臺北棧 (港威商場)

營業中

休息中

平日dinner時間walk in都有卡位坐係粉紅色少女心爆發既餐廳💕同閨蜜同另一半黎打卡都好適合！▫️我地叫左5碟+甜品刨冰▫️牛肉麵❤️❤️❤️❤️❤️: 闊條麵 出奇地煙靭 我本身唔好手工麵 都食唔停口▫️魯肉飯❤️❤️❤️❤️❤️: 竟然有軟骨，係我食過咁多間台式餐廳，第一次食到，正！▫️鹽酥雞❤️❤️❤️: 百幾蚊，得5舊，係好味，但太貴了◽️咖哩芝士吉列蝦蛋卷❤️❤️❤️❤️❤️: 足料，好多芝士，正！▫️地瓜條❤️❤️❤️❤️: 新鮮炸起，幾好原味刨冰❤️❤️❤️❤️: 好大碗，兩個人都食唔哂！多重口感😛

最近見老公成日說起想吃台灣料理，不知道在哪可以吃到好吃既店舖，上網找找發現海港城有間台式餐廳挺不錯，一於就跟他去試試。餐廳裝修好少女風，全店用上粉紅色做主色調，卡位獨立空間感十足，大大增加私隱度，餐牌選擇雖然不算太多，但有些fusion 配搭都幾特別，多了一份新鮮感。三色鹽酥雞鹽酥雞配三款不同醬汁，有芥末、柚子檸檬、黑松露，吃時沾上這三款醬汁都帶出不同風味，柚子檸檬帶點醒胃酸酸甜甜，黑松露帶點香濃，老公比較鍾意芥末，帶點辣辣的。雞肉外皮香脆，內裡非常有肉汁，外皮放了很久亦保持鬆化口感。招牌魯肉飯滷肉軟淋香滑，入口不太油膩，米飯吸收了滷肉和肉汁，吃完真的令人食指大動，加埋滷蛋真是絕配。軟殼蟹麻婆豆腐撈麵第一次食這款fusion撈麵，軟殼蟹都算大隻，炸得非常鬆化香脆，配上中式麻婆豆腐帶麻香辛辣味道，吃下非常醒胃。紅豆沙牛乳牛乳大王是人氣商品，見很多不同牛乳都好想喝，我們到最後叫了必選的紅豆沙牛乳，紅豆沙幼滑，牛乳味濃，喝下又不太甜，如果紅豆味可以再濃厚一點就太好了。

作為一個芋泥控 喺網上見到呢個賣相非常有特色既芋泥甜品好早已經 bookmark 咗呢間餐廳終於來試到髒髒鹹蛋黃芋泥蛋餅 $88賣相非常吸引 面頭有紫色既香芋粉 💜 同鹹蛋黃碎無論係面頭嘅香芋粉定係蛋餅入面嘅芋泥都好重芋頭味鹹蛋黃既咸香亦好吸引芋泥控必試嘅甜品 👍

呢間位於海港城的台灣菜bookmark左好耐，呢日收工終於來試！喜歡餐廳半圓形設計好有格調，粉色tone好少女心💕 播住我最愛的五月天和周杰倫，牆上掛住台灣特色的畫，好有去左台灣feel🥰店員安排卡位坐得好舒服😌.🫔咖喱起司吉列蝦蛋餅 $98🥘擔擔牛肉麵 $138🍚招牌魯肉飯 $68🍵抹茶奶奶麻糬 $108🥛木瓜牛乳 $52.太多都好吸引，揀左好耐點了幾款，太掛住台灣滷肉飯和牛肉麵，招牌果然出色，台灣正宗地道口味好正，懷念的味道😋 牛肉麵唔會好辣，麵煙韌彈牙有咬口，湯底惹味濃厚甜辣口味，仲有炸蟲草花滿脆口好特別😋台灣蛋餅又係我最愛，呢個配搭第一次食感覺好台日fusion 滿有趣，蝦炸到脆卜卜芝士好拉絲，不錯👍🏻.再點杯木瓜牛乳非常細滑，甜品抹茶奶奶麻糬必點！勁幼滑口感一流，好q彈我係咁拉🤣抹茶味好出，配搭滿滿的黃豆粉一齊食又唔太甜，無令我失望好睇好玩又好食，開心🥳.地點方便坐得舒服價錢合理又有得打卡，喜歡台灣菜嘅朋友一定要嚟試吓！

疫情後復常，全球周圍都通關，但工作關係未能買機票去旅行，Ocean Terminal 新開台北料理《臺北棧》開心食番餐，給自己旅行feel。牛乳、豆乳、沙冰，仲有苦瓜汁大王同埋一啲手調飲品，雞尾酒、台灣啤酒、日本清酒...... 飲品種類繁多，好啱朋友食飯傾計，一邊飲一邊傾。牛乳大王- 紅豆沙牛乳~牛乳係呢度嘅signature drink，紅豆沙蓉配牛乳，特別香環。鹹蛋黃芋泥球~邪惡的鹹蛋黃配合竽泥，輕輕炸過，堅韌的外皮，再配合芋蓉，好味無比。髒髒鹹蛋黃芋泥蛋餅~喜歡吃芋頭嘅我，呢個真係好吸引，賣相好靚仔，喜歡食鹹蛋餅嘅朋友都有其他選擇，例如肉鬆。擔擔牛肉麵~台灣牛肉麵再加上擔擔麵嘅味道，多重口感，花生碎好香口，牛肉炆得夠淋，特別啲，選擇咗刀削麵，比較煙韌。招牌魯肉飯~魯肉飯係我最喜歡嘅台灣主食，鹵水汁啲惹味再加少少肥肉，十分滋味。手工鳳梨酥麻薯蛋撻~鎮店之寶，最後來過好豐富嘅甜品，蛋撻裏面有台灣特產鳳梨酥及煙韌的麻薯，一次過滿足幾個願望 大家記得要留肚食。

相約妹妹嚟到之前bookmark 左嘅餐廳，去到見到餐廳裝潢好靚，仲有多個區域，各有特色，而且座位多又寬躺，燈光昏暗，甚覺舒適😌主打台式食物，款式都幾多又有特色，必食人氣～髒髒鹹蛋黃芋泥蛋餅蛋餅上灑上紫色粉，外型搶眼，裡面有軟滑爆餡芋泥及香口的鹹蛋黃，蛋餅蛋香又有口感擔擔牛肉麵～熱騰騰🔥，湯底濃郁，台灣寬粉絲吸收湯汁，爽口彈牙，加上配料好豐富手工鳳梨酥麻糬蛋撻甜品之選～比想像中大件，蛋撻皮鬆化，蛋味香濃。裡面仲有鳳梨醬及麻糬餡，真係好鍾意💕木瓜牛乳木瓜汁加牛奶，滿滿一杯，幼滑又唔太甜

中環人氣小店 - 臺北棧進駐海港城！餐牌主打台式小食、飯麵、台式特飲、甜品等！傍邊卡位以粉系裝潢，少女心加點夢幻！十分啱我心意！ 🍖🍚花膠魯肉飯 $168花膠炆得好入味，爽彈口感彈性高、具嚼勁，配上切成條至粒狀嘅半肥瘦嘅魯肉，啖啖香濃多肉汁，香而不膩！滷水味咸淡適中。每一啖飯都食倒啖啖滷肉！飯嘅份量都好足！推介！🍜招牌牛肉麵$118麵底可揀刀削麵同寛粉絲；碗邊放了特製辣醬牛油，可自調辣度；先飲一啖湯～香濃甘醇！再食一啖牛展，忟得勁淋勁入味，入口即溶化！配菜有爽脆嘅蟲草花同糖心蛋，兩樣都好出色！寛粉絲彈牙十分掛湯，香濃又惹味！🍤明太子甜不辣  $78 甜不辣炸得啱啱好唔會好乾！帶點咸香同明太子醬好夾，好有台式夜市嘅味道！🍮手工鳳梨酥麻糬蛋撻 $48留左小小肚食呢個店員推介手工鳳梨酥麻糬蛋撻，食落似蛋撻包住麻糬，香酥甜美！必試！🧋飲品點了宇治抹茶牛乳$55同紅豆沙豆乳$48，宇治抹茶香濃回甘，紅豆沙清甜可口，兩款都好味！臺北棧 Check in Taipei 地址：📍尖沙嘴海港城港威商場2204-6

✨臺北棧ू•‧̫•ू⑅)⁡🎀 <招牌牛肉麵>𝚁𝚊𝚝𝚒𝚗𝚐: 𝟼.𝟻⁡湯底算濃味微辣有少少藥材味有蟲草花幾特別牛𦟌有三片左右唔係厚切唔算好多湯麵入面另有半隻糖心蛋同豆腐乾麪 揀咗台灣寬粉絲比較罕見 偏淋身同扁身質感少似薯粉可能配煙靭嘅麵會好食⁡🎀 <三色鹽酥雞>𝚁𝚊𝚝𝚒𝚗𝚐: 𝟼.𝟻⁡好奇點為之三色三色原來係鹽酥雞旁邊嘅醬汁有黑松露醬 柚子醬 同冬陰功醬小編最愛柚子醬酸酸甜甜又消滯但百幾蚊幾件雞性價比一般⁡🎀 <海鮮大阪燒蛋餅>𝚁𝚊𝚝𝚒𝚗𝚐: 𝟼.𝟻⁡海鮮主要有章魚同蟹柳另有啲椰菜絲木魚味道同一般章魚燒冇乜分別蛋餅唔太乾適合同人開心share⁡整體評分：😋 味道: 6.5/10💰價錢: 人均約$250⁡*☼*―――*☼*―――*☼*―――*☼*―――*☼*💖 臺北棧 📍尖沙咀廣東道5號海港城港威商場2樓2204-6號舖📞(852) 3595 0995⁡#Foodiechk ⁡⁡⁡ ⁡⁡

.😎位於尖沙咀海港城嘅check-in Taipei 😍 成間裝修都係粉紅色調，啱晒女仔打卡🤗主打台灣牛肉麵，仲有特色嘅甜品🤭!以下係詳細食評:.▫️ 【 櫻花蝦烏醋茄子】⭐️⭐️強烈推介⭐️⭐️呢一款小食味道唔錯，大量櫻花蝦乾，單通賣相都好吸引，茄子走過油，更加香口！❤️加上烏醋嘅味道，酸酸甜甜，啱晒做餐前小食，夠晒開胃🤩.▫️ 【髒髒鹹蛋黃芋泥蛋餅】雖然本身唔係好鍾意食蛋餅，但係見到個賣相超級吸引！❤️影相打卡必叫！蛋餅入邊超多芋泥，味道唔會好死甜，份量都好多，淨係食呢個都已經飽咗🤣最新嘅門口.▫️ 【招牌魯肉飯】⭐️⭐️強烈推介⭐️⭐️ 肥而不膩的滷肉，鮮甜濃郁的醬汁，配上白飯、糖心蛋！好滿足😝.▫️ 【 擔擔牛肉麵】超級濃郁嘅擔擔牛肉麵😊刀削麵偏軟靭，牛腱份量亦都好多，而且仲係好厚切添！整體都唔錯👍🏻.▫️ 【 蜂蜜苦瓜汁、珍珠奶茶】實在太掛住台灣嘅苦瓜汁，所以忍唔住都叫咗杯，苦瓜汁甘甘地，同時帶蜂蜜嘅香味㗎🫶🏻🤗

Impolite service, not welcome kids, they were not patience for serving families guests! Also, the waiters were not polite and not attentive! Even asked for service, they were slow and without smile, I will not go to this restaurant again!!

每次去海港城都很多人排隊的餐廳 今天終於有位置®可以吃到我喜愛的台灣美食®每一次必點鹹蛋黃芋泥蛋餅$88就是喜歡超多芋泥三色鹽酥雞＄128麻醬蒎拌秋葵＄48花膠魯肉飯＄168招牌牛肉麵＄118鐵觀音法式燉蛋＄98蜂蜜䒷瓜汁＄48台南冬瓜茶＄38超飽的一餐

最近好掛住台灣的食物，襯今日時間較鬆動就和朋友試試。餐牌上款式選擇多，由地道小食到特色甜品都好吸引，但擔心眼寬肚窄就叫了幾款一齊分享。明太子甜不辣，甜不辣炸完加了明太子醬，兩者配搭出奇地夾，味道有驚喜，必點小食！髒髒鹹蛋黃芋泥蛋餅，微鹹的蛋黃和甜甜的芋泥，鹹甜交錯的確會刺激味蕾！講到台灣美食當然唔少得牛肉麵，呢到可選手工刀削麵或台灣寬粉絲，心大心細的我們最後叫了2碗。個人比較愛寬粉絲，索晒湯頭的味道。職員提醒我地碗上有辣牛油，牛油放進熱湯頭即融化，湯頭充滿牛脂油，輕微香辣更惹味！木瓜牛乳，用上新鮮木瓜，飲起上黎份外不同，推薦！

海港城臺北棧裝修超級夢幻，令人著迷嘅卡位包廂設計十分吸引眼球，漸變色效果既柔和又典雅。有品味的吊燈更顯高檔。可見餐廳走高檔路線，餐點價目相對偏高，但味道的確很不錯，值得幫襯。餐廳供應臺灣地道風味，由小食、飲品、主食賣相都相當討好，令人充滿期待！手工鳳梨酥蛋撻賣相是巨型鳳梨酥同長方形蛋撻組成體，充滿香濃的鳳梨味，厚實嘅酥皮包住一層鳳梨蓉、一層麻糬、一層蛋，口感層次相當豐富。招牌牛肉麵湯底勁濃郁，充滿牛肉鮮甜味，牛肉份量好足料，口感相當軟冧，亦十分入味。配上乾蟲草花、溏心蛋、滷水豆腐，起豐富！仲配有特製辣牛油，自己可以適量加入去食。值得一提嘅系麵有兩款可揀，刀削麵同台灣寬粉絲，我哋揀咗刀削麵，呢個不得了，個口感勁Q，非常好味。髒髒鹹蛋黃芋泥蛋餅 超級上鏡，打卡必點！蛋餅上灑滿夢幼紫芋泥粉，蛋餅中間系爆醬芋泥蓉！口感十分綿密細膩，間中食到鹹蛋黃，咸咸甜甜嘅口感好特別。抹茶奶奶麻糬我就係比佢賣相特別吸引，只要將麻糬同黃豆粉混合之後再用筷子將佢𠝹成細舊食就食得啦。佢嘅抹茶味淡雅，口感零舍柔滑。野飲要推薦嘅系綠豆沙豆乳同萍果苦瓜汁，皆不會太甜，好有台灣特色。

Check In Taipei開到黎尖咀海港城近期推出 期間限定新口味栗子麻糬撻對比中環走玩味風格時，現在專注做美食，反而更吸引鳳梨苦瓜汁$48鳳梨香甜可令苦瓜苦味無甘突出～肉鬆皮蛋蛋餅$78軟Q蛋餅皮包裹住滿滿肉鬆同皮蛋好食招牌魯肉飯$68調味夠濃郁，屬正常發揮！明太子甜不辣$78口感係煙靭好味嘅甜不辣，仲有最愛明太子醬伯爵茶凍愛玉$88Size足夠兩人份量～平時通常仙草芋圓就見得多，伯爵茶凍配合愛玉口感清爽解膩，不錯！手工鳳梨酥麻糬蛋撻$48甘巨型個麻糬蛋撻無人講嘅！鳳梨酥口感呈現左係撻皮，一絲絲酸甜鳳梨蓉配合QQ麻糬同蛋，口感層次更豐富喜歡鳳梨酥嘅必定會喜歡！

行街行咗一陣，而家想去食台灣嘢，經過海港城，我入咗去呢間，一直都好想嚟舖頭，餐廳入邊環境舒適，佢每一個卡位都有獨特分格，好似一個相房一樣。餐廳環境：我哋叫咗六個菜，紅燒牛展面，牛展好林，口感同厚度比我想像中的還好，沙嗲牛展食落去唔會好油利，麵都好Q彈好味指數：士林鹽酥雞，每一個都好大舊，佢有蛋黃醬同埋黑松露醬嘅加入，令到芝士味更重。原本舊雞都係新鮮炸起出嚟，就算放咗好耐都好多汁。分量亦都十分之足夠，食落去，仲有少少九層塔嘅香味，如果加入九層塔🌿。就好似去咗台北嘅夜市一樣。建議大家嚟到都食一食呢一個。好食指數：另外我哋都叫咗熱嘅冬瓜茶同埋珍珠奶茶、仲有一杯玫瑰花奶茶，呢兩杯嘅甜度就太過份了，我平時都食得好甜，但呢個越飲就越覺得甜，所以大家要考慮吓呢度嘅飲品，值唔值得嗌。除咗飲品之外，其他都係幾好。好食指數：最後，我哋冇叫到個鳳梨蛋撻，叫咗個伯爵茶布甸，呢個茶味濃郁，布丁上邊嘅焦糖唔係好甜，係一個唔錯嘅極品選擇我份量足夠兩個人食。好食指數咖喱炸蝦蛋卷，係呢一度入邊叫做最出名嘅嘢，佢芝士再加蛋捲同蝦一齊嘅配搭，令到你覺得好飽肚，啱晒四個人以上先叫，所以我哋最後係食唔晒，但係佢芝士味有浸奶油香