茜廊餐廳 (上水匯)

營業中

休息中

今晚入左上水搵朋友食飯，我地都想搵個地方可以坐得耐Ｄ，又舒服Ｄ既地方。係ＯＲ搵左陣，見到呢間茜廊餐廳都有幾多好評，決定試下。來到環境比想像中好，燈光柔和，陳設優雅，而座位都算闊落，岩晒同朋友傾計飲野食野。講返Ｄ野食先。羅宋湯很足料，味道酸中帶微辣，保持到羅宋湯一貫味道。而忌廉湯味道濃郁，最岩就係配餐包食。而頭盤我地叫左白酒煮藍青口，青口味道清新煙韌，而仲因為加左檸檬，酸味令人十分開胃，同青口亦很夾。而另一款西式焗田螺都唔錯，用料不吝嗇，口感滋味豐富。主菜之一紐西蘭肉眼扒拼大蝦（七成熟），肉眼扒切開仍見微紅，而入口感覺肉汁豐富，嫩而不韌，還可醮上黑椒汁，更加惹味。黑松露牛肝菌意大利飯，米飯完全吸收菌汁味道，味道濃郁，不過食得多會有少少滯。成餐飯最驚喜係估唔到呢到都有香煎鵝肝，作為鵝肝粉絲真係好難忍到口。上碟見到既仲比我想像大塊，鵝肝油膩感較較重，配法包食就最好，可以增加口感同減低油膩感。最後餐飲繼續貫徹餐廳「足料」風格，好似呢杯薏米水咁，足料到無可形容，完全「無得輸」。