良記餐廳(老鳳冰室) (已結業)

1點鐘嘅深水埗太多人，根本諗唔到食乜嘢好😭見到幾間舖頭都排晒長龍，經過老鳳冰室，寫內有雅座，特色嘅裝修就吸引咗我哋入去啦😍入面嘅裝修十分懷舊，牆上面有李小龍鄧麗君同埋好多懷舊歷史嘅嘢，最緊要個冷氣好夠🥳佢個menu都好特別㗎，大家有冇好有回憶呢！最後我哋揀咗兩個沙律餐，佢可以揀兩款沙律同埋一個小食，我哋揀咗吞拿魚沙律同埋青蘋果沙律另外有個蝦多士。不得不提，好耐冇食過咁好食嘅蝦多士，佢入面係啖啖蝦肉😋而沙律嘅份量亦都非常多😋好邪惡地叫咗杯雪糕紅豆冰，好可愛架😊

星期五晚有好多舖頭都要等位或者冇位但係打去呢間嘅時候老闆娘好好人話會一定有位😃去到服務好 上菜又快 嘢食又好味，店內裝修又好特別，非常之有香港懷舊氣息我哋兩個叫咗三個餸：蝦多士，安格斯牛焗飯，豬頸肉芝士撈丁，三個都超好味。1臨走嘅時候仲要送埋例湯俾我哋，又入去開始到食飯買單老闆娘人超好，服務周到。所以呢間野唔俾10分都唔得呀！😋👍🏻

間店寫明7點開舖，7:10仲抹緊野，咁話可以坐入去先，但叫極都話等陣7:00開唔到門就唔好寫自己7:00開門，7:20叫阿姐落單阿姐仲發惡叫你等等的野未食落肚先食一肚氣，如果想受氣的你就去幫襯，一定叿會令你失望

職員態度惡劣，入門口安排座位已經等了五六分鐘，明明有位但就唔安排人坐，又沒有量度體溫！坐下後多次要求下單卻並未受到理會....卻在其他枱收拾杯碟，問她是不是落單的人，他說是，然後我們要落單卻走開說等等...我們要求4次以上都還未能下單....但另一枱客人剛坐下就立即為他們下單...完全不分先後次序，無視我們落單的要求...食物質素一般....噱頭多於實際味道....波波奶茶偏甜，奶味不足，不香也不滑飛仔華田更加是呃錢之作...只是在凍華田上加cream...芝士撈丁非常”漏” 結論：不會再幫襯！ 貼錢買難受！

深水埗記，多到不得了。每間都有少許特色。當然有D無乜特色嘅，都可能有人鍾意嘅。老鳳最大特色，就係佢懷舊嘅裝修，其實未必有好多打卡位，甚至無，可能只係去欣賞下，但都有味道嘅。老鳳好衰嫁，佢嘅雪菜肉絲米粉，只係早餐先可以食到。但佢嘅雪菜肉絲宜係好啱我口味，唔太喊，但有些少嘅辣，同埋份量勁大，D米粉食極都食唔完咁。所以我成日買外賣。雪菜肉絲米加飲品$29，但為食嘅我，就加炒蛋，再加紅腸，同埋早餐必要有嘅多士。咁就加$6，再外賣加$1。特要講個炒蛋，係店食唔全熟 生生地，好正。外賣咁焗法，熟透啦，但好厚身，真係好抵食。

喺鴨寮街行完，走入去呢間冰室食下午茶，發覺啲食物都很特別。蝦多士用豬扒包住再炸，很香口。南瓜湯有南瓜味和紅蘿蔔味，非常好飲。XO醬海鮮菠蘿炒飯，落了很多海鮮，很足料。豬扒包外脆內熱，醬汁很好味又 juicy, 👍🏼👍🏼👍🏼波波奶茶加了兩粒用奶茶製成的冰，非常特別，奶茶都很好味。本來想食安格斯牛肉保齡球，可惜沒有供應，唯有下次再去。

餐廳裝飾走懷舊路線，而食物則係本地茶餐廳菜式再加一d自創小食，風格的確較一般餐廳突出。試左兩款小食：1.芝士雞翼撈一丁+多士芝士味非常濃郁，一丁麵質亦煮得剛剛好。然而食晒成碟的話就會覺得芝士太鹹。雞翼方面卻係失望。炸雞翼唔多脆，味道不太好食。多士則落足牛油，夠晒香。2.蝦多士蝦多士係炸，外表好脆口。內層夾雜左應該係類似蝦膠嘅東西。味道就好一般。有橙色嘅沙律醬點黎食。仲有細細碟雜果沙律送。但味道都係好一般，而雜果上有d白色醬,但唔似沙律醬，好似有d乳酪味，唔識講。餐牌：環境：有好多懷舊相，見證歷史。餐牌擺係枱上面嘅懷舊郵箱上面，幾有特色。

時值星期日下午6時，過了下午茶餐，只好食個早飯，所以無長長人龍排隊。餐廳裝修有特色，餐牌及裝飾佈置，富濃烈的香港懷舊風格，如果清潔再加強，感覺更好。食物方面，芝士撈丁份量剛好，味道不過不失。反而焗炸脾芝士保齡球驚喜十足，所謂保齡球即巨大版的豬仔包，外脆內軟，沾芝士汁味道一流，保齡球絕對是出色之作。保齡球內有少量炒飯，非常飽肚。炸雞脾雖然即叫即炸，可惜雞肉偏乾。蝦多士即叫即炸，外層非常脆口，不過蝦肉少粉多，入口偏假，30幾蚊6件，價錢來說不能期望太高。

呢期連閒日一至五都街邊太多人與車 叫返個外賣早餐 打個電話叫定 再去拎 唔洗排隊企住等位 好掛住平日放假出街食個早餐既日子 但呢輪真係去人多既地方食嘢都有少少唔多至自在 呢個外賣早餐就啱曬我 煮得又靚又好味又抵食 芝士牛肉濃茄湯通 加3蚊仲有多份炒蛋多士 飽到中午個餐都唔洗食😌 芝士就唔多覺 但炒滑蛋底下都有幾塊牛肉 都幾足料 濃茄湯底真係幾濃郁 真係有好多蕃茄蓉飲落好酸甜惹味 通粉彈牙 多士就算外賣都咁鬼好食 真係一份好滿足既早餐呀😋外賣早餐一樣都可以好豐富 好食

深水埗冰室眾多，要突圍而出一啲都唔容易下午茶時間排隊等左大概十五分鐘就入得疫情期間都有咁既生意認真唔簡單下午茶餐非常抵食 我地叫左雞排包同西多士餐連熱飲都只係三十蚊有找唔好以為平無好野 個雞排包外脆內軟 非常juicy 加上秘制醬汁⋯⋯真係好出色！流心西多士都好食 整體真係好滿意

去到深水埗唔知食乜好，就上openrice 睇下見到第一位，就試下囉裝修幾特別，甚懷舊look而價錢只是普通茶餐廳價錢，但裏邊食物確實唔錯我只係食二個set dinner炒飯。。。。蝦及菠蘿都好鮮甜。。。才$68👍燒春雞。。。就好有汁及味道正。。。才$58👍就連送嘅例湯都好好味👏👏餐牌menu 超型，成個信封咁。。不過送餐嘅侍應就唔太禮貌若改善埋就very good👍最緊要呢條街超多黃店想正常食餐飯都唔得呢間唔搞政治，專心煮食物才是最難得果然係openrice 在深水埗最多人like 嘅餐廳

晚餐去嘅時候要等位 大概10分鐘。試咗幾樣招牌：👉🏻焗安格斯牛腩保齡球好味 牛腩夠淋 份量有啲小👉🏻芝士豬頸肉撈一丁芝士汁調較剛好 唔會杰唔會稀 👉🏻蝦多士呢餐入面最出色 中間蝦滑夠多 熱辣辣好好味👉🏻原味波波奶茶👉🏻懷舊雪糕紅豆冰飲品味道正常 賣相就好靚

係一間裝修好有香港特色嘅懷舊冰室😜 食物質素幾好之餘仲要唔貴 值得encore😎-🔸芝士豬頸肉撈丁 $48🔸芝士好多又濃郁 絕對唔會唔夠味 豬頸肉都好香👌🏻 呢個定價十分合理-🔸蝦多士 $38🔸多士即叫即炸 皮炸得好脆 配上千島醬幾match!-🔸BBQ雞翼 $38🔸身為雞翼愛好者 個雞翼係好食嘅 個醬亦都好惹味🙆🏻‍♀️下次會試下第二款-🔸飛仔華田 +$14🔸賣相好吸精 但飲落去其實只係普通華田🤣🤣-🔸波波奶茶 +$14🔸用奶茶整成嘅冰 咁就算啲冰溶左都唔會溝淡奶茶味 主要係gimmik為主🙈

熊小編呢期去開深水埗玩具街買聖誕裝飾🎅🏼☃️❄️ 就梗係不忘試下個邊既好野食啦(人總要食飯的😀✌🏻).🐷🧀芝士豬頸肉撈丁配牛油多士$48店員推介十大必食之一🎅🏼首先 我係食唔出邊隻芝士既 畢竟朕都係凡人一個🤫佢同其他市面上既芝士撈丁一樣都係會食食下漏既🙊但係佢呢隻等你feel到漏既時候其實已經準備食完份量預計得岩岩好😉豬頸肉都叫做OK🐷但就應該冇作特別口味處理所以唔會有特別既味道但整體黎講分數唔錯 去開可以一試.🍫飛仔華田 +$14另外加左$16轉特飲係佢最出名兼最多人打卡既飛仔華田店員特別強調上面塊啤牌係食得既應該係好多人問過太煩🤣🤣 塊餅上印有店鋪名 誠意滿分但實際上呢杯飲品相信係凍華田忌廉加蜜糖星星,可可球同啤牌塊餅而塊餅既味道有待大家自行發掘啦✌🏻☃️.總括黎講打卡指數係非常高既😍😍環境佈局係一流 花左好多心意係細節位抵讚 連牙籤筒都一樣唔放過Overall野食都係算OK好味既而性價比就一般般啦～～試下都無壞既✅

話說去開深水埗，一直想試某間人氣素食黃店，誰不知輪候時間需要一小時，我和朋友太肚餓所以放棄了，繼續搜尋其他良心店舖，但太多人在外等候。所以朋友介紹了一間暫時沒有顏色既店舖。朋友之前試過覺得可以再試，路過便可隨意入座。如果大家不推薦入座可以留言，讓大家留意一下。而它最有特色的就是奶茶波波冰。冰凍奶茶配上奶茶味既冰，的確是保持原味，但可能不是夏天飲既關係，冰未能溶化，朋友和我喝了一口已經沒有了，只剩下冰。朋友點了茄牛芝士通粉，而我點了芝士豬頸肉撈丁，真心肥🙈🙈🙈 但茶記就係要點罪惡感既美食吧！朋友既芝士通心粉，芝士極少，但湯底正常。而豬頸肉撈丁係正路野，不過不失。兩個都是套餐，但要加錢轉配奶茶波波冰。其實都是啅頭，奶茶味道其實一般，可能熱飲更佳。