花月宮

營業中

休息中

而家疫情好返，朋友帶左我去一間係屯門既豪裝酒樓飲茶，個位又大坐得又舒服，店員既服務都好好。花月宮燒賣皇 ＄35燒賣大大粒好多料，大大隻蝦肉係入面，傾下計又食下野真係人生一大樂事。川味金錢肚 ＄28始終金錢肚係我最愛，好新鮮好味。XO炒羅白糕 ＄32XO醬既味道好重，炒到好香好脆，岩哂鐘意香口野既朋友。干炒牛河 ＄88可以講係非常好食，獲氣好夠，加埋豆板醬一齊食真你令人回味無窮，建議大家黎屯門都一定要試下。

收到風話呢間火鍋店做緊早午茶市，小餓底J走咗嚟飲茶，試試點心味道如何！😁🫖 一入座感覺裝修好，座位闊落！ (另收加一服務費)茗茶 $8/人頭普洱 / 水仙 / 香片鳳爪排骨飯 $32點心紙寫明即叫即蒸，需時15-20分鐘飯量幾多，隻碗都幾深！ 煲仔飯豉油另上，自行調配撈飯。排骨，有咬口，食得出無用鬆肉粉醃過，唔錯！魚翅餃 $24有4件，內餡無素翅，但有菇、豬肉、菜碎，餃皮，唔厚，口感有彈性，故計是小籠包皮忌廉(汽水) $10總結正常茶樓味道，唔突出～ 對比返價錢，性價比唔算高_______________花月宮 (屯門)屯門良德街8號珀御1樓101號舖

假日飲茶食點心😋依度環境舒適夠曬大，坐得好好舒服😉點心高質好掂👍~花月宮燒賣皇🧆 $35燒賣大大粒肉質夠彈牙又有口感，食到粒粒蝦肉添😋~花月宮蝦餃皇🥟 $35蝦餃好飽滿，入面既蝦好鮮甜肥美😍~香煎蝦餅🫓 $30蝦餅好惹味彈牙，沾上附上既甜酸醬好夾😋~沙律蝦春卷🦐 $32香脆既長春卷，一咬開有美味既沙律醬入面有蝦肉，好正🥰~XO炒蘿蔔糕🥡 $32XO醬好香味道好吸引，蘿蔔糕夠軟熟，配埋XO醬，一流👍~茗茶🍵 $8/位

在疫情冇咁嚴重嘅時候，都會同朋友聚一聚，今次就揀咗呢一間餐廳🍴，餐廳夠晒寬敞，環境以及風景都好舒服，適合大家飲茶打邊爐聚腳嘅好地方：）1.花月宮燒賣王 $35燒賣食落去啖啖肉，肥瘦均勻，唔會太多肥肉令到成粒好滯，大家都可以叫啲一齊share食，以及粒蝦都好大隻，超滿足！2.花月宮蝦餃王 $35皮薄隻蝦都係大大隻，唔會有雪藏味，個餡都好飽滿，晶瑩剔透！3.豉汁蒸鳳爪 $24鳳爪多汁，而且有肉地，可以補下骨膠原‼︎-最後，我嘅茶就揀咗壽眉，茶底香濃入味，不會太淡🕊️賣單都係$112，如果大家想聚下飲下茶，都係一個不錯的選擇：）

〰️花月宮燒賣王 $35食燒賣最怕入面都係肥肉😖依到嘅豬肉半肥瘦👍🏻食落不粉！〰️花月宮蝦餃王 $35蝦餃睇落晶瑩剔透，皮薄餡靚。入面有滿滿嘅蝦仁！〰️魚翅餃 $24入面除咗豬肉餡之外，仲有芹菜、紅蘿蔔、木耳等等嘅材料，食落去除咗鮮甜之外仲好爽脆😆〰️鹹蛋肉餅飯 $32份量都唔少，夠兩個人分享！落埋豉油之後賣相幾吸引。〰️流沙奶皇包 $26一搣開，入面嘅流沙奶黃多到瀉出嚟！！！而且食落奶皇味好重😍〰️沙律蝦春卷 $32同平時見到嘅春卷有啲唔同🤣幾新奇。入面有沙律、蝦，同外層酥脆嘅外皮出奇地夾！💗環境寬落，帶點古色古香。〰️〰️ 📍 花月宮 (屯門)屯門良德街8號珀御1樓101號舖

🌟花月宮燒賣皇這個燒賣用的主要是瘦肉 所以不喜歡肥肉的人可以試一下噢🌟流沙奶黃包奶黃包好好吃 熱騰騰的時候要立馬吃啊蛋黃味很濃 而且是可以流沙的吃的時候要小心熱 而且不小心就會全部流出來🌟潮洲粉果外皮很煙韌 而且料也是足的🌟魚肚雞扎這是很適合口味清淡的人試一下有蟹柳、雞柳、魚肚、冬菇料很多很足的調味不多 所以完全可以吃到材料的鮮味🌟脆皮鹹水果因為是即叫即炸 所以超級脆外皮很煙韌 料很足而且調味剛好🌟鮮蝦炸雲吞這個另外配上蕃茄醬 但不是普通的蕃茄醬是類似於鮮茄膏 加起來就想在吃超級濃味的蕃茄味薯片雲吞的肉味很濃 而且有鮮蝦在裏面外皮炸的超級蘇脆 是即叫即炸的

🐳從建生輕鐵站步行3分鐘到達！”花月宮” 的裝修新穎，格調高尚，座位寬敞，十分舒適！雖然只開了幾個月，已由火鍋轉做茶市，吸引更多茶客而來。🥢沙律明蝦角💰28🥢沙律蝦春卷💰32🥢花月宮蝦餃皇💰35🥢流沙奶皇包💰26🥢山竹牛肉球💰24🥢鹹蛋肉餅飯💰32🥢茗茶每位💰8🐳基本上每次到酒樓喝茶都會點鐵觀音，喜歡濃醇厚的茶香味🍵。而每次都一定會點蝦餃，這裡的蝦餃沒有想像中大粒，但蝦🍤非常新鮮，彈牙，皮也不是很厚！至於山竹牛肉球用了鮮炸枝竹，更有口感，牛肉也新鮮。明蝦角和蝦春卷也做得很出色，新鮮即炸，熱騰騰，配上沙律醬，增添味道！最欣賞流沙奶皇包，鬆軟麵包加上熱辣辣的流心奶皇，很香奶皇味，暖在心頭😌

雖然今個冬天唔算好凍，不過打邊爐都係MUST嘅！對我嚟講呢，環境同食物一樣咁重要，出街打邊爐最怕啲嘢食迫迫埋埋冇位擺，依間火鍋店最正嘅位就係空間感夠大，張張枱都係卡位，枱同梳化夠曬闊落，坐都坐得舒服過人😎👍🏻• 四川麻辣鍋 $88比起其他火鍋店嘅麻辣鍋，我覺得依度嘅價錢算幾平。係正宗嗰款四川麻辣湯底，都偏向多油，不過滾起咗之後啲油集中返喺側邊所以食落都唔會話太過油膩。辣度一開始幾易接受，之後會越滾越辣🔥• 加拿大手切牛 $198打邊爐點可以唔食牛！依碟來自加拿大嘅手切牛，雖然望落冇乜脂肪，不過牛味幾出，而且肉質都好鬆軟，反而冇平時啲肥牛咁易食滯☺️• 風花雪月手打丸拼盤 $138拼盤中有墨魚丸、鮮蝦丸、果皮蝦米綾魚丸、鵝肝墨魚丸同芝士鮮蝦丸五款口味，各有兩粒。質感爽彈富空氣感，尤其鐘意鵝肝墨魚丸，釀入咗濃郁嘅鵝肝，味道層次都好豐富😌• 黑毛豬腩片 $78豬肉味濃得嚟唔會好羶，豬皮嘅位置仲有少少Q彈嘅口感添😙• 鮮甜台山蠔 $138六隻台山蠔Size都幾大隻，碌完之後冇點縮水，脹卜卜咁，咬落小心爆汁！• 唐生菜 $48• 可口可樂 $15• 雀巢檸檬茶 $15• 醬料費 $18@位

天氣都仲係有啲凍，所以都係同朋友打邊爐喇！朋友話屋企樓下開咗間新嘅火鍋店，話個裝修唔錯，所以就叫埋我去食！去到見到門口已經係闊落，門口仲有幾個魚缸入面都有啲海鮮，可能係新開嘅原因，所以就唔算太多人，位置坐得係舒服嘅！落單用手機落單就可以見到所有嘅食物，湯底我就揀咗蕃茄濃湯卜卜蜆煲，佢哋嘅蜆肉鋪排方式同內地嘅唔同，內地嘅係全個煲都係蜆，而個鍋係比較薄，不過依間蜆嘅數量都係多而且係冇乜沙同埋係厚肉嘅，薯仔佢哋就會切到一粒粒同埋有蕃茄係入面，湯都夠甜所以都飲咗兩碗，朋友就嗌咗羊肉卷，黑毛豬卷，同埋大份嘅本地牛頸脊，食物好快就上枱，而且店員都好貼心咁樣講羊肉同埋牛應該碌幾多秒就可以食，佢就話牛碌4秒已經可以，雖然碌完嘅時候會好似有啲紅，但係其實食落係嫩口嘅。羊肉卷係好大塊，唔會有太大羊騷味。食完啲肉其實都已經飽飽地，加多兩個烏冬，索埋個蕃茄湯底就啱啱好。服務係好唔錯，店員會自動幫你加湯而唔係加水。所以個湯係會越嚟越濃，同埋會自動幫你收走食曬嘢碟同幫手換碟，見到餐廳上面都有好多抽氣扇，所以食完餐飯都冇乜油煙味。

忍唔住第一次寫食評，先講坐位，四個人，卡位好大好濶落，私隱度高，環境新裝修，但四個人有兩個爐位，焗你要叫兩個湯底，食物選擇唔多，番茄卜卜蜆湯$168，唔似新鮮番茄做，應該加左茄膏，卜卜蜆得10粒左右，加湯用豬骨湯加。鮮蝦雲吞一嚟到雪到硬過石頭，d餡有骨，似冰鮮餃，6粒$98。萵荀$68，得八舊切片。仲有個爐淨係中間滾得起。竹蓆茅根水，甜到要加水先飲得落口。唯一好食係手打丸。總結只此一次，下不為例。

見新開 成班朋友一齊去食.佢裝修都幾靚 見到佢d餐具好明顯係用心設計的. 地方都闊落 有房的 都可以坐到好多人. 有好多小食可以叫 手拍青瓜 木耳 炸墨魚餅 雞腳 等等都幾好食 個炸墨魚餅係好出色的掛住食 唔記得影相同埋上得超快. 跟住我地叫左刺身 好新鮮 勁甜仲要有龍蝦刺身！其實我覺得好難得係香港食到好食既龍蝦刺身食完刺身. 就食長腳蟹.. 又係好好味跟住就打邊爐啦其實已經好飽 都係可以先飲湯 後打邊爐佢d丸好好食 又係食 唔記得相機食先.. 記住叫牛 叫丸

想話只是第一次，不會有第二次貴得黎又唔飽😤“867元就唔太值只是環境好少少only但係屋邨附近開咁高檔嘅火鍋🧐，未必得囉，附近有d餐廳有火鍋任食價都係250多左右一位bad, 解釋下個867元係咩先1.番茄卜卜蜆湯1682.一“杯“菜483.一“杯“菇484.8條魷魚so 685.加拿大手切肥牛一碟10多塊@1985.珊瑚x 1386.豆腐48（同百x豆腐冇分別）7.茶芥3大1細@72加一服務費79如果閣下只喜歡環境好而不在乎食物就ok嘅“但係我相信冇人會想俾人⚔到一頸血😂😂

食物一流，環境舒服，員工好有heart，個個都快手快腳勤服務客人，各樣丸類材料足料樣樣出色，肉類、海鲜類非常新鮮，湯底款式多，醉雞鍋、烏雞鍋超正，飲完暖意在心頭，一行17人，吃了一個飽足的晚餐，老人家大讚好，食材新鮮也是值得推介，下次也會再光顧

上星期見天氣凍凍地就想打邊爐，見到新開就去試試，安排左我們坐房，點知原來唔單純食靚裝修，仲有食物非常新鮮，先點了烏雞湯底，好好飲，全部飲曬再加湯，另外再點無味精豬骨煲，豬骨好食唔肥,其他食物都好味，炸魚皮仲點左2次，自家制雲吞大大粒，水餃🥟都大大粒，手切牛，好嫩，肉味濃，象拔蚌刺身好新鮮，仲有海鮮聖子同帶子好鮮甜，做最後叫左個大椰青，家人都好滿意，可能新開張，員工都比較忙，人手比較緊張，但其他都好滿意，好快會再次光臨！