至尊滿屋日本料理 (已結業)

已經有一段時間無到旺角食日式放題，今日朋友相約去到至尊滿屋食晚飯，淨係見到餐單同埋任飲嘅飲品櫃，都預計到今晚會相當豐富。食放題，當然要先試刺身。三文魚、赤貝、帶子同赤蝦都同我相像中新鮮質素高。 赤貝爽口鮮甜，三文魚亦有魚香味，赤蝦亦新鮮彈牙。而呢度嘅壽司亦相當有名，因為好多都係自家創作壽司，好似香芒大蝦壽司，芒果又香甜，味道好出。芝士鰻魚卷，和牛壽司亦係水準之作，嫩滑而肉味香濃，絕不比外間西餐廳差。熱食海鮮方面，清酒煮扇貝的扇貝細細隻，鮮味十足，清酒味道又唔會太重，味道啱啱好。而炸物方面同樣出色。黃金包即炸奶黃包，竟然係日式放題可以吃得到，感覺夠新鮮，味道再點上煉奶，配上軟綿嘅奶黃餡，相當出色。而天婦羅、炸蠔等炸物都炸得金黃吸引，漿粉輕盈，唔會有太重嘅油膩感。最後當然係甜品時間，Movenpick雪糕一人可叫一客，而甜品櫃內嘅macaron、芝士蛋糕及各款甜品則可以任揀任食。macaron有好多唔同口味，其中咖啡味同埋士多啤梨印象深刻，甜味唔會太重，絕對有酒店級數。

媽媽雖沒經歷三年零八個月，但就是不喜歡有關日本的所有事，尤不好刺身壽司；爸爸則鍾情日本飲食文化，卻因為媽媽的原故很少可以吃日本菜。今晚難得媽媽沒空，就帶爸爸來到這間近期很多人捧場的放題。食放題最精彩的環節當然是任食刺身，我們很節制的點了三文魚、油甘魚、深海大赤蝦、甜蝦、鮑魚片、馬刀貝、北海道角螺、劍魚腩、赤貝和鮮帶子。由於流量快，刺身基本上都是非常新鮮的，尤其喜歡爽甜的馬刀貝及肥美的劍魚腩，不誇張，吃進口裡有點像築地外場的壽司店貨色，這個價錢著實很吸引，有夠止渴了！最重要是，甜品竟然有 movenpick!! 太 surprised 了！

同幾個friend 想食日本嘢就一於試下你！坐低咗喺卡位…幾寛敞……舒服…完全唔會覺得迫同侷促！見到兩個凍櫃……一個係飲品而另一個就係甜品！飲品選擇算多…仲有啤酒都係任飲喎！而甜品都唔錯！食放題梗係點嘢食先！！然後係等食！！略嫌出餐比較唔夠速度……可以再好啲！！等咗都一陣子後…嘢食到啦！！嘩…！刺身都好新鮮，三文魚都幾肥美…有我鍾意嘅赤貝同油甘魚…壽司都唔錯！配搭都幾有新鮮感同囗感…有創意！特別嘅有2款…豆紙香茅三文魚同豆紙牛油果鰻魚…就係用豆整嘅豆紙代替紫菜…都幾好食！！甜品櫃係自取嘅……都有五到六款俾人揀！飲品櫃…選擇都算多！仲有啤酒任飲！正！雪糕係好好味嘅Movenpick整體都係好評…！一定會再食！！

係旺角食過咁多間放題，都未試過至尊滿屋放題，一開始唔抱任何期望。一直都唔喜歡兩個人食放題得一張枱：因為放題d碗碗碟碟都唔細，又成日都一次過上枱，通常一張枱都只可以放到兩三碟食物，唔過癮。但今次我地就被安排到2個人用兩張枱 (隔離位都係咁)，可能因為唔滿坐，但起碼佢地唔會孤栆到唔比多張枱黎。整間鋪既座位都寬闊，坐得舒服！個人覺得佢地既食物好多選擇！同埋都有好幾款係出面未食過。點完野食即刻出去睇下飲品同甜品既雪櫃：竟然有Hoegaarden，即刻拎枝返位先！更驚喜既係：竟然有秋葵天婦羅！係日本其實好多地方都有得食，但香港就算連日本料理店都好難搵到有。因為本人好鍾意食架，所以好感動！WOW刺生真係一睇就知新鮮！依家睇返張相都流晒口水！各款壽司都好味！而個人最鍾意係佢地既「黑松露油甘魚壽司」，真係encore幾回！最後發現，原來每人都可以叫一杯movenpick雪糕！即刻覺得好圓滿！‧雖然係限時，但其實3個鐘係充裕有餘，最後食左差不多2個鐘就抱住突出黎既肚走啦~十分滿足！十二分驚喜！會繼續黎食！

又係同事每月聚會既日子，又係放題既時間了。呢道分時段及按人數有特價，價錢同一般的差不多，但好似幾企理咁。唔知點解次次放題都係叫咗魚生先，今次也不例外。刺身足料，三文魚算厚同卜木竹中一鮮。值得一題係D螺同蝦都好正，夠大隻壽司就道道都差不多，但值得一題既係呢道個吞拿魚白松露壽司，個味夾過平時出面連鎖店D黑松露壽司。我地encore咗2次仲有平時比較放題少見既池魚壽司。燒物都好多選擇，其中蝦，牛脷，BB蕃薯同埋燒菠蘿係推介。牛脷好爽又唔油，蝦新鮮唔會霉，BB蕃薯好甜無渣燒菠蘿超級好味，好清甜，食完咁多嘢食下就無咁漏。我地頭尾叫咗三轉，食飽清清口嚨增加戰鬥力又再黎過推介呢道啲飲品有好多選擇，仲有一支支菓汁先生同有汽利賓納。全部靚嘢，選擇多，唔係比埋啲不知名汽水。

當決定不了晚餐的時候，我們就會到瓊華隨意選一間。今次是很少會選擇的放題，間中一次都幾有新鮮感。飲品、甜品自取，飲品種類都幾多，而且某款啤酒是任飲。選了最新出的利賓納汽水。座位都幾寬敞，2人也可以坐4人卡座，完全不感覺擠迫。點菜紙兩大本，最吸引我是每人送movenpick一杯。先來開胃小食，泰式鳳爪味道較酸，有點似羅宋湯，好岩我。而芝麻醬豆腐，滑溜的白凍豆腐，酸酸的芝麻醬，一流。燒蝦比想像中大隻，而且燒得剛剛好，肉質彈牙鮮甜。而雞翼脆皮肉嫩，但未夠入味。刺身來了，有三文魚、大赤蝦、帶子、赤貝等。大赤蝦真係幾肥美，不過刺身整體上味道不過不失，解凍時間未夠，太冰了。牛油粟米，熱騰騰上檯，牛油味適中不會太膩，吃著粒粒粟米很爽。天婦羅，質素比預期中出色，炸粉幾薄，即點即炸，炸蝦彈牙、南瓜尚算甜、而紫薯顏色好紫又甜甜的，不錯。不能吃太多生冷食物，以一個烏冬作結，烏冬好滑，份量一個人品嚐剛剛好。還有movenpick雪糕，有雲呢拿、朱古力、士多啤梨及新出的奶凍味。朱古力味夠濃，內有粒粒朱古力碎，而奶凍味質感幼滑，奶味中帶雜莓的酸味，十分平衡，不會太甜，有驚喜。

行完星際睇相機一落樓就收到阿姐嘅傳單差不多九點即管撞下彩 walk-in 睇吓有冇位8.45pm 新時段開始有沙發位坐大少最鍾意食日式放題盡情任食勁多海鮮刺身整體刺身新鮮大大隻蝦刺身水準頗高味道爽甜厚切三文魚魚油香溢其他魚生味道都OK充滿油分~~很嫩很好吃對正飲品區佢同埋自助甜品區飲品放在雪櫃自助任飲OJ~~可樂~~汽水~~供應源源不絕想食清淡啲可以叫唔同款式嘅沙律秘製沙律醬酸酸甜甜很開胃仲有蟹子粒粒 口感不錯 壽司夠晒新鮮保持水準飯帶點醋香這碟靚靚的壽司卷物賣相跟味道都不錯聽講係創意壽司 ~haha睇得出好有心思而且好味道水蟹粥鮮甜質素不俗串燒大蝦食落肉質柔韌有嚼勁推介必吃鰻魚串香濃鰻魚醬味道香噴噴鰻魚肉質感嫩滑很彈牙泰式串燒我揀了牛柳邊位燒得夠脆口沾了點甜甜的泰式醬挺美味~~什麼都想試一試日式地道美食香濃惹味入口肉嫩多汁甜品方面有我最愛的 movenpick 雪糕水準當然高選擇算是十分豐富中西日式冷熱盤及甜品都係冇限量供應絶對可以滿足大胃王不同口味整體刺身~壽司~同熟食都好食款式多確實相對抵食價錢合理~~食到飽飽

好難食 好難食 好難食 ！最要既事要講三次！本人唔係好欣賞生冷野，但同學聚會，無計～所以我主攻熟食同甜品甜品真係好難食 好難食 好難食 ！椰汁榚得個甜字，質地異常地彈牙！好驚！椰汁榚應該係林林地架！朱古力TART，個皮林晒，勁唔新鮮！超 級差！刺身我食左好少，保持中肯，不過三文魚最基本啦，但1D都唔肥美既！價錢又唔係平！又多人！又難食！！！

朋友生曰，見到好評又多，又有生曰cake同梅酒送，所以去試一試，點知好伏。首次，食家推介至尊榴槤炸彈，連店員都唔知有呢樣野存在，所以千其唔好為呢樣野去。一間曰本放題，刺身唔新鮮，重有少少腥味，叫左一轉就放棄左。本 menu係好厚呀，其實只係將食物種類細分，無咩野食簡。最無奈係落完單，等生等死都無野黎，問完就話可能漏單，叫我地再寫過，last order又唔出聲，到我地再問點解一直都無野食，先話夠鍾啦，但我地一直無野食黎囉。。。難得有個碟，你地都收得非常快，真心要讚佢收碟速度一流。最令我反感係，佢無啦啦放低個蛋糕係枱走左，我地個個呆左，生日果個主動問:“係比我㗎。”我地無人識答，要搵人問，結果答案係:“你地自己訂咗唔知咩？”我地知，但無諗過咁突然囉！唔通係“驚喜”㗎一種黎?如果係，真心要多謝佢地㗎“ surprise"!支梅酒，要自己出口問先有的。ps:movenpick雪糕，係一人一杯.

今日同哲豬豬到旺角。想食一間環境好的放題，就選到呢一間。一入到門口就被呢個甜品櫃所吸引了,竟然放題會有蛋糕同馬卡龍,對於愛食甜品的我真係大大加分坐低就即時order野食,食物呢頭order嗰頭就即上,十分有效率而每一款壽司,飯的比例唔多,所以唔會太濟!還有多款海膽壽司~特別要介紹呢個壽司,上面加了黑松露,非常好味。在一間放題食到呢款任點的壽司,真的十分不錯另外還有上面加了類似xo瑤柱的壽司同芒果蝦壽司,十分創新還有鹽燒雞翼同燒虎蝦,雞翼十分入味而虎蝦新鮮彈牙到了天婦羅,呢度有少見的秋癸天婦羅,即時點了,味道幾特別最後想走之時,店員話每人都有一杯movenpick贈送雖然唔係任拎,但一杯食完已十分足夠了總括而言,普遍放題的價錢但食到唔同種類而有創新的食物,真係十分抵食呢!

旺角有好多間放題，不過朋友話呢間最好食所以我地過咗嚟。價錢其實同其他都唔會差太遠，都係二百幾蚊。睇晒成個餐牌之後，得出嘅結論就係主打嘅嘢食都係自家創作壽司，因為真係好得意！刺身有叫赤蝦、甜蝦、玉子、馬刀貝、帶子，赤卡仲好味過甜蝦，甜蝦唔係太新鮮。玉子方面偏硬，帶子就真係鮮甜同埋爽口。香芒大蝦壽司個芒果又甜又新鮮，味道好夾。芝士醬燒帝王蟹棒壽司鹹鹹地甜甜地好有趣，海苔醬燒三文魚壽司比較油膩不過勁香。魚子醬帶子又咸又鮮，幾好味。黃金膽中花之戀都好得意，個海膽味道還好，有得食海膽已經算好不錯。海膽手卷裏面嘅海膽比起啱啱花之戀嗰個更加好味，好鮮，估唔到呢個價錢竟然食到咁好味嘅海膽。 吉列蠔普通質素，冇咩特別。溫室南瓜天婦羅、番薯天婦羅、虎蝦天婦羅反而記得意，外皮炸得特別脆，裏面都好熱，特別係番薯天婦羅用咗紫心番薯。燒紐西蘭香草羊鞍味道都係好香，食到羊酥味嘅人應該都會好鍾意。有啲位置特別肥膩，但係油香十足，勁好味！整體來講都算係幾唔錯，仲有馬卡龍都幾好味。

上次放題中伏後開始,有好一段日子不敢再試了,個個都話食平價放題不要期望太高要求太高~但偏偏就有朋友極力推介至尊放題~話性價比高又坐得舒服~難得有人請~試一試都無妨~來到旺角的至尊放題,感覺整齊乾凈,這裏的甜品和飲品也是自助,選擇都幾多下~連Hoegaarden Rosee都有!正!我見有人一次過拎想要飲品反位,可能有些飲品特些受歡迎~ 在枱面放了兩大本Order 紙~女人的第六感告訴我裏面有不少正野~由刺身到熟食、炸物、燒物、壽司、鍋物等等等等,眼花撩亂要認真睇下~ 赤貝，帶子同赤蝦都好好好好味,赤貝爽口鮮甜，帶子雖然不算大隻,但勝在夠新鮮夠嫩口,有入口溶的感覺~一點腥也沒有,一定一定要推介赤蝦,Size吾細啖啖肉,而且肉質也爽甜沒有發霉,食到停吾到口!總括刺身新鮮不會失望而回~! 壽司款式也有很多, 不會太大件一口一件剛剛好~有些壽司味道幾創新,例如三文魚加海膽的花之戀,試了很多口味都很不錯,香芒壽司也十分重果香味~有驚喜!! 天婦羅脆漿不會太厚,雖然不是很脆口,但沒有滲油現象,口感不錯,而且用上我最愛的紫薯,加分不少~ 燒物也十分不錯,羊架不會太肥带少少So味,但欠缺了些鹽,

🐸小妹趁平曰放假人較少就到旺角行街街，剛經過瓊華見到一間新日式放題"至尊滿屋日本料理"的傳單上面寫著晚市放題只需$228(星期一至三$228，星期四$238，五及公眾假期/假期前夕$248，價錢相差不過$20)，放題分開兩段時間1730-2030及2045-2315，享用時間共2小時。小妹剛好有少少餓意就決定上去試下。餐廳在瓊華中心7樓，時間尚早所以在樓下不用排隊等升降機。若時間再遲一點排隊等候時間就久很多。因為瓊華中心大多是餐廳，到晚飯時間等候的人就超多，所以能早些必有著數。因時間尚早客人不多，侍應安排了梳化卡位給我們。餐廳地方都算大，環境亦很舒服，座位數量都算多，座位很寬敞，能讓食客坐得更自在。食放題小妹第一件當然參觀下餐廳的飲品及甜品雪箱啦。飲品選擇很齊全，汽水，烏龍茶，韓式果汁，各式紙包飲品外還有啤酒,完全能夠滿意不同年齡層及喜好的食客。甜品方面選擇不太多，有芝士蛋糕，奶凍及馬卡龍等。但雪糕方面跟外面一般日式放題餐廳更勝一籌，餐廳提供名品牌幼滑的瑞士雪糕movenpick啦，限每位食客一杯啊！味道有朱古力，溫呢拿，士多啤梨及意大利奶凍，千萬不可遺忘它們啊。至尊滿屋都是以Orde

係滿屋放題係貴少少版本 以放題黎計地方都尚算闊落平日夜晚8點9 時段 計埋加一 250 一個 都尚算抵食食物種類都算多 而宜質素都唔錯刺身方面有三文魚 螺片 甜蝦 大赤蝦 帶子 劍魚腩 全部都切得大大塊而且都幾新鮮 而估唔到赤貝都有 十分爽口鮮甜， 而螺片夠甜， 赤蝦都好夠蝦味， 其它刺身優素都不俗  壽司方面 有火炙三文魚， 牛肉 ,.吞拿魚一般既壽司都幾好味 , 仲有d特別d ,.好似香芒蟹棒， 黑松露蝦壽司味道都好match . 而鯛魚同 池魚呢d比較少有既壽司都有得點 食落睇落都夠滿足  而熟食燒烤方面方面 有牛舌 羊架 雞翼 雞肉串 冬菇 等等 全部以鹽燒為主 燒得唔錯既係雖然係鹽燒 但唔會燒得太乾冇左應有既水份  一品埋有芝士蠔 芝士味同切碎左既蠔加埋不嬲都好match , 仲有蝦 南瓜 秋葵 天婦羅都係炸得甘錯 唔全太多茨粉又夠新鮮 鍋物好似牛肉鍋都係必點 甜豉油令到想食完又食 仲有稻庭烏冬 煙韌彈牙飲品方面 有哂基本既果汁同汽水 烏龍茶 熱茶等任拎 最正係仲有hooagarden可任飲而最後每人可以食一個movingpick雪糕 整體黎講平靚正 係油尖旺區食放題好選擇！

唔食放題既話都唔知道要食什麼了因為胃口實在太大同朋友一齊share食飯一定會比人認為係拎著數至尊滿屋有好多唔同款式的食物真是令人開心雖然價格唔算非常便宜，但係都吃得好滿足胡麻豆腐係前菜豆腐好滑而且味道清但係再多D胡麻醬就更加香了甜蕃薯吃左好多串都唔覺得飽小甜薯中間好粉，口感好有趣最重要是好夠甜味，燒得都好香天婦羅蝦，紫心蕃薯，南瓜個蝦既大小都比想像中大一點但都真係好香脆，裡面既蝦肉有夠爽口紫心蕃薯原來都可以做到，外皮夠脆夠薄但裡面都甜甜的南瓜就比較爽口了芝士蟹子反卷+花之戀我自己就非常鍾意食日式食品特別是有飯個一種(因為這樣才可以飽)芝士蟹子在我心中應該是非常膩的但吃起來配搭都唔錯，爽口之中帶有咸香花之戀的三文魚普普通通跟刺身個D差不多，不過都好有鮮味movenpick ice-cream真美味每一個人只可以吃一個吃得飽飽結果就唔洗夜晚餓住肚子睡覺了😁