芝樂坊餐廳

紅絨芝士蛋糕辣肉腸芝士pizza雞肉蝴蝶粉仲叫左個水牛城雞翼。唔好睇叫左呢4樣嘢，好像好少，其實餵飽到4個人的胃。可能係美式餐廳，每碟的份量都不少，再加上黎到要食下個芝士蛋糕，所以鹹味食物叫左三樣就收手。可能口味唔太適合，個人感覺個水牛城雞翼係好好好鹹，鹹味大於雞翼的辣味！食完要飲好多水，所以呢一款食物就唔推介了。另外黎呢到食要預早黎排隊攞位，我地6點15到，6點半派位，按返票上顯示要8點半先有得入座，好在附近有海港城，行下街打發等侯的時間。