茜廊餐廳 (德福廣場1期)

營業中

休息中

23 May 2007 (Wed) - 晚飯終於一嘗此處的酥皮湯，確實係幾好飲，我叫既main course亦都唔太差，係煙三文魚肉醬意粉，不過稍為咸啲！差勁既始終係啲污漕既杯碗碟，我叫餐飲時叫咗個熱飲，好在係要自己斟，見到比我既吉杯勁污漕，所以叫佢換過隻比我，呢度既杯碟點解可以咁污漕架呢？到底個洗碗碟機係咪壞，太舊？真係不得而知．．．

上個星期去食個lunch,見成日咁多人食呢間...所以試下la....首先打算叫野食....點知o的waiter o的禮貌又唔好.....比o的餐具又唔齊冇....野飲又冇飲管....o的野食味道好一般....完全唔值.....

7 May 2007 (Mon) - Birthday Dinner (16)唔知係咪地方大得滯，想叫個人黎落單都有啲困難！我本想飲酥皮湯，但係因為時間尚早，未到6:00pm，所以只係有下午茶供應，又唔好意思散叫，因為同個朋友唔係太熟，費事要佢請咁貴！叫咗個粟米三文魚蛋包飯，份量認真細，明既，下午茶嘛！味道一般，不過不失！但其實我最想彈既係啲嘢好污漕，啲餐具全部都有未洗得乾淨既痕跡，仲有張枱都好污漕，好多食物碎渣，點解可以咁污漕都比人坐？我唔明，係因為知道一陣又會有第二枱既關係？？我唔鍾意呢度咁污漕既感覺，令人好唔舒服，食完真係立即走．．．其實我真係麻麻呢度，不過人哋請既我都唔好意思開口講！

住九龍灣既朋友提議黎呢度聚會，燭光晚餐都幾有情調，餐牌食物唔平，平均都要一百蚊一個餐。我地四個女仔叫左四個餐，餐可以跟酥皮湯，因為覺得抵啲，所以就叫左呢個。點菜後首先黎左一藍包，應該叫多士先岩，因為全部都係硬的！有幾款(方包，蒜蓉，提子)，同埋蒜蓉牛油。蒜蓉牛油好重蒜蓉味，其實都幾香，但個人覺得味道太濃，有啲羶。酥皮湯係忌廉湯，食晒都幾飽。四個餐最好食都係個牛柳，肉質好嫩，聽講係呢度最出名既。不過有個蕃茄湯天使麵就麻麻，冇味既！其餘兩個餐係焗飯同龍利柳就中規中矩。餐飲可以揀薑茶，紅棗茶或者柑桔蜜，唔錯！

12 March 2007 (Mon) - 下午茶有個朋友下晝唔駛返／無返，專誠過黎搵我食下午茶，去咗呢間半餐廳半茶餐廳feel既地方食，坐位間格就真係麻麻，好似好辛苦咁，睇得出佢係想用盡佢既空間去擺晒啲枱同椅，雖然我坐嗰個位都算係半卡位式，但係郤係要經過其他人行入去，感覺怪怪的！我叫咗個焗肉醬螺絲粉，友人叫咗香蕉pancake，螺絲粉都OK大碟，幾抵，味道亦不俗，不馬虎，可能無乜人既關係，個pancake都唔錯，唔太甜唔太漏，可以係一個食tea既好選擇！價錢仲好合理，唯一美中不足真係佢既座位，如能令人客有舒服既感覺，真係要黎個大裝修至得！

果日求其走左入一間餐廳食,就入左茜廊啦1)佢畀我地個位仲有d飽碎0係檯面2)叫極都冇人望到,似係成堆咁傾計2)佢地黎錯野食,叫我啃左佢3)最後黎左既野係好乾好難食4)唔畀貼士所以黑面總括而言係好差..!!好難說服到我下次再去!!thanks

2個人去食，佢D蒜蓉包好多又好好味，跟住D酥皮湯好好味道,鬆趣十足的酥皮比D湯好味好多。至於正餐就得個大份不是環境都算舒服同OK!

朋友話d牛油好食. 去試下.d牛油搽麵包果然唔錯.個湯都ok.但個主菜就真係差.牛仔粒炒蝦好可怕. 汁o既味道配得好奇怪. 又似中又似西. 朋友那個香橙鴨胸味道更差.真係又貴又唔好食...

o尋晚舊同事約o左o係呢度食飯.叫o左咖喱牛腩飯,燒BB豬仔骨,同埋肉醬鰻魚菠菜麵.酥皮白湯亦不大好喝;咖喱牛腩少少辣,味道一般,但白飯只有一碗;燒BB豬仔骨皮很脆,但肉比較咸;肉醬鰻魚菠菜麵的肉醬很多,食起來很"漏"!甜品凍疏乎里很像cream,但味道怪怪的!始終如以前般,質數與價錢不成比例,價高質低!

食物既水準其實同一般茶餐廳差不多,但價錢貴咗一大截.最好食既應該係面包,佢既牛油加咗蒜蓉,所以好香.食完個餐正傾緊計,沙發椅背突然出現一隻差不多有3吋長既大蟑螂.嚇到我老婆成個彈起,只好快快埋單走人!!!

佢俾左好多包包我地,仲有蒜蓉牛油個酥皮湯好味道,但飲左開始有d飽...跟住食肉眼扒,大大件仲有一個好大O既焗薯同埋熱檸水,又係自己沖O既最鍾意自己沖架喇哈哈!

朋友極度推介呢度d餐包~話多款同勁香牛油~我本身卻不太好此包,嫌佢太油太熱氣~扒亦非我杯茶,所以我都覺得麻麻~總之就大大份囉~至於環境都算舒服ge~

上星期日見有張cash coupon於是去o左食early dinner.叫o左特製咖喱牛腩配中東飽,同埋煙汁什菇雞扒拼牛扒.上餐湯時發覺羅宋湯超級多油,基本上係成個面都係油!!忌廉湯亦好不了多少,味道鹹鹹地怪怪地.中東飽唔熱而且份量少,最多只有一塊中東飽份量,咖喱牛腩都幾辣,味道一般;煙汁什菇雞扒拼牛扒份量好夠,一定夠食,塊扒好大,味道就牛扒好過雞扒.餐茶o既咖啡極之差勁,冇咖啡味,又苦又淡,罐裝咖啡重好飲過佢!!! 呢度環境好嘈,冷氣又凍,價錢又貴,侍應工作態度又差,上漏麵飽不特止,連埋單都漏單(當時唔算好多客),等o左十分鐘都埋唔到單,最好笑o既就係我地張檯o係正收銀處果度,係咪好諷刺呢?!越食越失望...以後都唔幫襯!!

上周五有幾小時的餘閒，難得太座唔係隔離跟住晒，仲唔成機比自己對眼去下旅行乜，係九龍灣行下行下，見到sidewalk....入面好多OL.又勾起我好多回憶．．．　　呢間西朗亞麻，我細細個就識讀啦，呢間餐廳係九記都好耐世紀，以前係我識女仔扮豪o既勝地，自己一個人high tea都係第一次．　　咁高檔o既餐廳竟然冇人招呼．咁仲好，我左個美女如雲唧坐低，對眼都唔係好得閒睇menu，過左好耐都係冇人理我，唔知係米比人發現左我眼睛旅行緊，唔想左住我呢．hehe show左幾次格啦低毛，先有人招呼我，叫左個香煎鴨胸＋火腿三文冶，哇正！個鴨胸夠大，好有胸味．火腿大小剛好，一睇就知係金妹啦，不過食落個包就唔夠新鮮，所以話外表幾好都係假，至緊要係鮮口麻． 其實我真係冇乜心機去品嚐呢個餐，我唸食得最飽都係對眼．　　如果對招呼唔係咁在意．呢度拍拖真係一流．單身都幾好架．　　呢個都算係食評掛　　　　　　　　　　　

此西餐廳的中文譯名甚可愛，叫"茜廊"，正茜廊。這次我也是跟我老闆一起去，見門口排晒隊，裹面咁大都坐滿人，心想此行非試不可！食物味道同賣相均可，但服務就值得商榷，裹面啲待應非常Cool，英國管家式招呼，唧都唔笑。呢！佢哋自己傾偈就笑啦！又豬，我哋兩個人頭盆飲两個羅宋湯，個待應攞住兩個羅宋湯埋嚟話：羅宋湯。我哋示意佢擺低，佢竟然話：咁邊位羅宋湯呀？你話死唔死...