茜廊餐廳 (德福廣場1期)

營業中

休息中

約咗 friend 去食晚餐好多人、又嘈餐廳內燈光比較暗職員態度恩勤。。。海鮮酥皮湯、洋葱湯味道不錯麵包亦熱辣辣Set Dinner 由 $78-$88 左右餐湯加酥皮不另收費還有咖啡或茶

朋友生日,話想食西餐,記得以前在九龍灣返工有間茜廊餐廳,不過好貴,無幫襯過,上網睇下食評,發現好抵食於是訂位,星期五七點半去到,果然好多人等位,好彩訂左位,要求坐卡位都安排到,三個女人叫左兩個套餐,餐前又有麵包,又有酥皮湯都食到好飽,仲好好味添!!!我地叫左野菌汁安格斯牛扒七成熟,塊牛扒好大件,仲喺我地面前即場煮,香噴噴的牛扒未食都流口水。另外叫左個大蝦沙律拼燒豬骨,件燒豬骨又好大件,燒汁好濃味,我好鍾意。加多個小食,薯茸焗田螺,呢個就一般啦!下次一定會帶埋老公嚟幫襯

裝修後都係第一次幫襯，環境比以前光猛，但個廁所係外面唔係咁方便。蒜蓉包依舊好味，不過另上牛油比以前少。餐湯叫咗酥皮湯和牛尾湯，同樣保持水準。主菜要了芝士焗千層麵配煙肉碎釀帶子和羊架配焗薯，老公很欣賞個千層麵。羊架點咗薄荷啫喱好好味，焗薯上的忌廉很少，之後要求比多d都冇問題。服務態度唔錯。

星期四晚和朋友聚舊，點了牛柳及煙肉雞卷+飯。先上麵包及酥皮湯，麵包及酥皮夠香，但那忌廉湯很一般。再來牛柳，的話做到 medium，不 un，但沒有什麼牛味，個紅酒及黑椒汁亦不夠濃味。反而喜歡伴碟的菜，用醋調味，酸酸的很開胃。朋友的煙肉雞卷很遲才上，試了一件，個人覺得太咸 (不過配飯一起吃的話會好一點)坦白講，食物屬 ok，不過晚餐主菜收 $100+，我會 expect higher quality。服務方面都正常，都有主動加水。

早2天同男友黎呢到食飯.. .其實都黎過好幾次架喇.. .不過每次個感覺都唔同.. 哈哈~其實呢到d野食又唔係話特別好味, 價錢都唔算特別抵添..... 不過如果好似6點前埋單定唔知點樣會平d囉.... 仲有,呢到唔係樣樣都好味, 所以要小心d揀啊~不過我就幾欣賞呢到d麵包同garlic butter喇.. 哈哈~雖然呢到d麵包只不過極普通o個d餐包, 不過佢會切一半焗佢, 配埋d garlic butter, 超得丫~ 可惜限定每人一件... 唔似其他西餐廳甘任食.. 收得人甘既價錢,送多個包都不為過丫..... 呢到個洋荵湯都ok架. 雖然冇cruton同cheese... 但係都幾好味. 哈哈哈~我同男友o個晚點左:牛柳餐石班帶子餐我試過2個,2個都幾好味丫~ 下次可以再試~ 如果講環境, 呢到就真係冇o羊架喇..... 多人o個陣仲要坐到好鬼埋添....仲有,除左個男經理外, 其他人既招呼一律痲痲......明明見到你當睇唔到...甘落去遲早冇生意....

打做餐廳feel, 但一D都唔得, 晚歺4個人, order 2個套歺 加3個散叫, 1)menu 款式唔得, 揀唔落 ; waiters 質素差, 無水準2)無成籃bread, 得2片garlic bread, 根本用唔上果個garlic butter, 都唔知放係枱做乜3)D食物擺滿枱未食完, waiter 再嚟一碟, 但無協助放好, 交在個客手上, 要自己棒住, 再自己執位做埋佢果份

媽媽說她中學時已來茜廊吃早餐(呵呵,這是很久遠的事了...),那時候是一所高級的餐廳。這幾年來因為住得近,我們也多來吃飯。本來今晚吃我最喜歡的pizza hut,但太多人了,爸爸提議不如在這裡進餐。爸媽異口同聲說裝修後的sidewalk,變得很"快餐店"。媽媽更說隔鄰的maxim food square來得更像傳統餐廳。也因為這樣,近來在這裡晚飯,根本不需要等位...我叫了今晚的晚餐:芝士焗千層麵配煙肉碎釀帶子。爸爸了牛柳,媽媽則叫了煙三文魚沙律。當然,少不了我的最愛:串燒沙嗲。可惜,我還是喜歡茄汁千層麵,但爸爸卻很喜歡這芝士汁,不停說很香,淡淡的易入口。他也說今晚的牛不錯,也準確的有五成熟。媽媽的沙律普普通通啦~但她和爸爸仍十分喜歡這裡的蒜蓉牛油和麵包。服務方面,姨姨也快手快腳,更和我聊天,不錯啊!

好耐無去呢度食, 見佢裝修完, 我老公又話想試, 其實我之前已經寫過, 話呢度得牛油同麵包好食, 今次又再連續兩個禮拜去試多兩次, 都係維持原判.第一個禮拜, 早上十一點幾, 有特價套餐, 於是叫左個椰香雞飯餐, 同埋個三文魚豬扒餐, 其他餐都係超濃味, 想食清d都唔得. 我地要左一個忌廉湯同一個羅宋湯. 個忌廉湯都可以, 個羅宋湯料都幾多, 又幾濃味, 不過辣左少少. 跟住上埋牛油同麵包, 牛油鹹左d, 不過幾好味, 蒜蓉麵包都好好味.到真正上主菜, 已經飽左一大半, 見到個主菜, 唔係幾想食, 三文魚同豬扒加薯菜, 仲有個焗薯, 薯菜唔知點解要用汁撈過, 我諗白烚會好食d. 個焗薯又唔係用美國焗薯, d顏色已經令你唔開胃, 望落d色好似變壞左咁, 但食落又真係薯仔味喎, 吹賬, 個餐既質素好似中學時代食緊茶餐廳廿蚊套餐咁. 輪到個椰香雞飯, 汁好多, 無乜椰味, 總之又係唔多好食. 咁既餐都要成五十幾蚊一個落樓, 唔係幾值.第二個禮拜, 因為想食佢d 麵包, 所以都係再嚟多次, 仲叫左一個唔係特價既餐, 諗住俾多次機會. 今次叫左個鴨胸拼牛扒配薯菜餐(特價餐, 要一點之前埋單

平平地黎個Tea Break 先, 睇左餐\牌真係一d 都唔平, 平均要成35 –40 個又唔係有咩特別, 叫左個-Mini 白汁什菌意粉$37 + 檸茶-煙三文魚治$3x + 湯先講個意粉完全唔合格, 白汁無味道, 係一pet野, 有小量什菌, 食左2 條粉都唔想砸食落去, 不如食返自己個三文治算罷啦, 裹面有一片三文魚咁大把, 小量生菜同埋沙律source , 味道係okay , 起碼用料新鮮, 未講個紅湯, 都幾酸下喎, 不過我又鍾意喎, 料都幾多下, 算幾好啦不過伙記都闊老懶理, 食完好閃, 無服務可言, 仲,要收你加一, 真係一先tips 都唔比呀, 慳返~

我覺得茶餐都抵食,依家大記,美記都要$20元一個普通茶餐,咁$40食個特別d既茶餐係抵羅宋湯- 中上(可惜茶餐無包跟)芝士雜菜菠菜麵- 不過不失馬來沙爹- 沙爹醬好夠味

夜晚同老公在九龍灣揾嘢食, 見到一期d餐廳間間都咁多人, 佢又見我頭暈, 咪去我兒時常吃的茜廊陪我懷念吓, 得佢唔駛等位.裝修改變了, 好像餐廳斬開了2邊, 各有各格局, 我們坐入面, d櫈快餐店feel了點, 氣氛都ok, 因為不太光, 有蠟燭台, 但噪了點, 卡位少了點.D餐差不多90蚊一個, 老公要了焗芝士雜菜菠菜麵, 芝士令到佢好…….”飽”, 滯, 檸檬茶&水都得2片薄切檸檬, 冇乜酸味, 太孤寒.其餘酥皮湯, 羅宋湯(很有茄味又夠酸), 咖哩石斑意粉(唔太油, 魚又好食)~~~都好食.但最好食是個餐包, 是烤得香脆的芝麻包, 再自己搽上蒜味牛油, ichiban! 老公一口氣吃了3個! (半邊為之一個)

記得幾年前好欣賞呢度既餐包variety同蒜容牛油，同男友去親德福都會黎sidewalk食個dinner，個部長仲好nice好親切，成日走埋黎傾兩句。但往後幾年好似每況越下，多左d阿嬏waitress......

我由細到大住係九龍灣，食左SIDEWALK好多年啦。水準只有下降無進步。近來裝修到好像個快餐廳...廿年前真係好HIGH架。不過，甘多年有個菜都做得好好，就係德國豬手，唔係好多地方食倒，而且唔係好貴。大家如果去SIDEWALK就去食下啦。有個小食FISH AND CHIPS 都OK。以前D焗海鮮飯都OK。其他食物一係無特別，一係難食。

裝修完後，感覺差了很多。整間餐廳分為兩部份；坐近門口的一邊，因為門口開得太大所以好食風，坐另一邊又發覺好迫好似canteen。環境分: 0. 食物OK.不過門口的價目表有古惑小心！！我睇見門口的晚餐價目表平均是7x-5x的。點知入座後侍應說優惠時段已過。再問幾點先有優惠竟說5點至6點！？我覺得這間餐廳有心騙人：1.)5點至6點還算晚餐嗎！2.)過了優惠時段麻煩把門口的大餐牌換了！一個Set 要百多元，食物一般，侍應服務差，我的水杯冇水好耐都冇人理，侍應的反應對答亦都很差，和以前差很遠。請大家留意！

我覺得那兒的麵飽真的很好吃,雖然貴佐好多......