芝樂坊餐廳

要一家大細去食返餐，平時放工先去就有排等，於是嚟個週未早啲食晏，十二點去到，好彩仲有一張枱俾到我哋。今次叫咗兩個主菜加兩個‘前菜’，重點其實係要食蛋糕。所謂‘前菜'其實都好大碟。好鍾意食Nachos， 呢間係直接放哂醬汁喺粟米片上面，好好味。另一前菜係水牛城雞翼。因為有小朋友，點餐前怕雞翼係辣，但佢哋又好想食。一問之下，醬汁係分開俾你‘點’，於是大人細路都可以食得好開心！四重奏芝士長通粉好香芝士味而唔會膩，小朋友好鍾意。而經典漢堡就肉汁豐富，食落唔會好乾。重點嘅蛋糕就揀咗 ’青檸芝士蛋糕‘ ’Oreo芝士蛋糕‘。鍾意青檸酸酸地，唔會太重芝士味。而個Oreo呢係小朋友點嘅，朱古力味濃，唔會太甜，好味呀。