般若湯爐端燒

工作的地方近這裡﹐和相熟的同事想中午吃得有趣一點便會來。有時下班夜了﹐也會來這裡吃點才上路回家。這裡我就只吃過那新鮮的雜錦魚生飯﹐是我的至愛。落了單﹐師傅立刻為你造﹐你能看見他真的很有心思去弄﹐即時挑八種不同的刺生來切﹐不是用切剩了的刺生便算。端上的飯﹐看見是真的漂亮﹐我每次都好好欣賞才捨得吃﹔吃下去﹐飯香得很﹐溫度涼涼的﹐剛剛好。刺身是真的鮮甜。這裡的午飯時間就算逼滿了人﹐每次我的魚生飯也會弄得很美﹐絕不馬虎﹗不錯不錯。價錢貴一點﹐但間中一次﹐今生無悔。…查看更多

女友煞有介事說週末有神秘之旅，原來是知我愛吃串燒，特意帶我過海吃這頗有好評的店。甫進去，好感倒是有，起碼感到不盡是為日式而日式的濫竽充數；午餐價錢企硬，亦多少反映他們對食物質素的信心。既然專程來，當然點了那串燒定食。先偷吃女友的吉列豬扒飯，豬扒香撈蛋不老，對串燒期望自然大增；千呼萬喚，看著端上來的八串，有四季豆、魚、雞軟骨、大蒽雞肉、帶子、雞翼、冬菇、茄子，視覺已拿滿分；可惜，一咬下去...明明是即時整，明明看得出有花了心思，就是敗給了，這兒的空調。第一串，已是微暖；打後的，是可惜的吃著那些變冷的東西，那時味如嚼蠟，除了可惜，也不懂可說什麼。明白不是食物質素問題，但這卻是不可忽視的基本問題，所以只打「ok」評分，互勉之也。…查看更多

剛去完一個朋友的喪禮, 諗起附近有呢間舖, 就諗住入去飲下悶酒, 借酒消愁.入到去叫左細House Sake 同埋一個燒多春魚串送酒.好快咁就"上菜"啦, 個多春魚D春火喉恰到好處, 唔會太生攪到D春滑潺潺, 亦唔會太熟攪到鞋唼唼. 連魚頭魚骨都食埋. Good taste!!!跟住呢個「」已改名的Wendy」見我悶悶地, 便遞上雜誌. Good service!!之後食完飲完. 見唔係好夠, 就再睇餐牌. 響諗緊時, 呢個"Wendy" 就推介燒牛利, 我無心情諗, 就照她的推介Order 啦!響呢個Order 未黎之前, 無啦啦送左一碟墨魚頭前菜俾我, 仲送多客House Sake 俾我. 我R 晒頭, 做咩送咁多野俾我.原來係店長小姐知道我是半年之前在Openrice 留過言的顧客, 所以便送那些給我. 估唔到一個半年前的顧客, 他們都記得呢!! 仲記得我留言的名呢!! Good memory!講返個牛利, 亦都係火喉好, 唔韌, 辣味亦恰到好處. Good cooking!今次主題係"俾人收買的留言". 係因為俾他們的服務所收買, 他們請的都係其次, 他們懂得顧客的心理, 亦都對於我呢個小小的粗鄙運桔客都有一種貴賓級的專重. 是現今香港人經營的食肆所少有的.在此多謝Openrice 間接請了我食免費前菜同House sake 呢! 亦多謝廚師先生的手勢, 店長小姐的"適做"同記性, "Wendy"小姐的殷勤. 估唔黎食野都可以ease the pain of the funeral.我諗, 呢間野唔令到我至少每個月黎一始都唔得喇!可惜服務呢項最多俾五分, 可以的話, 我會俾十分.…查看更多

60-70元的一個定食，論價錢，佢高過附近的食肆多多聲論味道，佢唔係最好吃了燒雞扒蕎麵定食，只覺麵淋，雞韌另配的餐湯，與我食過的平價日本料理不相伯仲；沙律只是幾塊菜葉加些豉油不知為何有那麼好評，因為質數實在不算中上但環境好有日本feel，侍應很有禮貌…查看更多

去個晚係禮拜六晚, 成十點, 諗住去飲兩杯, 經過呢間舖, 八緊個餐牌的時候, 好快就彈左個waitress 出黎, 不過我同我個朋友都係運桔, 不過呢個waitress都笑住.仲有呢個Waitress 叫Wendy, 值得一讚, 又頭到尾都係佢一手包辦. 仲間唔中撩下我地講野, 令d客舒服d. 跟住"禁"完機, 就再去八下, 跟住同一個waitress又走出黎, 都係笑住. 跟住就問下佢有無sake, 有邊幾款? 跟住就隊左個Sake list 出黎, 不過都嫌貴啦, 飲兩杯之麻, 又唔係喪隊. 雖然佢呢道可以$108任飲, 不過都係唔化算. 跟住佢先話仲有$68一支House Sake揀. 諗諗下ok 就走左入去.入去叫左House Sake 先, 夠熱, 同埋最起碼用熱水興住d sake 都有做足. 試過去D 出明d o既居酒屋都無咁做到. D sake 都ok 唔太辣. 飲完一杯個waitress 都會好落力斟酒.跟住叫左兩串燒雞皮, 不過個"部長"睇下表, 先再遞個$10串串燒餐牌(10點後先有). (落單先leg 黎...再早d添...不過好過無啦...) 好在都幾好食. 仲有叫個燒魷魚筒, 特登叫佢唔好燒得咁熟, 免得佢硬晒唔好食. 到食個陣又真係恰到好處, 唔太生唔太熟. 邊食邊送酒, 一流.飲到興興地, 個waitress 又會問下係咪好熱. 照顧周到.埋單102蚊, 見服務周到, 當然係$1xx唔洗找啦. 不過諗返轉頭... (Sake$68+串燒$20+魷魚筒$50=$102????)P.S. 有頭到尾都係得呢個waitress 有笑容, 其他都無, 值得表揚.…查看更多

聽聞此店水準不錯﹐又由於cheap太喜歡吃日本菜﹐所以今日專程和cheap太到這裡一試Lunch set。一入門口﹐侍應招呼不錯﹐座位已接近全滿﹐剛好Bar檯有位便坐了下來。這裡不設非吸煙區﹐前後左右都有人吸煙﹐頗為難受。(一連數天午膳於太古坊﹐我發覺這裡一帶的煙民比例頗高)午餐選擇有不少﹐一般都是$70~80左右﹐我要了牛肉鍋定食($78)而cheap太則要了香蔥金槍魚腩飯定食($98)。套餐連沙律﹑麵豉湯和甜品。金槍魚腩飯先到。吃了一點﹐味道還算不錯﹐金槍魚腩肉鮮味足﹐上面還鋪有兩小片“赤身”金槍魚刺身﹐賣相及食味都不俗﹐只可惜份量太少﹐我吃的話一個應該不夠飽肚﹐索價$98連加一即$110。這個飯﹐以午市價來說, 實在是貴了一點。牛肉鍋送到我面前時我已知不妙﹐雖然薄牛肉份量足﹐但全部皆浸於滾熱鍋汁中﹐明顯已是全熟狀態﹔而且生雞蛋上檯前已經打進鍋汁中﹐蛋黃已開始熟。真的未食過如此求其的牛肉鍋﹐跟正宗的牛肉鍋僅灼熟牛肉片再沾上生蛋汁入口的美味可說是差天共地﹐就算連鎖店如壽司亭的牛肉鍋也做得比這裡有誠意。還有一個問題就是鍋汁味淡如清湯﹐我從未試過吃牛肉鍋要加醬油的﹐只因這裡的牛肉鍋汁實在太清淡﹐連套餐中的麵豉湯也比鍋汁味濃。這樣一切都不對勁的牛肉鍋餐要賣$78(加一後$86) 簡直是完全不值。相信如果有下次﹐只可以試試串燒了。…查看更多

2005年11月10日見kc介紹惡男來這店，趁放假來試一試。午餐有十多款選擇$58-$98，12:45前埋單10% off，星期六12:00-2:00更15% off。要了什錦串燒set$98，麵豉湯、沙拉、雪米滋，飯一碗(當然不是日本米)和8串串燒:鶉春蛋，蝦，帶子，青椒仔，茄子，雞腎，雞翼，雞軟骨。份量夠，味道ok啦，即叫即燒所以要略等。全店都是吸煙區，通風幾好，但風大食物快涼，我都食得好快但食到雞翼已經唔夠熱。女侍應們好有禮，因要等侯些少時間，會問我好不好先上湯和沙拉，又問要不要看雜誌，見我拆不開濕紙巾的膠套又問我要不要幫忙。午市不見有日本師傅，可能師傅換了。…查看更多

今日黎呢頭攪點私事順手約左係附近做野o既舊同事聚下舊食下飯吹下水,因自己比預定時間早到就先入去坐低等埋位朋友,入到去環境唔錯佈置同一般日式食店差唔多而(木台)o既數量比較少如遲d黎可能要等,另因外面天氣實在太熱,自己本身又係蒙古大汗坐低果時都已經成個汗水人咁不停流不停抺,好在抺汗期間個靚靚女侍應除左杯熱茶外重即刻送上冰水一杯,因見其他食客都冇o既關係可見佢細心之處...低讚!!!朋友跟住到埋開始叫野食,見餐牌上o既套餐大約有十幾種,價錢幾五十幾至九十幾都唔算太貴,跟手自己叫左個燒銀雪魚餐,朋友就叫左個雞排湯烏冬餐燒銀雪魚餐---有沙律,味噌湯,燒銀雪魚兩件同白飯一碗,兩件銀雪魚燒得幾好唔會太燶,好滑,而沙律同味噌湯大致上都o.k.唯一係唔太鍾意碗白飯比較濕!!而朋友o既雞排湯烏冬餐都有沙律同味噌湯,而雞排碎上另湯烏冬係分開上,貪食之下夾左件雞排試,感覺上太鞋唔係好得,唔建議試!!!總括來講,食物質素同服務方面個人都覺得唔錯,應該可以再試,下次一定要試下佢地o既串燒先得!!!…查看更多

Just gone there today lunch, the Japanese See fu has left. All chefs are Chinese now and the taste are bad .…查看更多

尋晚寫食評果陣明顯的酒氣未過，所以今日再睇番個食評至知有野寫漏又有野寫錯，補充如下：1.成日師傅師傅的叫，其實師傅是Katsuki San，香月是也。2.對住個爐一晚都寫錯，那個不是電爐，而是比較高級的煤氣玻璃管爐，比電爐貴又更易控制，但個人覺得因不會搶火，所以燒出來的串燒不夠香口，在菜蔬類分別尤其明顯。3.有味燒汁燒豬腸唔記得寫，美味又好送酒，正！4.麥燒酌只飲左一支，唔係兩支。…查看更多

之所以再幫襯這裡，也算是適逢其會。皆因今天工作完畢，有兩個工作上的朋友提議去飲杯野，下午在這裡吃了一頓不錯的午餐，就提議不如來吃串燒。大家興致也高，就一行三人又來了。六點幾，人不多，我們可以坐在串燒爐前的位。這裡用電爐，睇怕全港九都不會找到有炭爐的串燒居酒屋，有的話煩請單聲。牆上佈置成一格格，之前以為放在上面的酒瓶是裝飾，原來近看才知是客人留下來的酒，數量不少，也是呢度受歡迎的其中一個證據。先來幾碟小吃，前菜是漬茄子、漬鮑貝等，味道不錯但不見特色。見師傅在陣，叫了一客蛋卷，在居酒屋要試師傅的手勢可叫這個，一吃便知龍與鳳。這裡的蛋卷都不錯，雖然賣相不算佳，但吃落不太乾身，有嫩滑口感，鹹甜有度，過得關。再來點飲的，吃串燒一向不飲清酒，要飲燒酌才合適。隨便點了麥燒酌，同行有朋友就要了今期推介的麒麟啤。大家都叫了想吃的串燒一大堆，有雞軟骨、長蔥、豬面肉、蒜頭、青椒、冬菇、雞翼、雞皮、羊扒等等，汁燒同鹽燒都有，師傅手勢不錯，不知是不是心理作用，比下午吃到的還要好。個人而言，吃串燒是喜吃菜多於肉，好鹽燒多於汁燒，尤其一味燒蒜頭，送酒的話是百吃不厭。也試了寫在黑板上的是日推介，今日雖然是假期，但推介可不少。鹽燒鯛魚不錯，香口又好味，四十幾蚊幾抵食；炸鴨肉比起一眾串燒，就較為一般了；炸藕餅就都幾好食。飲飽食醉，之後再去食麵。埋單五百幾，吃了不少東西，仲有兩支燒酌同啤酒，都要番咁上下價錢。總括而言這裡水準不錯，在筆記本中本地有水準的居酒屋又多一間。…查看更多

中秋節翌日都要返工，仲要唔係輕輕鬆鬆坐到夠鐘果隻，係要同個同事落太古坊主持一天的conference，真要命！午飯時份同佢兩個，太古坊附近好多食肆都因公眾假期，關了門。餘下選擇不多，supersandwiches及鬼佬午餐或老麥是非live and dead situation都不會去吃，行過這裡，喜見這間傳聞中水準不俗的居酒屋還在營業，就二話不說拉了個同事進來，如果不是她一定會去east end或老麥。呢度係居酒屋格局，裝修幾雅致，地方不小，所以有串燒爐都不會有傳統居酒屋的濃烈油煙味。一時多，人客很少，計及我們二人都係得三檯客。原來這裡有午市套餐供應，價錢六十幾至七十幾，唔算貴，就叫了天婦羅定食、串燒定食、燒肉定食，三款不同類型的日式食物，來試試這裡的水準。三個定食先後送到，賣相全部對辨。串燒有冬菇、長蔥、雞軟骨、雞肉、雞腎等，全部鹽燒，有香味，淮鹽及黑椒灑得均勻，亦燒得治味，好有水準，略縑還不夠十分乾身。其中最欣賞的是長蔥，如果不是下晝還要返工就一定啤啤佢；天婦羅是三隻蝦、冬菇、茄子、蕃薯等，炸皮脆，但未去到鬆脆的境界，看吸油紙亦頗多油，不過炸物非這裡主打，做得這個水準已合理有突。蝦雖然不算大隻，但都新鮮，亦有三隻，不錯的了；燒肉是牛肉，用醬油炒得味道濃，送飯一流，又份量不少，有滿滿一方碟，不知是不是同師傅就快下場有關。因貪吃，雖然同行的是個女的，但都二人叫三個定食，但其實呢度定食份量都足夠的。天婦羅及燒肉定食跟飯一碗，串燒定食則跟燒飯糰兩個，之外還有前菜、沙律及味噌湯等，結果三份我們全部吃下，到最後是非常的飽。飯是珍珠米，將貸就價也無可厚非。還有兩粒雪米滋作結，總結這餐是吃得頗滿足。雖然午市還有各式十蚊串燒，看師傅功架及手勢是超值，但實在太飽，不能再叫，亦為今晚的下半場留有引子。埋單二百四十蚊，雖然唔平，但食物有水準，地方企理又好坐，加上今日度度唔開得佢開，在本人心目中加分不少，就算食午市定食都值得推薦。題外話：午市last order至兩點半，因為師傅會準時落場，亦會收布幔。有個日本仔兩點半左右來到，都不得其門而入，想幫襯要留意。…查看更多

呢度梗係試下串燒，但用料唔算上價，又燒得一般，味道亦唔叫得話好所以畀佢ok咁啦…查看更多

今次坐bar檯位，坐正呢個位就食正爐頭火，只好以毒攻毒用煙吹番佢。食在兩個蔬菜，冬菇同白果。味道一般，冬菇有一舊好咸。仲咸過我。小食呢，上次食過車里茄，今次無再叫。另外三種雞都好味，特別係大蔥雞肉卷。至於牛羊雞以羊最可怕，隨時可以連叫3個order都唔夠喉。雞翼最唔合口味。因為口淡淡，所以想整舊秋刀魚，唔腥，乾，正。…查看更多

侍應冇乜笑容，但招呼都幾週到，不過金毛個妹妹仲上錯菜比我。老板廚師都係日本人，無啦啦過泥講兩句唔咸唔淡廣東話。地道日式爐端燒，可惜抽氣無咁好。食左冬菇、牛舌、煙肉車里茄、煙肉三文、羊架、帶子、天婦羅飯、海膽白飯魚、最後來一個芝麻雪糕。食物全部高班，但係無鵝肝食。…查看更多