茜廊餐廳 (天盛商場)

營業中

休息中

午餐係度食 見一碟飯都係50蚊左右就入左黎環境非常黝暗，影嘅相可能都差啲。餐單有得加16蚊有沙律同甜品，如果呢兩碟野一早上晒黎，食完先食正餐，完全冇理我地感受。炸蝦沙律，得一隻，剛炸起非常熱，粉都多，中規中矩。菜就唔係太新鮮，食到一啲幾lum 。檸檬cheesecake 面頭加果jam。 我覺得酸酸味味幾好食都好開胃，朋友就品太欣賞，覺得唔好味。個size係mini cake超細件，餅底同個餡一切就係分開嘅。蒜容包。烤過龍。好似食薯片咁，咬一啖碎晒，仲跌到周圍都係。 我覺得係好過食餐包既。仲有餐湯，有羅宋湯同忌廉湯，我幾鍾意白湯，味道岩岩好，都幾滑同濃既，羅宋湯就少左啲肉味，唔夠濃。唔好以為呢度淨食西餐，我嗌左碟中式豬肉炒河粉，又幾好食，份量又幾大，唔會太油，豬肉份量都足夠，就係茶餐廳式河粉，令我幾意外。咖哩薯仔雞球焗飯睇落好似好乾，事實上都幾多汁，但唔太食得出咖哩味，又唔辣又唔係甜，椰香味重啲，飯撈埋汁好黏稠，食落好heavy，雞球就係得果幾粒，事實上好幾粒都係薯仔，薯仔就lum得濟既,又係唔好味嘅。最後都剩返幾多飯。唔洗加錢大大杯凍飲，本身都甜架啦但仲俾大大杯糖水我地落，我地中晒伏

午餐- 鐵板西餐牛扒薯菜$98望落就跨啦啦....牛扒又大件，又熱辣辣，仲用左好多新鮮蔬菜做薯菜，比一般的淋滋滋炸薯條健康得多。可惜牛扒太熟，叫左七成熟，但出來的效果係十成，而且好韌吓，牙力大挑戰。都有D牛味既，但食到好累。可能我唔好彩啦，但呢個 set , no encore .午餐白汁菠菜迷你帶子闊條麵 $65白汁同闊條麵都 ok 的，合水準。但敗筆在帶子，完全沒有鮮味而且充滿雪味。友人食到「頭另另」。最後見佢揀走囇D帶子，就咁齋食麵.......我唯有切兩件超韌牛扒俾佢加餸，好灰。呢個 set, 飽肚用。餐包同餐湯 （羅宋湯）都係得的！咖啡正常。裝飾都算不錯，樓底夠高，舒適好坐。服務一般啦，有時侍應會對客人視而不見，但睇得出佢地又真係忙既......

本人第1次嬲到要寫食評首先係情人節4日前訂咗位，俾咗$100 deposit男友先到，講咗訂咗位8:00，reception好似揾唔到booking定漏咗咁話等等跟住揾到booking又話張枱有人坐緊要等乜訂咗枱都要等位咁訂黎做乜？眼見walk in嘅人快過我地可以入座，已經燥燥地過咗10分鐘再行埋去reception,佢好似先記得未安排我地入座同入面職員講，最後好求其咁安排坐係一排枱嘅中間位，完全唔覺得係訂座首先黎湯同沙律都不過不失但飲飲下湯無啦啦上咗2個甜品我地O哂咀只好同佢講遲d先上，未食主菜主菜係羊架同天使麵，味道一般無影到相甜品算正常但食完之後2個鐘，我個肚就開始唔舒服，最後成晚無訓過，肚痾，痾咗5次男友可能強壯d，第2日先痾，都痾咗3次我地都覺得可能d食物唔乾淨或者節日廚房太忙冧檔令食物變壞

難得放假，訓醒放鬆心情黎到天水圍行下就搵左依間餐廳食午餐，見依間餐廳係其他地方都有分店今日可能因為平日關係？唔需要等位就入得位置都算闊落，比起平時茶記午市套餐都多選擇叫左一個菠蘿茄汁焗豬柳飯（$59）如果需要加配沙律同甜品，就要另外加$16價錢尚算合理，因為配埋忌廉湯同餐包豬柳飯雖然賣相唔太令，但豬柳唔硬身同埋配料比較多洋蔥，紅蘿蔔，薯仔，其實食哂成個餐都已經好飽，上餐時間都比較快再加埋一杯奶茶👍

其實之前都食過兩次架啦！如果星期六日過泥食就一定要等位架啦⋯⋯所以都只會選擇平日先過泥食早餐，之前下午茶時間去食，無乜人以為好差！人少少時，服務人員一般態度都吾差，但星期六日多左服務員但態度就......又會無視人！入翻正題其實食物係吾錯咼尤其係杯朱古力真係好好飲好可惜既係，我食過兩次早餐，兩次都叫熱朱古力，但淡到......好失望！！講翻個早餐先其實都幾特別！湯底係羅宋湯，所以食完個煙斗粉可以飲埋碗湯，真係大件夾抵食！另外餐包仲係大大件牛角包一定要趁熱食，因為好快凍左就好難咬四十幾蚊有湯、有粉、有兩隻蛋、有個包、另外可以選雞扒/腸！再加杯熱飲，真係幾抵架如果早餐杯熱朱吾會沖到咁淡，我諗真係完美了

****** 寫食評前，先提醒各位光顧此店，結帳時必須看清楚帳單，否則就很可能出現如本人一樣，付了貴SET價錢，吃的卻是平SET的情況*******先附上單據相片話說這餐廳下午茶有買一送一的優惠，A類SET價錢為$108，B類SET為$98，而兩個SET都要加一，才是應付總數。話說下單時，侍應說過不論是2A或1A+1B，都是付$108的價錢再加10.8*2。因為想吃其中一款B，最終決定2B，結果到收銀處買單時，因全神貫注與朋友聊天，便不以為意地結了帳，回家後才發現竟收了$108+10.8X2的價錢。其實相差不過$12，但感覺總是不太愉快吧，而且本人和朋友都是九龍巿區人，入天水圍的次數可能只有兩三次，冇仇報，只有寫上OP了。跟著是真正食評對於左邊的雞肉菠蘿咖喱汁闊條麵，我和朋友只能說：咖喱汁和闊條麵完全不搭！其他方面也比較普通，所以餘下大半……值2星至於右邊的意大利原味薄餅就相當不錯，芝士rich，醬汁酸度剛剛好，舖上適量的火箭菜，整體不錯，結果整塊被我們吃光了…值4星沒有拍下相片的蒜蓉包及西湯(紅、白)，水準也算中上環境方面，這兒的空間頗寛闊，各枱之間有一定距離，可放心與朋友聊天。侍應

媽咪去完旅遊返嚟, 咁啱我又早放工, 與媽咪去撐枱腳! 👣.我食燒原隻春雞🐔 拼薯條 $98 包飲品, 湯 & 蒜蓉包 🍞🐔雞皮係脆嘅, 唔肥, 味道好! 不過只限於表皮, 雞肉無味道, 應該只係醃表面喇! 雞胸鞋到一個點, 要沾茄汁先食得落! 🍟 薯條好好好脆, 咬落好粉! 搭配 mix salad, 個沙律汁調得幾好, 唔會太酸, 解油膩! .媽咪食牛扒 🐄 拼薯菜 $148 包飲品, 湯 & 蒜蓉包 🍞 🐄 厚切牛扒係用鬆肉粉醃過嘅, 當然入口淋滑, 但都仲有少少肉味, 7成熟! 🍝 轉意粉要加 $10, 竟然唔係就咁白烚而係茄汁意粉, 仲要有茄肉, 讚👍!

雖然住呢頭，但都好少黎天盛呢邊食野，前排經過見到下午茶幾抵食，今日難得放假就帶埋屋企人試下～下午茶時段$108 鐵板西冷牛扒買一送一，包餐飲、麵包及餐湯。另有雞扒拼鴨胸、豬手扒拼腸或意粉可供選擇，自由配搭，如果揀兩款都係意粉或pizza就$98。餐湯羅宋湯，湯料豐富，味道偏淡，裡面有兩大塊牛尾，但肉質鞋口偏韌。指定三成熟，上桌生熟程度恰好，也很細心地以配菜墊底阻隔熱力。西冷厚身，肉質尚算嫩滑，帶筋位置偏韌影響口感，黑椒汁不會過鹹，但黑椒味不算突出。以加一後均價$65來說性價比滿高，可惜裝修再花心思也不過是快餐，主菜比餐湯先上，讓人無暇享受。

今日約了朋友去天盛的冒險樂園玩, $40可以在波波池玩全日，小朋友玩到攰當然就是叫肚餓，所以去咗最就近的餐廳，一出冒險樂園右邊就見到西廊餐廳，由於我們有五個人所以就給我們一張大枱，坐了最入邊，直行轉右角落頭的一張枱，服務非常周到一進去，職員自動自覺給了我們BB櫈😆兒童餐$78 其實味道都是同大人餐一樣，只是青豆沒有油，所以其實叫大人餐性價比較高有羅宋湯和忌廉湯兩款選擇，忌廉湯味道很香濃，但是就沒有蘑菇😝如果有埋蘑菇就好了干炒豬柳河粉，配菜有洋蔥，蔥，芽菜👍🏻份量都較多，但是豬柳的量就很少，大約有五至六片，但河粉的味道調校得很好，食到底的時候就很油膩😁吞拿魚芝士闊條麵，闊條麵較為乾身，好硬，如果可以叫職員加多一點白汁會好一點黑松露炸薯條，這個薯條我極力推介👍🏻👍🏻薯條粗身，剛剛炸出來，非常新鮮😋配合這個黑松露醬汁一流😋而且醬汁非常好味👍🏻黑松露味又濃郁，必叫😎焗菠蘿番茄豬扒飯👍🏻炒飯底，配料有菠蘿，番茄，紅蘿蔔，青豆是料

想去澳門食葡國菜好耐，都無法成行。今日偶然經過茜廊餐廳，被今期推介"葡得起"所吸引入內光顧。我們一行四人選擇了1.龍蝦海鮮飯，份量足夠，龍蝦多膏及新鮮，海鮮飯吸收了龍蝦湯的精華，味道鮮美。2.葡國乳豬，皮脆肉嫩多汁，值得一試。3.炭燒西冷牛扒，七成熟，啱啱好，也很大件，一試便知非普通貨色，好有牛的質感。4.小食我們了葡式馬介休球，入口惹味，能提升馬介休的味道。原來食有水準嘅葡國菜，唔一定要去澳門。

餐廳十分有氣氛和舒適,快d食完晚餐返歸睇🇫🇷:🇭🇷，蒜蓉包好香好松脆但我十分懷念茜廓以前自家制的蒜蓉牛油，椒鹽或雀肏牛油超超正包保一試難忘，我地個個爭任擦面包食，從無擔心肥😉如果可以重新推出，相信一定大把擁躉。芝士煙肏焗青口，香口惹咪，十幾蚊多款口味食，幾好!重口味美國薄餅來啦我對面果個👨見到眼即時發晒光😮一口氣食咗2件津津有咪，一口咬住熱辣辣芝士拉到成半尺長最後佢1個人食左4件😭過份……，什扒食肏獸之選，哈我第一次什扒有牛脷哦😏不過煎得香又幾特別，如果加多件牛呀…羊呀…魚呀😁😁😁都無防呀！

昨晚同屋企人食去咗茜廊食飯，一行九人，地方夠闊落，作為家庭餐廳很適合，每樣嘢份量也多，讚！晚餐餐牌叫了幾份，如龍蝦天使麵，羊排和魚柳外，當晚有葡國食品推介，就叫了葡國乳豬及葡燒沙甸魚試吓。個乳豬好好！除了夠大碟外，個皮好脆，肉又嫩，我兩歲姪仔自己𡁻得津津有味，食咗好多，個伴菜薯條也熱辣辣，姪仔都食唔少！個沙甸魚就麻麻地，有啲腥。特飲都唔錯，有十幾款選擇，我扡叫咗朱古力沙冰，雪糕紅豆冰，涼粉紅豆冰。之後才上一米pizza，真係有足一米，份量夠勁，新鮮即烤熱辣辣，仲有齊三款口味！我地咁多人都食唔晒，打包返屋企半夜睇波食，正！價錢唔貴，座得舒服，份量又足，如果家庭聚會我就好推薦啦！

搬咗入來差不多2個月，第一入去幫襯，茜廊以前我地都喜歡去食的餐廳。🤔有新菜推廣哦“葡得起😅愛葡·蒲茜廊”👍有意思😉。八爪魚沙律$98，八爪魚軟硬岩岩好，好多餐廳都煮得好軔。龍蝦海鮮飯十分抵食，嘩成煲上，比1隻龍蝦仲有青口，帶子，蝦肉，再加上 用龍蝦湯煮過的飯，好香龍蝦味再加上大量的芫荽更加惹味。葡國煙腩Carbonara條狀煙腩好味，比慣用薄片的煙肉好食好多，值得一試好香濃忌廉汁，一食便知用有質素嘢煮的，如果可以多汁些不要咁張口就滿分了。

幫襯了約干次，今日點都要動下筆講下感受，商場裝修後，茜廊餐廳常常都高朋滿座，食物質素都還可以，服務亦一流，期後，新鮮期已過，情況每月放下，尤其服務同衛生！記得有次，服務主任都未整理好用餐嘅枱，已急不及待命令客人點餐，其後，再用對講機説三道四👈🏻服務業大紀👎🏻點做主任㗎呢🤔往後再次嘗試，今次好不幸，全杯凍飲打翻了，可笑嘅係，所有服務員都時運高睇唔到 我自顧自地進行清潔，全塲嘅服務員一直都不動聲色，厲害👍🏻最近，貪方便再一次惠顧，服務員變得熱情有禮，食物質素提升了，可惜店內衛生一般西餐廳裡嘅干炒牛河，非常出色，牛肉味濃👍🏻👍🏻餐廳環境舒適，可惜虛有其表一間店舖除左食物，價格，服務衛生同樣重要

裝潢唔錯好似好有氣氛，再睇餐牌價錢算大眾化，點知坐低左一睇枱餐具😑 邊有餐具仲污糟過茶餐廳嫁，多污漬好似冇洗過 攞完上手油淋淋，要用枱面餐巾係咁卒， 叫野食叫左 一份牛柳配印度雞胸，一份燒春雞配牛舌， 春雞算係咁 牛舌比較蘇，牛柳算係冇乜問題入倒口 ，最離譜係個印度雞胸，嘩！大佬知唔知咩叫印度風呀， 咸同埋雪味 仲要唔知點解有蝦餅味，完全冇印度香料， 難食到 ，食完都好似唔夠飽