茜廊餐廳 (天盛商場)

營業中

休息中

昨晚同屋企人食去咗茜廊食飯，一行九人，地方夠闊落，作為家庭餐廳很適合，每樣嘢份量也多，讚！晚餐餐牌叫了幾份，如龍蝦天使麵，羊排和魚柳外，當晚有葡國食品推介，就叫了葡國乳豬及葡燒沙甸魚試吓。個乳豬好好！除了夠大碟外，個皮好脆，肉又嫩，我兩歲姪仔自己𡁻得津津有味，食咗好多，個伴菜薯條也熱辣辣，姪仔都食唔少！個沙甸魚就麻麻地，有啲腥。特飲都唔錯，有十幾款選擇，我扡叫咗朱古力沙冰，雪糕紅豆冰，涼粉紅豆冰。之後才上一米pizza，真係有足一米，份量夠勁，新鮮即烤熱辣辣，仲有齊三款口味！我地咁多人都食唔晒，打包返屋企半夜睇波食，正！價錢唔貴，座得舒服，份量又足，如果家庭聚會我就好推薦啦！