英記茶餐廳

營業中

休息中

2008年4月11日下午12:15 見到幾多好評, 又近公司, o米同老細同同事試下o羅! 環境嘈到嘔! 我叫o左鯇魚餐, 魚好細, 其實鯇魚好平, 點解唔比多d, 碗飯就好大碗. 老細食鮑魚雞粒炒飯, 同事食蝦醬魷魚炒飯, 炒到好濕, 麻麻地!無下次.

見「鮮茄紅衫魚」係炸魚而非煎魚，心知不妙：唔係新鮮貨，生?無醃雪藏，肉質還可；「鮮茄」，典型咕嚕汁撈茄，白醋奇多；汁中透光，大酸大甜，送飯最好。下次都係叫番靚仔脆烘豬扒包，或者筋肉人阿叔碟梅菜蒸魚腩穩陣。

我平日lunch o係呢間食飯多，我覺得佢d飯已經係合格有突，仲有咁多款揀添，已經不錯。我平日飲佢既凍奶茶，又唔覺得難入口到你地講咁，都係合格有餘。我認為o係英記食lunch係個唔錯既選擇~~~~

15蚊有交易, 揀左個豬扒包, 個豬仔包焗過後好脆呀! 裡面有一D洋蔥絲&豬扒, 好似澳門茶餐廳果D整法, 如果有多D汁&配料就very good 喇~

$15個下午茶兼大份，抵呀﹗不過最可惜冇咗燒雞餐做下午茶，美中不足。

每逢嚟開食頭,時間許可的話,都會嚟"英記"嘆番柸奶茶既~ 今次就試下佢既"咖吔"多士($6), 咦...得喎~ 唔太甜但又夠味~ 好食~~~~

前幾天忽然想吃餐蛋飯，想起兒時常到這個熟食中心午飯──雖然當時沒有空調，夏天還是愛在此吹大風扇，吃著碟頭飯，享受那獨特的風味──所以便到此緬懷一番。隨便在英記前坐下，雖然接近三時，但還有二十五元包餐飲的午餐供應；找到餐蛋飯在名單上，便點了一客，另加凍鴛鴦。朋友點了日式餃子烏冬，加凍檸樂。首先到的是飲品。凍檸樂不會不好喝。凍鴛鴦是少有的難喝。還以為，奶茶咖啡是茶餐廳之寶，少有難喝的（不是不好，是很爛！）……這想法，在這地方顯然不適用……奶太多，但不滑；味淡且沒香味，像奶水一樣，很糟糕。餐蛋飯到。餐肉、菜和飯都很稔……那餐肉好像沒煎過一樣，不香，很稔；那菜是菜心呢！怎麼這樣稔的？飯下水太多，沒有咬口；荷包蛋是唯一及格的──蛋黃半熟，還有蛋汁在內。朋友的烏冬是一般貨色──就是超市買到的材料──當然，這個價格是不能有什麼要求的。雖然，說得嚴厲一點，連餐蛋飯也造得不好的茶餐廳是不及格的，不過，以價格論，又沒什麼好怨……加上看到別桌蒸整條魚的客飯，看似不錯，姑且給個中立的評分吧！

21-7-2005 0745昨晚收到的信息，使間諜再次用無數把的刀在我身體上插完一刀又一刀，尤其係心臟及心靈，一次比一次厲害及加劇，唔知幾時先醫番好。該晚心情差到極點，未試過徹夜難眠，就算有幾多安慰的說話，亦難埋藏眼裡的淚水，真係想唱歌發洩一下。失眠了一夜後的朝早，放棄了屋企的早餐，早些出門口治病。這裡是我靚仔時到現在的半個飯堂，次次一來一回都身水身汗，縱管來講不太突出，但感情分都有些少。整體來講，這裡無論早、午及晚餐都係最旺場，原因要講番往事，未大修前，要到這裡，只有三個方法：經街巿上自動電梯、上各層電梯大堂隔離的樓梯或在一入巿政大廈的電梯直達熟食巿場(而家只係去自修室)。聰明的人類當然只會選擇後者，一出電梯時係露天地方，去到室內既第1間食店就係佢，加上唔少在拉記或自修室落黎hea 1 hea的學生及書蟲由樓梯落既第1間亦係呢度，呢間順理成章變成最旺場的。當日點了我不常吃的三文治烘底，夾著鹹牛肉及蛋，通常會炒熟蛋，然後鹹牛肉搽在蛋上，但這裡與一般做法不同，用了奄列的方法，好處是如果做做下原來落錯單或改單，都可以用得番，以免浪費。一咬落去，麵包烘底有少少硬，但比一般茶記已經好好多，蛋及

尋日lunch 食左條鮮茄馬頭,原本炸完再淋上茄汁,d茄汁似乎過油,最後我都系點豉油,但肉質仍算滑;不過還是蒸魚較出色!個青紅蘿蔔湯亦頗甜!$20攪掂!

尋日lunch系度叫左個蒸龍脷魚餐$20送例湯;呢間d蒸魚的確吾錯!成條魚上,一d都吾寒酸,仲有梅菜及椰菜拌碟,加埋碗無味精既眉豆煲豬骨湯.$20,仲有咩要求呀!

今日lunch去完time square 換野,本來打算去鵝頸橋街市食,但果度比駱克道街市貴20-30%,而且除左"惠記"都無咩好食,於是決定行返去駱克道街市.之前食過隔離"孖記"食都吾錯,今日試下呢間;叫左個梅菜蒸鯇魚連白飯例湯$20,比"孖記"貴$1.梅菜鯇魚份量都吾少!清清地,仲有椰菜拌碟,青紅蘿蔔湯亦無味精,值得一試!

今日下午行經呢度，就上去試一試佢d奶茶，叫左個下午茶餐($15)，雪菜肉絲米粉+ 熱奶茶，兩樣都唔錯播! 值得再去食呀!

飲既奶茶有茶香,仲係一種茶花香.此店傳統茶檔,唔似走fusion. 早餐又抵食！食過幾次早餐都覺得ok,沖茶技術無大起大落,值得一試. 建議飲熱奶茶嗅得更徹底。