英記茶餐廳

營業中

休息中

今日去咗灣仔，突然想去醫吓肚，一想就想起駱克道熟食街市，上到二樓就在英記坐低，發現復活節假期後，更換了新的價目表，睇了一會，價錢只是微調，下午茶套餐仍然屬於很經濟的可以接受的。由於以往不太喜歡食乾炒🐂牛河，所以一向很少會點到這味菜，但今日下午又啲肚餓，於是嘗試一吓太耐冇食過的乾炒🐂牛河了。稍為等候了大約十分鐘，熱辣辣而又香噴噴的乾炒🐂牛河就來到了。意外地望埋去賣相十分吸引，一點不似以前所見到的賣相，一見到就即刻想食咗去😋每逢食親炒嘢，例必唔可以少得嘅，就一定係要有🌶️辣椒醬，更加會野味一啲，呢碟乾炒牛河份量唔算少，配料及🐂牛肉也相當多，第一啖食落口，唔會太鹹或者太淡，味道剛剛好😋加上鑊氣十足，真係熱辣辣👍🥤凍咖啡就是跟著乾炒🐂牛河後來到的，今次杯🥤凍咖啡味道不會太淡，咖啡味仍然很濃，又夠冰凍👍隨即之後，也送上🍲例湯，大大碗，熱辣辣，出晒煙，而且味道唔淡很多渣在湯裏面，一啲都不似其他店舖的🍲例湯，一味溝水再溝水的🥴是隨套餐免費奉送的整個下午茶飯餐，也感到相當滿意👍今次令我對乾炒🐂牛河的觀感改變晒，原來乾炒🐂牛河可以咁好味😋整個套餐份量大，味道好👍價錢方面，相信在灣仔區仍然是最經濟底食的好地

以三十蚊食到一個即炒粉麵,仲包埋湯同飲品,相信係全香港最平.英記位處街市熟食中心內,當然對環境及服務不可有任何要求,不過起碼有冷氣及衛生尚可.固吸引不少市民光顧.30蚊嘅下午茶選擇不少,我點了一個時菜牛肉炒麵加奶茶,麵條超脆,牛肉尚可,份量絕對不少,例湯一般,奶茶可以.

想飲有水準嘅檸茶一定要去啲舊舊地嘅茶記～去開灣仔區，揀左駱克道市政大廈熟食中心，早餐時段好少人！我記得呢度嘅午市係超級旺架！因為啲碟頭飯超級平！！今日想清清地，食餐肉通粉好了。呢個餐肉通真係清到不得了😬淡淡的～餐包+鹹牛肉炒蛋餐包夾埋鹹牛肉炒蛋食，正喎！！(推介呀！)豬扒麵即炸架喎！仲幾好食添喎！麵就正正常常～餐包+火腿奄列火腿奄列正正常常！呢餐最緊要嘅係杯茶！！相當有驚喜！杯底好香！

【#熟食中心 】#英記茶餐廳 早前睇谷友分享，話駱克道熟食中心有一檔抵食到你唔信，今日我就親身去試吓😄兩點半去到，其他鋪仲有好多位，但依間已經坐滿🤤 行咗幾個圈「扮搵位」，有一個阿姐好有禮貌安排我坐一張檯😎 當然係因為啱啱有檯，同埋果段時間未有太多客入啦🤣 不過依位阿姐既舉動係好多「名牌」茶記冰室都做唔到，佢冇因為客多而強硬要你搭檯，值得一讚👍👍已經知道有湯送，但冇諗過係咁大碗🤤 雖然係清湯一碗，勝在夠味，飲得出應該係菜乾😊一般下午茶份量都唔會好 多，但我見到碟牛河，👀都大埋😨 根本就係正價既份量！牛肉有好多又大塊，好多都仲係嫩口😱 河粉最重要夠熱，味道亦恰可👍凍檸茶用依隻杯裝，保證夠凍，茶底夠香👍大碟牛河➕大碗清湯➕冰凍檸茶，都係收$30+2😱😱之前好多人話平野冇好，今日之後，平野都有寶♥推介指數：7.5/10抵食指數：100/10 （爆燈）

炸肶大大件，可樂原罐上，座位大大張，成個茶餐都係34+6，抵到不得了。上個月去隔離YL冰失，中大伏畀成43蚊食琲成肚氣。今次終於冇搵錯餐廳。呢個價錢，真心想黎個茶餐buffet，分分鐘都食唔到一百蚊。炸肶等左十分鐘到，即叫即炸，心急既我諗你第日再黎過都得。祝生意興隆。咁係咪完美呢，就當然唔會啦，但我會話有進步空間。第一係店員，對答比較無交流，有時要老細提點下先識做。可樂要加6蚊又唔講，要等即炸又唔講，好似當我係熟客咁，今日下午茶得兩枱人，落完單就去吹水，真有特色。

On and off 甘幫趁咗十幾年，已經算係老顧客了...時時嚟係因為，地方整潔，坐得舒服，又吃得安心，再加上老闆及老闆娘有人情味，今時今日已經很少有...現在主理的年青老闆，對食物的選擇，烹調方法，皆有份堅持，所以，由始至終，仍保持一定水凖...早餐選擇很多，兩大必食： 1） 沙嗲牛肉米粉，湯底香濃，飲落順喉，有幼滑感，不嗆口，不過咸（原來，有羅漢果一齊煲）牛肉口感不錯，米粉輭...食完有幸福飽足的感覺2）鮮蕃茄湯牛肉通粉，用新鮮蕃茄做湯底，味道鮮甜，蕃茄蓉很多，飲得出係自家煲，沒有添加劑，維他命C豐富，通粉吸飽湯，超正...通常會飲到一滴都無剩加埋凍O茶，共＄30 ! 抵食！

又到食飯時候，公司係彈性食飯時間，更係食下午茶時段，今次去了街市食，平平地$30有個飯餐。 正當睇食咩時，同事發現到有個APM醒神套餐，都係$30，貌似all day breakfast，茶記版，即好奇，成班一齊試下。 APM醒神套餐，$30。 有鹹牛肉炒蛋、茄汁焗豆、司華力腸及牛油奶多士，鹹牛肉炒蛋，想起蛋牛治，司華力腸，半條，另外果半條似乎係同事果份到，因一個餐來。 牛油奶多士，好刀法，呢個明顯唔係食個味道，係食個刀功，竟然可以張件多士一分為二切到咁，真係嘅薄多，究竟係倚天切，定係屠龍斬呢?無人知，但係可以肯定，塊多士口感係脆的，大部份都係半件，不過連價錢來計，都係比平時嘅all day breakfast平一半，過下口癮都好呢。 熱咖啡，跟餐的，冇乜咖啡味。 沙嗲牛肉飯，$30，上次食的下午茶飯餐，都幾大碟，沙嗲牛肉份量多，沙嗲味唔算香濃亦唔淡，正常水準，抵食之選。

上了巴士出奇地順暢來到灣仔，仲有成個鐘就附近揾食啦～ 平地地鋪茶記就唔想試啦～嚟到歷史悠久既駱克道街市，搜尋一番： 幾個網頁都彈左*英記* 出嚟， 咁就尼間啦上到熟食中心有幾間做早市， 不過英記係上電梯第一間， 成功被招一坐下就有叔叔過嚟問要咩， 看看餐牌， 就叫左個1號杯熱華田好快就到：不太甜但夠味， 岩我跟住上場既就係沙嗲牛肉麵、蘑菇奄列及烤多士～先食多士， 牛油好香好好味，兩啖就手KO了再嚟蘑菇奄列， 蛋不過火，仲有點蛋汁，雖配罐頭蘑菇，但都唔會整得太差最後係個正餐牛肉麵， 沙嗲牛... 一般般， 唔香無咩味得幾塊，面就過左龍淋淋地... 埋單一位$34， 份量足，好飽！ 食飽是為了走更遠的路， 係時候上路... 去展覽囉

以前常常來，後來因他遷，很久沒有光顧；到最近再度重臨，水凖保持！老闆有一份的堅持，現今很難得的早餐有多款式，簡直有選擇困難😄選了：鮑魚絲火腿通粉，一大碗，足料，通粉，彈牙，恰恰好，不太糊，不太爛太陽蛋煙肉，蛋夠熱，即做，有蛋香，最要讃是兩片煙肉，柔軟，又juicy, 又甜美，（絕不似其他店炸到黑炭，及乾硬，又靱..）熱O水，〇香，夠大杯，好夠喉吃得好滿意的早餐！因為太好吃，忘記拍照，sorry

有時候人有個習慣性，就係去慣左一個地方食野就會繼續去，駱克道街市英記就系我的其中之一，我肯定佢的價錢一定唔系熟食中心場內最平，而且味道亦未必系最好，但我卻每次早餐時段最欣賞的系廚師的堅持同執著!多士烘得唔算好脆口，奶茶夠熱，但茶味稍遜，用玻璃杯奉上卻略添舊式茶檔風味...最令我印象深刻的, 係廚師每次早餐煎奄列都可以形狀大小都差不多，上碟後都會好似電視教煮餸咁抹一抹碟邊d油跡，避免個碟污糟咁奉上俾客人，雖然只係普通事一則，但我覺得呢件小事就系佢對自己崗位上的專業

平時去開駱克道街市係食孖仔記, 貪佢平靚正有人情味但依家孖仔玩星期二下午, 星期三休息為左醫肚, 就去左隔離間英記, 但點知中伏, 貴又貴過孖仔, 野又唔好食干炒牛肉意粉我係叫干炒牛肉意, 但係上枱碟野水汪汪咁, 食落成口汁, 唔得啦, 而且無咩鑊氣可言, 個意粉又煮得太淋, 牛肉份量算正常, 但冇咩味, 食落都幾唔好味, 差!湯算係咁, 而且佢話係送既, 所以都收貨總結黎講唔好食, 唔會再幫襯, 下次都係睇岩個期去食返孖仔算

前排, 同事帶我到位於灣仔街市的英記食中午，這間食店出品都幾快,雖然味道不算太出眾,但勝在穫氣十足, 而且價錢便宜， 40元中午餐連凍飲， 在灣仔區都算抵食。我點了星洲炒米， 凍飲是凍檸茶。不可不知的是星洲炒米的「星洲」是指新加坡，然而在新加坡卻沒有這種名稱的炒米粉。星洲炒米是香港常見的米粉食品，有部分人士則認為源自於馬來西亞的吉隆坡，但香港的星洲炒米和馬來西亞的炒米是有明顯分別，香港的星洲炒米一定會加入咖哩，馬來西亞的炒米卻使用番茄醬和辣椒醬代替。星洲炒米的材料通常包括蝦、叉燒和雞蛋，並按照不同地區的烹調習慣，加入芽菜、辣椒絲、蕃茄醬或咖哩醬等食材。這兒的星洲炒米略嫌不夠香辣，咖哩味道不夠香濃，而且偏淡， 如果可以再香辣一點會更好。凍檸茶都夠凍，沒有苦澀味，不會太甜，味道適中。

週末行経灣仔，又熱又迫人，只想歇一會兒，故地重游尋故人，跑上洛克道市政大樓的熟食中心 - 英記，果然見到熟悉又有人情味的老闆兩夫婦，大家互相問好一番，開餐也！點選了招牌菜式 : 香煎西多士，即叫即用心去做的，首先用鷄旦浸透整片面包，兩片面包中再塗抹小量花生醤，然後，用心去慢慢煎金黃兩面，上碟時才淋上適量的練奶，味道超正，多士既香噴噴，又輭綿綿的，透著濃濃的旦香，又帶點甜絲絲的，很窩心的，入口即溶化！伴隨濃滑的港式絲襪奶茶，是非常滿足的一頓下午茶！只售＄22！簡直超值吖！亦有其他款式的下午茶餐選擇，也只售＄24，絕對值得推介的茶餐室！

還記得那些年曾多次到訪英記茶餐廳吃飯，但近幾年已再無到訪。今日和三數同事於英記吃午飯，菜乾餐湯無乜菜乾香味。梅菜肉餅飯肉餅略肥，但亦因此夠香口。凍奶茶普普通通。$37算上合理。

在灣仔做Intern已經做了一段日子喇!今天約了同在灣仔區做Part-time的Floormate一同吃lunch﹐平常不熟悉灣仔的我們只好問問同事們有沒有什麼好地方推介可以一起吃個lunch﹐同事就推薦了這個熟食市場﹐既然走路也只是大約五分鐘有多﹐就選這個地方吧朋友早一點到便拿了位﹐即使是高峰時期1-2pm也能找到位置﹐不用等。我們一坐下姐姐便遞上了青紅蘿蔔湯。湯是很普通的餐廳湯﹐幸好不會太咸。然後我叫了一個 西炒飯 $32 (連湯)。顏色是不錯的﹐亦有濃濃的酸甜味﹐但飯有點濕跟肉的份量算偏少。個人認為西炒飯的味道要濃一點也算好吃﹐而這一碟也算是合格。可是飯就有點太濕喇! 這是有一點點失色的地方﹐如果飯可以干一點加上這個顏色就完美了! 吃飽飽就回去工作了~