英記茶餐廳

營業中

休息中

行過無數次駱克道街市，今次我專程去咗英記茶餐廳，試下佢哋嘅標誌美食。首先，我點咗碗熱辣辣嘅香滑蛋治，🍳 雞蛋炒得啱啱好，非常滑口，夾住新鮮多汁嘅蕃茄，真係叫人食落甘心！當然唔少得嚟碗豬紅湯丸，湯頭舊豐富，丸子彈牙咬落QM嘅，配埋d臘肉同蘿蔔，係咁滋味。🥣 個鐵板牛柳止唔住人一試再試，外焦內嫩，搭埋特製醬汁，簡直係在味蕾上嘅煙花。食完兩個菜，我發現密斯仔戴住個大大圍裙忙來忙去，份量非常慷慨，吸引咗唔少街坊客仔。🍽️ 成個飯局都充滿暖笠笠嘅親切感，再點杯絲襪奶茶，醇厚香滑得嚟唔會太甜，真系冇得彈！總結，駱克道街市英記雖然叫唔到上咁豪華，但食物真材實料，加上師傅用心嘅態度，令人吃完喺度都算滿足咗。下次想親自體驗下嘅街坊，記得一早去搵檔頭啦！

只是飽肚合格12點幾系灣仔準備午餐，剛剛想起好多茶餐廳關注組話灣仔街市英記同興利幾正，今次先試英記。去到熟食市場，始終系老街市，環境比較差，但檯面都算乾淨，但有部分杯就麻麻。優點- 夠大碟- 送例湯改善點- 兩碟其中一碟漏單，追三次至有。- 味道吾掂。蝦醬海鮮炒飯（$45）1分- 上檯第一口已經覺得吾夠熱，系街市或者大排檔哩個系比較差。- 話海鮮，得蝦仁同條裝蟹柳，份量比$45其他飯麵的肉料少得可憐，兩樣都無味- 可以話一D蝦醬味都無。- 炒飯系濕立立，離譜。菜遠牛肉炒河（$39）3分-牛肉同河粉份量十足-可惜牛肉無肉味- 汁比較甜。- 同樣系吾夠熱奶茶（ +$6）2分- 見到好多食評話奶茶好，眯叫一杯，- 聞到有茶味，但飲落吾香，比較稀同吾夠滑，- 同樣系吾夠熱- 之後覺得舌”鞋”

今日又去左灣仔駱克道市政大廈街市熟食中心嘅平民飯堂食Lunch~~~~ 英記茶餐廳 今日同朋友一齊Order 左手2個炒河餐🧑‍🍳🧑‍🍳🧑‍🍳1）沙嗲牛肉濕炒河🐮份量足夠，幾大碟🤤🤤咖喱、香料和牛肉加上寬河粉炒煮。咖喱味道和香料的香氣濃郁加少少辛辣味，牛肉口感嫩滑，非常開胃。2）乾炒牛肉意粉🐄味道濃郁、口感豐富。牛肉鮮嫩與麵條有咬勁，有彈性，香料和調味料濃郁。如果你喜歡意大利面配牛肉，讓你垂涎欲滴！

由校服小朋友食到以家出黎做野，佢伴住好多上水人成長。 除了好味、夠鑊氣、仲有人情味😊我首選 椒鹽班塊 - 有埋椰菜炒、🐟魚塊啖啖肉。🤫菜莆除左放麵、撈飯都巧巧味。 每檯都有一樽放係到，試完覺得正，可以買回家耶～

今天早上約了朋友灣仔食早餐聚聚，由灣仔地鐵步行軒尼詩道一邊行一邊搵餐廳，行到駱克道巿政大廈，我跟朋友打說，熟食中心會不會有早餐，午餐夜巿一定有，之後就嘗試上去走一趟，發現在原來有的開餐，我哋就選擇了英記，叫了鮑魚火腿通粉加咸牛肉炒蛋，奶茶和沙嗲牛肉麵加火腿奄列，華田。$34價錢，份量都好足夠，比起出面的茶餐廳和連鎖店相對便宜。最特別係杯奶荼，姐姐送到枱上，我和我的朋友己經聞到好重的茶味，我飲的時間感到回甘味和荼味(茶走)，實實在在。外面連鎖店的奶茶己經好淡，飲落清水感覺，好無味道。之後我朋友叫了西多士，正正常常，沒有太大驚喜或失望(我的朋友每次去茶餐廳必定要試食西多士來評審)，十一點幾己經來了好多人上來食飯了，開始熱鬧起來，可能下次試一試午飯時段的飯，我朋友跟住說來這些地方必定試炒粉麵飯，有鑊氣只有意思的。最後一提，這裡環境衛生好好，沒有濕淋淋，有冷氣，燈光足，扶手電梯係慢慢上升和下降(應該係配合到老人家的腳步)。

炎夏中,上去英記食個下午茶.两個月冇去,加咗價,$30 去到$34.客人少咗d.叫咗一碟星洲炒米.一邊傾電話,一邊食忘記影相.OMG,！好鹹,好x鹹,加咗價,俾多d料你.你又唔開心. 两個月前的,略鹹,勉強接受.但太鹹, 我個腎頂唔住,食剩一半. 食完,飲完杯凍o茶,不断要飲清水,喉嚨"確確地”！真係一點失望！

今日去咗灣仔，突然想去醫吓肚，一想就想起駱克道熟食街市，上到二樓就在英記坐低，發現復活節假期後，更換了新的價目表，睇了一會，價錢只是微調，下午茶套餐仍然屬於很經濟的可以接受的。由於以往不太喜歡食乾炒🐂牛河，所以一向很少會點到這味菜，但今日下午又啲肚餓，於是嘗試一吓太耐冇食過的乾炒🐂牛河了。稍為等候了大約十分鐘，熱辣辣而又香噴噴的乾炒🐂牛河就來到了。意外地望埋去賣相十分吸引，一點不似以前所見到的賣相，一見到就即刻想食咗去😋每逢食親炒嘢，例必唔可以少得嘅，就一定係要有🌶️辣椒醬，更加會野味一啲，呢碟乾炒牛河份量唔算少，配料及🐂牛肉也相當多，第一啖食落口，唔會太鹹或者太淡，味道剛剛好😋加上鑊氣十足，真係熱辣辣👍🥤凍咖啡就是跟著乾炒🐂牛河後來到的，今次杯🥤凍咖啡味道不會太淡，咖啡味仍然很濃，又夠冰凍👍隨即之後，也送上🍲例湯，大大碗，熱辣辣，出晒煙，而且味道唔淡很多渣在湯裏面，一啲都不似其他店舖的🍲例湯，一味溝水再溝水的🥴是隨套餐免費奉送的整個下午茶飯餐，也感到相當滿意👍今次令我對乾炒🐂牛河的觀感改變晒，原來乾炒🐂牛河可以咁好味😋整個套餐份量大，味道好👍價錢方面，相信在灣仔區仍然是最經濟底食的好地

以三十蚊食到一個即炒粉麵,仲包埋湯同飲品,相信係全香港最平.英記位處街市熟食中心內,當然對環境及服務不可有任何要求,不過起碼有冷氣及衛生尚可.固吸引不少市民光顧.30蚊嘅下午茶選擇不少,我點了一個時菜牛肉炒麵加奶茶,麵條超脆,牛肉尚可,份量絕對不少,例湯一般,奶茶可以.

想飲有水準嘅檸茶一定要去啲舊舊地嘅茶記～去開灣仔區，揀左駱克道市政大廈熟食中心，早餐時段好少人！我記得呢度嘅午市係超級旺架！因為啲碟頭飯超級平！！今日想清清地，食餐肉通粉好了。呢個餐肉通真係清到不得了😬淡淡的～餐包+鹹牛肉炒蛋餐包夾埋鹹牛肉炒蛋食，正喎！！(推介呀！)豬扒麵即炸架喎！仲幾好食添喎！麵就正正常常～餐包+火腿奄列火腿奄列正正常常！呢餐最緊要嘅係杯茶！！相當有驚喜！杯底好香！

【#熟食中心 】#英記茶餐廳 早前睇谷友分享，話駱克道熟食中心有一檔抵食到你唔信，今日我就親身去試吓😄兩點半去到，其他鋪仲有好多位，但依間已經坐滿🤤 行咗幾個圈「扮搵位」，有一個阿姐好有禮貌安排我坐一張檯😎 當然係因為啱啱有檯，同埋果段時間未有太多客入啦🤣 不過依位阿姐既舉動係好多「名牌」茶記冰室都做唔到，佢冇因為客多而強硬要你搭檯，值得一讚👍👍已經知道有湯送，但冇諗過係咁大碗🤤 雖然係清湯一碗，勝在夠味，飲得出應該係菜乾😊一般下午茶份量都唔會好 多，但我見到碟牛河，👀都大埋😨 根本就係正價既份量！牛肉有好多又大塊，好多都仲係嫩口😱 河粉最重要夠熱，味道亦恰可👍凍檸茶用依隻杯裝，保證夠凍，茶底夠香👍大碟牛河➕大碗清湯➕冰凍檸茶，都係收$30+2😱😱之前好多人話平野冇好，今日之後，平野都有寶♥推介指數：7.5/10抵食指數：100/10 （爆燈）

炸肶大大件，可樂原罐上，座位大大張，成個茶餐都係34+6，抵到不得了。上個月去隔離YL冰失，中大伏畀成43蚊食琲成肚氣。今次終於冇搵錯餐廳。呢個價錢，真心想黎個茶餐buffet，分分鐘都食唔到一百蚊。炸肶等左十分鐘到，即叫即炸，心急既我諗你第日再黎過都得。祝生意興隆。咁係咪完美呢，就當然唔會啦，但我會話有進步空間。第一係店員，對答比較無交流，有時要老細提點下先識做。可樂要加6蚊又唔講，要等即炸又唔講，好似當我係熟客咁，今日下午茶得兩枱人，落完單就去吹水，真有特色。

On and off 甘幫趁咗十幾年，已經算係老顧客了...時時嚟係因為，地方整潔，坐得舒服，又吃得安心，再加上老闆及老闆娘有人情味，今時今日已經很少有...現在主理的年青老闆，對食物的選擇，烹調方法，皆有份堅持，所以，由始至終，仍保持一定水凖...早餐選擇很多，兩大必食： 1） 沙嗲牛肉米粉，湯底香濃，飲落順喉，有幼滑感，不嗆口，不過咸（原來，有羅漢果一齊煲）牛肉口感不錯，米粉輭...食完有幸福飽足的感覺2）鮮蕃茄湯牛肉通粉，用新鮮蕃茄做湯底，味道鮮甜，蕃茄蓉很多，飲得出係自家煲，沒有添加劑，維他命C豐富，通粉吸飽湯，超正...通常會飲到一滴都無剩加埋凍O茶，共＄30 ! 抵食！

又到食飯時候，公司係彈性食飯時間，更係食下午茶時段，今次去了街市食，平平地$30有個飯餐。 正當睇食咩時，同事發現到有個APM醒神套餐，都係$30，貌似all day breakfast，茶記版，即好奇，成班一齊試下。 APM醒神套餐，$30。 有鹹牛肉炒蛋、茄汁焗豆、司華力腸及牛油奶多士，鹹牛肉炒蛋，想起蛋牛治，司華力腸，半條，另外果半條似乎係同事果份到，因一個餐來。 牛油奶多士，好刀法，呢個明顯唔係食個味道，係食個刀功，竟然可以張件多士一分為二切到咁，真係嘅薄多，究竟係倚天切，定係屠龍斬呢?無人知，但係可以肯定，塊多士口感係脆的，大部份都係半件，不過連價錢來計，都係比平時嘅all day breakfast平一半，過下口癮都好呢。 熱咖啡，跟餐的，冇乜咖啡味。 沙嗲牛肉飯，$30，上次食的下午茶飯餐，都幾大碟，沙嗲牛肉份量多，沙嗲味唔算香濃亦唔淡，正常水準，抵食之選。

上了巴士出奇地順暢來到灣仔，仲有成個鐘就附近揾食啦～ 平地地鋪茶記就唔想試啦～嚟到歷史悠久既駱克道街市，搜尋一番： 幾個網頁都彈左*英記* 出嚟， 咁就尼間啦上到熟食中心有幾間做早市， 不過英記係上電梯第一間， 成功被招一坐下就有叔叔過嚟問要咩， 看看餐牌， 就叫左個1號杯熱華田好快就到：不太甜但夠味， 岩我跟住上場既就係沙嗲牛肉麵、蘑菇奄列及烤多士～先食多士， 牛油好香好好味，兩啖就手KO了再嚟蘑菇奄列， 蛋不過火，仲有點蛋汁，雖配罐頭蘑菇，但都唔會整得太差最後係個正餐牛肉麵， 沙嗲牛... 一般般， 唔香無咩味得幾塊，面就過左龍淋淋地... 埋單一位$34， 份量足，好飽！ 食飽是為了走更遠的路， 係時候上路... 去展覽囉

以前常常來，後來因他遷，很久沒有光顧；到最近再度重臨，水凖保持！老闆有一份的堅持，現今很難得的早餐有多款式，簡直有選擇困難😄選了：鮑魚絲火腿通粉，一大碗，足料，通粉，彈牙，恰恰好，不太糊，不太爛太陽蛋煙肉，蛋夠熱，即做，有蛋香，最要讃是兩片煙肉，柔軟，又juicy, 又甜美，（絕不似其他店炸到黑炭，及乾硬，又靱..）熱O水，〇香，夠大杯，好夠喉吃得好滿意的早餐！因為太好吃，忘記拍照，sorry