芝樂坊餐廳

這次部門的團年飯選址芝樂坊，感覺不錯！由於我們人數太多，所以早已預先訂座，並由部分同事提早前往入座、點菜。上菜速度很快，美食份量相當充足。其中最欣賞的是：餐湯——非常足料！湯料（包括薯仔、蘑菇、洋蔥等）非常充足，亦因為湯料有點多，導致湯的口感比其他餐廳的白湯稠，但仍不失為美味的白湯！脆焗釀薯寶——非常香口的小食！薯寶非常脆口，中間釀了芝士、煙肉及香蔥，非常惹味！炸魚薯條——炸魚炸衣尚算薄脆，魚柳尚算新鮮，薯條為粗款薯條，香脆不油膩，略嫌份量少了一點。巴馬臣芝士蒜蓉包——令人非常驚喜的蒜蓉包！麵包口感佳，內裡釀了薄薄的巴馬臣芝士和蒜蓉，各方面的味道平衡得很好！吃過後口腔亦不會殘留蒜蓉的尷尬味道！回頭率100！水牛城雞翼——非常惹味的雞翼，香辣有勁！美味！回頭率200！意式肉腸及蝦粗管通粉——美味的長通粉！鮮蝦爽口，醬汁香辣，佳！可惜芝樂坊的薄餅就相對失色了，瑪格麗特薄餅就只是芝士、蕃茄醬和肉腸，平平無奇。另外還有一點，就是餐廳只有長形餐桌，大伙兒飯聚的話無論是傳菜還是談天都有點不便。

我愛吃蛋糕更愛吃芝士蛋糕，今天來到這家餐廳正合我意。除了主菜的意粉外，我和朋友分別點了一款芝士蛋糕，芝士的香味很特別而且濃郁，配搭其他口味，例如朱古力及藍莓都令人賞心悅目。雖然還有很多其他產品，但真的飽了。相信會來第二次。

第一次是朋友聚會，初嚐cheesecake，當日食的cheesecake同牛油果沙律一試難忘，所以襯假期再黎食第二次，順便試其他菜式。星期日下午兩點多，仍然人山人海，本以為接近tea time，可以等候較短時間，最終等了差不多一小時。職員會比部機仔，話有位就會通知客人，但部機無震過，我們二人逛了一小時左右回去就有位了。點餐後，每位女士必到地方，想定食咩甜品今次點了Everything pizza 和水牛城雞翼，pizza有磨菇、辣肉腸、芝士等配料，pizza皮軟硬適中，好似係外國食的pizza一樣。水牛城雞翼的醬汁，比較似墨西哥風味，個人較喜歡雞翼配紅色的醬，白色醬是濃郁芝士口味亦帶酸味，與配菜西芹比較夾，因為他們份量比較大，waiter都擔心我地食唔完，最後見我地食得哂比個我們，其實可以打包的，最後當然唔小得cheesecake ，是日點了青檸cheesecake，我個人覺得較酸，但同行友人反而覺得好清新，不過總括黎講，喜歡芝士的人一定會喜歡芝樂坊的！

聽左好耐人地話正正正。人地話排好耐，今次我故意平日下午去，又唔洗點排，但平日經開晚上九點幾都勁多人。。份量好多，味道有點膩如果食哂的話。。幾個人share 就非常好了。。。但cheese cake 真係好正。。。如果鐘意無咁甜的話就叫返原味好了。。焦糖真係好甜。。但好似我咁中意食甜就岩哂。。其實仲有好多隻味。。下次要再試下其他。。

同好姊妹食完正餐, 有人提出欠缺一點甜😂甜品始終係由另一個胃所容納, 無論正餐食到幾飽, 人體真奧妙🤩要排cheesecake factory 堂食至少四十五分鐘以上, 幸好cheesecake 另外提供外賣自取😌一大班食客圍住蛋糕櫃左揀右揀, 我地都偏好朱古力🍫, 三個人打算叫兩件share 😋Oreo cheesecake 比較甜, 好彩有件coffee and cream 中和一下美國嘅重量級甜品, 食幾啖已經有d膩😅幸好戰友們都順利將兩件cheesecake 完美KO 大家先滿足咁散去😌

平日夜晚黎食 都等左半個鐘到 好彩附近有野行下 裡面坐感覺偏暗 menu都有幾多選擇 真係睇左一陣先叫到野 Nachos - 見到係主打野實冇死 一黎到真係哇左聲 一個蒸魚碟咁大!! 綠色個個係 avocado 白色個個應該係sour cream 每一塊nachos都有芝士 好邪惡黎完個 nachos 又食完佢d包 我地兩個已經飽左5成 燒春雞一到 又係蒸魚碟咁大 份量十足 不是d肉有小小老 薯泥反而幾好食 仲有薯仔皮 Oreo milkshake 飲落似好多orea打碎加小量奶 好甜好流Mai thai 主打cocktail 一開始飲落一般 耐d唔錯 Raspberry lemon cheesecake cheesecake底林 加埋d whipcream食唔錯 除左野飲同cheesecake外 其他野都要打包 如果一兩個食真係叫一個main就夠

The Cheesecake factory在尖沙咀已開業一段時間，甚至連便利店都出埋cheesecake factory既芝士蛋糕，可謂人氣爆燈！想食左好耐，但每次門口都排左超超超多人，莫講話係閒閒地要等2個鐘，係直情拎飛都拎唔到，因為會full左！適逢老公快生日又遇上放假，決定5:45就黎會一會佢，終於唔洗等！（但食到一半大約6:30已經坐滿晒人！）一入門口既cheesecake櫃真係好吸引，會令你未叫野食已經在考慮叫邊款蛋糕🍰！前菜叫左炸蟹丸（迷利版蟹餅），因為知道呢度既菜式全部好大碟，所以我地都唔敢叫蟹餅，驚食唔晒，所以退而求其次揀呢樣！上菜時熱辣辣，但食落唔係特別重蟹味，唔太驚喜。墨西哥乾辣椒雞粒長通粉👍🏻👍🏻👍🏻呢個長通粉非常好食！十分驚喜！個醬有芝士味，配埋長通粉，汁會掛上通粉及流入通粉內，咬落會流返出黎，質感好正！個汁又唔會太膩，而且起出面係食唔到呢個味，絕對值得一試！！乜都有薄餅，芝士足料，拉絲效果出眾！平日唔能夠食多過2塊pizza既我都食左3塊！不過真係好大份，2個人食既話食完已然好飽！輪到餐廳重點———芝士蛋糕！老公生日所以佢點既寫左生日快樂🎈🎉佢果款朱古力味好

以為過左個熱潮, 我地四個人食..點知今時今日都仲要等一個幾鐘...四人食, 平日夜晚6點鐘開始排, 7點半先有位 . 肚餓既就打底先好排...其實今次食第3次..如果吾識叫, 真係幾伏..我都試過一次.. 所以最好叫之前問下WAITOR 意見.. (有D吾識講中文(佢話). 所以有心理準備要講英文)1) 雞肉牛油果SALAD ($3XX)佢講MENU 有2個牛油果SALAD, 我叫最貴果個.. 好味但嫌偏貴... 不過坐落黃金地段, 食鋪租價囉2.意粉 -普通,所以吾寫食後感啦.提一提叫佢地加芝士.. 佢D芝士比第2 D西餐廳靚芝士. 3. 巴馬芝士香草雞雞肉剛剛好, 吾粗口. 連旁邊D薯蓉都好好味..4.原味CHEESECAKE未食過CHEESECAKE 等於未去過CHEESECAKE FACTORY.. 叫黎又可以免費寫字玩下. 總結: D野好大好多.美國SIZE . 大家就住叫.  依D食環境LOR. 我個人覺得食物味道COMPARE  WITH 價錢都吾算抵食改善地方係. 吾係好夠WAITOR. 叫好耐先有人應...可能地方大。。。。

工作得咁辛苦，放左工梗係要食餐勁既補數啦！常言道：「甜品是女人的第二個胃。」同時食甜品都係減壓良方，所以我好鍾意食甜品獎勵自己。呢間餐廳食cheesecake 出名，同時亦有好多款cheesecake俾你簡，令我好有選擇困難症，唔知簡邊款好！諗左半個鐘，終於簡左檸檬芝士蛋糕，檸檬的清新加埋芝士，令我本身胃口不佳，都食多左幾啖！呢間好多人排隊，我地都等左成差不多45分鐘先入到，不過食佢甜品都值得既！不過佢d小食同粉好大碟，一碟都有2-3人的份量

週五晚六點半，三五知己聚會，去到門口已有人龍排隊。幸好等待時間只十多分鐘，比想像中快。入座需過半人到場，接待的是一位白人工作人員，很有活力、熱情的接待。餐廳氣氛燈光較暗，座位寬敞，枱也很下，所以坐得舒服。小孩子也有高椅提供。食物質素高，點了意粉、拼盤、nachos 令人吃不停口。另也點了飲品，當晚我的朱古力奶昔，令人感動。不過有點膩，可能主菜點了太多煎炸的，所以跟甜點一般的奶昔不太配合，而且太飽了也吃不到蛋糕甜點。

早已聽聞這家餐廳，內容多是談及排隊時間很長，因此從未打算光顧。近日朋友提出來這裡吃飯，而約定時間前的個多小時沒事情做，先回家再出來也是浪費車錢時間，於是來排個隊也無妨。到步後服務員給予一個電子牌，輪候到我們電子牌會發出震動提示，由於離開餐廳超過15米收不到信號，我們只好一直站在餐廳旁邊等候，餐廳也沒有顯示輪候數字，要詢問服務員才能估計等候時間。餐廳晚上不設訂座，當日是星期三晚上，我們等候約40分鐘才能入座，估計星期五晚上及周末等候時間更長。餐廳入眼是一片黃，暗暗的環境下四處亮着黃燈，這種黃感覺特別顯懷舊，餐廳裡採用的花紋圈線也似是七十年代電視劇裡曾出現的裝潢風格。餐廳環境熱鬧，我覺得這裡像是什麼地方又說不出來，忽然朋友說像夜總會，我頓覺一矢中的! 這種環境頗有昔日夜總會格局或是舊賭場的氛圍。餐廳指定動作的餐前麵包設有兩種口味，一種是普通麵包，另一種疑似是黑糖口味，甜度很輕，我覺得還需要多一點甜才能發揮黑糖的味道。兩種皆是硬麵包，我平常也愛吃硬，然而這裡的有點硬過頭，不過配送的牛油挺香，厚厚塗着一層吃也不錯，但是胃口不大的人還是別吃，這個還不值得佔去僅有的食量。薯寶算是我兒時回憶的一小部

每次想食大大碟意粉，或者大大件蛋糕🍰呢度就係最好選擇。美式餐廳食飯有樣好，份量一定夠滿足夠飽，平時其他餐廳叫個意粉幾個人share，每人分一啖都唔夠，食完到喉唔到肺，好唔滿足，但呢度就唔同，樣樣野都大大份，睇到就開心😋仲未計門口個大大個蛋糕櫃，蛋糕款花多眼亂，選擇困難症的我揀左好耐先揀到😂不過憑良心講我個人唔太好咁多cream又膩的蛋糕，而且食完正餐之後食一定食唔落，所以如果要食我會prefer外賣件蛋糕返屋企慢慢嘆🍰

好朋友生日食完燒肉就行左過黎海港城食cheesecake factory, 兩個人每人叫一件蛋糕同一杯咖啡繼續傾心事💕💕💕我地叫左檸檬忌廉蛋糕同oceeo朱古力蛋糕，Latte同Mocha。 兩件蛋糕非常足料,share食建議揀一款甜（Oreo)一款清新（檸檬）因為真係好大好漏，唔太餓嘅兩個女仔食一件cake應該岩岩好。 Latte同Mocha面有一層厚厚嘅cream勁滿足，可能cake相當甜所以唔係好得出咖啡嘅甜味😂

呢間一直想試佢地既甜品、蛋糕，畢竟芝士蛋糕係我至愛，但怕友居然話約埋食晚飯，我之前真係唔知佢地有西餐，結果點左意粉、炸魚，相當有水準，最後當然要點埋芝士蛋糕同甜品，味道真係唔錯

一直想吃這間，但每次來到也大排長龍！最近可以拿籌，加上平日有時間就來試下。星期四的6:35pm到達無乜人，說取籌等20分鐘有位，朋友都是大約7點到就剛好！用餐時間兩小時。餐廳環境較為昏暗，有點美式懷舊感覺，可是敞大的環境很應聲，傾計也不能太細聲。食物偏向大碟，份量十足！好在沒有一口氣點太多！因為想吃他們的芝士蛋糕🍰🍞黑糖餐包好味！一定要試！很鬆軟芝樂坊沙律🥗（blue cheese另上）很大一盤，雖然外表似炒飯，但幾好食。我地怕blue cheese太重味，waitress 說可以分開上👍🏻喜歡Cheese的朋友食個blue cheese，說味道不錯不是很濃！水牛城雞翼（辣汁另上）份量很多，雞槌雞翼共有十多件。可是不是我地心目中的那種。後來其他朋友告訴我們，原來有3款都是差不多名的⋯⋯乜都有pizza🍕大推！餅皮烤得很香脆！下次也想試其他pizza！芝士四重奏長通粉🍝這個芝士味不岀，一般般。Oreo cheesecake 🍰比一般切餅大件，很甜，不過share食幾好，愛甜者可以一試🤗因為份量都大，所以多人去吃會好一點，不然就可能吃剩很多，或試得不多呢！如不用等位，是可以再吃了