芝樂坊餐廳

食過幾次cheesecake Factory ，到宜家都仲咁多人食，不過店員安排係幾混亂，而且無乜禮貌，問佢仲有幾多枱，佢話好耐😟Anyway 呢到係澱粉控天堂，同個frd叫左一個pizza一個burger，burger唔太juicy所以唔漏，不過幾豐富，薯條有d乾，翻炸好多次咁。pizza好食d，不過好似細個過之前，個邊好脆，唔太厚，chewy texture, like what I had in Italy !

我認為Overated咗嘅一間餐廳，平日下午二點入座，可能呢頭多白領內裡差不多坐滿了人，我們點了凱撒沙律，beef burger with cheese and potato chips, 蟹球，肉丸意粉，fish and chips, 凱撒沙律好酸只有幾粒麵包粒，beef burger 個汁都係好酸塊牛肉唔好食，potato chips冇薯仔味，蟹球唔熱只有六小粒，肉丸意粉好似港式快餐店用了金寶雜菜湯嘅味道，fish and chips算係呢幾樣之中最好食，不過fish炸得不鬆脆，此外，還叫了三杯飲品，有hot latte和沙冰，兩大人兩小朋友埋單差不多一千元,呢個食物水準以呢個價錢來說個人認為不值得，應該不會再來了(沙律和飲品冇影相)

呢間餐廳，我絕對可以用惡劣黎形容！無論係環境、食物、服務，無一可取！首先上手食客掉了牛油果在枱底，一埋位踩到成個鞋底都係，禮貌地要求侍應清潔一下，那位侍應只是求求其其咁用掃把掃了幾下，成地油滋滋，好明顯要用地拖清潔啦，掃把係處理唔到，結果成餐飯我係踩住兩張紙巾~麵包勁乾，凍冰冰……完全溶唔到D牛油黎食。個沙律味道算唔錯。雞翼Ok，但呢個價錢食咁既質素既雞翼，性價比好低。牛扒正正常常，唔覺得有幾出色。釀磨菇係最好味，但連埋加一，差唔多$100食6粒磨菇，d錢都幾易賺。Pizza，我寧願食Pizza Hut，一定好食過佢。重頭戲，大蝦天使麵，我未食過咁難食既天使麵，成堆天使麵痴埋一舊之餘，個味道係可以用極差黎形容。據聞最出名係芝士蛋糕，所以都叫了青檸芝士蛋糕比朋友吹爉燭慶祝生日，個蛋糕味道係可以既，但未去到好似吹噓到話有幾咁出色囉！至於個Truffle蛋糕，真係唔想提，食一啖已經放低個匙羹，勁甜勁漏。最後，埋單足足用左半小時有多，吹漲！自問唔係對食要求好高既人，每碟平均都百幾二百蚊，咁既價錢換來咁既質素，真係絕對唔會有下一次的幫襯！

四個人入黎食，都排左一個幾鐘隊。入座時看到蛋糕櫃的所有cake 都好吸引！但最後估唔到係咁難食....但主菜同前菜都好味的！順帶一提，侍應服務好差，上菜係掉落黎咁，而且問酒精飲品嘅味道，唔識答仲要話「咪menu 上面個種酒lor 」...入正題：黑糖麵包|好食到停唔到口，香甜又香脆，上面仲有啲杏仁片～buffalo wings |炸得香脆，咬開有肉汁流出，有加配西芹可以減少油脷的感覺。烤蒜雞肉蝴蝶粉|好好食，忌廉醬調配得好好，Creamy但唔會太黏稠，蝴蝶粉軟硬度適中又痴滿醬汁，仲有有炸蒜係上面好香口～雞肉就係細雞肉粒無乜特別。乜都有Pizza|皮薄料多的Pizza，個Pizza皮好脆，唔會食到好濟。蛋糕 |以下呢幾張相的蛋糕都好難食。朱古力蛋糕太甜，甜到係好似零食紅色包裝Chocolate Pie，個種假嘅朱古力甜。以為白色檸檬忌廉海綿蛋糕有果肉係入面會好啲，但又係甜到嘔，好似成啖糖霜放入口咁，而且係唔好味的糖。唔會再叫呢啲Fudge或者海綿蛋糕！

lunch同同事嚟呢度食午飯，六個人點咗四個lunch set，再加一件original cheesecake... 已經飽到上心口！好耐之前嚟過幾次，不過今次食嘅體驗好似冇之前幾次咁好...點咗個雞肉天使麵同埋墨西哥辣醬蝦長通粉，兩個嘅味都好重，食完好滯... 唯一好食嘅係肉餅配薯蓉同埋燒粟米粒，佢嘅肉餅就好似係漢堡包裏邊嘅漢堡扒，不過分拆出嚟食，好多肉汁而且煎得好香！ 至於個cheesecake個cream好香好甜，又有好重嘅蛋白味，但係cheesecake本身帶有酸味，唔知係變壞咗定係芝士嘅質素同之前有唔同，有啲怪... 對比之前幾次食，今次整體嘅食物質素都下降咗... 希望只係廚房一時失手，下次會好食返啦...

開左一段時間嘅cheesecake factory去到依家都仍然係大排長龍！為左唔想等咁耐，專登早少少去排隊拎飛，呢度有樣好係拎完飛可以去其他地方唔洗留係度等，六點鐘拎飛，要等個半鐘，所以想試嘅朋友記得早少少拎定飛啦～一坐低就會比兩款包同牛油你🥖🥖，兩款包都係岩岩烘好就拎出黎，好香脆好新鮮！白法包比較硬，都要有返啲牙力先咬得開，個人比較喜歡黑麥包，好香麥芽味，同埋冇咁硬～食完如果唔夠喉可以問侍應再拎😋😋叫左芝樂坊墨西哥巨無霸卷，一上菜時都嚇親！真係好大好大！足夠四個人食！墨西哥卷入面有芝士、芫茜飯、洋蔥及燈籠椒等得，好足料～蛋皮都做到幾薄同滑，兩個人真係要黎多幾次先試得哂啲野食🤣🤣

此店食過兩次，第一次係俾佢嘅蛋糕吸引而去試。🎂🍰蛋糕款式真係好多，而且好靚，非常吸引，想一次過試晒全部。叫左Godiva chocolate cake，好好食，好濃朱古力味！😋😋😋因為本身食完小食同主菜已經好飽，所以只能大家share兩件cake試。小食同主菜份量都好多，值得一提係個牛油果雞肉沙律，非常好味，醬汁好特別！值得一試！😋第二次去食就試左紅絲絨芝士蛋糕🍰，一樣好好味，但比較甜，如果怕甜嘅人可能未能岩。另外試左黑松露炸雞，比較普通，試過一次就夠。整體黎講，係值得一試，同埋人多去食就可以試多d款式。👍🏼👍🏼

跟朋友很久沒見，難得今晚約得成。朋友之前有來過，覺得不錯吃，所以今晚就在這裡吃。黑糖，原味麵包點了食物，就會送上麵包，黑糖味那個可以不用加牛油，直接吃就好了，可以吃到香濃的黑糖味。原味那個有點太硬了，不太喜歡。吃完還可以refill。點了1. 加州風味鱷梨醬沙拉鱷梨醬挺多，拌勻後每一口沙拉都有醬料，很好吃。2. 炸蒜雞肉蝴蝶粉醬汁很濃郁，蝴蝶粉有咬口，好吃。3. BBQ 燒雞薄餅就一般薄餅的味道，沒有特別。最後雖然大家都很飽，但看到蛋糕實在是太吸引啦，所以點了一份。4.松露巧克力蛋糕塔巧克力的味道很濃，吃每一口都覺得很幸福。食物份量很大，適合一班朋友分享一齊吃。

Cheesecake Factory, 其中一個我同女朋友都鍾意嘅餐廳，好容易會repeat 食，因為我都幾鍾意食拒個cheese cake, Hahahhaha, 好明顯有私心la!!! 落order, 一定一定一定要叫拒淨係俾Brown bread, 加埋牛油，好食都震。叫個前菜，通常都係salad, 因為平時相對上少dd食菜。Pasta 方面，一定叫墨西哥🇲🇽sauce 有雞個款。如果，我話係如果，仲有空間食，會叫Godiva or Nutella or Tiramisu!!!

Cheesecake Factory 係香港開咗咁耐，都一直未去試，因為排隊嘅時間實在太長，記得上次想去要等兩個半鐘，所以最後都放棄了。今次大約7:00 ，同朋友先去攞籌，就去咗尖沙咀附近行街，拎飛嘅時候店員都話要等三個鐘左右～之後我哋行完街，大約9點幾鐘去返餐廳度等，等左幾張枱就可以入了，所以最後都係等左兩個鐘多啲。想食嘅人真係要有心理準備要等好耐。我哋一行四人就叫左一個意大利粉，一個水牛成雞翼，同埋一個mac and cheese ball ball share~~主菜上之前係會有一籃麵包，不得不讚係個黑糖麵包真係好好食。意大利粉我哋揀咗達文西長通粉，裏面有雞肉蘑菇洋蔥等等配料，醬汁嘅味道幾特別，有少少酸酸地，又甜甜地，好有中式嘅感覺。芝士波波係一個炸波波球入面有芝士通心粉，芝士味好濃郁，都幾漏同幾heavy！水牛城雞翼一碟有成10隻咁多，店員本身問我地需唔需要分開上醬汁，我哋以為係講緊個藍芝士醬，點知佢幫我地將個buffalo wings sauce 分開咗上 lol 最後我哋都係要自己將佢Mix返埋😑😑食呢間餐廳嘅主角當然係芝士蛋糕，因為我哋都好飽所以就叫咗一件share，我哋

<跟女朋友吃飯系列•四十九>早已聽聞這間店鋪，內容大概也是輪候需時及美國過江龍等，今天在海運中心看完蜘蛛俠後，決定跟女朋友來這兒朝聖！餐廳位置位於海港城商場內，只要沿著指示牌就找到，甫到達，平時經常看到的人龍，今天卻不見了。餐廳內外是一種典型高級餐廳的風格，bar枱的設置更添上一種高貴的味道。餐牌設置還很不錯，中英文也有，部分更添置了食材資料，令客人更放心享用。翻到芝士蛋糕一頁，滿頁也是芝士蛋糕，實在令我大驚！食物方面點了1）烤蒜雞肉蝴蝶粉；2）檸檬芝士蛋糕；3）泡沫咖啡。先來了烤蒜雞肉蝴蝶粉。心理不禁冷了一下，因為份量大得令人嚇了一跳。莫非美國人每一頓吃的也是這些？難怪它們都體型龐大！說回正題，一吃下去已大呼要再來一客！芝士忌廉汁濃而不膩，十分吸引我的味蕾，很想把它全部吃進口內，至於蝴蝶粉，平時沒有多大機會吃到，今次有機會吃，總覺得跟螺絲粉不同，質感很厚，蝴蝶粉一塊塊吃下去，開始覺得自己愛上它了。至於雞肉，感覺十分粗糙，可以不用吃它。後來來了檸檬芝士蛋糕，作為餐廳馳名的食物之一，感覺不是太理想，芝士餅底實在太薄，一小件吃下去，只能吃到芝士，但芝士吃下去有著酸的感覺！感

見呢間咁歉成日都大排長龍於是我哋就搵一日去, 呢日夜晚平日夜晚九點幾只係等大約10分鐘到就有枱! 大部份侍應都係講英文的, 我地得兩個人所以只係叫咗三樣食物, 香脆蟹肉球、香蒜雞肉蝴蝶粉以及芒果青檸芝士蛋糕，飲品點了朱古力奶昔！美國餐廳好多食物都加芝士。香脆蟹肉球最好食，細細一粒點沙律醬、香蒜雞肉蝴蝶粉，用咗忌廉做汁，有啲滯嘅感覺，配料有蘑菇同青豆。個芝士蛋糕有兩大嚿忌廉喺面，真係怕食你唔肥啊，個餅底係有椰子C喺度嘅，我專登揀有芒果青檸，酸酸地，感覺食落去唔會太滯，不過不失！

現在每天都是化悲憤為食量，Sugarfina 雪糕後，我們還到  The Cheesecake Factory 吃下午茶繼續增肥，嘻嘻～ 這店初開時，人龍長得可怕，我們都是在 7-11 買細盒裝的原味／朱古力芝士餅 ($35@) 吃，囝囝可是非常欣賞的。不過現時熱潮明顯減退，加上平日下午，這天來到完全不用等就可以進去，還大把位揀！這裡的芝士餅真是超吸引...！但店內的黃燈也超級不好對付，所以部分照片轉用了機仔來拍。妹妹是標準朱古力迷，率先點了 Chocolate Mousse Cheesecake ($78)，出品香滑、濃郁，的確十分好吃，但由於餐點份量太大，我們只吃了小半就決定 (用膠杯) 打包帶走。媽媽點了一份 Weekday Lunch Pasta ($156起)，並在咖啡／茶／湯／沙律中選了餐湯，會附上一大份香脆麵包連牛油，胃口小的吃完這裡都飽了。當日的餐湯很足料，有大量雜豆及雞肉，味道很不錯，通通喝光了的～主食選了 Four Cheese Pasta ($156)，兩兄妹都讚芝士長通粉很好吃，但同時也超漏，三人吃還有剩！另外再加點一份 Kid's Menu 的兒童炸雞柳 ($

剛開張時，因為太多人排隊所以放棄無食！難得今日到尖沙咀海港城逛街，所以就試試碰下運氣，去到不用排隊，可能是三點三下午茶時間，不過入面已坐滿人！空間大，可容納很多人，一入去，就被蛋糕櫃吸引了，有很多不同款式的蛋糕，大大件，很吸引！落單後，麵包是送的，暖暖的麵包配上凍的牛油，絕配這拼盤有沙律🥗炸蝦🍤薯條！沙津顏色吸引，很多沙津醬！炸蝦外層有點燶，點了醬很好吃，最愛吃粗薯條，外脆內軟的，但茄汁比較特別的味道，可以試試！來到這裡梗係要食蛋糕啦，叫了件榛子朱古力芝士蛋糕！好香既榛子味，幼滑既朱古力醬，夾雜花生有口感，很好味(本人是榛子腔)但留意蛋糕比較大件總括:坐得舒適，食物美味，份量十足，值得一試

Have not been back here for a while as normally you can see there is a long line in front of the restaurant. However today I am slightly early and able to get a table for 3 within 20 minutes.Wanted so much to eat a cheesecake as dessert so we ordered conservatively - starting with Farfalle with chicken and roasted garlic . Serving was super huge but it was delicious. Sauce was creamy with adequate seasoning. Pasta texture was soft to my liking. A good portion to share. Our second main was Macaro