船皇 (厚福街) (已結業)

🧨有辣野食💺坐位麻麻, 沒有卡位👨‍👩‍👧‍👦不適合一家大細帶小朋友------------------------------我是中午去的, 一個人去多數要坐卡位, 坐4人台的話一定要搭台坐都是常識吧.服務都幾好的,  暫時只會收現金.LUNCH SET方面種類唔算多🤦‍♀️, 可以揀辣度, 同埋揀4款粉麵做底,今次我係試左個最多送既船皇河粉, 先講河粉是普通左D, 我個人喜歡煙韌既河粉.另外餸份量都夠既, 牛腩及雞翼各一件, 夠入味, 可以講好食 👍豬皮都炸得夠脆, 如果想食脆就記得唔好滲湯太耐啦...雞絲同牛肉就鞋左少少, 豬肉丸有3粒細的, 味道一搬不是太有豬味.野飲反而我覺得選擇多, 加$8 有10款你揀,我飲既係龍眼冰, 好夠甜知佢落足份量俾你.

泰國船麵最近成日係香港聽到，都見開左唔少類似既店舖，但食今次真係第一次。下午茶時段去食，會包一杯飲品/一款小食，如果想2樣要晒就＋$8。我本來想食細碗 3碗既，不過店員話一個細碗得2啖，同埋一個人食既話唔係同人share嗌返大碗好d。所以最後都叫左大碗，牛肉牛腩同唔記得乜野既米粉，而小食就叫左蝦卷。碗麵好快就黎左，第一啖緊係試下個湯先啦，er.... 我覺得就甜左同好杰， 因為唔知真正既係咪都係咁，所以不作評論🙊。但我自己就覺得太甜，所以加左d魚露同辣椒粉落去中和下個味道，之後食落都覺得ok既。 至於個蝦卷就真係麻麻地，下次既話好揀飲品，係用個碗黎裝，好得意😅😅 不過聽同事講，其實得好少😆

一心諗住黎食泰國菜 食青木瓜沙律同炒金邊粉🤪🤪🤪🤪點不知原來呢間係一間有泰式小食嘅港式舖頭😂😂😂因為佢有買啲沙嗲小食或者泰式辣汁既串燒 但係其實煮食得兩款 真係湯麵同埋撈麵🤔🤔🤔🤔雖然可以揀金邊粉麵底 但係同炒嘅味道爭好遠😢😢餸方面有牛腩雞翼魚蛋等等 雖然裝修唔係話好華麗 但係服務員態度可親 間唔中會同你推介有乜嘢好食 仲會主動提醒可以免費加湯 對於湯愛好者嘅我黎講 絕對大大加分👍🏻👍🏻👍🏻👍🏻

聽朋友介紹呢間野新開，於是專登過黎試下。我地大概七點幾去到，人唔多，唔洗等位。叫左兩碗湯面，一碗牛既一碗雞，面底有得揀。講下我碗雞絲＋雞翼湯面，賣相唔錯，個湯幾濃，應該熬左好耐，但真係好細份，雖然叫左大碗都係食唔飽。個河粉幾得意，唔係平時食開一條條個種，而係一塊塊，有少少似腸粉，口感都幾好。雞翼個汁有少少似瑞士雞翼，幾入味。面頭仲有一舊炸物，不過唔係好食得出係咩。呢個價錢黎講都幾抵食，五十蚊左右就有一碗咁足料既面，美中不足就係份量既問題，不過可能係船面特色，之前食過幾間船面都唔太飽，所以唔怪佢哈哈。

見到唔少人介紹而佢又係公司附近咁就緊係去試一試啦叫左個雞絲+雞翼湯麵個湯底真係好好味！超濃！蛋麵好掛湯食泰國野緊係唔少得泰式奶茶啦佢用碗上 好得意奶茶冇泰國個邊既咁甜可能有就返香港人口味係香港就食到咁好食既船麵思鄉既時候就可以去食下啦

叫了$48 一個湯麵- 雞絲雞翼金絲粉唔包飲品，要另加$8 才有，水都冇一杯份量以午餐來說偏少，似下午茶份量餐具提供不足雖然味道有特色但以這個價錢在同街來說性價比略低食完沒有滿足感因此不推介

今日提早食lunch，就去咗厚福街睇下有咩好食先。去到就見到呢間新開的船皇，一於就食佢啦！餐廳以橙啡色為主，非常eye-catching，座位就迫左少少，但勝在冷氣夠強，所以坐得都算舒服。因為天氣實在太熱，所以我選擇了食船皇撈麵，要金邊粉小辣。同埋叫咗杯凍泰仔奶茶。登登登登～呢碗就係船皇撈麵，聞落都幾香，而且配料都幾多款，有牛腩、牛肉片、牛肉丸、雞絲、雞翼、豬肉、豬肉丸、豬潤及炸豬皮。之後加入炸蒜蓉、辣椒及豉油將碗麵撈埋就食得了。金邊粉夠滑，沒煮過頭，味道甜中帶辣，又有蒜香，食落都幾惹味。牛腩腍得黎又入味，豬肉丸同牛肉丸爽口彈牙，而我覺得最好食係炸豬皮，口感脆卜卜。如果撈完都覺得未夠味，仲可以加魚露、辣椒...等等，令味道濃郁啲。係碗麵隔離個銀色碗就係凍泰仔奶茶，第一次用碗飲奶茶，個味道同港式奶茶唔同，奶味較重而且較甜，但好有泰式味道。

銅鑼灣店之後，船皇在尖沙咀厚褔街插旗，新分店裝潢採用東南亞風格，座位之間有足夠空間，感覺舒適。船皇湯麵($58)，包含最多種類肉類，是一種綜合配料湯麵，包括：炸豬皮、牛腩、牛肉片、牛肉丸、豬肉丸、雞翼、以及雞絲，可以嚐盡所有配料。接下來要選擇麵條：蛋麵、米粉、金邊粉、河粉，還有湯底的辣度，有辣有不辣，選擇了小辣，不太嚐辣的已足夠了。湯頭做得最好，有味道而不嗆喉，雖然配料份量不多，但貴精不貴多，河粉又粗又短，彈牙爽口，口感特別。好像回到上次出走曼谷時，在勝利紀念碑裡吃的黎波里船麵，一樣有多種麵條可以搭配，湯頭重口味，但就是會令人不停地，一口一口的吃下去，很是懷念喔。

外賣湯面拎到上手完全無湯，鹹到不得了，好似食緊雞煲個汁咁要加幾次熱水先食得落，未試過呢間堂食，但係外賣真係失望，另外朋友食撈面唔知係唔係落綠色個汁，朋友無落到因爲真係好臭