影片
以上資料只供參考, 請與餐廳確認詳情
某日行街見到呢間小店門面幾靚甘，鋪頭雖小，都有小小座位同企位既，見到佢間餐廳有多款飲品花茶，水果沙冰等等既選擇，仲有小食食，見佢杯芒果奇異果雲呢嗱沙冰幾得意就叫左一杯黎試試，大大杯都只係$25,都幾抵飲，哈哈，即叫即榨，有好香既雲呢嗱味，芒果同奇異果再加雲呢嗱呢個組合又真係幾特別，店入面仲有多款不同有趣既飲品，不過今日試飲呢杯都唔錯，又唔會太甜，仲叫左個No.1頂級白魚蛋，真係幾爽口彈牙，而且$20有11粒份量都幾多下。哈哈。
繼續閱讀
第一次係發現小店見到細細間，環境好靚，有位置可以坐企慢慢飲，食下小食咁，今次第二次再去，水準都無變，決定寫下食評小店都有數款小食，有熱狗，有炸魚角，炸魚蛋果d，不過特別深刻印象係鹽酥雞同埋沙僧魚蛋，鹽酥雞咸度唔錯，同埋唔會好油，重點佢地店有個麻辣醬點白魚蛋好好食！今次買左外賣返屋企慢慢食，小朋友好中意呀！仲有買埋個珍珠奶茶，都好好飲呀，而我就等食物既時候，叫左杯士多啤梨香蕉沙冰，見到佢放半條蕉落去好正，好落本
繼續閱讀