茜廊餐廳 (德福廣場1期)

營業中

休息中

星期四晚和老公到九龍灣逛+食飯，之前常到sidewalk dinner，因我本人好like 佢既蒜蓉包，不過今晚再幫襯，感覺大不如前，只覺又貴又唔好食，又無服務，個晚老公叫了鮮意粉，自己叫了尤魚筒海鮮焗飯，先講飯湯，我們都order白湯，d湯勁甜，至於平時勁like既蒜蓉包，都唔掂勁硬，好以隔咗好多日咁，至於主菜，海鮮完全無味，唯獨是餐荼-熱檸檬茶尚可，因茶和檸檬分開上，以咁既價錢，只是大家樂貨色。我估下次再到九龍灣都不會再幫襯

幾年前去過呢間餐廳，感覺幾好，但上星期再去就好唔得，以前都知道呢間比較貴，不過如果好食都無咩所謂，但叫了2個餸，一個芝士大蝦意粉一個牛扒，個意粉得2隻蝦，仲有d怪味，牛扒就比較多鹽，個餐湯無料，最後2個人食0左$21X，超唔掂，仲比我男友話我，因為都等咗好耐先有位….因為係我話要食呢間…P.S.全程無咩招呼，你亦都好難揾人招呼你，有2個waitresses鄉音好重，佢講幾次都都聽唔明佢講咩....(唔係歧視，只是真係聽唔明)

這天一家人到這間餐廳用餐~是來吃扒餐的。我叫了一個T骨扒,,Yummy~但是比較熟...若生少少會更好...妹妹叫了西冷扒,,6成熟,,剛剛好,,牛味尚算濃郁~而且好鬆軟^3^Mum叫了豚肉大扒,,即是豬扒...果然是與本地豬有點不同..十分厚身...。丫..值得一提~這里的蒜蓉包所用的牛油是經過調配的...非常好味...既有香草芝士味又有濃郁的奶羶味餐飲也不錯,,熱巧克力and奶茶

隨著婚事進入倒數階段，生活越來越忙，現補寫試妝前的一頓。　約了化妝師在德福茜廊會合，雖對葵芳店有極差印象，貪方便也在此食個打底早餐。雖然環境有點舊，不及葵芳店新裝華美，但食物卻好十倍不止呢： 龍吃雞扒腸仔湯烏冬+凍奶茶($25)雞扒水準正常，烏冬頗為彈牙，最驚喜是廚師腸煮得又滑又稔，整體味道優於一般茶記。再配一杯香甜滑的凍奶茶，龍滿意收貨了。　我吃吉列魚柳煎蛋厚多士餐+熱奶茶($24)一份餐包兩大件香脆厚多士，以麵包籃奉上還同時配牛油及果醬，誠意加分；吉列魚柳炸得外脆內鮮嫩，而且保持熱度，再塗上沙律醬雖肥但美味；肉酸的煎蛋應是最低分的一項了，其實也味道正常。熱奶茶十分濃郁，不過同凍奶茶不同，味道是西餐奶茶而非港式奶茶。　早餐要加一，埋單$53附送儲印卡，印夠雙數就可享現金折扣、免費茶餐、午餐等，如住附近也會重來幫襯~

我睇到呢間嘢排第二喎,於是決定同男朋友去試下...入到去個感覺都幾好初頭, 我係度諗點解冇飽呢, 因我見到有蒜X包架但原來要點咗菜先有, 哈哈...男朋友叫咗:美國肥牛軟飯我就叫咗: 芝士焗雜菜磨菇意粉我鍾意飲穌皮湯, 諗住要再加錢, 因我個飯唔係餐要加19蚊先有湯&餐茶但唔洗喎, 19蚊可轉埋架啦., YEAH...D嘢食嚟得都好快, 個焗意粉好香好燶的芝士味, 正呀...而佢個軟飯D肥牛都好好飯, 2個飯D汁係啱啱好架設值得再去

寫不切，只因自己吃得太多，有過百篇食評未寫，又食百多餐。現在還有旅行日記寫，做全職打食評才行了，openrice 請唔請人?又到九龍灣，就是因為想做ua 的會員，有四張戲飛，31/3 deadline。到了九龍灣，六時多了，知道可能會去megabox 睇戲，有人剛巧肚子餓，剛巧行到茜廊，又剛巧見到有優惠，優惠又剛巧只是這個時間，就巧合地吃了這一餐。知道茜廊很久了，在德福來說是屹立不倒的老店，只是一直也沒有機會吃。今日吃到了，又完成一個心願，又和你多一個快速的回憶。六時二十五分到達，坐下來才知道要七時離座才有優惠。三十五分鐘，只要上菜是快少少，其實也是夠用的。(上菜真的很快)第一個上的是麵包和忌廉湯。麵包不熱了，原來每一抬的餐包也不一樣的。忌廉湯幾滑，不過很少送，沒有口感，不特別也。5號餐 - 牛扒拼豬千骨著菜(千骨賣清，轉做雞翼)主菜，吃了牛扒加薯蓉，牛扒薄薄兩大塊，是剛剛好的熟，切下去沒有血，中間還有少少紅色，外面就熟了，所以吃下去不會韌，也不會太生，配合的汁是可以的。薯蓉- 好大個薯仔，汁不夠，有汁的地方好吃，沒有的，薯仔一個，沒有味道，只為飽肚。本來是千骨，不過沒有貨，所以來的是

朋友話黎哩間試下.之前都search過, 只係椰林閣級數既食物, 但價錢可以去到70蚊即管睇下係乜頭乜路入到去感覺一般張台布仲有積, 講真衛生真係麻麻朋友叫左滑蛋吉豬飯$73, 我就食葡國雞飯$56有跟餐包餐湯野飲餐包都算係半個蒜蓉包. 不過係用豬仔包整既有焗同唔焗揀忌廉湯都幾creamy, 仲好多菇...葡國雞飯, 仲以為佢係焗架添. 原來分開上賣相都唔差. d 汁尚可但d 雞都幾唔掂, 好多碎骨, 就算就咁食羹汁都會有碎骨, 差d 咬崩牙d 雞都幾大舊, 但最後都食淨兩舊, 因為頂唔順要係咁揀骨出黎, 太麻煩了朋友既豬扒飯. 個滑蛋做得唔錯, 又唔會好實, 有d 蒽香味, 幾有茶餐廳feel吉豬亦都炸得脆同唔係太油野飲唔算大杯, 只係中size, 叫左檸檬茶, 好啖其實睇住張menu真係冇咩嗌得落, 因為d 野好普通但又好貴.論環境食物同服務都唔係好突出, 唔明點解佢set 個價咁貴, 完全唔值冇下次

此餐廳好像約六時前有優惠，所以特別在這時段光顧，唯價錢與食物質素不成正比。公司三文治拼奶茶約三十多元，用了茶壺及花奶一拼上，但茶的濃度不足，故影響奶茶的質素。公司三文治的味道可以接受，但以優惠後的價錢來說仍不甚抵食。粟米汁腸仔豬扒飯，粟米汁太少，豬扒是可以接受的，但原價八十多元降至優惠價五十餘元仍不太吸引，因感覺與坊間連鎖快餐店的豬扒飯差不多。假若服務和環境是特別好的話，那麼我會認為這次光顧是值得的。

明天放假,H&K放工後原打算去RUBY TUESDAY食飯,但最後因遲收工,專程去到己經是九點了,到達後WAITER重話要等一小時才有位,當然決定不等啦,不然就是吃宵夜了,結果H&K去了茜廊,這是H&K在此餐廳裝修後第一次的惠顧今晚點吃了酥皮湯==>酥皮好味,白湯都好味,湯好足料餐包==>飽+蒜蓉牛油好正,K好鐘意食蛋沙律==>OK焗珍寶蠔飯==>好多芝士,珍寶蠔都有鮮味,但只得兩隻,但都幾好味焗深海魚飯==>OK食物水準能保持,但服務就比之前差了有優惠,第二個餐有半價,埋單約$140,以食物質素來講,是一個不錯吃西餐的選擇飲

此店給我的第一個感覺是服務及衛生情况一般。尤其是衛生情况，枱布、座椅及水杯皆有污漬，有很多改善的空間。也許因食物方面都不太差吧，可抵消其他方面的不足。先來一客蒜蓉包及羅宋湯，蒜蓉包都焗得幾脆幾好食，羅宋湯味道夠濃，用料亦足。主菜選了水蜜桃牛柳拼煙豬脾沙律，份量夠，有牛柳及煙豬脾各三片，賣相OK，味道方面都算交到功課。

見到網友話啲waiter態度差都唔理，諗住點都試下，點知咁就"領"野…去到九龍灣諗住搵野食，見到sidewalk 好評唔少，諗住試下。見到門口個menu都ok多野食，又唔駛等好耐位，就 一於無又怕。入到去叫左野食前後的waiter態度都尚算正常，淨係成日行路唔望人，叫佢唔係好應，應左就唔係好理，理左反應唔係好快之外…其他都算ok野食無漏單，味道都okay，加十九蚊有得轉餐都算底！不過原來好戲在後頭。話說一對年青情侶坐係間離叫左半打串燒，呢到啲串燒特別既地方係除左一碟六串既串燒外，仲分有別有一碟沙嗲同埋一盤火爐。由於二人枱既面積偏細，台面中間已經無咩位，個侍應竟然將成個火爐放係個男仔隻手邊就想掉頭走，正當週圍既人都O晒嘴既時候，個男仔終於發火，但係個侍應都只係將個爐推入一吋就算…再加上剛剛個侍應差啲將成碟沙嗲倒落個男仔個「LB」 袋到…我只係覺得個待應唔係服務差，己係IQ比較底！見到呢個環境，我就立即埋單走人，PS. HSB 咭有九折

因為差不多把德福食遍了，只差這一家，所以就去試了一趟。從外面的餐牌看到了"新春晚餐", 感覺還蠻不錯的，有湯+主菜+咖啡或茶。點菜的時候，因為不想吃"桂花香草汁"意粉所以問了侍應可不可以轉肉醬意粉，她(中年女人)回答我說:'肉醬意粉咪有d肉碎響裡面架囉，唔同架喎'....................九唔搭八, 已經心知不妙......算, 另外叫一個"啤酒百里香燒乳豬拼肉醬意粉"上餐湯既時候就出事喇，我叫左個忌廉湯，佢冇錯，係俾左個忌廉湯我，我問:"點解唔係酥皮既？" (佢餐牌寫住) 跟住佢用好不滿既語氣答我 "可以幫你換, 但係下次講清楚ar ma, 忌廉湯同酥皮湯係唔一樣ga!" 然後佢就即刻拎轉頭走左.....喂, 個Menu係2選1架喎, 唔係羅宋就係酥皮忌廉架喇ha wa........重有，佢個Menu既菜名長到咁(我女朋友叫左個 澳利蒜香汁焗藍冰白魚柳伴北海道元貝配芝士焗新薯)，係咪我冇照讀一次你唔俾哂d野我先？！到我個main course黎既時候，個燒乳豬竟然係有桂花汁ga lor，我就係想避開先至叫呢個ja ma，叫佢拎入廚房check，佢又話係呢隻汁，但係啤

晚上和老公到茜廊吃晚餐, 結果卻換來一肚氣！１．未落餐前已發現我杯水有浮游雜物,叫她換過另一杯,她的反應甚不悅。（是我們的錯嗎？）２．我叫了一份羊鞍套餐,她便收起我枱上的餐刀,但沒有替我換上砌羊鞍的刀,當食物來了,要我叫她給我一把刀,她才給我。３．餐桌上把兩瓶鹽樽放在一起,令我們倒落湯後才發現。４．餐後叫了兩杯相同飲品,但就等了十分鐘,要我們再叫她跟單,所負責的職員就呼叫另一職員跟進！５．最後到了結賬,叫了一次,等了十分鐘仍未到,負責職員又是呼叫另一職員去做，隔離食客叫了一分鐘便有職員來為他們結脹！以上五點,全都是職員的疏忽,每一項事情中,她們的態度都是冷淡,目無表情,不情願,工作散慢，我們每次都有說"唔該“, 她們就連一句基本"唔好意思"也沒有, 只叫另一同事去做！我們是消費者,卻得不到“基本“服務,很失望,以後不會再到茜廊,現在和從前的服務態度相差甚遠！ 還希望食客給服務小費,相當矛盾！！！

今晚同屋企人睇完戲再一次來到這裡食Dinner已經5年沒有來過裝修後還是充滿了我兒時回憶因為小時候媽媽or姨姨會間中帶我來吃早餐中五時補習前也會同朋友到這裡食Tea真係由細食到大所以這裡充滿了我的回憶看到那個服務了20年的經理還在感覺特別親切今晚我吃了帶子扁意粉+酥皮湯媽媽吃了牛柳+煙三文魚拼沙律細佬吃了椰汁雞飯 (好似大概係咁上下)Daddy 吃了羊 (只知道係羊)因為我太肚餓只顧住食沒有留意他們吃甚麼但各人也覺得真的很好吃尤其是d 餐包熱騰騰的仲有自家製的蒜蓉牛油真令人懷念~餐包還是一大籃呢~我的酥皮湯也很好飲而帶子扁意粉的汁也很香當然是Yummy食物水準Keep 得住不過似乎Service 真的退步了因為食完0野等0左好耐都冇人收0野呢度要扣分啦但我都俾個笑因為我覺得咁多年食物質素沒有變真的很難得希望下次再去的時候Service 可以改善其實如果想食比較平的西餐呢度都係一個唔錯的選擇

在網上做了資料搜集,以為這間餐廳不錯,便帶女友去試吃.價錢偏貴,食物選擇不算多.雖然很好在凍天氣下給食客一杯暖水,但我女友那杯卻有茶葉在杯內,我叫侍應來,她卻站在隔了一張枱的走廊問我什麼事.我問她這杯是水還是茶,她說:"梗係水啦!".我然後告訴她杯內有茶葉可否換過一杯給我,接著她伸手過來拿走杯水(當然她的手是經過我們中間那張枱的兩名食客面前啦,因為她由始至終都沒有走過來我張枱).事後更沒有人說過一聲對不起,好像我們在找麻煩,在挑剔.飯後收了我們的餐具,又給我看見和聽見有個"部長"在告訴一名侍應哪支叉和餐刀沒有用過(是乾淨的).我很明白她們的目的,但沒有必要在走廊說這些東西又給我這個"八卦"食客聽見.眼不見為乾淨,出街吃飯已預料不會非常乾淨(可能高級食肆例外吧).服務能度講完了,不很滿意.現談談食物.份量不算多,但吃了卻會令人有很飽滯的感覺.我和女友分別叫了咖哩牛柳飯和鮮蝦魷魚焗飯,咖哩沒有味,蝦和魷魚只得兩三塊,味道過得去啦,紅苺茶味道很假.枱面略細,枱與枱之間很逼,我張枱其中一隻腳短了些所以成日搖搖下.有點失望(對於這間餐廳的整體表現),有點內疚(對於自己的選擇久佳).