芝樂坊餐廳

要一家大細去食返餐，平時放工先去就有排等，於是嚟個週未早啲食晏，十二點去到，好彩仲有一張枱俾到我哋。今次叫咗兩個主菜加兩個‘前菜’，重點其實係要食蛋糕。所謂‘前菜'其實都好大碟。好鍾意食Nachos， 呢間係直接放哂醬汁喺粟米片上面，好好味。另一前菜係水牛城雞翼。因為有小朋友，點餐前怕雞翼係辣，但佢哋又好想食。一問之下，醬汁係分開俾你‘點’，於是大人細路都可以食得好開心！四重奏芝士長通粉好香芝士味而唔會膩，小朋友好鍾意。而經典漢堡就肉汁豐富，食落唔會好乾。重點嘅蛋糕就揀咗 ’青檸芝士蛋糕‘ ’Oreo芝士蛋糕‘。鍾意青檸酸酸地，唔會太重芝士味。而個Oreo呢係小朋友點嘅，朱古力味濃，唔會太甜，好味呀。

上星期同兩個好耐冇見嘅姊妹食飯，大家都想試呢間，因為次次黎親都好多人排隊，呢日下午去，都等左最少40分鐘。叫左個炸魷魚，炸得好鬆脆，炸粉唔會太厚，幾好食呢個釀蘑菇，有芝士、香草，幾香！同埋蘑好juicy, 我鍾意食呢個另外叫咗個香蒜雞肉蝴蝶粉，有雞肉、蘑菇、蕃茄、芝士，忌廉汁，唔錯，都好食反而成餐飯最失望嘅係，佢最出名嘅芝士蛋糕我哋叫咗個青檸芝士蛋糕，勁酸！大家食咗一啖都即刻停手唔再食啦！ 好彩叫左一件試下先其實整體食物唔差嘅，環境都ok, 坐得舒服，但實在排得太耐，又唔係好值得

cheese factory 出名排隊排好耐，今次試食差唔多10點先有位坐低，但當上菜之後，排隊嘅病苦當堂無晒，咁就梗係因為啲餸菜太好食啦。呢度嘅蛋糕正就唔使講啦，正都可以當飯食不特止，朱古力蛋糕好味到好似食緊真係朱古力咁。另外值得推介嘅仲有呢度嘅沙律，用嘅沙律醬令人難忘，搭上微微炸過嘅炸雞更係驚艷。最後必試嘅蝴蝶粉，好食到可以每日三餐都食，個汁直頭好味到可以當湯飲，相信試過嘅人都好難唔想試食第二次啊。

The Cheesecake Factory嘅食物全部都好大份😋最適合同朋友聚下1️⃣乜都有薄餅🍕$182薄餅烤得好香脆，材料真係乜都有🥳，口感好豐富!有辣肉腸，意式肉腸，燈籠椒，洋蔥，蘑菇🍄，Mozzarella 🧀，蕃茄醬🍅，黑水欖。🙆🏻‍♀️美味指數:7.22/102️⃣水牛城雞翼🐣$178炸雞翼帶著酸辣醎三種味覺，味道好濃郁!我自己因為食得辣🌶所以相對性就食唔到辣味🙈佢有西芹同藍紋芝士🧀作為配料，我就覺得一啖炸雞翼，一啖西芹就好清爽🤣藍紋芝士🧀同炸雞翼有少少唔夾，好濟嘅感覺🙈藍紋芝士🧀都係配餅乾類正d🙈🙆🏻‍♀️美味指數:7/103️⃣雞肉蒜香檸檬🍋忌廉意大利幼麵🍝 $188呢個意粉超有驚喜😍!蒜香味同檸檬🍋嘅味道出奇地融洽，酸酸甜甜好清新🤤而且唔會覺得好膩!雞肉🐣嘅肉質細嫩，仲有蕃茄🍅同香草🌿點綴。意大利幼麵軟硬度適中，好creamy，令人食唔停口!🙆🏻‍♀️美味指數:7.75/104️⃣無敵紅絲絨芝士蛋糕🍰 $80見芝士蛋糕🍰系列之中，呢個係大熱🔥就梗係要試下!呢個就真係搞唔掂，甜到好少擺沙糖入口咁溜🤡芝士味好濃郁，加上忌廉一齊食增加芝士蛋糕🍰嘅細滑口感。份量比較多，可以一抬叫一個試下就算。🙆

唔係第一次光臨The Cheesecake Factory 芝樂坊餐廳，每次黎都有定心理準備要等待一個鐘，可想餐廳十分受歡迎👏🏼為了慶祝「芝士蛋糕日」，在7月30日至31日推出超值快閃優惠，全店所有口味的件裝芝士蛋糕只需半價就可享用到！今次下午茶時間等待大約半小時便安排入座GODIVA朱古力芝士蛋糕🍫Godiva朱古力芝士蛋糕加上朱古力慕斯，入口雙重朱古力味並且香滑🌝蛋糕裡有朱古力碎，倍加口感非常車厘子GHIRARDELLI朱古力芝士蛋糕🍒上層為車厘子芝士蛋糕，下層是特濃朱古力蛋糕，再配車厘子肉及Ghirardelli朱古力。初嘗幾口感覺有啲藥水味，但車厘子既酸甜味慢慢滲出，中和飽腹感覺餐前麵包🥯兩款包熱辣辣送到，黑糖麵包香軟，搽上牛油絕配👏🏼層層煙肉芝士漢堡🥓🥩🍔🍟烤牛肉漢堡扒上鋪滿熱熔車打及美式芝士、香脆煙肉、慢燒厚切煙肉及秘製醬汁。不可忽視份量是十分大份，牛肉漢堡點了五成熟，肉汁不斷流出，香脆煙肉脆得似食薯片咁又唔會好乾，而厚切煙肉令成個漢堡口感提升，只係略為偏鹹！配料如蕃茄生菜及酸瓜放在碟可供自由配搭於漢堡裡🥬🍅

在星期六的12時左右，一位友人見不用排隊就先進去了，其後3人也在12時半到達。3位友人們都已經在這吃過好幾次了，而小編就姍姍來遲的第一次來拜見這間非常人氣的餐廳！4位女生要了3杯飲品(其中一位說不想太膩所以就只喝水就夠)，一杯Factory Hot Chocolate芝樂坊熱朱古力($48，朱古力味不突出)和兩杯Caramel Royale Macchiato皇家焦糖咖啡($48/杯，面上有cream，怕胖的小編就撥開了它在一旁，焦糖味很突出，咖啡味就一般正常發揮)。Appetizer就要了Quesadilla墨西哥烤餅($98/4件，平均24.5/件，另外有$136的會多了雞肉。打開烤餅，中間放了厚厚的芝士還正在熔化，立即放入配料，有牛油果醬、番茄salsa和sour cream，有這些配搭不會不美味吧！)和Crabcakes蟹餅($188/3件，平均$62.6/件。配以tartar醬，蟹餅外脆內非常軟，輕輕切下去像忌廉，在沾醬時和移到自己的碟時會容易散開掉下，味道是不錯，但蟹味不是很突出，而且性價比有點低)。Pizza就要了The Everything Pizza乜都有薄餅($18

每次經過餐廳都好多人排隊，今日同朋友去拎飛，至少要排個半鐘，兩個人叫咗一個雞肉意粉，墨西哥nachos，仲有一件godiva朱古力芝士蛋糕。餐前麵包有個提子包勁好食，意粉好香香草同芝士味，不過雞肉就有啲鞋鞋地，nachos醬汁同配料超豐富，每塊都好大件，the best nachos I've ever had，絕對會因為呢個dish再返嚟食

前排去左呢間 其實想試好耐 但成日聽要排好耐今次同d fd 11:30就去到 唔洗等直入環境同美國完全一樣 幾有feel 最鐘意係佢個蛋糕櫃🎂 一坐低就有黑麥包 向美國好鐘意食佢 不過香港呢間小小凍左 無咁熱laklak入面軟熟既感覺 我地叫左幾個Pasta 全部都好好食 意粉唔會煮到林哂 最忌 佢係煮到岩岩好 有煙un既感覺 Cobb Salad好足料 食到超飽我地仲試左3個cheesecake 最鐘意係Red Velvet好香 佢既野食全部超大份 超飽 我地6個人每人都係180蚊到 比想像中便！😻

當日6:10左右去到已經有條小小嘅人龍 不過好快拎到飛 大概等左3,40分鐘就可以入座 Menu嘅選擇多到我地兩個選擇困難症患者頭痛左好耐 最後order左3樣野樣餐包落完order冇幾耐就比左餐包我地(上次食嘅時候冇比到 唔清楚係咪送完即止) 個黑糖包超級好食 濃濃嘅黑糖香氣 擺到凍左都冇影響佢嘅味道 就算好飽都想食晒佢 另一款就係普通法包 比黑糖包硬身少少 身為法包愛好者覺得搽少少牛油都好好食Buffalo Wings每一隻雞翼都均勻咁沾上左醬汁 就咁食酸味好出 辣味反而冇乜 個藍芝士醬好濃 加埋一齊食可以帶出一份咸香同減低少少個酸度Carbonara睇落平平無奇 食落好有驚喜 意粉軟硬適中 蒜香忌廉汁好香好濃郁又唔膩 好食程度係同行朋友將每一條意粉每一塊煙肉每一粒青豆都食晒30週年紀念朱古力芝士蛋糕呢個cheesecake好甜好肥好邪惡 朱古力蛋糕好實淨但朱古力味唔夠純 反而蛋糕上面個松露朱古力忌廉味道好純 cheesecake相對輕盈 兩者幾夾 不過食左兩啖就開始滯

平時好少可星期日上午黎cheesecake factory ，一場黎到，就叫左個sunday brunch先有嘅benedict eeg炸雞waffle黎試，再加多個小餐館炸蝦意大利麵試下呢個係炸雞waffle，主角都ok，但係炸薯粒炸到太黑，冇咁黑嗰d都外脆內軟嘅，份量十分高，d炸薯粒最尾食唔哂小餐館炸蝦意大利麵，有炸蝦，有蘑菇，有蕃茄，整體大致味道唔錯，d火箭菜索左d汁十分好食，但食到幾粒蝦唔係咁新鮮，下次都係叫返雞肉意粉

間野係我一直覺得冇可能自己一個人或者兩丁友去食嘅，原因係因為啲食物真係太太太大碟啦，普通香港人好難可以一個人食到佢一大碟嘅份量，最好都係叫埋朋友一齊嚟share特別要提嘅係佢嗰個芝士片，有好多好多料喺上面，連埋啲腸同埋牛油果一齊食真係超級好味，更加罪惡嘅係佢上面仲有好大好大堆芝士，道道菜都係卡路里炸彈，但係真係好好味呀。黎到呢度更加係要試吓佢嘅芝士蛋糕，係美式蛋糕嘅食法嚟嘅，即係點呢？就係非常非常非常甜😂😂😂😂好味就好味嘅但係人覺得好罪惡啊，可能係為咗溝淡佢嗰種好甜嘅味道，佢嗰啲忌廉係幾好食嘅，有豐富嘅口感得來都有少少清爽。我哋就分別帶咗普通芝士蛋糕同埋青檸芝士蛋糕、聽講係人氣之選🥰🥰總體來講就係好食但係罪惡但係會去再去😂🤣🤣🤣🤣

開業到而家，有好多朋友試過都讚好好味，今日諗住準時收工，就睇吓攞唔攞到位，我地大概6:40左右到左門口見排隊大概得五個人，點知入到去原來侍應話要大概等一個鐘頭，佢俾咗一個黑色嘅小機器我，叫我地響15米範圍之內等候。最後我哋大概等到7:50先有位。餐廳真係好熱鬧，我哋坐左電視旁邊嘅高枱座位，個櫈唔算舒服。另外因為人多嘅關係所以真係好嘈我哋一共3人，叫咗份釀蘑菇，共有六粒，唔算好大粒，不過有啲芝士同香草，好好味。另外我地點左一份蟹餅，一客三件。蟹肉嘅份量都幾多唔錯！主菜我地點左一份黛安牛扒配煎三文魚及薯蓉，又怕真係好林味道都OK，三文魚好似剪得有少少過熟，配菜係大露荀，薯蓉份量非常之多！雞肉蒜蓉意粉食落好似outlet嘅香蒜雞肉意粉好好味，勁多蒜蓉，仲有蘑菇tim黎到cheese factory 點可能錯過出名既芝士蛋糕，所以我哋就算食到好飽都叫咗份godiva 芝士蛋糕。個芝士蛋糕好濃朱古力味有啲似比較硬身嘅朱古力moose cake好味朱古力味道好濃所以唔係太食到芝士味埋單每人大概350，都算值既！

比起其他西餐廳，呢個啲份量比夠大份。大家睇相都睇到，佢塊扒一啲都唔乾身，好有肉汁，真系好食到牛味。同埋個薯泥好滑，甜甜地好好食！一啲都唔會覺得太漏！水牛城雞翼，作為雞翼控呢個真系必叫！性價比好高，下次都一定會嗌！

跟班朋友在尖沙咀食飯又想開心share 又想食cheesecake甘就決定去呢間餐廳食當日我們兩點食飯當brunch我們四個女仔就決定一齊叫幾碟野share由於我遲到，餐前包我無影到有咸甜兩種包我個人中意食甜包黑糖包都唔錯咸包我自己一般，但勝在夠軟熟卡邦尼意粉我至憎食青豆，所以sorry 扣分意粉應該係人手製，我覺得跟平時食落去較硬身煙肉偏咸，但醬汁好在夠creamy牛油果蛋皮脆卷牛油果迷一定好中意點上醬汁更加惹味食落去都很香脆芝士蛋糕好重芝味朋友食得好瘋狂我只食少少太濃的奶製品我頂唔順沙律我唔食得朋友話菜很新鮮唔錯

同朋友相約係尖沙咀，想試下呢間好出名既Cheesecake Factory~ 雖然知道一直都好多人黎排隊，但攞到飛既時候見到自己要等兩個鐘，真係好傷心😢 不過好在餐廳係海港城，所以食飯前去逛下街消磨下時間都好既等左兩個鐘終於有位啦，入到去其實餐廳都好大，如果唔係太多人，我相信咖洗等噤耐位點完餐之後就會有免費嘅餐包送上黎，呢個包外脆內軟，而且上枱既時候仲係熱騰騰，搽埋牛油上麵包仲好食～ 因為我哋等嘅期間好肚餓，所以餐包你都5分鐘唔夠已經俾我哋食晒無影餐牌所以唔係好記得呢個菜叫咩名，但呢個「雞角」味道唔錯，外面有一層炸到好脆嘅皮，裏面有辣醬同雞肉，而且有兩個醬可以點，紅色既又酸又辣，另一個醬類似芝士醬，都好好食之後呢個大蝦蘑菇天使麵都唔錯，隻隻蝦都唔細隻，醬汁都好好味，成個意粉配搭起嚟都好好食之後呢個辣肉腸pizza就比較普通，但勝在夠熱辣辣，而且份量都好夠🍕🍕🍕🍕呢個雞肉白汁蝴蝶粉真係好好食，如果同頭先個大蝦蘑菇意粉相比，我覺得呢個蝴蝶粉更加好食，而且呢度啲意粉唔會煮到好冧，幾有咬口，好味好味最後甜品我哋只係食咗一件士多啤梨芝士蛋糕🍰，雖然我哋有五個人食，但食咗一個前菜兩碟意粉同埋一個P