茜廊餐廳 (德福廣場1期)

營業中

休息中

平平地黎個Tea Break 先, 睇左餐\牌真係一d 都唔平, 平均要成35 –40 個又唔係有咩特別, 叫左個-Mini 白汁什菌意粉$37 + 檸茶-煙三文魚治$3x + 湯先講個意粉完全唔合格, 白汁無味道, 係一pet野, 有小量什菌, 食左2 條粉都唔想砸食落去, 不如食返自己個三文治算罷啦, 裹面有一片三文魚咁大把, 小量生菜同埋沙律source , 味道係okay , 起碼用料新鮮, 未講個紅湯, 都幾酸下喎, 不過我又鍾意喎, 料都幾多下, 算幾好啦不過伙記都闊老懶理, 食完好閃, 無服務可言, 仲,要收你加一, 真係一先tips 都唔比呀, 慳返~

我覺得茶餐都抵食,依家大記,美記都要$20元一個普通茶餐,咁$40食個特別d既茶餐係抵羅宋湯- 中上(可惜茶餐無包跟)芝士雜菜菠菜麵- 不過不失馬來沙爹- 沙爹醬好夠味

夜晚同老公在九龍灣揾嘢食, 見到一期d餐廳間間都咁多人, 佢又見我頭暈, 咪去我兒時常吃的茜廊陪我懷念吓, 得佢唔駛等位.裝修改變了, 好像餐廳斬開了2邊, 各有各格局, 我們坐入面, d櫈快餐店feel了點, 氣氛都ok, 因為不太光, 有蠟燭台, 但噪了點, 卡位少了點.D餐差不多90蚊一個, 老公要了焗芝士雜菜菠菜麵, 芝士令到佢好…….”飽”, 滯, 檸檬茶&水都得2片薄切檸檬, 冇乜酸味, 太孤寒.其餘酥皮湯, 羅宋湯(很有茄味又夠酸), 咖哩石斑意粉(唔太油, 魚又好食)~~~都好食.但最好食是個餐包, 是烤得香脆的芝麻包, 再自己搽上蒜味牛油, ichiban! 老公一口氣吃了3個! (半邊為之一個)

記得幾年前好欣賞呢度既餐包variety同蒜容牛油，同男友去親德福都會黎sidewalk食個dinner，個部長仲好nice好親切，成日走埋黎傾兩句。但往後幾年好似每況越下，多左d阿嬏waitress......

我由細到大住係九龍灣，食左SIDEWALK好多年啦。水準只有下降無進步。近來裝修到好像個快餐廳...廿年前真係好HIGH架。不過，甘多年有個菜都做得好好，就係德國豬手，唔係好多地方食倒，而且唔係好貴。大家如果去SIDEWALK就去食下啦。有個小食FISH AND CHIPS 都OK。以前D焗海鮮飯都OK。其他食物一係無特別，一係難食。

裝修完後，感覺差了很多。整間餐廳分為兩部份；坐近門口的一邊，因為門口開得太大所以好食風，坐另一邊又發覺好迫好似canteen。環境分: 0. 食物OK.不過門口的價目表有古惑小心！！我睇見門口的晚餐價目表平均是7x-5x的。點知入座後侍應說優惠時段已過。再問幾點先有優惠竟說5點至6點！？我覺得這間餐廳有心騙人：1.)5點至6點還算晚餐嗎！2.)過了優惠時段麻煩把門口的大餐牌換了！一個Set 要百多元，食物一般，侍應服務差，我的水杯冇水好耐都冇人理，侍應的反應對答亦都很差，和以前差很遠。請大家留意！

我覺得那兒的麵飽真的很好吃,雖然貴佐好多......

好讚成所有的劣評，好日都唔過吓九龍，一過就出事.....其實只係想去Mega Box行吓，不過又要搭多一程車所以食咗先入去，見呢間餐廳差不多一佰蚊個lunch應該唔差掛，點知.....我食咗個"梅肉"大蝦仔半邊，怪味牛仔骨兩塊還有個比大家樂更差的焗豬扒飯垃圾羅宋湯好似紅色嘅水大家唔好再受騙啦!自己個胃係最公道!食到難食嘅嘢就要嘔番出嚟!

漏單不特止, 拿來的湯瀉了出來, 而收碟時某侍應竟然把鋒利的刀掉了在我的腿上,幸好無事。激死。

我們知道午飯時間會較多人，我特別上午１１：４５打電話去定８位下午１：１０，我當時已經留了電話及名字給他們（茜廊同事），他們説"Ok ”那我們午飯時間落去，我們一進鋪，一位貌似經理，好不禮貌説”你地出去，呢道唔可以企人”那～～我們應該企在那兒呢？？？他們只有一個大門，為可我們去光顧，會給那位貌似經理的人叫我們走呢，最好笑的事，我們已定位，企門那位女同事話”忘記留位給我們，要我們等”真係激到爆血管，如果大家係得一個小時吃午飯的朋友，就會知道有幾嬲，眼看全埸剛上餐湯，咁～～要等到可時呢，咁～～為可要定位呢？我吃都未吃就一肚氣”茜廊”在九龍灣都多年，為可仲有那樣的服務態度？它們的價錢都較為貴，為可會人有去，但我們全體同事無飯吃，都不會再去

間餐廳應該係裝修，唔係結業。我係九龍灣做o左7年o野，都係幫襯過呢間o野10次左右。老實講，佢o的食物質素已經好過以前好多，我第一次去食，完全係可以用難食去形容，仲要百二三蚊個晚餐，呢個價錢我行過simple thai食好過啦。呢兩、三次去（最近個次都有3-4個月前），o的野好食o左，起碼唔算難食。不過，o黎呢度食o野完全係食氣氛，因為德福o個面無乜呢類型moody o的、燈光昏昏暗暗o既餐廳。

I ate with my family before days . The waiters are not good . Also , the food are OK .

需然裝修唔差,但　D　野食同Service 就好差,我地一行四人，飲完個麵粉忌廉湯加勁硬嘅麵包，跟住先嚟個＜＜木板＞＞豬扒跟意粉＜＜Ｄ意粉發到好似烏冬咁＞＞，再嚟個＜＜牛肉乾＞＞肉眼牛扒跟凍飯，接住嚟個勁咸炒烏冬同一個淡而無味嘅炒飯，唔知係唔係要兩樣撈混嚟食嘅呢？叫餐茶仲搞笑，叫熱咖啡，嚟個凍嘅，叫個亞姐（帶有大陸口音）攞多少許奶比我加入咖啡到，佢就幫我Order 一杯鮮奶，點解會咁架．．．．，同附近另一間餐廳（Ｐ字頭）相比，收費差不多，但Ｄ野食同ＤService 就差得多啦！

為什麼，對您，總是來去匆匆。為什麼，對您，總是買完就吃：邊走邊吃的麻糬，中等價錢，中等大細；不同的，是攤凍了的麻糬，竟然仲有好rich 的口感，煙煙得來唔韌韌的口感，實在得來唔鬆浮浮的口感。仲有，那紅豆沙味的麻糬，竟與in list 的「怪味麻糬」（超群出過的芥辣麻糬、A-1 的紫菜麻糬等）有異曲同工之快感。

中秋度度都多人,見依度有位,就黎食左晚餐。個格調就好似好高檔咁,但d野食就好麻麻。d包唔熱啦,雖然有好多種包。食左個羊扒拼豬扒,個羊就ok,豬扒就連大家樂都好食過佢,又唔夠熱,最出色竟然係個薯仔。另外食左個南瓜汁意大利飯,個汁雖然都幾重南瓜味,但唔知點解有d酸。最後order左個焗田螺,係最好食,因為夠熱。仲要23蚊已經有半打,真係抵啦~其實比咁既價錢食d咁既野呢,我就覺得超唔抵囉。都二百幾蚊埋單,但質素其實同茶餐廳差不多。不過我又唔覺d服務好似樓下d朋友講得咁衰。佢地d服務一d都唔似西餐廳,似茶餐廳。d阿姐傻傻下,成日行黎行去,裝下你做乜。羅杯熱檸都要分開三次(第一次羅茶,唔記得羅檸檬,第二次羅左奶,第三次先比檸檬),仲要講講下野,明明唔識英文,都用唔喊唔淡既英文講"哎呀,唔好意思,你慢慢用啦,thank you。" 個感覺係好似o係茶樓飲飲下茶,個掃地阿嬸同你講thank you咁囉。基本上依間係一間扮西餐廳既茶餐廳,但我覺得佢地d阿嬸waitress都幾cute丫。但d野食咁差,我諗以後都唔會黎。