多半隻手掌咁大！🖐 奶綠非常香滑，叫咗少糖之後個人覺得甜度啱啱好。麻薯好彈口，份量亦好多，最後都食唔晒咁多！麻薯抹茶鮮奶🍵（$39）抹茶味好出，唔會好苦好澀，有好清香嘅茶味。麻薯浸喺抹茶鮮奶入面有少少似食近抹茶大福💚 日式奶茶蛋糕🍰（$28）奶茶味有少少淡，反而更加食到一陣檸檬味，蛋糕軟熟，不過份量真係好細，比起手搖略顯遜色，不過都可以接受嘅！總括嚟講係好滿意嘅手搖！啱晒用嚟打卡！😍😍

係尖沙咀午餐完想買杯野飲去西九海濱長廊chill一下就選了茶墨 每次去the one經過都未試過 今次終於有機會去飲下由於剛吃完午餐有點飽肚感 所以沒有選他家主打水墨風 就選了焦糖芝士莓莓茶和焦糖芝士蜂蜜醇香紅茶（凍），再點一個甜點 清香柚子芝士蛋糕🍰首先，焦糖芝士莓莓茶第一口我習慣不把芝士攪勻，第一口草莓味很濃，而且裡面是沙冰，清新又清涼，然後我會將芝士攪勻，平時飲得奶蓋多，呢次多左一層焦糖味，更香濃香滑，草莓配搭焦糖芝士很不錯，微酸帶甜！而且佢地焦糖芝士一點都無吝嗇，很厚一層！！奶蓋芝士控可試他們家這系列！！！然後我朋友點了焦糖芝士蜂蜜醇香紅茶（凍），焦糖芝士依然很香滑，而佢的茶底好喝，但他混合焦糖芝士竟有一種喝奶茶的味道，很奇妙，也不差！而他家的清香柚子芝士蛋糕，很濃的柚子味，夠清新，芝士蛋糕入口細綿細滑，雖然份量不大，對我小胃人士來說，剛剛好！配奶蓋茶很搭！而他們家除了有座位也有企位，但場地不大，座位也不多！店員都很有禮貌，很nice! 下次經過可以選擇坐下來享受😆😆

為左呢間本地薑喺大西北騎牛出嚟🌞難得出嚟城市，一次過叫曬飲品同蛋糕好似抵啲🤣🤣呢度真係幾啱同朋友喺度飲下嘢、relax下🥴❣️-麻糬芝麻烏龍鮮奶茶(熱) ($39)❤️‍🔥❤️‍🔥私心推介❤️‍🔥❤️‍🔥天氣凍飲番杯真係唔錯㗎😋❣️黑芝麻味濃👍🏻加上烏龍同鮮奶茶，成杯野都好香好好味😋茶香之餘麻糬又勁好咬，飲過番尋味🥺♥️👍🏻以前有飲過凍嘅version，熱嘅味道比較出同埋麻糬會淋啲，煙煙韌韌🤫💓-日式奶茶蛋糕 (跟餐優惠+$28)再加左個好香嘅奶茶蛋糕🍵🍰有少少偏甜🥲不過真係好香茶味🍵，連面頭嘅cream都充滿茶香，蛋糕當中又有好多茶粉，幾有趙頭🤣👍🏻

💛 焦糖芝士 濃香鐵觀音茶 💰36因為天氣凍，所以叫左熱飲，建議同我一樣少甜，因為焦糖芝士都夠甜。飲落都係偏甜，但冬天飲好有幸福感☺️☺️ -💛富士蘋果芝士蛋糕🍰 💰28見到得番一件，應該好受歡迎，所以就試下🤣 果然有驚喜！cream好soft，蘋果好清新，一啲都唔滯👍🏻 連飲品一齊買平d。就算買一件cake都有紙盒裝住拎走👍🏻-堂食係有座位同企位，行街攰左可以上黎飲杯野休息下👌🏻-環境:💛💛💛💛服務:💛💛💛💛推薦:💛💛💛💛-餐廳: 茶墨 地址: 尖沙咀彌敦道100號The ONE 4樓L411號舖

和小朋友出咗尖沙咀去玩慶祝佢爸爸生日，去埋呢間bookmark咗好耐一直想試吓的，好IG-able的，希望飲完個人會多番啲墨水😛😙。位於The one 4樓，有大概四張枱，可以俾大家坐低飲杯台式茶、食個甜品，休息一下。Signature 水墨系列麻糬芝麻烏龍鮮奶茶黑芝麻好似水墨咁掛杯好靚，無要到Cream，唔太甜麻薯煙軔好味，但奶味&烏龍茶味好似無乜，可能比黑芝麻味蓋過了，飲落好似浠啲嘅芝麻糊咁，唔知係咪一路太期待，所以就有啲失望，覺得冇乜特別，沒有太大驚喜。總結：Signature 嚟講就真係有啲失色，不過其他茶類、甜品、蛋糕好似好多選擇，今期新野有麻糬南瓜鮮奶都幾特別咁，仲有低脂Gelato ，有7個口味好吸引，真係好想試吓，新個款的黑芝麻巴斯克紐約芝士蛋糕，但當日已經賣晒，😋下次再試真啲佢哋一其他茶、蛋糕和雪糕。

近排好鍾意去尖沙咀行街，每次都會去The One行一陣，貪嗰度方便又多嘢買，最緊要行行攰有個好地方坐低休息下，飲杯嘢食件cake。多數我哋都會去4樓茶墨休息吓飲杯嘢，雖然枱櫈唔多，但係都坐得幾舒服。黑糖珍珠芒果鮮奶 39 元黑糖嘅味道好香，帶有少少蜂蜜味道，黑糖再混合埋鮮奶加上珍珠，可以話係別有一番滋味，珍珠口感煙煙韌韌，用特製的新鮮牛奶製作，甜度、純度都恰到好處，口感不過分膩歪，也沒有茶味的苦澀。配合融化開的黑糖，醇厚的香氣停在味蕾，一口氣吸完，舌尖還留著奶的香甜，黑糖的芳香。焦糖芝士 芒芒茶 44 元焦糖味道香甜，芝士味道香濃，兩者配合埋一齊恰到好處，令到味道非常有層次，加上香甜嘅芒芒茶，帶一點清甜味，三樣嘢配埋一齊真係好爽，入口清爽香濃，香味停留在口中，久而不散 ，好好味岩燒蜂蜜抹茶蛋糕 48 元蛋糕賣相好吸引，而且份量都算大件，抹茶味好淸香，岩燒令到蛋糕外層帶點焦香蜂蜜味，而蛋糕內裏鬆軟，口感非常好，而且唔會太甜膩。

茶墨 (尖沙咀).之前試過幾次呢到嘅飲品，的確係igable夠靚，但味道真係唔太啱我口味。之後見佢有雪糕，一直都想試下.▪️柚子乳酪單球▪️.標榜低脂意式雪糕，對於我呢啲一直都想食極唔肥嘅人真係勁吸引食落酸甜開胃，無乜特別但都幾好食嘅♪(´ε｀ ) 不過少貴🥺.📌 茶墨 (尖沙咀)尖沙咀彌敦道100號The ONE 4樓L411號舖環境：⭐️⭐️⭐️⭐️味道：⭐️⭐️⭐️服務：⭐️⭐️⭐️⭐️價錢：⭐️⭐️⭐️

難得同朋友出到嚟尖沙咀行街，食完lunch後朋友話想試茶墨，因為聽到有好多好評同埋打卡好靚，所以就去咗朝聖一下。去到地方唔大，得好少位可以坐，不過好好彩好快都可以等到位，可以坐低慢慢飲。見到menu有好多選擇，諗住間舖主打水墨風，所以同朋友叫咗兩杯水墨風的飲品。落單後等左好耐先有得飲，不過諗住杯飲品都特別，都吾緊要(最後發現一啲都唔值得等)1.麻糬芝麻烏龍鮮奶茶，$39一飲落好重芝麻味，反而飲唔出茶味，整體配搭奇怪，最重要係啲麻糬好硬，好似未熟咁。朋友飲左幾啖就放棄左🤢2.黑糖珍珠芒果鮮奶， $39呢杯好少少，芒果同鮮奶味尚算配搭，但係珍珠同啲麻糬一樣好硬，好似未熟🤢因為口渴，所以都飲咗半杯先放棄，但係啲珍珠食咗幾粒就冇再食過。舖頭本身主打水墨風，理應水墨風的飲品好出色，點知大失所望🤯完全明白點解咁多人排隊飲，好後悔，因為杯飲品破壞咗，令今次的假期有些美中不足😕

📍茶墨 - 尖沙咀-之前睇yellopenrice介紹過呢間舖頭 吸引既賣相令我一直心思思想試 !-🔸麻薯芋泥茉莉鮮奶綠 ($39)賣相好吸睛 概念係來自水墨畫 呢間舖既concept係以杯作紙 以茶作墨 好有詩意值得一讚既係 呢杯野唔係虛有其表 味道都唔錯每啖都吸到濃厚絲滑既芋泥 令人食到好滿足另外仲配有粒粒彈牙既麻薯增添口感 好啱煙韌控！飲品面頭會配上cream 怕肥既大家可以要求走cream 因為飲落對味道其實冇太大影響🙌🏻

◭ 黑糖珍珠芒果鮮奶 茶墨主打四款茶墨風飲品，我就揀咗芒果鮮奶配黑糖珍珠。每粒黑糖珍珠非常煙韌，芒果味濃郁，配埋鮮奶，入口好香好滑口☺️◭ 麻糬抹茶豆乳另一杯就揀咗麻糬，口感同樣好煙韌，中意食麻糬嘅朋友係必加😜抹茶味道甘甜，甜度相對無咁高，仲有些少抹茶沉澱咗係底👍🏻配埋豆乳，一樣好滑口。◭ 清香柚子芝士蛋糕屬於迷你size號芝士蛋糕，下午茶食就啱啱好芝士蛋糕口感軟滑，味道好清新，簡單輕食之選。 下次再嚟試埋其他水墨風飲品先！

The One一間幾有特色嘅飲品店現場會有幾張枱櫈俾大家坐店員都有禮貌特色係可以照顧到唔同人嘅需要鮮奶 豆奶 個比例都可以同店員request飲過紫薯鮮奶同埋芝麻烏龍茶👍🏻👍🏻👀

每次經開The One 都見到呢間大排長龍！無機會試😲 今日難得星期日下午時間 唔算多人 於是有機會試下☺️☺️ 門面裝修係行簡約風 有企位有座位～menu 都有唔少季節限定 cashier 隔離就係個蛋糕🍰櫃 好吸引 件件都想食😋茶墨招牌就係杯有水墨風既 麻薯芝麻烏龍茶鮮奶$39 🤍🖤 既然係招牌 緊係試試佢！朋友就叫左麻糬抹茶🍵鮮奶 $39呢杯好濃芝麻味🖤好香易入口 份量都幾大杯！ 最後當然都叫左甜品啦！叫左日式奶茶蛋糕🍰、富士蘋果芝士蛋糕🍰！日式奶茶戚風配埋cream 令我食唔停口！富士蘋果蛋糕入面都有粒粒蘋果🍎 行行下街想搵個地方抖抖 當下午茶食就岩岩好！

假期係尖沙咀行街，行到半路攰攰地又口渴想飲下野，就揀左呢間試吓。見佢特別推介係水墨風，就揀左杯麻糬芝麻烏龍鮮奶茶（$39），要少冰少甜。飲落去輕輕嘅芝麻味，再配埋奶茶一齊飲，有另外一種嘅新鮮感，之後再連埋麻糬一齊食，好有𡁻口，而且麻糬嘅份量都頗多，岩晒行完街攰攰地，飲返杯奶茶，尤其解渴。之後再嗌左2件cake：日式奶茶蛋糕+富士蘋果蛋糕。奶茶蛋糕好有啖啖嘅奶茶香味，而且蛋糕嘅質感亦好綿，甜度適中，岩晒啲唔中意食甜野/太漏嘅朋友。而富士蘋果蛋糕，食落去啖啖嘅蘋果果肉，非常清新，再加埋層mousse ，真係好夾，一啲都唔覺得肥膩。另外，有Gelato可以嗌～不過因為食得太飽，所以都好滿足啦。係尖沙咀行街行到好攰嘅朋友，不妨選擇呢間飲品鋪試吓！除左飲野，仲有野食添架

The One呢個商場，其實平時我哋成日都經過呢度好多次。見佢珍珠奶茶嗰張相片好靚，有啲水墨畫嘅feel。今日食完拉麵之後，有啲口渴，所以同男友一齊嚟呢度食過飯後甜品。呢度除咗有蛋糕之外，亦都有鮮製嘅意大利雪糕。成個雪糕店雪櫃咁大，有近大約10款口味。當然其中嘅口味都以茶為主題，有茉莉花茶、醇香紅茶，亦都有素食人士啱食嘅豆腐雪葩添。我男朋友就揀咗黑朱古力雪糕味。呢度嘅黑朱古力雪糕，朱古力味香濃，而且入口柔滑，食落去甜度適中。雖然佢濃朱古力味，但係識食一啲都唔膩，反而有一種清新嘅感覺。我就叫咗一杯少女一定鍾意嘅紫薯鐵觀音沙冰。望到佢嘅顏色係好似幻彩嘅粉紫色，當然吸左唔少女仔嘅睛。望落去成杯飲品，淺淺嘅粉紅色夾雜左深紫色嘅紫薯蓉，真係好似一張水墨畫咁樣，融合咗喺呢一個杯入邊。飲落去你會先嚐到一陣清新嘅鐵觀音茶香，跟住就會帶有微甜濃厚嘅紫薯肉，最面層再有一層柔滑嘅忌廉。比起其他嘅珍珠奶茶真係好唔同，感覺好似食緊一個甜品咁，因為佢係一杯沙冰。