芯 (已結業)

Working day lunch，１個人吃！在銅鑼灣廣場逛了一圈，UCC、Outback Steakhouse都客滿且門外蠻多人在等，逛了一圈，準備離開時，在扶手梯口，看到「芯」對店名有印象，在Open Rice看過，網民評價挺高的店，有位，walk in。午市套餐選擇很多：#大阪燒，商家主打產品#鐵板牛扒#釜飯#和風料理我對大阪燒興趣不大，點了原條鰻魚釜飯，定價118元，是餐牌中比較貴的菜品。#賣相，原條鰻魚被切成３段，也不知道是不是原條！#鰻魚不夠肥美，一般！#米飯，好吃！應該是日本米#配菜，一般！普普通通的一餐！

冇得去日本唯有香港試下D日本既美食啦，今次就黎左銅鑼灣廣場一期既"芯"試下佢既招牌菜式 - 大阪燒👍🏻😋 有樣野真係要讚下，小店係客人坐低左既時候每位客人會獲派一個放口罩既信封，呢樣野非常貼心，值得一讚 !!👍🏻💛🎌正宗大阪燒 ($42)味道都好接近日本食到既大阪燒，份量都好足好大份食完都已經7成飽喇🤣🤣🍝明太子意粉 (加$20)味道唔錯既，略嚴有少少重口味左D。🍛滑蛋吉列豬排丼飯 ($88)吉列豬排都炸得唔錯，份量都係大大份幾抵食👍🏻😋。🍜去骨雞排配日本照燒汁配湯烏冬 ($78)去左骨既雞排顯得呢間小店都幾為客人設想，照燒汁味道唔錯既👍🏻👍🏻 

咁啱去開銅鑼灣，又見到附近有間大阪燒舖頭，就同朋友黎試下。座位幾好坐，店員超有禮貌。我同朋友分別嗌左︰日式咖哩雞肉配白飯、香蔥煎蛋大阪燒。然後有麵豉湯同埋蜂蜜綠茶。我朋友仲加左個沙律。MenuMenuMenuMenu日式咖哩雞肉配白飯香蔥煎蛋大阪燒日式咖哩雞肉配白飯︰平時出街食通常都唔太夠咖哩撈飯，呢間舖既咖哩就好夠。蘿蔔好甜，而且唔會爽/硬，口感幾好。有幾舊爽口既，似係蓮藕。雞肉好滑，美中不足係有少少軟骨。咖哩幾香幾好食。香蔥煎蛋大阪燒︰好少可有蔥+煎蛋既組合。幾足料。隻蛋煎得好靚，可惜既係醬油味略重，蓋過左蛋味。順帶一提，咁啱見到隔黎有人食廣島燒，超級大份，感覺上好足料好飽。總括黎講，環境幾好，店員好有禮貌，服務幾好。食物唔錯。

超久沒吃日式大阪燒，來了出名是平民價的良心日式小店打算試一下大阪燒。先點了海鮮大阪燒配明太子忌廉意粉，意粉帶點wasabi味好特別令味覺昇華了。大阪燒內有蝦和魷魚，但味道不算很出色，有點太過糊狀沒有很好吃。個人比較推介美國黑安格斯封門柳 (NR)，價值不貴但牛肉肉質嫩滑有彈性，肉汁鎖住牛柳很入味。如果大家來的話建議試試牛肉不錯。

Lunch time喺銅鑼灣有嘢做所以就順便搵下附近有咩食，OpenRice睇咗一陣就見到哩間幾有特色嘅小店，所以決定入去試下😋其實佢有午市套餐都有主餐牌嘅套餐可以嗌，但一心為咗食大阪燒嘅我就冇叫到午市套餐🤓而主餐牌嘅套餐都有跟麵豉湯/飲品+前菜架🤪驚唔夠飽嘅仲可以加錢要埋意粉/烏冬/沙律😝• • • • •🧚🏻‍♀️正宗大阪燒🧚🏻 [$42]第一次試哩間所以決定試咗正宗嘅大阪燒先😙大阪燒唔算大份，但加埋意粉嘅話份量啱啱好😺大阪燒嘅粉漿唔會太糊，入面嘅配料都幾多😹但覺得佢上面嘅豬肉片有少少硬所以有啲難切開🐖如果可以調較返啱火侯同埋再整厚多少少嘅話應該會再好味啲👻上面本身已經有好多大阪燒醬/沙律醬/木魚碎，但佢張枱都仲有枝沙律醬同一碗木魚碎，如果好似我咁重口味嘅人可以自己加到夠為止😆.🧚🏻‍♀️明太子忌廉意粉🧚🏻 因為得大阪燒驚唔夠飽，所以跟餐加錢要埋明太子意粉😜本身以為係普通嘅明太子意粉，但食落先知原來係有Wasabi喺入面😂本身食頭兩啖嘅時候都覺得仲ok嘅，但食食下啲Wasabi味就開始攻出嚟🤭搞到我同朋友都一路食要一路飲嘢先得🤣因為我同朋友平時都唔係好食Wasabi俾唔到啲咩評價🙈如果

好鍾意食大阪燒但坐底食嘅好多時都唔平，估唔到喺銅鑼灣搵到抵食大阪燒😍仲要冇乜人，唔使等位～我同朋友分別叫咗香蔥煎蛋大阪燒同海鮮大阪燒，每個餐四五十蚊仲要跟前菜嘢飲，超夢幻！每個大阪燒份量唔係好多，但呢個價錢嚟講算好抵食，個餅唔會話好削，配料都算多！調味都做得唔錯，可以解吓我嘅大阪燒癮。兩款入面我比較鍾意香蔥煎蛋大阪燒，好惹味☺️嘢飲試咗蜂蜜綠茶同麵豉湯，麵豉湯意外香濃，蜂蜜綠菜難得係綠茶加真蜂蜜（唔係包裝好嘅化學茶），有香甜蜜糖味，茶味則稍有不足。唔夠食可以追加麻醬冷烏冬或者明太子意粉，都係加廿零蚊！烏冬我冇試，明太子意粉可惜一般，唔太夠汁，亦冇咩明太子味。真係餓嘅，叫多個餐都抵🥰最後，呢個時候仲會貼少量文宣，其實都係有心手足嚟，店員服務態度都好，會再嚟多多支持💪🏻

有次想去銅鑼灣廣場的放題店時，經過這間大阪燒小店，想著香港不多這類專門吃大阪燒的店，價錢親民，可以一試吧！這次晚飯時間來到，人不多，直接可以入座。點了一份海鮮大阪燒和一份香蔥大阪燒，另外加點了一份胡麻烏冬和一份明太子忌廉意粉，附送甜品和味噌湯/飲品，每份餐也不用$70，非常抵食。兩份大阪燒中，香蔥口味最好味，啖啖蔥味和麵粉香味非常夾，麵餅邊邊有一點點焦香～由於我不吃海鮮，蝦子都讓朋友吃了，據說味道也不錯，但同樣認為香蔥更棒！烏冬和意粉味道正常，但比起大阪燒便有點遜色，建議怕不夠飽的人點大阪燒+鐵板燒，相信燒物會更出色～整體來說，餐廳環境舒適，店員人數不多，但忙碌之餘態度十分友善，加上食物質素不錯、CP值超高，應該可以經常encore～

和朋友提起有次行過，這裡開了間新店「芯」，所以要來試試看好不好吃。食評～美國安格斯側腹橫肌牛排其實是牛肩膀的位置，味道很好，但上碟時有點傻眼，因為...實在是太細件，職員說這個位置是真的細件的，如果是西冷扒會大件啲。幸好我們有點其他食物，否則不夠飽。海鮮大阪燒很好吃，但沙律醬是已經預先放在枱上，按自己喜好放多少沙律醬，這個挺貼心的。不過不明白點解會有蝦頭一齊上碟，奇奇怪怪。滑蛋吉列豬排丼飯吉列豬扒很脆口，也不乾，滑蛋略嫌太少，也不夠濕，整體還是好吃。麵鼓湯沒什麼特別蜂蜜綠茶來的時候還以為是麵鼓湯，我們都笑翻了。湯烏東是扁麵，很淋，一點都不「煙un」，有點失望。

琴日下午我一個人去銅鑼灣廣場買少少野，經過見到呢間日本野平平哋就入去試吓啦，叫左海鮮大板燒，啲海鮮唔新鮮，味道就一般啦，都唔難食嘅，本身我無諗住寫食評，所以無影到相，可能係新開左無耐，店內環境都唔錯，不過係坐得比較迫，好彩我去果陣咁啱無乜人，所以我覺得都ok, 我食食吓無意中聽到啲店員係度傾計，先知自己幫襯左間藍店，早知食第二間啦，唔怪之得咁靜，無乜人幫襯啦，不過可能都係無乜客，啲店員先會傾呢啲話題啦

一黎到餐廳門口見好多人排隊 令我滿心期待 由於openrice 熱門食物係大板燒 所以一口氣叫左2款 結果有d失望食物賣相不錯 但味道一般正宗大板燒其實係一堆粉漿夾住‘豬’味好重ge豬肉片🐷 最不可思議ge連係沙律醬都幫吾到佢加分 胡麻醬涼烏冬麵d烏冬幾彈牙 但胡麻醬好少所以好乾 乾到痴埋一舊舊 海鮮大板燒就係唔新鮮ge蝦加埋粉漿同一堆醬料至於明太子忌廉意粉 由於同行ge朋友一口氣食晒 我連試ge機會都無 所以唯有當佢好好味啦 另外我地仲叫左一客一口甘薯 賣相正常味道正常 (太正常所以無附圖🙈) 但價錢好吾正常 20蚊10粒 去邊搵呀兩個人賣單一人80蚊 如果budget有限 其實都可以一試 ge P.S. 隨餐附送ge薯仔沙律幾好食 (相入面好細果碟)

經過銅鑼灣廣場一期，發現呢間日本菜小食肆，叫咗個一人前套餐，慢煮牛好入味，有口感。鐵板蝦加上炒雜菜，好食。最後食埋嗰抹茶雪糕，大滿足。食肆仲有多種不同日本菜美食，下次一定會再試埋佢哋。

2019年12月25日因為好肚餓。周圍都勁多人排隊。而呢間冇人排隊。我見咁平。又冇人。心諗都可能係伏黎。但太肚餓就份左黎食。以價錢黎講。真係抵到一個點。我個人覺得冇特別既沙律。普通既菜有啲太咸既牛。最好味既蝦。偏重味既鰻魚飯。綠茶味。豆腐味。以佢呢個價錢黎講。我覺得真係超級超級抵食。一黎係聖誕節。好難有咁既價錢。我仲加左十蚊特飲。冇特別。加唔加都得。由於佢好抵食。所以佢係太咸太重味都得到我既好評。

今日下午茶行行吓嚟咗呢度食，第一次來黎。見到$35已經覺得冇得輸，靜靜地，環境好坐，侍應好動主，我想要wifi佢都有。食物不錯，食得過👍🏻 枱上面有木魚同蛋黃醬自己加，大阪燒如果更多有更多椰菜口感會更加好！叫左兩個餐，埋單$70，真係好想比$100佢唔洗找🤣👍🏻

原本和同事UCC, 仲諗住開完會1點半，唔使等位，點知去到，內部裝修，11月才營業。仲諗住食薯蓉，同事諗住飲咖啡原本想轉場去Hesheat,不過見到呢間，試下$58一人餐包飲品，免加一，好飽，飯加燒餅。燒餅質素可接受

呢度嘅烏冬就咁用 麵豉湯溝滾水就算仲求其過放題但係餃子又真係幾好食佢嘅一口牛就唔掂啦 又乾又冇味你睇落去好似好多粉有味咁係冇味嘅令我諗返起美女廚房嘅嘢食冇味嘅喂我係咪冇咗味覺呀佢嘅雞蛋大阪燒無庸置疑係幾好味嘅都幾足料可惜個蛋係全熟嘅佢最好食竟然係個明太子蛋捲yummy so creamy不過你要 叫個餐因為係跟餐嘅咁你咪食個大阪燒囉呢個場呢好多嘢都係要自助嘅不過啲樓面見到個場冇人 都自動自覺幫我拎啲嘢過嚟都會返嚟食嘅