芝樂坊餐廳

去到cheesecake factory除咗要點主菜之餘，埋尾當然少不了點件cheesecake補刀啦。今次試咗Godiva朱古力芝士蛋糕，大大件之餘質感厚實丶味道濃郁，蛋糕面頭再加一塊Godiva 朱古力做點綴，感覺檔次又提升一層。其實作為朱古力蛋糕，佢濃郁嘅朱古力味道簡直係無懈可擊。但作為芝士蛋糕，朱古力味完全蓋過芝士味，呢點就有啲可惜。更可惜嘅係，每次餐點都大大份，食完主菜後，即使兩個人share一件蛋糕都會食剩。下次應該留多啲肚，或者剩食蛋糕配咖啡，咁就perfect啦😋

紅絨芝士蛋糕辣肉腸芝士pizza雞肉蝴蝶粉仲叫左個水牛城雞翼。唔好睇叫左呢4樣嘢，好像好少，其實餵飽到4個人的胃。可能係美式餐廳，每碟的份量都不少，再加上黎到要食下個芝士蛋糕，所以鹹味食物叫左三樣就收手。可能口味唔太適合，個人感覺個水牛城雞翼係好好好鹹，鹹味大於雞翼的辣味！食完要飲好多水，所以呢一款食物就唔推介了。另外黎呢到食要預早黎排隊攞位，我地6點15到，6點半派位，按返票上顯示要8點半先有得入座，好在附近有海港城，行下街打發等侯的時間。

Cheesecake factory已經開左一段時間，平日6點幾黎到都仲要等位等成個鐘...同朋友一場黎到，大家都好想食咁唯有等下啦。入面路又闊座位又闊，坐得好舒服，而且燈光暗暗地有幾分情調。餐廳免費提供麵包俾客人，一款普通軟法包一款黑糖包，再配碟牛油，係非常好食！暖暖地，外面脆裡面軟熟，咬落煙煙unun，特別係黑糖果隻，甜甜地，未落單已經食晒。朋友好鐘意食carbonara，所以係必叫，跟住我地揀多個burger食...順便再添麵包。店員話食物份量好大，burger係出面既double，建議我地唔好再添包😂但我地堅持要食，佢都冇我地乎carbonara ($168)美國野真係大大碟，呢個絕對係4人份量。面頭既cheese係需要同waiter request，佢會拎舊芝士出黎磨俾你，多啲少啲同佢講就得。個friend講到咁好食，我急不及待要試下，個汁比平時食既更加creamy，煙肉亦比平時既多，加埋面頭啲cheese，味道濃郁香口好多。鐘意重口味一定會覺得呢到好食BBQ Burger ($158)佢個size又冇waiter講到咁誇張，都係同平時食burger既地方差唔多（當然同m記冇

放假緊係要食好野架啦～我地避開左lunch hour，2點左右去到餐廳，唔洗等位，即係入！正！(平時人頭湧湧，見到都知無得食😂)我同朋友每人叫左一個Pasta Lunch Set，包左一個Pasta+coffee/tea/green salad/soup。如果有埋黑糖麵包就更好啦！因為佢既黑糖麵包好好吃架🤤Green Salad非常開胃👍🏼個source酸酸甜甜，做前菜非常合適餐湯係周打蜆湯，同樣非常出色💕一睇就知好多料，唔似平時既餐湯咁浠，口感較厚，香濃既味道令我非常之深刻，因為好少餐廳會有咁高質既湯❤️主菜揀左雞肉蒜香檸檬忌廉意大利幼麵同烤蒜雞肉蝴蝶粉。前者朋友覺得較酸，不過我覺得咁樣開胃啲，加上我係cream source既忠實粉絲，呢個配搭好新鮮☺️味道都唔錯！後者味道有啲似中式既source，可能係因為有紅椒同黃椒，味道屬偏濃。雞扒略嫌有啲薄。整體味道唔錯意粉份量都幾大，加埋黑糖麵包就更好啦！

The Cheese Caske Factory 開左咁耐，每晚都仲係有咁多人排隊，等位兩個鐘係基本，我以為香港人貪新鮮所以日日排姐，但開左咁耐都仲排緊應該都有d實力。但我實在冇時間排咁耐隊，所以我淨係等佢臨收工前去食個甜品， 我夜晚大約十點鐘去到排咗15分鐘就可以入得啦，入到去先發現原來間舖好大個喎 !!😯😯😯我哋兩個人叫咗一個原味cheesecake，一個雲呢拿味cheesecake原味比想像中淡口，同埋原來佢個質地係濕濕地軟軟地嗰種，個cream就好好味，另外雲呢拿款我鍾意食多d可能味道多d層次差不多$80呢個價貴左少少

呢間餐廳又係好出名嘅，而我最耐一次係試過排隊排兩個幾鐘。就係想試吓究竟佢有乜嘢特別！！好彩今次都係等左大半個鐘頭，同朋友總共三個人一齊去食，叫咗幾份主食，包括薯球、意粉，同埋一個拼盤。意粉好高質，醬汁多，份量大，三個人絕對夠晒食。另外拼盤同埋薯球可以歸納一齊講，味道都唔錯，大致中上水平。當然最後我哋仲叫咗一個甜品，亦都係餐廳主打嘅芝士蛋糕，而且係海鹽焦糖芝士蛋糕。由於芝士本身比較漏，所以三個人一齊食一件其實都已經好足夠。

The Cheesecake Factory has already been opened for a while but it was not until recently I visited to avoid the queue. The queue was not as long as it was when it first opened but still it took me 45 mins to get a table. The pastas were all in American food portion so two dishes of pasta together with one slice of cake is already more than enough for three girls. The red velvet cake was yum and in a good portion size but it was quite expensive when you put it into context of eating in HK.The ser

原本聽佢個名以為佢正係可以食cheese cake，但原來係一間食西餐嘅餐廳，而且好出名好多好評。約左個朋友黎食，點知超多人排隊，所以等左9個字多啲，所以如果想食嘅朋友一定要預咗排隊，所以係未肚餓嘅時候好開始排隊喇。一入到餐廳就見到有幾十種唔同口味嘅芝士蛋糕，真係好想試晒所有味，超級吸引！😋麵包外脆內軟，而且有兩種口味，左邊嗰個比較硬，仲有啲花生起面，而右邊嗰個就類似法包，兩個都暖暖地，再揸埋牛油真係一流，最吸引嘅係佢啲麵包係無限添加，真係無得頂👍🏻👍🏻👍🏻蟹餅既皮好脆，但唔會太厚覺得制。內餡滿滿既蟹肉，而且好重蟹味，配埋他他醬真係好正👍🏻呢個意粉真係好好食，首先佢有蒜味加檸汁黎做汁，令到佢個汁唔會太制之餘亦唔會太寡，仲酸酸甜甜，令人非常開胃。雞肉亦非常嫩口非常滑，令人有一食再食既感覺，之後佢有蕃茄同一啲香葉黎調味，令到成個粉個層次味雷再昇華。超值得推薦👍🏻👍🏻但佢個份量好多，所以食得唒先好叫。呢個Pizza真係乜都有，有辣肉腸，普通肉腸，蘑菇，蕃茄，黑水欖同大量芝士。但同普通Pizza冇分別亦冇乜特別，但都好食同埋好飽肚，最重要佢個批唔會太薄太厚，呢個好值得讚👍🏻佢有好多款蛋糕🍰每款

晏晝三點幾去，等左40分鐘先有枱。服務員態度好，一叫佢佢就會問你需要啲咩。食物好快就有，order完約10分鐘就到。Cheesecake有另外一個櫃，可以比客人出去睇，然後先再落order👍🏻食物全部都好大份，所以唔好叫咁多，無謂做大晒鬼🤣雖然佢哋出名cheesecake，但我覺得唔係特別出色，之不過佢哋有好多款式，得閒去試吓都OK。餐廳環境佈置雖然好高貴，但係食物比較似美食快餐，所以呢個價錢來講唔太值。

每次去呢間cheesecake factory 都係要排好耐隊，所以每次我都只係會買外賣cheesecake返屋企食。第一次試咗佢個原味芝士蛋糕之後就返唔到轉頭，因為真係好重芝士味又creamy好好好好好好食！而家每一次嚟到都係只會叫原味芝士蛋糕。每次都好想試其他未但係每次都比佢個原味芝士蛋糕吸引左，下次想試吓佢嗰個godiva朱古力芝士蛋糕同埋下次希望唔使排隊我哋可以試吓佢嘅正餐但芝士蛋糕一定要食。

係人都知對cheesecake factory最好食嘅 唔係佢堂食嗰啲熟食 而係佢個芝士蛋糕 咁今次肥雞呢就係the cheesecake factory到外賣打包咗兩種芝士蛋糕返屋企食 其中一款當然係the signature啦 即係原味芝士蛋糕 配上一劈好厚嘅忌廉 佢嘅芝士蛋糕唔使多講 一定係肥雞食過所有芝士蛋糕之中最香最龍嘅 而且今次肥雞嗌多個 朱古力芝士蛋糕 反而呢個肥雞覺得冇咩特別 雖然今次係打包返屋企 但係整體上同堂食嘅質素都係一樣

呢度點都係抵件夾大食，但真係要識得叫，要識食，同埋(珍)惜得食，食唔哂，一定要打包。兩個人，冇理由次次都係食nachos同埋不乏撈泳，今次無坐bar枱，叫左eggroll sampler同埋Louisiana chicken pasta。Eggroll sampler有四款口味，除左雞肉個味道做得好之外，其他都係麻麻地，同之前一樣，牛油果個款最唔討好，牛油果足夠，但係果皮已經林晒。個蝴蝶粉同想像中嘅味道一模一樣，香，少辣，汁夠杰身，雞扒夠薄，炸得夠香脆，好好！唔貪心，食剩半碟，打包番屋企聽日食。

8/10.2019食到飽飽的過年，今晚挑戰出名排隊同大份量嘅cheesecake factory!530到cheesecake factory 已經有好多人排隊拎飛。好彩地等左30-40分鐘已經有檯，都算快😁建議早d 去如果唔係miss 左呢 round 就要耐好多啦。來個餐包，見到openrice 其他人都介紹，果然唔錯😋😋buffalo wings 因為太鹹有d失望啦。。😔成晚最好食嘅lemon garlic prawn. 酸酸地超級開胃。上次都試過個lemon garlic pasta, 又係無敵的。超級推价❗️蝴蝶粉都唔錯，但正如上面所講，lemon garlic pasta 正好多😋everyting pizza 都有d 失望。。可能已經食到好飽，食到有d 漏🤭又點可以小cheesecake 哩？堂食果然係好食d, 雪到溫度啱啱好，食落無得弹超級滿足的一餐，記得要叫frd 黎食多d 啊

這間人氣餐廳開業了已一段時間，一直都沒有時間和因爲之前太多人排隊而放棄，今日有時間和幾位朋友星期日4:30來到，不過都要等45分鐘，先排隊登記，侍應就會給一個呼叫器，但這個呼叫器沒有登記任何電話，如其他人別有用心，可能會取了不還，我覺得這是美心集團旗下，應該可以有更好的方法排隊等候。我們入座後看見餐牌款式都很多，最後點了夏威夷盛晏沙律、卡邦意粉、雞肉Pizza、桃沙冰、奶式、松露朱古力蛋糕塔、焦糖芝士蛋糕、檸檬芝士蛋糕。夏威夷盛晏沙律 - 份量超多，味道新鮮。卡邦意粉 - 份量和和隔離檯明顯偏少，味道有點普通。雞肉Pizza - 不過不失蛋糕用三個字形容 - 甜甜甜總評：名氣大雨點少。

一大班friend想坐低傾下計，芝樂坊真係一個好選擇！第一次係2個人來，發現D份量好多，食唔哂。今次就同一大班朋友來，可以揀多好多野食！6半去到又係見到好多人排隊，去到拎枱我地有8個人，竟然咁啱立即有枱！叫咗薯條，粟米片，意粉同pizza，樣樣野都好有水準。食完傾多陣就揀我最愛嘅甜品，爭扎咗一陣叫godiva定西檸cake，因為飽飽地，所以揀咗後者。果然無令我失望，味道好清新，好開胃！環境，氣氛同食物都有質素，唔洗等位的話，值得一試？(之前試過3個人，要等2小時)