英記老街坊 (已結業)

附近有好多粉麵店，令人忘記附近有英記老街坊，今晚終於有機會又記起就試一下.感覺店鋪用心製造，魚角彈牙，麵餅好味，湯底吃不出味精，感覺不錯，以後想吃粉麵多了個選擇，加油💪而且衛生環境很好，空調舒適，簡潔佈置令人感到清楚乾淨，店員笑容充足，工作也很快手，店舖給人感覺良好，有機會會幫忙介紹給更多街坊。其他粉麵店在這區已多年，不是太重味精便是衛生不太好，但英記佔據位置不太有利，而且經常有車泊在前面，遮蓋了店面，應該要宣傳一下了。

今天途經黃大仙鳳凰村銀鳳街英記老街坊麵店，見到門外的宣傳牌寫著「傳承五十載、招牌清湯腩」，肚子亦餓了，於是我倆便入內試試。店內食客眾多，幸好還有一張小枱。看過餐牌後便叫了一個飯和一個粉。～招牌清湯腩飯($40)清湯腩一點也不肥膩，淋滑得來又有咬口，味道不會太濃，配上清甜的白蘿蔔，最好不過。碗內的湯非常入味，既有牛腩味又有白蘿蔔的甜味，滋味無窮。將湯淋在飯內吃，不消一會兒已可把整個飯吃掉了！～潮州四寶河（$36）上枱的時後，蔥粒是放在匙內，非常細心。幼幼的河粉滑口，四寶中的墨魚丸和魚皮餃彈牙，豬肉丸有肉味又爽口，滑滑魚旦有魚味。吃得辣的人，配辣椒油來吃，必定更滋味。叫了東西才發覺這店的麵原來是自家製的，今次我們只吃了飯和粉，只好等到下次幫襯才試試麵吧！

第一次來到銀鳳街，見到好多間食肆，有點花多眼亂，是次選了雲呑麵點。店家不大，但光猛整潔，是吸引人入內的主要原因。 餐廳提供傳統廣東粉麵，招牌有清湯腩，也介紹麵是自設麵廠，看到店內雜誌介紹，老闆是前正斗和好好粥麵的主廚，退休之後開了這麵店。 侍應生招呼有禮，很有小店的親情味道，是次點了清湯腩雲呑麵，雙併四十元，併有一大件白蘿蔔。雲呑是一口雲呑，牛腩有肉有筋，都好軟好味。麵質爽口幼細，沒有鹼水味，的確是街坊價錢，高檔享受。 強烈推薦。

假期過後，#小秘書 工作比較忙，加上有啲感冒😷周身唔舒服😪 琴晚特登遲一站落車，走去食咗碗 #龜苓膏 先返屋企，睇吓可唔可以清吓個底😅 不過聽講食「藥」之前，先要擺啲嘢落肚😝 咁我就喺附近食碗 #麵 做埋 #晚餐 囉🍜位於 #銀鳳街 兩旁嘅餐廳數量都唔少，#小秘書 之前一直無留意到 呢頭有間 英記老街坊麵店，似乎新開無幾耐，我見裡面食客都唔少，就試呢間啦😋 雖然 #清湯腩 先係 #英記 嘅招牌菜，不過我又唔想食太多肉，唯有叫個次選 #雲吞麵 🍜+碟 #芥蘭 啦！心諗餐廳只係收我$12一碟油菜，應該好細碟、質素麻麻，但係 #出乎意料 師傅應該將啲菜揀過嚟先上碟，完全無渣，🥬 好「青春」🤣 之後再嚟嘅係主角 #雲吞麵 🍜 bite size 嘅 #雲吞 一啖食落口啱啱好，以蝦仁為主做餡料，口感非常豐富😋 麵底亦做得好幼細👍🏻 不過個湯底似乎差咗啲，我覺得爭咗啲 #左口魚，味道唔夠濃郁😏 不過整體嚟講 #英記 嘅食物都算ok嘅👍🏻

某天路過見英記幾清潔而且坐位寬躺所以就選了這間，但竟然很有驚喜!! 我叫了炸雞翼是即炸的，熱辣辣而且又香😋 但另一個驚喜是蝦子雲吞牛筋撈麵啲牛筋大大嚿而且好有骨膠原感覺，一啲都唔馬虎，跟住我見到有位客人專登嚟買咗一樽辣油，平時我都好少食辣野，但我見食客推介所以就試咗，原來係老闆自家製嘅，果然係好正👍🏼👍🏼👍🏼真心推介

老街坊未轉手之前，已經都有幫趁過，覺得牛腩、墨丸、魚蛋、牛根...都好好食。即使係面底，幼麵都好爽口彈牙，唔重梘水味(本身是米粉fans，但來到都必食這間的幼麵)自從易手之後，都未來過，之前見到有報章專訪，更加想去試下新野。今次我膽粗粗買「淨牛根腩」$80，外賣加$1。份量唔算好多，大概是2碗粉麵的餸的份量，抵唔抵買就見仁見智。底下有三件大白蘿蔔，但不過唔甜，有少許苦。湯底唔會很咸，唔會好油。牛根正，好有膠質，個嘴食完都漿住牛腩就軟淋入味，只有一兩件是吃肥膏。附有2包辣椒油下次有機會會堂食魚蛋或墨丸麵

睇網上見到呢間鋪頭既麵底係自設工場整，就被佢既誠意打動黎食，最後並無令我失望，麵底爽口彈牙，煮得岩岩好！好味道！黃沙豬潤麵($29，唔連野飲):誠意推介揀幼麵，麵底爽口彈牙，無出現一餅痴住既情況，條條分明，麵底煮既時間岩岩好，唔會煮到淋身。湯底清甜，一路食，飲幾啖，喉嚨都好舒服，正！豬潤確實係黃沙潤，味道不錯，質感軟淋，味道淡口，但食落有根，如果可以去掉根會更好。呢次係第二次黎，上次係食雲吞麵，雲吞好好味，每粒雲吞用一隻蝦黎包，蝦質感爽口，調味岩岩好。今次同樣揀幼麵既原因係因為上次食過真係好好味，比起同區既粉麵鋪，麵底同湯底都做得好、相當出色。以後係黃大仙區食粉麵會黎呢間！👍🏽

老街坊而家呢一手 接咗手 老實講啲麵質係進步咗， 啲雲吞麵 十分彈牙 煙韌， 實係上盛之選! 我食咗碗豬潤麵啲豬潤好大塊但完全唔 韌， 29蚊換算係抵。 加六蚊有杯凍飲過凍奶茶質素ok。 啲仔叫嘅牛根飯 佢哋都話好好食喎。 佢呢條街泊車比較困難因為咪錶位 數量少而且多數畀人長期佔用， 貼近路呢邊 要醒目走鬼。 舖頭 老闆同老闆娘十分醒目喺繁忙時間會安排一個阿婆坐喺門口睇 實 如果 有人抄牌嘅話會提醒食客開車走， 呢個安排十分體貼。 佢哋因為開得夜所以好多人夜晚打完波都走過嚟食宵夜， 夜咗都仲係好旺 有時會坐得迫少少。

喺黃大仙區想食一間似樣啲嘅雲吞麵 好難搵😥😥😥 今日試咗呢間英記😁😁 估唔到有驚喜🤣🤣🤣 試咗 佢哋嘅雲吞牛腩麵加咗杯凍檸茶🤤🤤🤤 首先試啖佢個湯先用大地魚做湯底👍🏻👍🏻 食完唔怕口渴冇味精👍🏻👍🏻👍🏻 牛腩不太肥又不太瘦👍🏻👍🏻 炆得啱啱好👍🏻👍🏻👍🏻 雲吞 雖然 細細粒不過啲蝦好大隻又爽脆🤭🤭🤭🤭 輪到個麵啦爽脆冇鹼水味✌✌✌ 最後到杯檸檬茶🤭次次出去茶餐廳飲親都好澀口 😌😌不過佢哋杯檸檬茶 好有檸檬味 唔澀口👍🏻👍🏻👍🏻👍🏻下次可以再來試其他食物

今晚mummy吾想煮飯，就叫我左去附近既一間面檔食面,其實英記都開左一排，但因為附近有間食開既粉面檔，所以一直都未有機會黎食今日我地一行3人，叫左一個雲吞面，一個豬手面，一個雲吞牛腩面，仲有一碟介蘭，一份魚皮，2杯凍檸茶同一杯熱檸茶 先係百幾蚊， 完完全全係街坊價錢喇佢呢度出名係個面好食。。。。而事實上個面好 彈牙， 豬手都好軟淋， 雲吞就細細粒嘅， 但啲蝦都好爽口， 清湯腩就麻麻地， 有啲un芥蘭我就嫌佢烚得太耐過淋， 魚皮就有驚喜大大塊嘅 同埋好脆

廣東粉麵陪住大家長大，街坊價的comfort food,幾時都咁受歡迎。網上熱話的這間高手主理街坊麵店，也取名「英記老街坊」，在一眾街坊小店中脫穎而出，除了有出身名總廚主理坐鎮，超心機之作，街坊價錢，誰不比這個更吸引！位置：街坊一定知道呢個搵食好地點，因為就係黃大仙鳯凰村銀鳳街，門口有好多車停泊黎搵好野食，我在黃大仙地鐵站行過去A出口10分內就到食物：街坊朋友仔推介4大名物：雲吞麵、豬潤、豬手、辣椒油！生麵係自設工場監督製造，麵底好重要，見小店亦落足心機。豬潤爽滑，豬手夠淋入味，出街食就係要食呢D真功夫！辣油自己整的，質素有保證又夠辣！！！！讚！仲望到老闆在廚房努力淥麵！服務：人情味小店，應該好多街坊幫襯，見到街坊一入黎自動自覺講出佢地心水！香港人呀！我地5人玩左一日勁肚餓，一入就咩都叫下，就黎試下開心SHARE！招牌雲吞麵＋大愛SOULMATE辣椒油： 大家都鐘意食雲吞，要食多啲個差唔夠個個都有叫雲吞，好鍾意脆卜卜蝦，夠鮮夠甜一啖一口廣東雲吞， 也見到廚房即包雲吞，店員推介因最受歡迎，要KEEP住整黎應付，話哂老闆坐鎮過雲吞麵老店總廚，經驗老到亦不斷改良，好多人都專登黎一試。佢嘅麵亦

我本身唔喜歡食麵，因為簡水味。但是這裡的麵是完全沒有簡水味！晚餐我點了雞翼、雲吞、清湯腩同埋油菜！雞翼超好食，香而不油！云吞及清湯腩新鮮，大小剛剛好！這𥚃賣的東西、用心製作，價錢又有良心！真希望我返工的地方可以食到這樣的美食！食到溫暖人心的美食替顧客生活打氣的味道。這𥚃的服務品質跟食物一樣出色。謝謝！辣椒油太正了！埋單之後即刻買番樽帶番屋企來之前見到有post說好多味精，本身有D猶豫要不要來試，但是我是清湯腩fans,心願是吃遍天下的清湯腩，最後感激自己來了，也確實証明我沒有選擇錯。味精我食不到有，有嘅是對食物的用心及窩心的人情味。btw 呢度老闆同伙記多到爆的笑容是免費的

平時好少去黃大仙, 所以上星期過開黎搵朋友先係第一次食英記老街坊 (睇返人地D食評先知原來轉左手)我見好多人都叫牛腩麵所以我就叫左一個牛腩雲吞麵！第一樣要讚既真係個麵底, 無鹼水味得黎又夠彈牙! 👍🏻👍🏻👍🏻 牛腩都好夠腍, 而且都算幾足料! 我個人就比較欣賞個雲吞, 雖然細細粒, 但係粒粒都有爽口而且有蝦味既蝦肉, 差D想encore再叫多碗淨雲吞, 但可惜食埋碟油菜同雞翼之後已經太飽啦! 所以買左外賣生麵同雲吞返去同老公開心share!食食下我見隔離搭枱個哥仔碟雞翼好靚仔, 又加單叫左一碟, 雞翼要等得耐少少, 不過一擺入口就知佢係即炸, 因為好夠熱, 係熱到入心果種! 味道同賣相一樣好得, 雖然係炸但係一D都唔油膩, 好食又好入味喎! （掛住食熱辣辣既雞翼唔記得影相😅）之後即刻同朋友介紹話佢知佢屋企附近有間平靚正麵店, 哈哈哈! 原來佢都食過, 佢話個豬手同魚皮餃都幾好食! 下次過開黎搵佢再試先!後記：食左幾十蚊但買左百幾蚊外賣😅之後果日煮比老公食佢都話好食，叫我下次去開再買！

轉手之後食左兩次都係非常失望！湯底只淨味精味，牛腩雲吞魚蛋唔再係舊老街坊既新鮮貨！俾好評既人，到底有冇食過前老街坊既麵食？兩者相差真係太遠la!就算招呼係幾好，但係食物質素真係唔太好

今天夜晚收工後，我路經這間新店門口抱著試一試無妨的心態，走入去我叫了一客清湯腩飯沒多久，侍應便向我送上香氣撲鼻的晚餐，清湯味道恰到好處，不會過鹹，牛腩既彈牙，又不肥膩，十分可口，白飯份量適中。之後我再叫多一客清湯腩飯外賣給家母，我同侍應講：「請給予一些較軟身的清湯腩，因為是給長者吃的。」她立即答應，我仲聽到佢即刻根據我的請求吩咐廚房同事，真的令我有一種賓至如歸的感覺。實惠既價錢，美味既食物，優良既服務。直程物超所值