良記餐廳(老鳳冰室) (已結業)

因為朋友介紹叫我黎試下尼間，所以今日就獨自過黎享用午餐，由於附近做緊裝修搭哂棚，點都有啲影響餐廳門面外觀。入到去，餐廳裝修係懷舊茶餐廳風格，當日客人唔多，隨即影多左2張室內環境相比大家睇隨心咁點左野食，分別係：1️⃣焗芝士海鮮保齡球 - 麵包入邊裝滿海鮮飯，算係幾新鮮嘅配搭，醬汁唔會少，所以整體感覺唔會太乾身，配埋啲飯咁食吾錯，個包外脆內煙韌。食哂成個都已經好飽好飽喇！大家不妨到場一試2️⃣飛仔華田 - 其實同出面茶餐廳飲嘅華田味道冇分別，只係個名比較出色😂打下卡都吾錯既

.📍老鳳冰室📍 #饅頭去深水埗 #饅頭的港味道呢間冰室嘅裝潢花咗些少心思，餐牌設計成舊式信封咁📮，復古feel一下出曬嚟，老闆服務態度亦好好，整體算係少有令我記得起嘅懷舊冰室。------------------------------黑松露炒蛋多士 ($38)多士厚厚一片，烘到微暖，小編略嫌唔夠香脆，但又未至於係嗰種索曬蛋汁入囗即溶嘅感覺；麵包香軟，塗上一大片牛油，再放上都幾足料嘅炒蛋😍，炒蛋香滑濃郁，黑松露份量唔吝嗇之餘亦冇搶過蛋香，整體食落香口而唔油膩🙈，係我記憶中嘅味道。------------------------------芝士豬扒撈一丁 ($48)佢哋嘅秘製芝士汁幾啱小編口味，鹹度適中，芝士濃郁帶有奶香🧀，大大一勺撈麵一流！可惜麵感覺淥淋咗，少咗彈牙感覺。至於豬扒炸到酥脆，肉質鮮嫩不失口感，食落啖啖脂香，配埋塊邪惡牛油多士，愛了愛了💕，不過食完係會少濟。------------------------------蝦多士 ($38)而家嘅冰室已經好少有蝦多士嗌，但呢個小編食完有少少失望，其實多士炸得幾香脆唔界口，可惜蝦膠厚度有啲薄，少緊啲鮮爽彈牙嘅口感，鮮蝦味有但唔濃郁，

我心目中老鳳茶餐廳是間好有心思的小店，從室內裝修至食物，會感受到它既懷舊又創新。小店室內環境不大，牆上掛有懷舊相片和霓虹燈。餐牌是以懷舊信封設計，十分有趣，打咭一流！餐廳雖然是茶記但食物種類及設計花上不少心思。有多款沙律餐，自家製回鍋肉，還有我最愛的芝士保齡球。芝士焗生炸雞脾保齡球保齡球是大大農夫包，麵包焗得很鬆脆。炸鷄脾大大隻，皮脆肉滑。麵包中間還有芝士焗炒飯，我欣賞這部份，外間餐廳多是放醬汁但時間—長，麵包吸收了過多醬汁太淋就不能吃。用炒飯代替主意十分好！既可以慢慢吃，不用怕麵包過淋又飽肚。炒飯有蛋及 蔬菜，加上芝士其實不用另加芝士汁已經好好味！

在疫情下餐飲業已經相當艱難。今天五點左右在深水埗吃晚飯，發覺冰室門口有好多人排隊，原來自從一月起，為了幫助基層市民，已經開始每天派250個飯。值得稱讚👍👍👍這裏的服務也值得一讚，我們入到冰室，服務員（可能是老闆娘）告訴我們由於是派飯時間，下單可能會慢十多分鐘。作為顧客，完全感受到他們服務熱誠。看著她們在門口派飯，有人打尖有人投訴，自己睇都覺得頭痛，但見他們非常專業的解釋和繼續派飯，非常之有效率，轉眼間已經將250個飯盒派完。值得再次稱讚👍👍👍。為了支持一下小店，點了兩個比較貴的晚餐，賣相同味道都一流，買單也只是$212。只能用三個字去形容，平靚正。值得再三稱讚👍👍👍

深水埗其實港式茶餐廳 真係一街都係經過見到依間 入面裝修幾有特色 好有懷舊味道 就決定入去試試我中午時段自己一個去食人數大約7成滿到我見佢有好多特色最後我就決定左叫左生炸雞批焗飯黎試試點知個雞批係同個焗飯係分開上既有好有品好啦 好處就係個雞批唔會淋灑味道方面 個生炸雞批 黎到果時我都有d surprise 因為佢炸到成日KFC炸雞咁味道方面 因為佢係生炸 肉汁都較多不過個人就覺得佢炸到乾乾地同唔似係茶餐廳既出品個焗飯就正常茶記貨色 無咩特別埋單56$ 連凍飲 不過不失啦

今日既肉夾膜賣曬，所以直接叫左呢度兩樣招牌菜(我一個人黎): 老鳳多士同飛仔華田老鳳多士：同其他多士唔同既地方就係佢上面鋪左黑松露、蕃茄粒、青椒粒同埋芝士，食落幾好味👍🏻而我最欣賞既係份多士炸得夠曬鬆脆，完全係啱啱好😋飛仔華田：杯野平時上面會有cream(但今日冇)，coco脆片同星星，最主要係睇下佢懷舊style係點，冇咩特別，味道ok啦～PS: 佢張啤牌其實係淋左既糖餅，唔好食架，感覺食緊甜味既紙🤣下次應該會試波波奶茶🥰

想食茶餐廳，搵間幾多like 既，又見呢間好似好有特式，特登來試下。點了個午餐，牛腩蛋包飯，$58。 牛腩份量少，蛋就份量正常，味道幾好。但$58 ，係深水埗區來講有啲偏貴，牛腩好少。餐廳佈置係幾靚，有懷舊特色。但座位好逼，比一般茶餐廳坐得唔舒服。食得茶餐廳，都係想入油，大件夾抵食就最好，裝飾嗰啲無乜所謂吧。而呢間既賣點唔係咁，成間餐廳感覺唔上唔落，野食又無一般茶仔咁抵食，坐又唔舒服。賣懷舊feel，係d牆紙同餐牌個樣ok，我食茶仔就唔係想要呢啲，簡單d，野食正常、坐位ok就可以，裝飾嗰啲我不太在乎。對我，我會覺得呢間係一間唔知想點既茶仔。

去深水埗閒逛發現咗一間充滿懷舊風格嘅冰室入邊嘅裝修都好有懷舊嘅風味☺️最特別嘅係餐牌上嘅名稱都非常有趣🤣.芝士豬頸肉撈丁 $48跟餐奉送牛油厚多士🥪豬頸肉啖啖肉配上芝士汁極度邪惡🧀飲品加+$16 叫咗懷舊雪糕紅豆冰🍨🍨杯紅豆冰同其他餐廳好唔同紅豆冰上吱咗cream仲有幾粒雪糕糯米糍🤩另外亦放咗啤牌裝飾（係米紙整成 可以進食！）另外紅豆粒粒分明唔會過林過硬 奶味濃郁唔會太甜值得encore🤤🤤.🫔越南春卷 $34越南網燒春卷即叫即製炸得脆卜卜 非常香口🔥配上酸甜醬汁非常開胃☺️

每次黎親深水埗都會幫襯依間餐廳，雖然環境坐得唔係咁舒服，但佢啲嘢食真係幾抵食😌。芝士豬頸肉撈丁真係好邪惡同飽肚🤤🤤，有好多芝士係上面，同埋豬頸肉都有幾塊，依個價錢算係咁啦😂。不得不提係杯奶茶🥰，嗰奶茶波仔入面都係奶茶黎，只不過變左做冰粒啫。所以飲到差唔多就篤碎佢，連埋奶茶一齊飲，唔駛怕啲冰會溝淡左奶茶😋🤗。🍽芝士豬頸肉撈丁: HK $48🍽原味波波冰鎮奶茶：HK $24好味指數👅：🌸🌸🌸🌸

今日喺深水埗附近買工具 經過基隆街 周邊好多茶餐廳 但我俾一間懷舊冰室吸引住😌名叫《老鳳冰室》🤣所以膽粗粗決定入去試下🤭餐廳裝修喺走懷舊風格🤩 仲不停播放住60/70年代既金曲☺️好正😏令我感覺置身於當時一樣🤣不過店內格局有d迫夾 可能下午茶時間比較多人 好吾容易先搵到張2人枱坐低😵 打開餐牌望到d食物名較為有創意所以店主都好細心 將餐牌上大部分食物添加圖片顯示👍方便食客點餐😉。生炸雞脾焗薯泥(HK$38)熱辣辣嘅炸雞脾 外皮炸到脆卜卜 入面肉質又 juicy😊焗薯泥係用左好細個嘅薯仔製成 薯仔味較濃 再配上肉醬汁淋係面 又幾好味喎🤭。芝士雞扒撈一丁 (HK$48)身為芝士控嘅我 有咩理由可以吾點《芝士雞扒撈一丁》🥸呢個芝士撈丁 主角緊係芝士醬啦🤤店主以秘製方法調配醬汁 令到芝士熱融掛麵 濃郁撲鼻 配搭煙韌彈牙嘅出前一丁攪勻一齊食 芝士入口吾會太咸 再加埋啖啖脆口嘅炸雞扒😋好邪惡啊😈。懷舊雪糕紅豆冰(HK$28 跟餐+ $16)由細到大我都係咁中意飲紅豆冰🥤 呢杯紅豆冰你我暫時飲過最好飲嘅一杯😍 甜度適中 紅豆味濃 又吾會太重椰奶味 正個份量調配得相當恰當👍比平時一般嘅紅豆冰多加左一層

深水埗都有好多穩世食店🍽老鳳冰室是其中之一，今日專程過深水埗去食老鳳😄因為好耐無去食,好掛住2:00幾到竟然唔洗等就有位，太耐冇食，當然叫番過：焗芝士海鮮保齡球🦐 $68每次叫呢個保齡球多數叫多d芝士😄落單姐姐都好好人會比多d芝士我地👍😋真係keep到水準，裡面都好足料😋😋保齡球個麵包頂蓋都好鬆脆泰式炸魚餅🐡 $28新鮮炸起好香口😋點埋個泰醬汁好好味蝦多士🦐🍞 $38真係炸到好香口😋好彈牙👍蝦膠好足料🍤仲有讚一讚沙律🍏🍍好多餐廳都整到水汪汪🥗但呢度整到啱啱好菠蘿薄荷七喜🍍🍸 $14菠蘿好多🍍薄荷加七喜飲落凉浸浸大致上keep到水準👍會繼續來幫襯

筆者很多時都只喜愛西餐，今次去咗深水埗睇到Li間冰室膽粗粗入去試下。見到午餐牌有保雲酥羊架，特大德國鹹豬手都好想叫，但兩個人午餐似乎太多了。再睇貝到蝦多士，好耐冇食，唔理咁多叫咗個蝦多士先，再叫個芝士雞亦撈丁啦(好似冇咁heavy),再叫個午餐蛋包飯。蝦多士個樣唔錯，食落好好味。個撈丁D芝士好正，仲有一件蒜容厚多士，而雞亦是生炸雞亦，點理D芝士汁好似叫咗韓式芝士炸雞咁，好味。一邊食一邊見到人地有D生炸雞脾跟兩種沙律，賣相好靚，又大份，揾咗好耐先見有個叫消暑沙律餐下次再去一定再叫。食晒後忍唔往叫埋個鹹豬手打包返屋企做晚餐！

去到深水埗有好多茶餐廳 不得不提呢間位於基隆街的懷舊冰室。呢間冰室設計懷舊， 用上很多懷舊特色的佈置。 仿似置身於70年代的香港。咪當我老鳳呢句說話係70年代香港大行其道的口頭禪。嚟到呢度緬懷 一番風味之後我哋就 食個下午茶。我首先叫咗個芝士奄列 飲杯熱 好立克。芝士奄列 的芝士醬 很重芝士味 配上小小忌廉 行得來帶點甜 忌廉的嫩滑帶出芝士 的 鮮味， 個奄列個蛋 炒得好滑溜 蛋黃味濃郁。今年內裏有好多火腿， 配上嫩滑的炒蛋 非常之 夾。 除下午茶餐仲有半塊 方包。方包烘 到外脆內軟， 配上芝士醬 非常之match.最後飲返一杯 濃味的好立克. 埋單34元 算係超值啦

☟非專業最真實食評☟（以下食評純粹個人意見）𝙂𝙧𝙖𝙙𝙚 𝘼-/𝘽+芝士焗生炸雞脾保齡球($68)圓形麵包烘得夠脆又夠熱❣️擦埋牛油真心好香🤤入面大大隻炸脾一樣脆卜卜，夠熱得尼仲夠juicy🤤除左裝住炸雞髀，個包仲裝左炒飯❣️而炒飯表仲有芝士同三色椒粒粒😩因為我係極度無敵討厭三色椒，所以即刻降左成個grade😂(食到三色椒嘅男朋友係比佢A-)伴碟仲有芝士醬比你點包食，啲醬岩岩好唔會太稠，有芝士味得尼唔會膩。整體尼講除左賣相好有創意之外，份量都好多，我自己食左半個己經食唔落喇😂𝙂𝙧𝙖𝙙𝙚 𝘽焗安格斯牛腩保齡球（$68）整體同上面果炸脾保齡球一樣，只係將炸脾轉左做牛腩粒（然後三色椒粒粒依然係到🙄）牛腩粒份量都唔少，煮得夠淋，食落都有牛肉味。整體份量一樣係好多，唔係太大食嘅話兩個人就share岩岩好。但由於炸脾真係太出色😂所以佢就無甘高評分👀𝙂𝙧𝙖𝙙𝙚 𝘽+懷舊雪糕紅豆冰（$28/跟餐加$14）係我最愛嘅紅豆冰😍比平時嘅紅豆冰加多左層cream，甜甜地幾好食❤️而且佢張啤牌係米紙尼，打完卡仲可以食埋落肚架🤤美中不足之處係佢嘅雪糕係雪米糍尼，三粒都唔同味，但有粒係藥水味🥲即刻扣晒分🥲整體份量都係大大杯

叫外賣，送漏左杯雪糕紅豆冰，打過去個啊姐態度差到不得了，叫我下次去送番杯嘢飲俾我，咁我依家飲咩呢？佢又話無㗎喇，一係自己黎攞，咁我叫得fp貴咁多做乜？跟住我問下次去你認得我嗎？佢話得㗎喇，講嘢仲非常串，d嘢食hea到死，奶油豬激少練奶，西多士糖膠又係激少，豬扒包d汁漏曬，真係好差